جاهينيات.مصر السهرانة فى عيون جاهين.للعقبرى صلاح جاهين

[محب الله]

النور ملو الشوارع
و مليون راديو والع
الساعة اتنين صباحا
لكن إيه الموانع ! ..
الخلق رايحة جايه
و الدنيا لسه حيه
مليانه بالهأَو أَو
و زعيق القهوجية
واحد يقول لواحد :
خليك يا عم قاعد
التانى يقول له :
شكرا
ده انا م المغرب مواعد
فيه سهره لسه عندى
فى بيت فلان افندى
ح ناكل حاجة حلوه
و نشرب تمر هندى
و اللى تروح دالقه جردل
فوق حضرة المبجل
طبعا صاحبنا يزعل
و ينفجر شتايم
و الحى كله يوصل
ما بين مصلح و لايم
اللى يقول : يا جماعة
و اللى يقول : يا بهايم
و مطرب الاذاعة
يصرخ ، و ف وجده هايم
و لو طرطقت ودنك ،
فى وسط دى العظايم ،
تسمع مسحراتى ،
بطبله صوتها واطى ،
بيقــــــــــــــــــــول :
اصحى يا نايم

http://1.bp.blogspot.com/__aQyPck5EcE/RlyBbTWl0yI/AAAAAAAAADA/JUynR60Gprs/s320/073f02a771.gif

[مملكه الحب]

جميله جدا شكرا لك يا عاشق على هذا المجهود الرائع

[محب الله]

الشكر لله وانا بشكرك على مرورك العطر الذى اسعدنى