المساعد الشخصي الرقمي

مشاهدة النسخة كاملة : لا سحر ولا شعوذة ؛....



non-stop
2008/10/22, 12:32 PM
بسم الله الرحمن الرحيم









http://www.beetco.com/uploader/uploads/images/beetco-10a7aff631.jpg (http://www.beetco.com/vb/)
٢٢/ ١٠/ ٢٠٠٨






http://media.gazayerli.net/photo.aspx?ID=89728&ImageWidth=240
محمد الحاوى يؤدى إحدى فقراته




ليس غريبًا أن يحتفظ بـ«الجاز» فى فمه،
وبعد ثوان تنطلق منه النيران أو أن ينام فوق لوح من المسامير الحديدية
طولها 10 سنتيمترات،
لأنه منذ ٤١ عامًا لم يعرف سوى هذه المهنة التى يرتزق منها بلقمة حلال.

بين مقاهى وسط البلد وإلى جوار البنك المركزى المصرى فى شارع علوى يحلو
لـ«محمد الحاوي» أن يقدم فقراته، ليثبت لجمهوره من رواد المقاهى قدرته
على «بخ النار» والنوم فوق المسامير،
وفى النهاية يمر عليهم ليحصل على نقود قليلة تكفيه وأسرته بالكاد.

قبل أن يبدأ «الحاوي» فقرته ينادى فى الناس بصوته الغليظ:
«اتعظ يا ابن آدم، هنشوف مع بعض، عشان لقمة العيش المر، أخرة النار دى إيه..
وكل من له نبى يصلى عليه»،
ثم يعطيه مساعده زجاجة «جاز» يشرب منها كمية قليلة ويحتفظ بها فى فمه،
ويمسح وجهه وفمه جيدًا من «الجاز» حتى لا تشتعل فيه النيران،
ثم يبدأ فى إطلاق لهيب النار من فمه والناس حوله تتابعه بتركيز شديد:
«لازم آخد بالى لأن النار ممكن تمسك فى حد واقف أو ماشي، وكمان باخد بالى عشان
النار ما تلسعنيش».

ومع ذلك لم يسلم «الحاوي» من لسعات النار فى وجهه أو يديه لكنه يخفيها،
لأن لديه قوة تحمل تجعله يتماسك حتى لا يظهر ضعيفًا أمام الجمهور:
«ما ينفعش أتلسع وأبين إنى اتلسعت.. النمرة دى بتاعتي».

ولأن قدميه أرهقتهما كثرة السير فى الشوارع حاول «الحاوي» أن يجرب نفسه فى
عمل آخر: «جربت شغلانات كتير.. بس أحيانًا كنت بحس فيها بإهانة وأنا ما بحبش
كده.. أنا بحب الحرية».

ولا يكتفى «الحاوي» بوسط البلد فقط بل ينتقل منها إلى فيصل والعباسية والجيزة
ومدينة السلام، لكنه لا يعمل بانتظام، إذ يعمل يومًا ويجلس فى البيت يومًا آخر وهكذا.
ويفرح «الحاوي» بإعجاب الجمهور به، ويقف مزهوًا بنفسه عندما يلاحظ أن أحدًا
أعجب بفقرته وراح يصوره بكاميرا المحمول.

وفى ختام فقرته، يردد «الحاوي»: «حلوة صلاة النبي.. اتعظ يا بن آدم.. قول يارب..
هاشوف رزقى م الناس الطيبين.. كل عام وهما طيبين.. اللى عنده جودة يقدمها..
واللى معندوش.. صاحب الأرزاق موجود.. اللى ها يفتح الباب م الناس..
إلهى باب السما يفتحها عليه،
والخضرة تكون ما بين إيديه.. ويجعلها سنة بيضا عليه.. ويرضى عليه والديه».




Non-Stop
:Egypt:

همووسه
2008/10/22, 2:12 PM
ميرسي كتير على الخبر
جزاك الله خيرا

non-stop
2008/10/22, 3:16 PM
السلام عليكم ورحمة الله وبركاته

بارك الله فيكي اختي
همووسـه
علي مرورك العطر ...