كيف تختاري الورد المناسب ليوم زفافك؟؟

[بووتي]

زفافك على ذوقك




http://www.boswtol.com/mastaba/images/217/kamar_18.jpg






-1-

استايل بوكيه الورد اللي هتمسكيه في إيديك يكون هو نفسه استايل الورد المستخدم في تزيين القاعة وده علشان يكون فيه تناغم بين شكل بوكيه الورد اللي في إيدك وبين باقي الورد الموجود في القاعة.



-2-

حاولي وإنت بتختاري الورد إنك تختاري أنواع من الزهور الموجودة في الموسم اللي هتتجوزي فيه وبلاش تدوري على ورد معين في غير أوانه؛ لأنه هياخد منك وقت كبير في البحث ولو لقيتيه هتلاقيه محتاج فلوس كتيرة علشان كده اختاري الورد المتاح قدامك.




-3-

حاولي تختاري ألوان الورد وأنواعه اللي تتلاءم مع شخصيتك ومع جو الفرح... أكيد بتسألي نفسك وتقولي: يعني إيه الكلام ده؟ ماتخافيش حالا هاقولك....
يعني مثلا



http://www.3roos.com/forums/images/smilies/biggrin.gifالعروسة الرومانسيةhttp://www.3roos.com/forums/images/smilies/biggrin.gif




http://www.boswtol.com/mastaba/images/217/kamar_03.jpg

لو كنت بنت رومانسية وناوية الفرح يكون فيه مثلا أغاني بتدل على الرومانسية في الحالة دي لازم تختاري نوع معين وألوان معينة من الورد بتدل على الكلام ده..
يعني مثلا ممكن تختاري بوكيه ورد يكون عبارة عن باقة من الزهور الطبيعية المنظمة بشكل تدريجي وياريت كمان تلفيها بشريط ستان صغير.
وبالنسبة لورد القاعة فممكن تجملي المكان بأقواس من الورود مع وضع بعض الأزهار في فازات لونها دهبي وفيه حاجة حلوة قوي ممكن تعمليها علشان تدي شكل لطيف للقاعة هي إنك تنشري أوراق الورد على الترابيزات.

وعلى فكرة أكتر أنواع الزهور اللي بتناسب البنت الرومانسية هي الأنواع دي..




http://www.boswtol.com/mastaba/images/217/kamar_04.jpg


ويا ريت ألوان الورود المستخدمة في البوكيه أو في القاعة تكون "حمراء أو روز أو بيضاء.






http://www.3roos.com/forums/images/smilies/biggrin.gifالعروسة الكلاسيكيةhttp://www.3roos.com/forums/images/smilies/biggrin.gif





http://www.boswtol.com/mastaba/images/217/kamar_05.jpg

فيه عرائس كتير بيحبوا إنهم يعملوا فرحهم بشكل كلاسيكي تقليدي وده بيميز أكتر الناس اللي بتحب الهدوء وفي الوقت ده يا ريت بوكيه الورد يكون عبارة عن مجموعة من الزهور المرتبة بشكل دائري متناسق مربوطة بإتقان وسيقان الزهور تكون ملفوفة بقماش من الحرير ويا سلام بقى لو شبكتي بوكيه الورد بدبوس من اللؤلؤ هتلاقي الشكل بقى أحلى وأحلى.
وبالنسبة لورد القاعة هتلاقي أنسب حاجة إنك تحطي فازات كبيرة في منتصف كل ترابيزة بها زهور صغيرة تكون ألوانها هادئة جدا.

وأكتر أنواع الزهور المناسبة هي الأنواع دي




http://www.boswtol.com/mastaba/images/217/kamar_06.jpg




http://www.boswtol.com/mastaba/images/217/kamar_07.jpg




http://www.boswtol.com/mastaba/images/217/kamar_08.jpg




ولو عايزة تخلي القاعة فيها نسبة النباتات الخضراء كبيرة يبقى ممكن تضيفي نبات "اللبلاب" في الأركان أو بين الترابيزات..
وبما إن احنا بنتكلم عن الشكل الكلاسيكي فهتلاقي إن أنسب ألوان ممكن تختاريها هي الأبيض والكريمي الهادئ والروز الفاتح جدا.





http://www.3roos.com/forums/images/smilies/biggrin.gifالعروسة الروشة "المودرن"http://www.3roos.com/forums/images/smilies/biggrin.gif





http://www.boswtol.com/mastaba/images/217/kamar_09.jpg

لو كنتي بنت روشة ونفسك تعملي حاجة جديدة تشد الانتباه والكل يقعد يحكي ويتحاكى عنها لفترة طويلة يبقى يا قمر لازم تختاري زهور ذات ألوان مليئة بالحيوية.

فبالنسبة لبوكيه الورد اختاري فيه مجموعة ألوان
كثيرة بس خدي بالك إن لونها يكون متناسق
مع بعضه وممكن تزينيها بمشبك أو بروش أو بالأحجار الكريمة أو الريش.
بالنسبة للقاعة هتلاقي إن أحسن حاجة إنك
تحطي فيها الفازات على مستوى عال في
منتصف كل ترابيزة وممكن تستخدمي الشمع
الملون لتزيين القاعة مع الورد.
أكتر أنواع الزهور المناسبة هي




http://www.boswtol.com/mastaba/images/217/kamar_10.jpg




http://www.boswtol.com/mastaba/images/217/kamar_11.jpg


وبالنسبة إلى الألوان بما إنك عروسة روشة يبقى هتلاقي الألوان المناسبة ليكي هي البنفسجي بدرجاته والبني (لون الشيكولاتة) والفضي والأصفر الشاحب
.



-4-

لو كان الفرح في البيت فإنت لازم تراعي حاجات معينة في الزهور اللي هتزيني بيها البيت فتكون




http://www.boswtol.com/mastaba/images/217/kamar_12.jpg

زهور ألوانها تناسب لون المكان والفرش وممكن تجيبي مجموعة من الفازات وتحطي في كل واحدة منهم وردة واحدة وأحسن أنواع الزهور المناسبة هي زهرة اللؤلؤ الأبيض براعم الليلك (lilac)، سيقان التوليب (tulip) والأوركيـدا (orchid).
وبالنسبة للبوكيه لازم يكون بسيط ومربوط
بطريقة سهلة وغير معقدة وممكن تزينيه ببعض
عقود اللولي ويا ريت تختاري للبوكيه بعض
الزهور الصغيرة وبراعم الزهور وبالنسبة إلى الألوان
هتكون الأخضر والأزرق والأبيض أو الكريمي.




-5-

وبالنسبة للشكل اللي المفروض يكون عليه البوكيه
فالشكل التقليدي للبوكيه اللي كان بياخد شكل
منسدل أو الطويل مابقاش موضة والموضة
دلوقتي هو الشكل المستدير.




http://www.boswtol.com/mastaba/images/217/kamar_13.jpg





http://www.3roos.com/forums/images/smilies/biggrin.gifازاي تربطي البوكيه وتمسكيه؟!http://www.3roos.com/forums/images/smilies/biggrin.gif






http://www.boswtol.com/mastaba/images/217/kamar_14.jpg

بعد ما عرفتي ازاي هتختاري ورد البوكيه باقي حاجة مهمة جدا وهي ازاي تجمعي الورد ده وتربطيه مع بعضه بشكل شيك ودي حاجة بسيطة قوي...

كل اللي هتحتاجيه:
• ورد طبيعي.
• شريط لاصق.
• قطاعة.
• مقص.
• حبل أو سلك.
• متر تول أو ستان.
الطريقة:
1. قسمي الأزهار في مجموعات بالشكل اللي إنت عايزاه.
2. امسكي بالساق الرئيسي لكل مجموعة من الزهور
(يجب أن يكون طول كل ساق حوالي 14- 18سم).
3. أحكمي كل مجموعة بالسلك وبعد كده
اربطيها بالشريط اللاصق.
4. اجمعي كل المجموعات مع بعضها بالتصميم
اللي إنت عايزاه ثم اربطيهم بالسلك ثم الشريط.
5. أضيفي بعض الأوراق الخضراء لقاعدة الورد
ثم أحكمي ربطهم بالشريط.
6. بعد ما تتأكدي إنك ربطيهم كويس لفي الورد
بالتول من قاعدة الورد واربطيه كويس وعلى
فكرة ممكن تستخدمي شرائط ملونة للتزيين.




http://www.3roos.com/forums/images/smilies/biggrin.gifازاي تمسكيه؟!http://www.3roos.com/forums/images/smilies/biggrin.gif




http://www.boswtol.com/mastaba/images/217/kamar_15.jpg

دلوقتي مش فاضل غير أهم حاجة لازم نتكلم عنها وهي ازاي تمسكي البوكيه وده لأن مش كل أنواع البوكيهات بتتمسك بنفس الطريقة..
فهتلاقي مثلا




http://www.3roos.com/forums/images/smilies/biggrin.gifالبوكيه المدور أو على شكل قلب أو مدرجhttp://www.3roos.com/forums/images/smilies/biggrin.gif




http://www.boswtol.com/mastaba/images/217/kamar_16.jpg

بيتمسك بالشكل التقليدي ومن الأمام ولازم يكون منخفض عشان يبان الجزء الأمامي من فستانك وتمسكيه بإيدك الاثنين كما لو كان ذراعك مسنود على وسطك واوعي إن البوكية ييجي ناحية الوسط أو الصدر عشان مايغطيش تفاصيل فستانك.




http://www.3roos.com/forums/images/smilies/biggrin.gifلو كان البوكيه صغير أو فيه عدد زهور قليلةhttp://www.3roos.com/forums/images/smilies/biggrin.gif




http://www.boswtol.com/mastaba/images/217/kamar_17.jpg
ممكن تمسكيه بإيد واحدة وعلى جنب بس بمستوى منخفض برضه.
وخدي بالك إنك تمسكيه بطريقة مناسبة وطبيعية عشان يديكي شكل فخم وصورتك كمان وإنتي ماسكة

[ميرووو]

ماشاءالله عليكى ياقمر

موضوع رائع ,وده مش جديد عليكى

تسلم ايدك على النصائح الغالية وموضوعك المفيد

وعقبال فرحك ياقمراية


http://www.ashefaa.com/picup/uploads/eae7634bd1.gif (http://www.ashefaa.com/picup)

[بووتي]

شكرا ليكي يا ميروو
على مرورك يا جميل
وعقبالك انتي كمان

[kotomoto88]

http://www.w6w.net/album/35/w6w_w6w_200504290110112772f3b3f50.gif

[بووتي]

شكرا لتواجدك
يا كوتوموتو

[mayalonly]

السلام عليكم ورحمه الله وبركاته
بارك الله تعالي فيكي اختي الرقيقه الجميله
بووتي
علي اجمل واروع وارق موضوع
وهذا ليس بجديد عليكي
التالق هو عنوان مواضيعك
وعقبالك يارب لما اجي اختارلك احلي
واجمل واروع وارق بوكيه ورد
في يوم فرحك عن قريب باذن الله
وربنا يحفظك ويسعدك ويقدم لكي كل خير
ودمتي في حفظ الله اختي

[ام رحال]

موفق بإذن الله ... لك مني أجمل تحية .

[houda8]

ما شاء الله عليك الافكار جميلة و الورود تجنن تسلمي

[بووتي]

السلام عليكم ورحمه الله وبركاته
بارك الله تعالي فيكي اختي الرقيقه الجميله
بووتي
علي اجمل واروع وارق موضوع
وهذا ليس بجديد عليكي
التالق هو عنوان مواضيعك
وعقبالك يارب لما اجي اختارلك احلي
واجمل واروع وارق بوكيه ورد
في يوم فرحك عن قريب باذن الله
وربنا يحفظك ويسعدك ويقدم لكي كل خير
ودمتي في حفظ الله اختي

شكرا ليكي يا مايااا
ولمرورك الي زي العسل

[بووتي]

موفق بإذن الله ... لك مني أجمل تحية .
نورتي يا ام رحال بيتك التاني



ما شاء الله عليك الافكار جميلة و الورود تجنن تسلمي
ومرورك الاحلى يا سكر