بنت كلمت ولد شوفوا في الاخر طلع مين

[metota]

هذي قصه بنت اسمها ساره مدمنه على النت وكانت ما تترك النت الا الساعة 1 بالليل
في يوم من الأيام أضافها واحد ومسمي حاله ( الإمبراطور ) المهم مر أسبوع وهي ودها تعرف مين هذا
بعد ثلاثة أيام دخل هو الماسنجر وشافته طبعا انبسطت عشان بتفتح تحقيق



هو : الإمبراطور :
هاي



سوسو <<< اسم الدلع لسارا:
من انت



سوسو ::
ومن أين عرفت إيميلي وإزاي تضيفني عندك و مين أعطاك الايميل...الخ



الإمبراطور ::
بس على مهلك عليا شويه



سوسو :
يلا بسرعة جاوبني



الامبراطور :
ليه هو أنتي بنت



سوسو :
أيوه عندك مانع



الامبراطور :
لا بس أنا غلطان لأني كنت بضيف صديقي وطلع الايميل غلط



سوسو :
وليه تغلط هو أنت أعمي مش بتشوف



الامبراطور :
يا أخت قلنا آسف عن الغلط من البداية هو أنتي هتفتحي تحقيق معايا



سوسو :
ايوه تضيف بنات الناس ومش عايز حد يحقق معاك والله شباب فاضي مفيش دم



الامبراطور :
فرصه سعيدة يا اخت وآآسف مرة ثانيه وممكن انك تحذفيني او تسبيني لومش عاجبك الوضع



سوسو :

تقصد ايه



الامبراطور :
اقصد مع الف سلامه



سوسو :
ليه ما اعتقدش كلامي بيزعل



الامبراطور :
لا بس انا مشغول شويا باي



سوسو :
لحظه لحظه



الامبراطور :
تآمري بشئ



سوسو :



لا سلامتك بس ماقلتليش اسمك ايه



الامبراطور :
هههه ليه مهم



سوسو :
وليه الضحكه ما اعتقدش كلامي بيضحك



الامبراطور :
لا ابدا لكن كلامك في البداية كان غير كده



سوسو:
طيب آسفة على السؤال باي



الامبراطور :
باي

[metota]

وفضلت ساره حاقدة عليه لانه استفزها ولم يعطيها رد حلو



ومر يومين وما شافتوش في النت طبعا مدة طويلة لوحدة طول وقتها على النت



المهم لما دخل على الماسنجر على طول هي الي بدأت الكلام





سوسو :
أهلا



الامبراطور :
أهلا وسهلا



سوسو :
ازاي الحال



الامبراطور :
بخير



وبعد صمت طويل



سوسو :
آسفة الظاهر انك مشغول وأنا عطلتك



الامبراطور :
لا أبدا حبي لكن أنا بشتغل على البحث الخاص بيا ومش بدخل الماسنجر كثير



سوسو :
وشو حبك حبتك عقربه قول ان شاء الله



الامبراطور :
انت اتقلبتي ليه مره واحده كده



سوسو :
بس بأي صفه تقولي حبي



سوسو :
اعيب مش عليك العيب على اللي بيكلمك



الامبراطور :
سوري آنا آسف وحقك علي



سوسو :
سوري ولا لبناني مش مهم ودي آخر مرة تقول هذا الكلام



الامبراطور :
طيب ياصاحبه السمو اوعدك مش هعيدها تاني



سوسو :
الله عجبتني كلمه صاحبه السمو هو ده الكلام ولا بلاش



الامبراطور :
خلاص من انهارده هناديك صاحبه السمو عاوزه ايه اكثر من كده



سوسو :
طيب انا اناديك بإيه



الامبراطور :
هههههه
حلو ذكائك انا ناديني باسمي خالد



سوسو:
واااواسمك جنان حلو مش مثلي ما ليش حظي



الامبراطور :
كل واحد اسمه حلو ولايق عليه



سوسو :
ليه مش عايز تعرف اسمي



الامبراطور :
على راحتك اذا حابه تقولي قولي واذا مش حابه اكتفي بصاحبه السمو



سوسو :
طيب كم عمرك شكلك مش كبير



الامبراطور :
عمري 25 سنه



سوسو :
بس صغير



سوسو :
على فكرة أنا اسمي ساره وعمري 18



سوسو :
بقولك ايه انا معايا شله بنات نضيفهم بالمحادثه وندردش ايه رأيك



الامبراطور :
لا لا انا زي ما قلتلك عندي بحث ولازم اخلصه



الامبراطور :
باي



سوسو :
براحتك باي



××



وفضلت ساره تفكر فيه دائما وبعدها ظل لمدة ثلاثه شهور مش بيدخل النت



البنت اتجننت وقالت اكيد شافله شوفه ثانيه



وفضلت تفكر فيه لكنها كانت بتقول دائما هو غير الشباب اللي في النت هو غيرهم كلهم واحد ثقيل



مش هامه البنات



وبعد اسبوع....
××



الامبراطور :
يا مساء الخير والإحساس والطيبة



سوسو :
اهلا انت فين مقاطعنا



الامبراطور :
سلامتك لكن الاختبارات مش بترحم ودي آخر سنه ليا



سوسو :
ربنا يوفقك



الامبراطور :
وحشتيني مووت



سوسو :
انت اكثر



الامبراطور :
بجد؟ ما اعتقدش



سوسو :
والله مش بقدر على فرقاك بجد أتكلم معايا شوفلك صرفه



الامبراطور :
خلاص أنا عندي حل يرضي كلا الطرفين



سوسو :
ايه هو ؟



الامبراطور :
ايه رأيك أعطيك رقم الموبايل وإذا حبيتي تشوفيني على النت او وحشتك زي ما بتقولي ارسلي لي رساله



سوسو :
نعم نعم نعم لا انت تفكر ايه اوعى تفكر في يوم اني زي البنات اللي انت بتكلمهم انا بنت ناس ومتربيه وو .....



الامبراطور :
أسف لكن أنا ما قلتش هكلمك قلت ارسلي رساله وبس



سوسو :
خلاص غير الموضوع بسرعه



الامبراطور :
اوكي لكن ده رقمي اذا حبيتي تشوفيني مرة تانيه على النت أرسلي بس رسالة ××××××××



سوسو :
طيب باي


الامبراطور :
باي

[metota]

[metota]

طبعا ساره أخذت موقف من خالد لكنها ولشدة فضولها سجلت الرقم



المهم بعد كم يوم اشتاقت تكلمه او بالاخص عندها موضوع حبت تقوله عنه



فكرت وفكرت تعمل ايه او ازاي تشوفه في النت



فقالت لنفسها : ليه ما ارسلوش رساله زي ماقال هومش هيكلمني ولا انا هكلمه



المهم كتبت في رسالتها (( خالد معلش لو سمحت تدخل النت ضروري ))





المشكلة انه لم يرد عليها



مرت نص ساعة على هذا الوضع



اتقهرت البنت وارسلت رساله (( معلش آسفه على الازعاج ))



وكرهت نفسها بعد هذا الموقف انها تصورت انه مطنشها



وبعد ايام (( شافته على النت ولا كلمته وفضلت على هذا الوضع ربع ساعه ))



ملت وتنازلت انها هي الي تبدأ بالكلام



×××××××



سوسو :
السلام عليكم



الامبراطور :
وعليكم السلام



سوسو :
لو سمحت احذفني من عندك ومش عايزه اشوف وجهك بالماسنجر عندي تاني



الامبراطور :
ليه ايه اللي حصل

سوسو :
بعد الحركه اللي عملتها معايا مش عايزه اكلمك او حتى اشوفك في الماسنجر عندي



الامبراطور :
ليه لاسمح الله انا عملت ايه



سوسو :
لا انت برئ ما عملتش حاجه



سوسو :
بس طنشتني وانا كنت محتاجه لك اليوم ده



الامبراطور :
أي يوم



سوسو :
اقصد الرسايل اللي ارسلتها لك ما تستهبلش



الامبراطور :
آآآة تقصدي بتاعت النت



سوسو :
أيوه هي ليه مادخلتش النت او حتى قلت انك مشغول



الامبراطور :
لا ياعمري انتي فهمتي غلط انا افتكرته واحد من العيال وده رقمه جديد



سوسو :
خلاص بس انا آسفه ودي آخر مرة كانت لحظه طيش



الامبراطور :
يا عمري ما تقوليش الكلام ده وتاني حاجه انتي قلتي انك ما عايزه الرقم آخر مرة شفتك فيها



سوسو :
طيب قلتلك انسى الموضوع



الامبراطور :
طيب ايه هو الموضوع المهم اللي كنتي عايزه تقوليه



سوسو :
خلاص مفيش داعي



الامبراطور :
هتقولي ولا لا ؟؟؟؟ ما تعصبنيش



سوسو :
كل مافي الموضوع ان انا خطبني محمد ابن عمي طيب، وانا مش بحبه ولا بطيق اشوف وجهه



واهلي موافقين كلهم واخاف ارفض وعمي يزعل من بابا



الامبراطور :
والمطلوب



سوسو :
انصحني



الامبراطور :
شوفي انا مش سريع في الكتابه



يعني هتصل بيكي واقولك رايي لان الموضوع باين عليه طويل



سوسو :
لااااااااا انت مجنون



الامبراطور :
يا بنت الناس مش هآكلك وتاني شي انتي ما تتكلميش انا بس اللي هتكلم اوكي



سوسو : وبعد تفكير
طيب لكن انا مش هقول ولا كلمه


الامبراطور :
اوكي

[metota]

بعد ثواني
تررررن ( نغمه )



خالد : الوو



سارا :...... (صامته البنت تستحي)



خالد : طيب قولي الو انا كده مش هعرف اكلمك وانتي ساكته يعني كأني مجنون بكلم نفسي



سارا : (( بلا شعور )) لا سلامتك



خالد : الله يسلملي الصوت الحلو ده



سارا : (( لاتعليق ))



خالد : اوكي مش هطول عليكي انتي قلتي انك مش بتحبيه ممكن اعرف السبب



سارا : ضروري تعرف



خالد : اكيد عشان اقولك رايي



سارا :
(( ساراطبعا بلا شعور )) لانه واحد معقد وتافهه وماعندوش ذوق



خالد :انتي على طول خليتيه معقد ؟ اكيد في سبب



سارا : لا بس من طريقه كلامه واسلوبه وتاني شئ شايف نفسه مش عارفه على ايه كأنه مافيش حد درس جامعه غيرة



خالد : يعني المثقف عندك معقد او مغرور



خالد : انا طيب مهتم بدراستي فوق ما تتصوري



سارا : لاااااا انت غيره



خالد : من أي ناحيه



سارا : كلك على بعضك حلو



خالد : احم احم



خالد : كله من ذوقك يا عسل



سارا :ربنا يخليك قالتها بكل خجل



خالد : المهم اذا كنتي لدرجه دي مش بتحبيه خلاص ارفضي واللي يحصل



ساره:طيب ممكن طلب



خالد : آمري



سارا : ممكن ترسلي صورتك



خالد :هههههه لا طبعا



سارا : طيب آسفه



خالد : لاياعمري ماتزعليش انا بجد مش وسيم وخايف تتصدمي



سارا :طيب اوصفلي نفسك



خالد : احم احم طبعا انا قصير واسمر وشعري مش حلو قوي



سارا :ههههههههه ايه ده









خالد :طيب هذا ابن عمك حلو



سارا : ياه تخيل طويل وابيض عيونه عسلي وشعرة ناعم مثل جواد العلي



خالد : هههههه هذا الي قاطع قلبكم يا بنات جواد



سارا : لا بس ماشاء الله عليه وسيم يمكن احلى مني



خالد :ليه انتي مش حلوة



سارا : لا قمر واحلى من القمر كمان بس انا متواضعه



خالد : هههههه واضح متواضعه



سارا : اووو خالد الساعه 2 الوقت سرقنا واناعندي بكرة مدرسه



خالد : اوكي عمري مش هطول عليك لكن بكرة في الصبح هتصل عليكي اوكي



سارا : اوكي مع السلامه


خالد : تصبحي على خير

[metota]

جلست سارا الصبا ح وهي متأخرة على الدوام
وطبعا اعطوها حرمان من الحصه الاولى



جلست بالساحه تفكر بخالد وفجأة رن الموبايل



خالد : الو



سارا : الوووو



خالد :صباخ الخير



سارا : الله كنت بفكر فيك



خالد : فعلا ولاكنتي ولا كلام بس



سارا : انت شايف ايه



خالد : ماقلتيليش ماعندكيش حصه دلوقتي



سارا : لا عندي بس حرموني منها لاني رحت متأخره



خالد : ماعاش من يزعل عمري



وفضلت سارا وخالد على هذا الحال كل يوم تكلمه مش بتسيب حاجه إلا وتقوله عليها



ورجع في يوم من الايام ابن عمها وتقدم لها للخطبه



لكن اهلها المرة دي غصبوها على الموافقه



ووافقت بعد تردد وتفكيرطويل



واتصل خالد :
الووو
عمري ازيك



سارا :اهلا يا حياتي ازيك



خالد : تمام



سارا : خالد عايزه اقولك على حاجه



خالد : ايه هي تعبانه او مريضه



سارا :
لا حياتي لكن ابن عمي رجع خطبني مرة تانيه واهلي غصبوني عليه



خالد : طيب ( يعني ايه )



سارا : يعني انا وافقت عليه وبقى خطيبي وبعداسبوع كتب كتابي عليه



خالد : طيب تحبي اخطبك



سارا : انت بتتريق تقولها وهي تبكي )



خالد : لا يا عمري لكن ليه تبكي



سارا : لانك آخر واحد فكرت انه يتريق عليا



خالد : طيب اقولك على سري الي ماقلتوش لحد قبلك



سارا : ايه هو



خالد : انا كمان خاطب بنت قرايبنا



سارا : ايه ‍‍‍‍!!!!!وليه ماقلتليش ؟ لهذي الدرجه انا رخيصه ووو...



خالد : اصبري عليا



خالد : آة وعلى فكرة اسمها سارا وعمرها 18 وهي بنت ولا كل البنات



سارا : يعني ايه



خالد : اقصد ياعمري انا اسمي محمد ولسه متخرج و خاطب بنت عمي سوسو



سارا : (بدون شعور قفلت بوجهه السماعه )



المهم بعد ماعقد قرانهم جاء عشان يشوفها ويجلس معاها



هي كانت تبكي وتقوله ليه عملت فيا كده حرام عليك



قالها لأنك كنتي مش بتحبيني وخليتك تحبيني غصب عنك صح



قالتله : صح
وتبادلو الضحكات



وعاشوا حياة سعيدة



ايه رأيكم؟؟؟

[mبرعمة الايمانm]

مشكووووووره والله يعطيك الف عافيه

[metota]

مشكووووووره والله يعطيك الف عافيه
شكرا لمرورك الطيب

[كيليوباترا]

بجد قصه حلوة

يعطيك 1000 عافيه

[metota]

بجد قصه حلوة

يعطيك 1000 عافيه
شكرا لمرورك الطيب

[basmakdm2]

جزاك الله خيرا علي تلك الاضافة

تقبل مروري

[metota]

شكرا لمرورك الطيب
بارك الله فيك
جزاك الله خيرا:fish::fish: