تحب تغير مصر ؟؟ نعمل ايه ؟

[شاعر الحب]

السلام عليكم ورحمة الله وبركاته

فى الاول احب اقول ان مصر بجد بلد جميله
مصر كمكان مش سكان
يعنى
موقعها فى الخريطة
مواردها
مساحتها
عدد سكانها ":" كبير صحيح ورقم مهول بس ممكن يبقى مفيد لو اتوظف صح ":"


المهم

موارد موجوده وايد عامله مفيش اكتر منها عايزن ايه تانى
بيتهقلى مصر كمكان مؤهله لانها تكون من اكبر دول العالم

بس لو بصينا انها مشروع
نشوف محتاجين ايه علشان ينجح ونبقى دوله كبيره على الاقل غنيه مش فقيره
قلنا الموارد موجوده والايد العامله موجوده يبقى ناقص الاداره ( ولا فى حاجه تانى ؟؟)

انا كده شايف ان العيب فى الاداره

طب نعمل ايه علشان نخلى الاداره ناجحه ؟؟
نغيرها ؟
ننصحها ؟ طب مين الل هينصح ؟ واذاى ؟ نوصل صوتنا اذاى ؟؟؟
الشباب عايش وهو عايز مطالب كتيير


اذاى نحققها ؟
ازاى نغير الفكر القديم ؟ وصح ان احنى نغيرو ولا لاء لازم نعيش بطريقه جدودنا ؟؟ وزى ما قالو من فات اديمو تاه !!

كلدى اسئله عايزن اجابه عليها
طب مين هيجاوب
حد فاهم ولا حد مجرب
حد بيحب مصر ولا عندو هدف شخصى
الشباب وال الناس الكبيره الاقديمه فى البلد

ولو جاوبو مين هيسمعهم

لازم نفكر ازاى نتغير للأحسن

فى ناس بتقول ابدأ بنفسك
طب وبعدين انا اتغيرت بس الظروف مش مسعدانى دى مش حجه بقولها بس ده سبب
مثلا
شاب مستهتر ومكنش بيهمو
اتغير وقال خلاص انا هشتغل وهعتمد على نفسى
مش لاقى شغل
ولما لقى شغل
بمرتب يدوب يكفى مواصلاتو واكل وشرب
ده لو كفى
يبقى دى مش حجه ده كده سبب
قولولى بقى يعمل ايه

سؤال لكل واحد يشوف الموضوع ده ويقراه


نعمل ايه ؟
احنى شباب عايزن نكون مستقبلنا نعمل ايه ؟
ياريت كل الناس ترد حتى لو مفيش حلول بس نعرف ان فى ناس حاسه بينا
ولا احنى الشباب على الهامش ومفيش حد بيعبرنا
لدرجه ان معظم الشباب راحلو للمخدرات جرى
وبيهيقلى ان الفتره دى اكبر فتره انتشرت فيها المخدرات فى مصر
وبردو عايزين نعرف ايه السبب

ياريت كل الناس تتفاعر ونتكلم وشوف ممكن نوصل لحاجه على الاقل تصبرنا شويه



شاعر الحب

[yoyo.vet]

علينا ان احنا نقف ايد واح ونتحد ونتعاون علي البر والتقوي ولانتعاون علي الاثم والعدوان
نقدم افكارنا العلمية ونساهم في خطط التنمية والتقدم
ويعمل كل منا في مجاله
وفي الآخر ندعي لربنا ان يصون بلدنا مصر"أم الدنيا"

شكرا اخي شاعر الحب علي عرض تلك الموضوع

[شاعر الحب]

السلام عليكم ورحمة الله وبركاته



علينا ان احنا نقف ايد واح ونتحد ونتعاون علي البر والتقوي ولانتعاون علي الاثم والعدوان



كلام جميل جدا جدا ويارب ننفذو
بس بردو اذاى
قوليلنا طريقه وامثال
كل واحد يشغل عقلو
طب ما العقل وقف لانو من فتره مبيشتغلش
مبنفكرش فى حاجه
ده غلط اننا منفكرش واحنى عايزين نتغير اذاى بقى





نقدم افكارنا العلمية ونساهم في خطط التنمية والتقدم



جميل جدا
نقدمها لمين بقى
ولازم اللى نقدمهالو نبقى عارفين انو على الاقل هيبص عليها ويفكر فيها مش هتتشال ورق مركون وفى الاحصائيه بتاعت كل سنه نزود العدد واحد
الاحصائيه لما بيقولو فى 10000 مشروع اتأدم للحكومه ومفيش حاجه اتنفزت
هل فعلا هتنفز افكارنا دى ولا لاء



ويعمل كل منا في مجاله





ماشى انا معاكى
بس قوليلنا احنى مجالنا ايه اصلا
واحد دخل كليه تجاره وهو اصلا مش بيحبها بس دخل علشان التنسيق دخلو كده
لو لقى شغل فى مجال دراستو هيبقى مش بيحبو
هيتقال عليه بردو مش مجالو

ولو ملقاش شغل زى معظم الناس هيعمل ايه
هيشتغل اييييى حاجه
المهم ميعدش فى البيت وياخد المصروف زى زمان
وبردو ممكن يشتغل وياخد المصروف علشان يكمل باقى مصريفو
هو ده مجالو اللى انتى بتقولى عليه
فهمينا ؟؟؟؟؟





وفي الآخر ندعي لربنا ان يصون بلدنا مصر"أم الدنيا"



كلنا بندعى ربنا انو يحرصهالنا ويغيرهالنا
يارب مصر تتغير للأحسن

شكرا يا يويو على التفاعل مستنى ردك



شاعر الحب

[ميرووو]

السلام عليكم ورحمة الله وبركاته
شاعر الحب

واضح من موضوعاتك مدى عشقك لمصر ,واكيد كلنا بنحب مصر بس فيه اللى بيحبها علشان عايش فيها ,ويمكن يكون مخرجش بره حدودها ,وفى اللى بيحبها ونفسه تتقدم بجد ,بلدنا جميلة قوى ,وشعبها طيب وقلبه ابيض ..

لكن المشكلة اننا مابنحاولش نعمل حاجة علشان بلدنا تتغير وتكون فى مكانة افضل ,دايما بنتكلم وبنفتخر بحضارات مش احنا اللى صنعناها


مفيش بلد بتتقدم الا اذا كان ولادها ايد واحدة ,

مفيش بلد بتتقدم وشوارعها مليانه بالمتسولين واطفال الشوارع ,

مفيش بلد بتتقدم ومعظم شبابها الحاصلين على مؤهلات عليا ياقاعدين على القهاوى ومستنين الفرج ,يااما بيفكرا يهجوا من البلد

مفيش بلد بتتقدم وكل واحد فيها عايش مع نفسه ولنفسه ,وماعندوش استعداد لتحمل اى مسئولية ..

علشان امكانياتنا تكون احسن ونقدر نستغل مواردنا البشرية بشكل افضل ,لازم التغيير يبدأمن التعليم ,للاسف عشرات الالآف من الشباب بيتخرجوا ,وبيتعرضوا لصدمة كبيرة لما بيدخلوا سوق العمل لان للاسف التعليم فى مصر مش متوافق مع احتياجات سوق العمل

يعنى انا شايفة علشان نتغير بجد يبقى التغيير لازم يبدأمن التعليم ..

بارك الله فيك اخى الكريم

دمت فى حفظ الله ورعايته

[ايمان الشربينى]

انا شايفة ان مصر فيها كل حاجة الا حاجة واحدة بس هى الضمير ولو دة اتوجد هنتقدم كتير وكمان معتقدش ان اللى بتقول علية ممكن يحصل مادام مفيش حد واقف ورانا يمدنا يحمينا يعنى احنا زى ماقولت عايشين على الهامش رغم اننا قلب الامة ومحورها واحنا المفروض نشيل البلد بس احنا ملناش اى دور وانا راى بقة مادام الدولة رفعت ايديها عن كل حاجة ان طكل واحد يحل مشاكلة بنفسة

[شاعر الحب]

مادام الدولة رفعت ايديها عن كل حاجة ان طكل واحد يحل مشاكلة بنفسة


طب نحلها ازااااااااى

[yoyo.vet]

السلام عليكم ورحمة الله وبركاته






كلام جميل جدا جدا ويارب ننفذو
بس بردو اذاى
قوليلنا طريقه وامثال
كل واحد يشغل عقلو
طب ما العقل وقف لانو من فتره مبيشتغلش
مبنفكرش فى حاجه
ده غلط اننا منفكرش واحنى عايزين نتغير اذاى بقى

الناس اتولد اخي شاعر الحب مخها لسه مفهش حاجة وبيتمليء حسب البيئة اللي بيتربوا بها
احنا ممكن نبدا بالنشيء وبتوعيتهم
وبكده هيشتغل وهينتج لنا عباقرة





جميل جدا
نقدمها لمين بقى
ولازم اللى نقدمهالو نبقى عارفين انو على الاقل هيبص عليها ويفكر فيها مش هتتشال ورق مركون وفى الاحصائيه بتاعت كل سنه نزود العدد واحد
الاحصائيه لما بيقولو فى 10000 مشروع اتأدم للحكومه ومفيش حاجه اتنفزت
هل فعلا هتنفز افكارنا دى ولا لاء

انا عارفة ان الموضوع صعب
بس احنا مفروض اننا دولة ديمقراطية
ولو الدولة ما اخذتش بافكار ابنائهم وسواعدهم الفتية
يبقي علي رايك عمرنا ماهنتقدم




ماشى انا معاكى
بس قوليلنا احنى مجالنا ايه اصلا
واحد دخل كليه تجاره وهو اصلا مش بيحبها بس دخل علشان التنسيق دخلو كده
لو لقى شغل فى مجال دراستو هيبقى مش بيحبو
هيتقال عليه بردو مش مجالو

ولو ملقاش شغل زى معظم الناس هيعمل ايه
هيشتغل اييييى حاجه
المهم ميعدش فى البيت وياخد المصروف زى زمان
وبردو ممكن يشتغل وياخد المصروف علشان يكمل باقى مصريفو
هو ده مجالو اللى انتى بتقولى عليه
فهمينا ؟؟؟؟؟

هوده فعلا اللي بيحصل في الايام دي
محدش بيدخل مجاله المستقبلي بمزاجه اللي بيدخلنا هو التنسيق وانا مجربة
لكن لازم نعود نفسنا ونتكيف مع ظروفنا ونحاول نحب دراستنا
ونبتكر فيها كمان
اما لو محصلش فتبقي دي المشكلة




كلنا بندعى ربنا انو يحرصهالنا ويغيرهالنا
يارب مصر تتغير للأحسن

ياريت بجد لان مش دي مصر اللي زكرت اسمها في القران
مصر بلد الخير والامان

شكرا يا يويو على التفاعل مستنى ردك



شاعر الحب


اتمني اكون عرضت جزء من رايي
وخلينا نبعد عن السياسة شوية
ولا ايه اخي شاعر الحب:blink:

[شاعر الحب]

كلام جميل جدا

وفكرك حلو بس انا عايز اعرف ننفزو ازاى

الشعب المصرى كلو بيفكر
بس ننفز ازاى

دى الفكره
عايزين طريقه التنفيز





وخلينا نبعد عن السياسة شوية
ولا ايه اخي شاعر الحب


معلش بقى اصلى داخل الجيش الاسبوع ده
وهيضيع من عمرى سنه ونص
ولازم افكر شويه فى المستقبل

مستنين تفاعل كتير

[yoyo.vet]

كلام جميل جدا

وفكرك حلو بس انا عايز اعرف ننفزو ازاى

الشعب المصرى كلو بيفكر
بس ننفز ازاى

دى الفكره
عايزين طريقه التنفيز

اولا نبدا بنفسنا
ولاضير من المحاولة لتحقيق الطموح
كما قال الشاعر
إذا ماطمحت في غاية *** ركبت المني ونسيت الحذر
ومن لايحب صعود الجبال *** يعش ابدا الدهر بين الحفر
ممكن نعمل حملات توعية بداية من النشيء حتي الكبار
نبدا بافراد اسرتنا واذا كل واحد بدا من نفسه الناس هتقلده وبكده ممكن نقدر نغير حاجة
وممكن نعمل دورات تدريبية
واشياء من هذا القبيل




معلش بقى اصلى داخل الجيش الاسبوع ده
وهيضيع من عمرى سنه ونص
ولازم افكر شويه فى المستقبل


مستنين تفاعل كتير

من حقك طبعا تفكر في مستقبلك
شباب اليوم هم رجال الغد وقادة المستقبل

[mimostar]

انا هتصل 122 واخلص نفسي
وانتو هناك هتلاقو الحل الاكيد

[(المصرى)]

بسم الله الرحمن الرجيم
اولا احب اقولك ان موضوعك دة جميل جداااا
وثانيا انا اقولك على حاجة بسيطة جدااا ودة اللى حصل معايا
انا راجل فنى صيانة مكانيكة الماكينة دة شغلى
كل ما افكر فى مشروع ازود بى انتاج الماكينة محدش يوافق عليا ابدا
ربنا وفقنى اشتغلت فى الشركة الشرقية للدخان
انا قولت اكيد هما ممكن يسعدونى بس مع الاسف ردو ا عليا وقولو لما تسافر اللمانيا ابقى اقولهم على مشروعك
حد يقولى انا بقى ذنبى اية
بس بردو فى الاخر انا بحب مصر ومقدرش اقول حاجة تانية
تحياتى ليك يا غالى على هذا الموضوع
المـــــــــــــصرى

[شاعر الحب]

إية رأيكم فى الموضوع دة بعد الثورة مع العلم انو مكتوب من زماااااااااااان
وكان من شاب وبيتكلم عن الشباب

[الحب صدفه]

اولا تسلم ايدك


ثانيا انت كاتب الموضوع ده من حوالي ثانتين


اهوه الدنيا بدأت تتغير للأحسن بس نحاول نصبر ونقول يارب مع ان احنا لازم نكون ايد واحده ونكون ديما صحين

[شاعر الحب]

شكرا ياصدفة على المرور والإهتمام