اغنية السلام.لعم احمد فؤاد نجم

[محب الله]

أغنية السلام ..

يقول الشيخ إمام في بداية الأغنية موضحاً ( أنا بدي أبينلكم موقف الشعب المصري من السلام ) ..


.............

بانوراما الدنيا فونية .. صندوق الدنيا عصري

الصورة من أميركا .. و الصوت من جوا مصري

لو تفهم كل قصدي .. أوهبلك نص قصري

و اكتبلك الوصية .. على جناح الحمام

و اتفرج يا سلام لم .. و اتفرج يا سلام

....

شوف عندك يا سلام لم .. و اتفرج يا سلام

هزلية مرسحية .. على تياترو السلام ( تياترو : المسرح )

سلام كلام أغاني ... و عليكم السلام

ما عاد على الغلابا عايد غير الكلام

و الحالة كل مادا يا سادة يا كرام

و اتفرج يا سلام لم .. و اتفرج يا سلام

.....

سالمة يا سلامة .. و دليلة رجعت بسلامة

مصرية و من مواليد شبرا .. من تحت نفقها و مجاريها

لو كانوا ما حرقوش الاوبرا .. كانت حتلعلع لياليها

بالغنوة المدهونة شفايف .. غرقانة و سايحة ببلاويها

سيد درويش اللي حيلتنا .. سرقوه و باعوه بيعة ندامة

سالمة يا سلامة .. و دليلة جات بالسلامة ..

....

سالمة يا سلامة .. كوكا كولا جات بالسلامة



نشروا الاعلان ... ملو الجرنان

جوا البراويز الدهبية

و التلفزيون بالصوت و اللون

كوكا كولا هي الاصلية

اشرب يا خفيف .. بطّل تخاريف

بلا (محزوفة) الطور بلا وطنية

كوكا كولا تفوق و تروق ضد الافكار الهدامة

سالمة يا سلامة .. طير بينا و رفرف يا حمامة

سالمة يا سلامة .. على مصر التانية أم علامة

[مملكه الحب]

الصورة من أميركا .. و الصوت من جوا مصري

لو تفهم كل قصدي .. أوهبلك نص قصري

و اكتبلك الوصية .. على جناح الحمام

لو كل مصرى قدر يقول رايه بصراحه ماكان ده هيبقى حالنا

شكرا لك يا عاشق على هذا الموضوع الرائع

[محب الله]

طبعا الكلام واضح يامملكه الحب.
لكن تعرفى ان الغلط مننا احنا اللى سمحلنا لكدة لان لو كان فى وقفة ضد الظلم من الاول مكنش دة حالنا
المهم
شكرا على مرورك العطر

[بنت مصر 2011]

جزاك الله كل خير

[محب الله]

شكرا على مرورك العطر وجزاكى الله خيرا