اصعب شئ في الحياة

[كييليوباترا]

لما نقعد نفكر احيانا في صعوبات بتمر بينا في الحياة بنقول اننا مش ممكن نطلع منها وبنتخيل ان دي نهايه الحياه لو سالت اي حد عن اصعب شئ في الحياة هتلاقي كلام كتيير اوي ممكن يقولك فراق حبيب او حد غالي عليك وممكن واحد تاني يقولك حد بتنتظر منه الرضا او تنتظر منه كلمة حلوة ويجرحك وممكن كمان واحد يقولك انك تضيع حياتك عشان توصل لحاجة ولما توصلها متلقهاش وغير كده حجات كتير غيرها صعبة في حياتنا بس ياترى هل هيا دي نهاية الحياه مفيش حد مبيمرش بصعوبات بس في اللي بيحبس نفسه فيها وبالياس بيضع كل لحظة حلوة في الحياه وفي اللي بيتفادها ويعديها واهم حاجة يقدر يتعلم منها

انا عايزة اي حد يدخل يرد يكتبلي عن شئ مر علية صعب وازاي قدر يتخطاه ويكمل حياته واللي لسه عايش جوا ظلمة الياس يشوف ويتعلم وبلاش يضيع حياته في وهم كبير ...

الكلام كتير بس ما حبتش اطول عليكو منتظرة ردودكو

اختكم ...كيليوباترا...

[نور الاسلام]

اصعب شى فى حياتى هو يوم وفاة اخى قدام عينى وقتها قلت انى مش ممكن هقدر اعيش فى الدنيا بس اهو لسة عايشة بس عندى احساس بقولى انى حموت قريب وده يعتبر نوع من اياس ربنا يسامحنا وخلاص وشكرا ليكى على طرحك هالموضوع الرائع

[AHMED_PC]

بصي هؤلك حاجه
الانسان ربنا خلقه و في حته التعب و العناء و الشقاء
و انا بالنسبالي في حد مات مهم جدا جدا في حياتي فعلا
هوا ممكن شكليا انا طلعت من الحكايه بس لسه فيها بقايا جوايا
طلعت من الحكايه من الحوليا بان الموت القدر لذي لا مفر منه ولا يمكن الهرب منه
و طول ماحنا عيشين هنتعب و كل واحد و قدره
و مفيش حد متعبش فالدنيا دي
فعلا زي منتي اؤلتي الموضوع لو حد اتكلم فيه مش هتكفي مواضيع و مواضيع
موضوع رائع جدا يا كيليو بترا
و يارب ديما متميزه
شكرا
Ahmed_pc

[yoyo.vet]

الدنيا ساعات بتضحك في وش الواحد
وطبعا دي الساعات القليلة
لكن معظم الحياة احزان ومشاكل
ولما مش كان كده ماكناش ولدنا من بطون امهاتنا نبكي
وقال تعالي:"لقد خلقنا الانسان في كبد"

من اصعب الاشياء في حياتي هو فقد الاحبة
وتحطم آمالي امام عيني
او غدر وخيانة اقرب الناس لك

صراحة الدنيا بقيت صعبة وعاوزة نفس قوية تتحداها
تسلمي ياقمر علي عرض هذا الموضوع المميز

[كييليوباترا]

اصعب شى فى حياتى هو يوم وفاة اخى قدام عينى وقتها قلت انى مش ممكن هقدر اعيش فى الدنيا بس اهو لسة عايشة بس عندى احساس بقولى انى حموت قريب وده يعتبر نوع من اياس ربنا يسامحنا وخلاص وشكرا ليكى على طرحك هالموضوع الرائع

لو هنعيش عشان نستنى الموت مش ممكن نعيش مش معقول ان حد ممكن يعيش منغير صعوبات في حياته ولازم الانسان يعرف ان الحياه مليئه بالصعوبات ويقدر يقاومها ويتغلب عليها عشان يقدر يعيش ويكمل حياته ويخلي شمعة امل في طريقه عشان يقدر يعيش الحياه مشكوورة على مرورك الطيب

[كييليوباترا]

بصي هؤلك حاجه
الانسان ربنا خلقه و في حته التعب و العناء و الشقاء
و انا بالنسبالي في حد مات مهم جدا جدا في حياتي فعلا
هوا ممكن شكليا انا طلعت من الحكايه بس لسه فيها بقايا جوايا
طلعت من الحكايه من الحوليا بان الموت القدر لذي لا مفر منه ولا يمكن الهرب منه
و طول ماحنا عيشين هنتعب و كل واحد و قدره
و مفيش حد متعبش فالدنيا دي
فعلا زي منتي اؤلتي الموضوع لو حد اتكلم فيه مش هتكفي مواضيع و مواضيع
موضوع رائع جدا يا كيليو بترا
و يارب ديما متميزه
شكرا
Ahmed_pc



اكيد صعب جدا اننا نفقد حد غالي علينا ومستحيل اننا نسهاه لان ذكراه خالدة في نفوسنا ومش ممكن نقدر نلغي وجوده من زكرياتنا زي ما اتلغى من حياتنا واكيد معزتو في القلب مش هتتنسي بس منخليش الحزن يتملكنا ويسيطر علينا ويحبسنا عن الحياه لان عمر ما الحزن يقدر يرجع اللي راح حاول تتغلب على الحزن منغير ما تنسى الانسان دا من حياتك وخليك عارف ان الانسان دا مش بيتمنى انك تزعل ابدا واكيد بيحب يشوفك سعيد خليك فاكر دا واكيد هتقدر تتغلب على الالم اللي جواك

مشكووور على مرورك الطيب لك تحياتي

[كييليوباترا]

الدنيا ساعات بتضحك في وش الواحد
وطبعا دي الساعات القليلة
لكن معظم الحياة احزان ومشاكل
ولما مش كان كده ماكناش ولدنا من بطون امهاتنا نبكي
وقال تعالي:"لقد خلقنا الانسان في كبد"

من اصعب الاشياء في حياتي هو فقد الاحبة
وتحطم آمالي امام عيني
او غدر وخيانة اقرب الناس لك

صراحة الدنيا بقيت صعبة وعاوزة نفس قوية تتحداها
تسلمي ياقمر علي عرض هذا الموضوع المميز


فعلا كلامك صحيح الحياه صعبة وعايزة اللي يتحداها ويقدر يتغلب على مصاعبها مشكووورة على مرورك الطيب لك تحياتي