ياترى ياجماعه فترة الجامعه احسن من فترة الثانوى؟

[yoyo.vet]

ياترى ياجماعه فترة الجامعه احسن من فترة الثانوى؟
احنا لما كنا فى الثانوى كنا نقول امتى نخلص الثانوى ونروح الكليه
هل فترة الجامعه طلعت احلى من فترة الثانوى؟

ياريت كل واحديدخل ويشارك فى الموضوع ده

ويختار احسن فتره ليه مع ابداء الاسباب قدر الامكان

[AHMED_PC]

بصي انا مقتنع تمام ان كل وقت و لي متعته و حلوته
الثانوي المدرسه و الاصحا ب و كدا حلو
و الجامعه و المحاضرات و الاصحاب الجداد و كدا برد حلو
فنحمد ربنا علي كل الاوقات الجميله في حياتنا
شكرا يويو علي الموضوع الرائع
تسلمي

[كنانة]

موضوع حلو يا يؤيؤ

اسمحيلي ابدي رأيي

انا في رأيي ان فترة الثانوي احلى بكتير

اولا لاننا كنا في المدرسة براحتنا لان مدرستنا كانت بنات بس

حتي المدرسات والناظرة ومكنش في رجالة خالص غير الحارس ودا برة المدرسة دايما

فكنا على طول بناخد راحتنا في اللعب وعمل المقالب..وكمان في الرحلات..واللي احلى من كدا كمان

ان اصدقاء الثانوي دول اصحاب من زمان مش بس من الثانوي يعني كنت اعرفهم من

الاعدادي ومنهم من الابتدائي فتعتبر عشرة عمر..مش زي اصحاب الجامعة اللي اعرفهم بس مدة 4 سنين

صحيح ليا اصحاب من الجامعة لكن اصحابي من المدرسة اكتر.. بعدين ايام الجامعة لا كنا بنلعب ولا بنجري ولا

وبنعمل مقالب ولا نقدر نتشاقى بحكم ان في شباب ورجاله فلازم نحاسب على تصرفاتنا..دا غير ان ايام الثانوي مكنش في

مسؤولية كبيرة زي مسؤولية الجامعة

اعذروني على الاطاله والرغي الكتير

تسلم الايادي يا يؤيؤ

[mimostar]

هاي
ازيكم
اية الاخبار
كل سنة وانتو طيبين يارب

بالنسبة لية انا شايف ان فترة الثانوي اجمل واحلي بكتير من فاترة الكلية لان بصراحة كان عندنا حرية في المدرسة نعمل الي احنا عيزينة ومنغير ما تلقي حد ينكد علينا ولازم نحضر المحاضرات علشان الدكترة مش تسقطنا والكلام الي انتو عارفينة دة
بس بردة في فترة الجامعة الواحد مكنش بيحضر خالص ولا اي حاجة
فترة المدرسة كانت بالنسبة لية فترة الي الواحد ابتدي يكبر ويعرف ناس تانية من الجنسين والحمد لله ياعني اني كونت في مدرسة بصراحة كان الطلاب فيهم هما كل حاجة ياعني مكنش ممكن مدرس يدخل يدينا الحصة غير ما يستاذنا والحاجات بتاعت الثانوي الي انتو عرفينها دية
علشان اوفر عليكم كان الفصل بتاعتي او الي انا كونت فية بالزبت كونا زي مدرسة المشاغبين
ومكنش حد بيدخل يدينا اي حاجة غير مدرسين معينين بس دولة الي كانو فهمنا وكانو بيعرفو ازاي ميجروش شكلنا
وعمري ما هنا ابدا موقف
كانت في مدرسة جية جديد المدرسة وكانت جية من الامارات كانت شغالة هناك مدرسة
وكانت فكرانا زيهناك المدرس يخش االتلامذة بيسكتو والحاجات دية المهم ياعني كل حصة كانت بتدخل تلاقينا عاملين دوشة تعد تشتم فينا وان احنا مش متربين وكل الكلام العبيط دة
ودخلت مرة وانا كونت نايم في الحصة بتعتها وانا نايم لقيت حاجة خبطت في دماغي روحت زعقت ومنغير ما اشوف اية الي اترمي علي روح ماسك الحاجة دية ورميها من الشباك الي جمبي علي الشارع راحت المدرسة دية عيطت وراحت اشتكتنا للمدير والعيال الي كانت عملة الهرج دة كلة هربت للفصول التانية وانا معرفش حاجة فطل المدير وهي معاة وسالها مين الي عامل الحاجات دية قالتة
الاستاذ الي اعد عناك دة قوتلها انا قالتلي انت ياقليل الادب
قالي اية الي حصل قوتلة انا كونت نايم والله لقيت حاجة خبطت في روحت رميها من الشابك
قالي اعد خلاص يابني وراح قالها الولد مكنش يقصد راحت صوتت في وشة وراحت جية بسرعة علي انا اتخديت منها وروحت جريت وهي تجري وراء في الفصل والمدير وكل الي موجودين فضلو يضحكو لحد ما خرجت من الفصل واستخبيت منها


المهم ياعني حرام عليكي فكرتينا باحلي ايام الواحد عشها
ايام الثانوي اجمد ايام

[shemody]

هههههههه انت ياميمو يطلع منك كل ده
انت خليت المدرسه تعيط وتجرى وراك انا بقى جبتلها عربية الاسعاف وقعدت فى المستشفى 3 اسابيع علشان رجليها اتكسرت وجتلها ازمه قلبيه
يلا بقى ربنا يسامحنا والله الواحد كان بيعمل عمايل سودا
بس سبحان الله يهدى من يشاء بس على فكره انا رايى من راى احمد ان كل فتره وليها حلاوتها وجمالها ومتعتها لازم الانسان يتعلم انه يستمتع بكل لحظه بيعيشها
شكرا ليكى يايويو على مواضيعك اللذيذه خليتى الواحد يفتكر عمايله السوده ههههههههههه

[yoyo.vet]

بصي انا مقتنع تمام ان كل وقت و لي متعته و حلوته
الثانوي المدرسه و الاصحا ب و كدا حلو
و الجامعه و المحاضرات و الاصحاب الجداد و كدا برد حلو
فنحمد ربنا علي كل الاوقات الجميله في حياتنا
شكرا يويو علي الموضوع الرائع
تسلمي




انا اشاركك الراي اخ احمد
شكرا علي مرورك العطر

[yoyo.vet]

موضوع حلو يا يؤيؤ

اسمحيلي ابدي رأيي

انا في رأيي ان فترة الثانوي احلى بكتير

اولا لاننا كنا في المدرسة براحتنا لان مدرستنا كانت بنات بس

حتي المدرسات والناظرة ومكنش في رجالة خالص غير الحارس ودا برة المدرسة دايما

فكنا على طول بناخد راحتنا في اللعب وعمل المقالب..وكمان في الرحلات..واللي احلى من كدا كمان

ان اصدقاء الثانوي دول اصحاب من زمان مش بس من الثانوي يعني كنت اعرفهم من

الاعدادي ومنهم من الابتدائي فتعتبر عشرة عمر..مش زي اصحاب الجامعة اللي اعرفهم بس مدة 4 سنين

صحيح ليا اصحاب من الجامعة لكن اصحابي من المدرسة اكتر.. بعدين ايام الجامعة لا كنا بنلعب ولا بنجري ولا

وبنعمل مقالب ولا نقدر نتشاقى بحكم ان في شباب ورجاله فلازم نحاسب على تصرفاتنا..دا غير ان ايام الثانوي مكنش في

مسؤولية كبيرة زي مسؤولية الجامعة

اعذروني على الاطاله والرغي الكتير

تسلم الايادي يا يؤيؤ

تسلميلي علي عرض وجهة نظرك اختي كنانة
دمتي لي في حفظ الله

[the ever]

انا الفترتان عندى أحلى من بعض كل فترة و ليها المواقف بتاعتها.
و الفترتان أحلى ما فى حياتى.
و مرسى على موضوعك إلى بجد فكرنى بأحلى فترة فى حياتى.

[yoyo.vet]

انا الفترتان عندى أحلى من بعض كل فترة و ليها المواقف بتاعتها.
و الفترتان أحلى ما فى حياتى.
و مرسى على موضوعك إلى بجد فكرنى بأحلى فترة فى حياتى.


شكرا علي مرورك العطر ياقمر