الرجاء المساعدة يااسرة البيت بيتك

[نور الاسلام]

انا عايزة اعرف يعنى ايه خريج جامعة عماليةانا سمعت التخصص ده فى مصر بس صح؟ وانا اسفة مالقيتش حد ممكن يفيدنى بصدق زيكم ومعرفتش اكتب موضوعى فين

[mimostar]

لا خريج جامعة عمالية اية الي فيها عادي زي الي متخرج من جامعة القاهرة
زي الي متخرج من معهد
المهم ياعني خريج جامعة عمالية شعبة اية
او تخصص اية

[شعبان الهلالى]

وعليكم السلام ورحمة الله وبركاته

اختى العزيزه نور

- صدر قرار وزير التعليم العالى رقم 317 لسنة 1996 بمعادلة شهادات الجامعة العمالية بالمؤهلات فوق المتوسطة المقابلة لها وهى:

دبلوم التنمية التكنولوجية (تخصص كهرباء).

دبلوم التنمية التكنولوجية (تخصص ميكانيكا).

- صدر قرار وزير التعليم العالى والدولة للبحث العلمى ورئيس المجلس الأعلى للجامعات رقم 173 لسنة 2004 بمعادلة درجة البكالوريوس التى تمنحها الجامعة العمالية (شعبة العلاقات الصناعية) بدرجة البكالوريوس فى التجارة (شعبة إدارة الأعمال) التى تمنحها الجامعات المصرية.

وقريبا سيتم معادلة بكالوريوس رقابة الجودة بعد تطوير المناهج

و انا نقلت لك كلام احد الخرجين هذا نصه



اولا الجامعة العمالية دى ملهاش اى مستقبل خالص انا اصلا خريج دفعة 2006 علاقات صناعية و بقول للاعضاء المنتدى ان تكنولوجيا حاجه و علاقات حاجه و لو حد بيفكر يدخلها احسن لية يقدم فى جامعه مفتوحه لان انت هاتاخد بكالوريوس ادراة صناعية بعد اربع سنين من الدراسة هما بيقولوا عادلناها بس للاسف كل دفعة بيقولولها كدا و بعد مايتخرجوا يقولولهم اعملوا المعادلة اللى هيا سنه خمسة علشان يبقى معاكم بكالوريوس ادارة اعمالة و اللى طلع فى الجامعة ادراة اعمال جامعة عين شمس و لكن للاسف مش مكتوب كدا فى الشهادة خالص مكتوب جامعة عمالية بكالوريوس ادارة اعمال مطابق للجامعات المصرية احب افهم الاعضاء ان تكنولوجيا فعلا فيها مواد لهندسة و علاقات فيها مواد من تجارة و حقوق لان كان ينفع ان الواحد يحول من سنه تانية و يدخل تجارة او حقوق او تربية نوعية دا لعلاقات صناعية لكن لتكنولوجيا حسب ماسمعت ليهم هندسة او كلية التعليم الصناعى عاوزة تعمل ماجيستير انا عاوز اضيفلك حاجه طلما انتى عاوزة تكلملى يبقى احسن قدمى كلية تجارة و ذاكرى و اعملى فيها دراسات و لو ربنا و فقك بأذن الله تاخدى الدكتوراة لكن عاوزة تعملى حاجات علشان خاطر الجامعة العمالية مانصحكيش لان انا عملت المعادلة كان النظام ايه سيبين اللجان يعنى الواحد بيروح يتفسح فى الجامعة و يرجع اصل انتى بتدفعى فلوس دا عكس الجامعات الاخرى الناس قبل ماتعمل المعادلة و تدفع فلوس تبقى تشوف الشهادة الاول و تطمن

ارجو ان اكن افدتك اخيك شعبان

[نور الاسلام]

لا انا دكتورة امتياز طب بشرى بس عايزة اطمن ان الشهادة دى تعنى تعليم عالى ولا لا زى ماسمعت بس وافادك الله اخى وبارك الله فيكم وبالضبط لوعندك معلومات عن خريج الجامعة دى وبيقول مراقب جودة يعنى ايه بس عشان اطمن