نفسى اموت شهيد

[(المصرى)]

http://faculty.ksu.edu.sa/70141/PublishingImages/علم%20مصر.gif


حوار الشجعان ...فى حب الوطن
http://www.ebnmasr.net/forum/images/smiles/icon12.gif

أسم الجدع عبد العزيز
ولد من ولادك يا مصر
مات شهيد
عمره ما خاف من عدو
قلبه حديد
واحنا قاعدين فى الدشمه نتسامر
ونسمع صوت أنفجار
كان يقول
عايز أحارب
كنا نقوله
يا عم عبده دول
اللى بيضربونا الأمركان
عارف يا صولنا
م الجنود يبقوا كام
كان يرد باأبتسامه
هو العدد مش فى الليمون
دى أرضنا أصلنا
لما نحارب كلنا
تنضم لنا جنود ملايكه
بتفوق عددنا كلنا
جيشنا وجيش اليهود
حاملين سلاح ليهم جناح
مش زينا
عبد العزيز يا خلق مصر
كان بيتمنى يكون شهيد
جسمه نحيف
وقلبه كان فولاز قول حديد
ساكن فى شقه بيقول عليها
قصر الزيتون
كان ليا أخ
لا مش أخ
كان هو أهلى وعزوتى
كنت أضحك لما أقوله
أنت القدر فى سكتى
تاخد سيجارة أبيض
كان يقولى دى سجارة خرعه
زى الحريم
وفى يوم قال أنتباه
التبه دى وراها حاجة
مين فينا جدع
أنت يا سامى
أبو الجدعنه ونفسك معايا
تموت شهيد
قالى نصعد
كنت ابص
أشوفه فارس
رجله هى حصانه
وهو فارس
من حديد
اشوفه نفسى
فى المرايا
كأنه تؤم
مولود معايا
ولما وصلنا للنهاية
قال يا رب أموت شهيد
حاسب يا أفندم
يا صولنا عبده فيه كمين
قام بأيده راح زققنى
بكل عزمه فى قلب صدرى
خلانى أرجع ع اليمين
وشوفت وابل م الرصاص
بيترشق جوه صدره
وهو واقف مثل الصخر
والدم سايل والطرطشه
غرقت كل حته فى جنيفه
الصحارى
نبتت زرع أخضر
وكأنها أتروت
بميه نيل
ووقفت أبص على
صولنا عبده
وهو واقف ورصاص
اليهود بترشق
جوه قلبه الحديد
الدموع نزلت على خدودى سيول
وبقيت أنهنه زى الحريم
وشوية أضحك
كأنى طفل مولود جديد
يمكن عشان دى أمنيتك
يا صولنا عبده
تموت شهيد
--------------
كتابات / حسن عمران
الشهيد / عبد العزيز أستشهد فى منطقة جنيفة بالسويس
قصة حقيقية من حرب أكتوبر




المصرى