حتي إبليس زهق من البلد

[mimostar]

على باب سفارة كندا.. لمحت ابليس و ف ايده استماره..

بقول له على فين.. قاللي بص .. يا هجره يا اعاره..

يا عم زهقت.. كفرت .. الاقيش معاك سيجاره..

انا انتهيت خلاص .. لا نافع وسواس ولا خناس

ولا ليا عيش وسط الناس..

دي عالم مجرمين.. عندكوا فائض ف الفساد..

في كل البلاد..

ومش محتاجين شياطين .. مليش عيش ف دي البلاد..




....







بقالي سنين عاطل .




و انتوا بتعرفوا تقلبوا الحق باطل..



و تسلكوا القاتل .. و تمشوا ف جنازة المقتول..



ومفيش مشاكل












يا عم ده انا بقيت أوسوس بالمقلوب..





و أقول للحرامي .. كفايه بقى .. توووووب..




انت ايه . لوحدك هاتعمل كل الذنوب..



و أنا ابليس أشتغل واعظ .. ولا كمساري ف اتوبيس..












يا عم ده انا زمان





كنت استنى حد ينسى يسمي وهو بياكل لقمته..




دلوقتي كل اكلكم ملوث .. و بصراحه الواحد خايف على صحته..



ده مفيش ضمير اساساً عشان اموته..



و كل واحد بمزاجه .. خربانه ذمته










يا عم ده كل حاجه اتسرقت..





وكده الاجيال الجديده م الحراميه اتظلمت..




يا راجل ده من كتر ما لطشت معايا..



خرجت ف مظاهره مع الناس اللي بتقول كفايه..



و برضه ......... مفيش فايده.

[shemody]

الله عليك يا حبيب والديك
ايه الكلام الجامد ده يا ميمو
لا بجد توبيك جامد....

[AHMED_PC]

يا بركاتك با بركات
هههههه
خلي يستني هجيب استماره و اخلع معاه
موضوع رائع يا ميمو ....شكرا
تسلم يا غالي

[mimostar]

الله عليك يا حبيب والديك
ايه الكلام الجامد ده يا ميمو
لا بجد توبيك جامد....




هو انا خلاص بقيت خليفة ابو تريكة علي النت
مرسي يا قمر علي الكلام الجميل دة
والله الله

[mimostar]

يا بركاتك با بركات
هههههه
خلي يستني هجيب استماره و اخلع معاه
موضوع رائع يا ميمو ....شكرا
تسلم يا غالي





والله وانا نفسي اخد الاستمارة دية

تسلم يا ابو حميد علي المرور
والرد الرائع
نسافر بس خلينا مع نفسنا مش عيزين ابليس معانا ياعم
علشان دولة تهرجهم وحش

[روشة مصر]

هههههههههه
بجد موضوع جمييل
تسلم ايديك على الابداع

[mimostar]

هههههههههه
بجد موضوع جمييل
تسلم ايديك على الابداع



والنبي ما في جميل غيريك
مرسي يا قمر علي المرور
كل عام وانتي بخير