موقعة كبريت [الأرشيف] - منتديات بيت لحلول الويب

عمرو الحكيم

2010/3/4, 1:41 AM

في ملحمة وسط الملاحم تنحكي ...... أسمعها
و أوعاك على المخدة ما تتكي
إلياذة ما تقولي أوديسا ما تقولي ...
دي ملحمة
قام بيها فرسانه ....كبريت بقت جنة ..
تحت السما
فارس همام واقف .... والأرض تتلاقف ...
جنب القنا
وفوق دماغه النار ....حواليه كمان ما أحتار ...
قام ما انحنى
والميه يا عيني ... خلصت دموع عيني ..
شرب الندى
دبابة تتنك ... والتنك يتحنك ...
يملوه بمية بحر ... وتشيط نيران في السحر....
الميه تتبخر 0000 والوقت متأخر 000
عطشان أنا
مية يوم وعدوها ... مية هجمة صدوها
لاعرف عدينا يمر ...ولا حد منا فر
أوتاد ومغروسة ... وحجارة مرصوصة
ولا نار بتحرقها...ولا بمبة تفلقها
فرسان حديد وفولاذ.....تشرب نابلم وجاز
ما يهمها لو حتى حرقت قلبها
وحلفوا وأتحلفو ما ....في يوم ما يختلفوا
وأتعهدوا على موتة .... حتى اخر قوتة
مدفعجي يا مسطرة ... دوق عدانا الكرى
والدانة دخنها ... كحل عينيك مسكرة
قبطي يقف يحرس حسنين كمان محرز
وقت الصلاة
عاشق ومستبيع للحق ولأرضه
حتى الثرى
كلمات / عمرو الدمرداش