من غير كسوف

[الملاك البرئ]

من غير كسوف بنقول
اللي اختشوا ماتوا
نمشي في طريق مجهول
خالع خلجاته
واللي افتكر أو قال فاتحه لامواته
بنقول ده دمه تقيل
ح يخف بسكاته
ارموه في طريق مهجهور
أو بير يكون مهجور
أو بير يكون مسحور
أو كتفوه وادفنوه
علي مله اخواته
وان رحتوا يوم سكته
ح تحكوا وتنكتوا
علي ايه بتتبكتوا
ع الحي في مماته
حسره علي اللي راح
كان واد صحيح فلاح
جدع وشهم واصيل
ما رضيش يضيع ويميل
ولا رضي يوم يتفضح
يخلع خلجاته
ساب الطريق واختشي
واللي اختشوا ماتوا



مما قرأت