شعبولا يغنى لبوش بعد الجزمه

[shoaib]

خلاص مالكش لازمة يا بوش يابن اللذينا

تستاهل الف جزمة عاللي انت عملته فينا

وجه اليوم يا واطي ووشك اتفضح

وشافوك الناس مطاطي من جزمتين شبح

الجزمة كانت مفاجأة كمان زي الزيارة

والدنيا بحالها فرحت والناس فضلت سهارى

يا قلوب كتير حزينة قومي يلا ابتسمي

شوفي بوش وهو خايف والجزمة بتترمي

بصراحة ماقدرش اغشك واقولك زعلت عليك

يا ريتها جت في وشك وخزقت عينيك

صدام اللي انت دبحته في اول يوم العيد

اهو ربك خد بتاره وفي نفس المواعيد

تحية عشان منتظر وتحية لجزمته

فرحنا كتير في بوش في اخر خدمته

بجزمتين في وشك هاتسيب امريكا على نارك

ويا عيني مش هاتلحق يا بوش تاخد بتارك

في ناس كتير بسببك في الدنيا متبهدلة

بتقول يا ريتها كانت صاروخ او قنبلة

العالم كله شافك وبالسعادة حس

الجزمة زي الكورة وداخلة في المقص

مليون شهيد واكتر في الجنة فرحانين

ربك كبير وقادر يهد المتفرعنين

ضيعت شعوب كتيرة من هنا ومن هنا

ومش خسارة فيك جزمة معفنة

[احمد شوقى]

السلام عليكم ورحمة الله وبركاته جميله جدا يا شعبله تنفع تقال فى الازاعه المدرسيه [/[align=center]align]Shoaibشكرا

[امل بكرى]

يا سلام على الكلام الخارج من القلب و واصل لقلب كل انسان بيحب الانسانية وبيكره الوحشية
اللـــــــــــــــــــــــــــــــة عليك .
محبة الانسانية /امل

[محب الله]

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
مقبولة وهسيب الموضوع موجود مش هحزفة لانى بصراحة عايز الكل يقراة
بجد
هههههههههههههههههههههههههههههههههههههه