لماذا ؟؟؟؟؟؟؟ [الأرشيف] - منتديات بيت لحلول الويب

مشاهدة النسخة كاملة : لماذا ؟؟؟؟؟؟؟

kamel

2010/4/30, 8:24 PM

يا جماعه الموضوع بسيط جدا
كل مره حنسأل سؤال بلماذا ؟
و كل اللى يدخل يقول الاحابه من وجهة نظره
و نسمع 3 اراء
و صاحب الرأى الثالث هو اللى حيسأل السؤال التانى

اول سؤال :: لماذا لا يشعر الانسان بقيمة ما لديه الا عندما يفقده ؟؟؟

مستنى ردودكم على السؤال ده

ruby

2010/4/30, 9:00 PM

شكرا ياكامل علي موضوعك
وعلي مجهودك

لماذا لا يشعر الانسان بقيمة ما لديه الا عندما يفقده ؟؟؟

للاسف فعلا ناس كتير مش بتقدر قيمه الحاجه اللي معاهم غير لما بتروح منها بس بجد مش عارفه ليه سؤال سالته كتير بس مش عارفه بس برده الناس بتختلف عن بعضها ومش كله كده

القلب الذهبى

2010/4/30, 10:22 PM

احيانا لا نشعر بقيمة مانملك
وهذا لاننا لا نشعر بخطورة فقده ما دام بين ايدينا
لذا لن نفعل مجهودا اضافيا لابقائه
او على احسن الاحوال
للمحافظة عليه
وهذا هو شان الكثيرين منا
لا نتحرك
ولا نكون فاعلين الا عندما يصل الامر على عنق الزجاجة
او
قولوا لا نتحرك الى بعدما تنكسر الزجاجة
عندها فقط
ندرك اننا كنا نمتلك شيئا
والان
قد ضاع

شكرا على سؤالك الجميل اخى كامل
اعتقد ان اللى بعدى هو اللى حيسال

منتظر اللى بعدى

ممدوح القاصد

2010/5/1, 2:42 PM

السلام عليكم
صيغة السؤال
لماذا لا يشعر الأنسان ....................................
معناها انك اجبت عن سؤال اخر هو
هل لا تشعر بما لديك الا عندما تفقده؟
ثم عممت الأجابه على الأنسان وكأنك سئلتهم كلهم واجابوا بنفس الأجابه او كانوا اغلبيه
فمن لا يشعر بما لديه الا عندما يفقده هو انسان هالك... نادم لا محاله
فعلى سبيل المثال
من لا يشعر بأهمية وجود زوجته معه فى بيته الا ان فقدها
فلم يجد من يعد له طعامه ويرتب له بيته ويرعاه ويرعى اولاده
ولم يجد من يؤنث وحدته ويشاركه فرحه وحزنه
ساعتها احس بأهميتها وتذكر كم كان وبسبب عدم احساسه بأهميتها كان يعاملها بطريقه فظه وكان لا يطيق وجودها الى جواره وندم
ومن لا يشعر بقيمة انه لازال على قيد الحياه وان احتمال ان يفقد هذا فى اى لحظه بغض النظر الى عمره.او صحته. او ماله .او اى متغير اخر
فنسبة ان تبيت اوأبيت انا فى بيتى على فراشى اوأبيت فى قبرىوهيل فوقى التراب
هى نسبة 50/100 لاتتغير فتصبح 51/100 تحت اى ظروف
ومن لا يشعر بهذا وتضيع منه فرصه وراء فرصه ان يتوب ويستغفر ويعمل صالحآ بعدد قفزات عقرب الثوانى
سيشعر بقيمة واهمية وجوده فى الدنيا وهو فى النار يصرخ رب ارجعنا نعمل صالحآ فيقول لهم انكم ماكثون
لذا وجب ان تقول اشعر بقيمة ما لديك ولا تنتظر حتى تفقده لتشعر به
والا فانك هالك نادم لا محاله
اسف ان اطلت عليكم ولكنى شعرت انها نقطه وجب عليى ان اوضحها
ممدوح القاصد

ممدوح القاصد

2010/5/1, 4:49 PM

لذا وجب ان تقول( اشعر بقيمة ما لديك ولا تنتظر حتى تفقده لتشعر به
والا فانك هالك,,, نادم,,, لا محاله)
وفكرة موضوعك جيده على ان توجهه التوجيه الصحيح حتى يكون ذو فائده مرجوه للمتابعين
فالنظام الذى اتبعته فى تغيير السؤال واعطاء حقه لشخص اخر
لا يحقق فائده لأحد
لأنك ستتركنى غير واثق من صحة اجابة السؤال
لأنه ممكن يكون 80 مليون مجتمعون على رائيى او فكره ما وهى خطاء واضح
واقترح
**ان يكتب كل متابع رائيه والرائى الصائب الذى يعطى لصاحبه الحق فى السؤال هو الرئيى الذى يقتنع به الجميع بعد مناقشه جاده من المتابعين
**كما اقترح ان تنحو الأسئله نحو جاد جديه نحن جميعآ فى امس الحاجه اليها بعدما وصل حالنا الى ما لا يخفى على احد
** ويجب ان تنصب الأسئله على هذا الموضوع ان كنا نأمل فى اى تغيير

اسف ان اطلت عليكم ولكنى شعرت انها نقطه وجب عليى ان اوضحها
ممدوح القاصد

honey bee

2010/5/2, 1:56 AM

شكرا ياكامل للموضوع المميز كعادتك

ولى تعليق صغير هنا على كلام اخى الكريم ممدوح القاصد
تعديلك للسؤال له وجهة نظر منطقية وصحيحة جداااا
واتفق معك ان من يعيش ابد حياته لا يعرف قيمة ما بيده الا بعد ان يضيع هالك لا محالة

ولكن هنا قصد اخانا كاامل شىء اخر
وهو اننا اكثر الوقت هكذا لا نعرف قيمة ما فى يدينا الا بعد فوات الاوان
واركز على كلمة اكثر الوقت
وليس طول العمر واكيد الفرق واضح لحضرتك

و اذا سمحت كما محدد فى اساس الموضوع فحضرتك العضو الثالث الذى رد
ومفروض منك طرح سؤال يجيب كل عضو عليه من وجهة نظره
و جميعا وباقى الاعضاء ينتظرون

بووتي

2010/5/2, 7:08 AM

كامل موضوع جدا جميل

وفيه اننا نعرف وجهات نظر بعض اكتــر

واحنا بانتظار معرفه سؤال ضيف البيت بيتك

ممدوح القاصد..

kamel

2010/5/2, 11:11 AM

شكرا يا اجمل اعضاء على مروركم و تفاعلكم
و احنا مستنين ممدوح القاصد

ممدوح القاصد

2010/5/2, 5:48 PM

محب الله

2010/5/3, 1:12 AM

السلام عليكم ورحمه الله وبركاته
اولابشكرك اخى الكريم العزيز الغالى كامل
على الموضوع الرائع
والشكر كل الشكر للمهندس العبقرى
ممدوح القاصد
الذى افاض فى الموضوع رونقه الخاص
وبجد انت عظيم اخى الكريم
بس فى الاول احب ااقول شئ صغير
انا بتمنى من ربنا عز وجل ان فعلا
يكون حضرتك المهندس ممدوح
لان ده هيزودنا معلومات كتيرة وهيفدنا
وكفايه ان حضرتك باسمك المعروف هتبقى
رمز لينا ورمز جميل جدااااااااااااااااااااااااااااا
هذا الرمز سيزودنا علما ونفعا باذن الله
ولكن ان لم تكن فنرجو منك ان تعرفنا على نفسك
ولكن انا والله يعلم انه فى داخل نفسى احس واظن
انك انت المهندس المصرى العقبرى ممدوح القاصد
ولكنى استغربت كيف تكون انت معنا وطبعا لم اقصد
شئ ولكن انه استغراب
ولكن اتمنى ان تزودنا بمعرفتك وبمعلوماتك
ونحن جميعا نرحب بيك ونشكرك على وجودك معنا
ونتمنى ان تعتبرنا اخوة لك ان لم يكن اولاد لك
وان تكون لنا خير دليل وخير صديق
وبالنسبه للسؤال الذى قد طرح
فانا ليه الاول استفسار صغير
سؤالك هو
ليه احنا متخلفين بالرغم اننا نملك
كل مقومات التقدم ؟؟؟؟؟؟؟؟؟؟؟؟؟؟؟؟؟؟؟

دلوقتى حضرتك فى السؤال اللى فات بتاع اخويه كامل
حضرتك قولتله انت جوبت على سؤال تانى بسؤالك ده
وكمان خت راى الاغلبيه او ان الناس كلها قالت
ان فعلا الانسان بيندم على الحاجه بعد مضيع
انا طبعا مش هرد على اجابه لسؤاله
لكن حضرتك هنا رديت على سؤالين فى سؤالك
السؤال الاول:
هل احنا متخلفين؟
والتانى:
هل احنا يتوفر لينا وسائل التقدم؟
طبعا بالنسبه للسؤال الاول
انا معاك فى اجابت حضرتك اننا فعلا متخلفين
لكن اننا نملك وسائل التقدم
طبعا احنا مش نملك وسائل التقدم
على حد علمى ان من اهم وسائل التقدم
على حد علمى
التربيه والعلم وتوفير الامكانيات وتهيئ المكان المناسب للتقدم
والنظام وان كل واحد ياخد حقه وطبعا اهم شئ هو الغاء الوسطه
او بمعنى اخر الغاء الكوسه المنتشره فى بلدنا وانا اسف
انى وصفتها بالمعنى ده
طيب انا هكلم عن التربيه
طبعا الاب والام دلوقتى سيبين الاولاد
يربوا نفسهم بنفسهم
او سيبنهم للتلفزيون او الشارع
والاسؤ دلوقتى انهم يسبوهم للمدرسه تربيهم
لان من وجه نظرى ان الاولاد لو تربوا فى الشارع او خلافه ارحم بكتير
انهم يتربوا فى المدرسه لان المدرسه معدتش فاضيه تربى حتى نفسها
لان الوزارة مش فاضيه للمدارس وطبعا احنا عارفين ليه
ده بالنسبه للتربيه واه طبعا البيت مش فاضى بسبب
ان الاب والام بيفتكروا ان التربيه اهم شئ فيها
هى الماده والماده هى الاموال وطبعا دى افكار خاطئه جداااااااااا
وانا عندى مثال من بلدى
رجل فاضل كبير جماعه اخوان المسلمين فى منطقتى
وهو فعلا رجل محترم جدااااااااااااااااا
وكمان امام جامع ولكن شوف بنته عايشه ازاى
انا مش هكلم اكتر من كده.وانا اقصد من المثل
ان الاب والام ممكن يكونوا محترمين جدااااااااا
لكن هما فاكرين حاجات غلط كتييييييييييييييير.
بالنسبه للعلم وباقى الحاجت
الحمدلله اننا فى بلد مفيهاش وله تعليم وله خلافه
وطبعا التعليم ده هو التربه اللى بيقوم عليها
التقدم واحنا اساسا مفيش تعليم
حتى طريقه التعليم بتاعنا كلها غلط فى غلط
وكمان الامكانيات والمناخ والنظام وغيرة
اساسا احنا متخلفين منعرفش عنهم حاجه
واسال ظابط المرور مرورة بيقف كام مرة فى الثانيه
اسال المهندس ازاى العمارة قبل متتبنى بتقع
وازاى الدكتور بينسى ادوات فى بطن المريض
او زاى بيسرق مننا حاجات
واسال المدرس ازاى بيعلم الكدب
وانا ممكن ااقول اننا عندنا اموال كتيييييييير
لكن الاموال دى لاشخاص معدودين
كل همهم يجمعوا الاموال لكن مش عندهم فكرة ازاى
نطورقد معندهم فكرة ازاى نجمع
وكفايه ان عندنا الكوسه منتشرة
يعنى ازاى واحد يجيب تقدير مثلا امتياز
وميشتغلش وواحد تانى يجيب مقبول وطالع بعشر مواد
ويبقه رئيس شركه او حتى يتعين
طبعا ده بيخلى الاجيال اللى بعد كده اساسا متهتمش وله بتقدير
وله اساسا بالماده العلميه
وده بيزيد سؤ اكتر من اللى موجود
للاس فاحنا معندناش وسائل التقدم ولو حضرتك شايف اننا نملك وسائل التقدم
فانا هقولك حاجه بسيطه جداااااااااااااا
ده لو احنا عندنا وسائل التقدم اللى حضرتك قصدك عليها
يبقه ساعتها احنا عملين زى
طبعا انا اسف فى المعنى واكيد مقصدوش بس لازم ااقوله
زى الحمار اللى شايل كتب مهمه جداااااااا
لكن هو مش عارف اهميتها
او عملين زى
العامل اللى اتوفرله مكنه بيحط فيها العجينه من ناحيه
تطلع عيش من الناحيه التانيه
لكن للاسف مفيش كهربه تشغل المكنه
او عملين زى واحد تاه فى الصحرا وعطش جداااااااا
وبالفعل لقه ميه
وشرب منها لكن الميه كانت مسمومه فمات
او عملين زى وزى وزى
طبعا انا مش قادر اوصل فكرتى لكن ارجوا ان
اكون حاولت ان اوصلها ولو حتى بشئ قليل من الفهم
وبشكرك مرة تانيه
ولنا فى الحديث بقيه باذن الله
وانا اسف للاطاله والكل طبعا هيستغرب
من الكلام اللى كتبته على المهندس فى البدايه
وانى شكرت فيه كتير
اللى عايز يعرف انا كتبت كده ليه يخش على جوجل ويعرف
انجازات العبقرى المصرى المخترع
وكمان يسمع الحديث بتاعه اللى هو حط الرابط بتاعه
اخوك او ابنك
اشرف

honey bee

2010/5/3, 1:14 AM

السلام عليكم
اقتراحى بأن تأخذ الأسئله شكل جاد
كان بهدف ان نتكلم عن مشاكلنا وننظر اليها من زاويه
جديده فنعرف اسبابها ونبحث عن حل لها جميعآ لأنه لن
يكون هناك حلآ الا ان اصبحنا جميعآ
ولأننا فى ساحة النقاش الهادف يعنى اللى ليه هدف
وباقى المواضيع لها اقسامها ..وهنا قسم لمن يريد الحوار الهادف
الجاد لأنه لن يكون هادف الا ان كان جاد ...
ولا يكفى ان يكون اسم القسم
( بيت النقاش الهادف)
لأنه لن يصبح ذالك الا ان وضعت به مواضيع تثير نقاش هادف
فى نهايته يجب ان يسئل كل مشارك فيه نفسه
الى ما وصلنا فى هذا وفى ما نفعنى ؟؟
فالنمل لن يتوقف عن مهاجمة علبة السكر لأنك كتبت
عليها ملح وتركت بها السكر كما هو

واقتراحى فى ان يمنح صاحب الأجابه الصحيحه التى
اقنعت الجميع حق القاء سؤال
كان بهدف ان يرتقى الحوار لأن هذا سيحدث انتقاء طبيعى
للأفضل بين كل المشاركين
لأن صاحب الأجابه الصحيحه هو اكيد من هو
أشمل نظره واوسع خبره
وبهذا سيكون سؤاله افيد للكل
لكن رقم 3 ففى يد اى احد ان ينتظر ليكون رقم
3 فيسئل هو السؤال
انا عارف ان دمى ثقيل عليكم لكن
هدفى ان احقق فائده من الساعه التى اقضيها فى كتابة هذا
والفائده للكل ان شاء الله
وعارف ان كتير بيقول مين ممدوح القاصد
ده اللى حيوجع دماغنا ؟؟
واللى عاوز يعرف ممكن يكتب ممدوح القاصد على صفحة جوجل
وياريت يدخل على الرابط ده ويحمل الحوار الصوتى بتاعى ويسمعه بتركيز
http://www.amrkhaled.net/multimedia/multimedia973.html
وسؤالى لكم هو
ليه احنا متخلفين بالرغم اننا نملك كل مقومات التقدم ؟؟؟؟؟؟؟؟؟؟؟؟؟؟؟؟؟؟؟
واعدكم بأجابه بعد سماع اراء الجميع
وانا شايف ان السؤال ده لن تكفيه ثلاثة ردود لنعرف اجابته
وفى اجابته الصحيحه خلاصنا جميعآ
وخد بالك ان هناك فرق بين اشياء تحدث لأننا متخلفين
واشياء تخلفنا بسبب انها حدثت
ممدوح القاصد

اخى الكريم ممدوح القاصد

اتفق معك اخى اننا فى بيت النقاش الهادف
وكما محدد من اسمه يتطلب منا هذا البيت طرح جميع الافكار ونقاشها
وهذا هو الهدف سماع الرأى والرأى الاخر
واثراء موضوعاتنا للوقوف على اقرب ما يكون للحقيقة
واسألك اخى عن عبارة (((الاختلاف فى الرأى لا يفسد للود قضية )))
فلما اذن تعتقد اننا نأخذ منك موقف
بصراحة استنكر عليك هذا تماما اخى
فهذا مجرد نقاش واختلاف فى الرأى فقط لا غير

واما بالنسبة
لسؤالك الذى بالفعل لا يسع للرد فيه الا منتديات وليس
منتدى واحد او ثلاثة اشخاص فقط
واستأذن اخى كامل ان يسمح بردود اكثر ولا يتقيد بثلاثة فقط

وهنا اخى وقبل الرد تسبقنى تنهيدة حارة على حالنا كعرب

فيكفى اخى ان نتخيل من هم الشعب العربى
الذى يصنع سجادة الصلاة خاصتهم فى بلد غير اسلامي كالصين
ولو احببنا ان نتحدث عن اسباب تخلفنا
فلن ننسى ان نتكلم عن اسباب تقدمنا فيما مضى ايام الصحابة
وازدهار الدولة الاسلامية

ولكن سأكتفى الان بأسباب تخلفنا والتى اقتنع بها تماما انها السبب

اولا ثم ثانيا ثم ثالثا ابتعادنا عن منهج ديننا الحنيف والاستغناء
عن تشريعاته التى وضعت لترقى بنا وتحمينا

رابعا اهمالنا لرموزنا الكبيرة من العلماء والمفكرين واهدار عقولهم
وابتكاراتهم وتركها للغرب ولى امثلة كثيرة
خامسا نقلنا عن الغرب ثقافتهم الاستهلاكية التى شىء فشىء
تلغى عقولنا وتنحينا عن الهدف
سادسا غياب الكثير من قيمنا واخلاقنا واختفاء الضمير وانتشار
الرشاوى والوسطة والكثير الكثير من افاات العصر بيننا
سابعا الكلام
اصبحنا امة كلام فقط
تتكلم كثيرا ولا تعمل
تتحسر على الماضى وتفتخر بما صنعه الاجداد
وتنسى انهم تركوه امانة فى اعناقنا
والسؤال هنا هل صنا الامانة ؟؟ الاجابة واضحة والقلب يبكى
دما على حالنا كعرب
واملى فى الله لا ينقطع ان نعود كما كنا
ولنستحق هذا ارجووووو ان نبدأ نحن
كل شخص فينا يبدأ بنفسه يرى عيوبه بمرأة صادقة
وقلوب مؤمنة تعمل وتتكل على الله لا تتواكل

ممدوح القاصد

2010/5/3, 6:27 PM

السلام عليكم
اولآ بأعتذر للأخ كامل انى تقريبآ غيرت مسار موضوعه
لكن عذائى انه لو استطعنا ان ننمى هذا ونبقى كتير ممكن نعمل حاجه كبيره قوى لديننا وانفسنا واولادنا ..فأن نجحنا ففائده دنيا واخره للكل
وان فشلنا يبقى على الأٌقل نقول لربنا
يارب حاولنا
ويبقى هو صاحب الموضوع اللى فتح كل ده
وبعدين انا ممدوح القاصد اللى بتستغرب انه يكون بينكم
واستغرابك ده اخى ادمع عينى لأنى شعرت أد ايه الناس اتعودت ان اى واحد يلاقى نفسه مميز فى مجال ما بيجرى من هنا ويروح للجانب الأخر اللى هما اعدائنا واعدائه
وان كانوا يظهرون له الأحترام ويتيحون له الفرصه لأعتصار كل مواهبه
فهذا لا يغير انهم اعدائه ويقتلون اخوانه ويغتصبون ارضه وعرضه
ولا يغير انه خائن لهم تحت ستار ان قد نفع البشريه بعلمه
والتخلف فى هذا هو اننا لما بنعرف ايه اللى ضاع مننا بعد نجاحه ونبوغه عليهم عندهم
مش بنزعل لكن بنفتخر به و بهذا ونسمى كوبرى ولا شارع بأسمه
ونحط له صوره بجانب صورة ابو الهول اللى قاعد يتفرج بقاله 7 الاف سنه على خيبة أحفاد العظماء اللى نحتوه وهى تنمو كل يوم
هو ده التخلف
وهو ده اللى جعلنى ارفض اكثر من عرض للسفر اليهم وترككم
فلم اعرف ماذا سأقول لربى حين يقول لى وهو يحاسبنى
انا اعطيتك عقلك هذا ام انت صنعته
فأقول انت صنعته يارب واعطيته لى فى حياتى
فيقول
الم اجعلك مسلمآ وجعلتك تحيا بينهم .. لتنفعهم به بما وضعته انا فيه ..
فمن نفعت به ؟؟؟؟؟ هم ...؟ ام الذين كانوا يحاربونهم ويحاربون دينى وشريعتى ؟؟؟
قل لى ماذا اقول ان انا كنت تركتكم وذهبت اليهم ؟؟؟؟؟؟؟؟؟

سأنقل لكم قصه,, مجرد قصه وعاوز كل واحد فيكم يكتب انطباعه عنها
فقط عشان نتواصل واعرف فيه ايه فى دماغكم

حدث في الصين منذ وقت طويل أن تزوجت فتاة
وذهبت لتعيش مع زوجها ووالدته “حماتها”
وبعد وقت قصير اكتشفت هاله أنها لا تستطيع أن تتعامل مع حماتها
فقد كانت شخصياتهم متباينة تماما،
وكانت عادات كثيرة من عادات حماتها تثير غضبها
علاوة على أن حماتها كانت دائمة الانتقاد لها

أيام تلت أيام، وأسابيع تبعت أسابيع ولم تتوقف
الزوجة وحماتها عن المجادلات والخناقات، ولكن ما جعل الأمور أسوأ
أنه طبقا للتقاليد الصينية القديمة، كان عليها ان تلبي رغبات حماتها
وكان الغضب وعدم السعادة اللذان يملآن المنزل يسببان إجهادا شديدا وتعاسة للزوج المسكين

أخيرا لم يعد في استطاعة الزوجة أن تتحمل
أكثر من طباع حماتها السيئة ودكتاتوريتها وسيطرتها،
وهكذا قررت أن تفعل شيء حيال ذلك فذهبت الزوجة
لمقابلة صديق والدها مستر هوانج وكان بائعا للأعشاب

شرحت له الموقف وسألته لو كان في إمكانه لو يمدها
ببعض الأعشاب السامة حتى يمكنها أن تحل مشكلتها مرة والى الأبد..

فكر مستر هوانج في الأمر للحظات وأخيرا قال لها
'أنا سأساعدك في حل مشكلتك،
ولكن عليك أن تصغي لي وتطيعي ما سأقوله لك'

أجابت الزوجه قائلة: 'نعم يا مستر هوانج أنا سأفعل أي شيء تقوله لي'

انسحب مستر هوانج للغرفة الخلفية ثم عاد
بضعة دقائق ومعه علبة صغير علي شكل قطارة
وقال لها: ' ليس في وسعك أن تستخدمي سما
سريع المفعول كي تتخلصي من حماتك،
وإلا ثارت حولك الشكوك،
ولذلك سأعطيك عدداً من الأعشاب
التي ستعمل تدريجيا وببطء في جسمها،

وعليك أن تجهزي لها كل يومين طعام من الدجاج أو اللحم
وتضعي به قليل من هذه القطارة في طبقها،
وحتى تكوني متأكدة أنه لن يشك فيك أحد عند موتها،
عليك أن تكوني حريصة جداً..
وأن تصير تصرفاتك تجاهها صديقة ورقيقة،
وألا تتشاجري معها أبداً، وعليك أيضا أن تطيعي كل رغباتها
, وأن تعامليها كما لو كانت ملكة'

سعدت الزوجة بهذا وأسرعت للمنزل
كي تبدأ في تنفيذ مؤامرتها لتتمكن من اغتيال حماته
ا.. مضت أسابيع ثم توالت الشهور
وكل يومان تعد الطعام لحماتها وتضع بعض من المحلول في طبقها..
وتذكرت دائما ما قاله لها مستر هوانج عن تجنب الاشتباه،
فتحكمت في طباعها وأطاعت حماتها وعاملتها كما لو كانت أمها.

بعد 6 شهور تغير جو البيت تماما،
مارست الزوجة تحكمها في طباعها بقوة وإصرار،
حتى أنها وجدت نفسها غالبا ما لا تفقد أعصابها حتى حافة الجنون
أو حتى تضطرب كما كانت من قبل..
ولم تدخل في جدال مع حماتها، التي بدت الآن أكثر طيبة وبدا التوافق معها أسهل.

تغير اتجاه الحماة من جهة زوجة ابنها وبدأت تحبها
كما لو كانت ابنتها، واستمرت تذكر للأصدقاء والأقرباء
أن زوجة ابنها هي أفضل زوجة ابن يمكن لأحد أن يجده

وأصبحت الزوجة وحماتها الآن يعاملان بعضهما كما لو كانتا بنتا ووالدتها..
وأصبح الزوج سعيدا بما قد حدث من تغيير في البيت وهو يرى ويلاحظ ما يحدث

وفي أحد الأيام ذهبت الزوجة مرة أخرى لصديق والدها مستر هوانج
وقالت له: 'عزيزي مستر هوانج،
من فضلك ساعدني هذه المرة في منع السم من قتل حماتي،
فقد تغيرت إلى امرأة لطيفة وأنا أحبها الآن مثل أمي،
ولا أريدها أن تموت بسبب السم الذي أعطيته لها

ابتسم مستر هوانج وهز رأسه وقال لها
'أنا لم أعطيك سما على الإطلاق

لقد كانت العلبة التي أعطيتها لك عبارة عن

القليل من الماء!!!؟

والسم الوحيد كان في عقلك أنت وفى اتجاهاتك من نحوها

ولكن كل هذا قد غسل الآن بواسطة الحب الذي أصبحت تكنينه لها

هل أدركت يا أخي أنك كما تعامل الآخرين سيعاملونك هم !!!

في الصين يقولون الشخص الذي يحب الآخرين سيكون هو أيضا محبوباً !!!

قول الله سبحانه وتعالى في القرآن الكريم:

وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ
http://gfx2.hotmail.com/mail/w4/pr01/rtl/emoticons/rose.gif

مش عاوزين سلبيه كل واحد مهما كان وكان مستواه الثقافى او الأجتماعى بيقراء ده لازم يدخل ويثبت لنفسه ولنا انه مش خيال واحد تانى وانه بالفعل موجود وان وجوده ده لن يتحقق الى ان كان له رائي يسمعه الأخرون
دائمآ ما نقول ارائنا ولكن فى حدود من نعرفهم
لكن فى موضوع زى كده حتسمع بقى وانا ما لى ياعم انا أتفرج من بره لحسن يتقبض عليهم ولا حاجه ابقى بره
فتلاقى المشاهدات كذا الف والمشاركه خمسه سته

كده يبقى مش حنعمل اى حاجه وابقى انا اولى بوقتى الذى انفقه هنا
ويعلم ربى انى اقتطع من وقتى الذى لا يكفى لأمارس عملى والتزاماتى ولكنه بهدف اسمى وفى سبيل الله وربنا يبارك

وعاوزين احنا الكام واحد اللى بنتحاور الأن نعمل خطة عمل جاده هدفها اننا نبقى كتير كتير قوى عشان نجذب الناس تسمعنا وتشارك معانا
عاوز افكار .... يعنى واحد يعمل موضوع تانى فى قسم اخر يدعوا الناس لللأنضمام الى موضوع لماذا والمشاركه أو اى افكار اخرى من شئنها ان تزيد عددنا
ولو ربنا قدرنا نلفت نظر الأعلام يبقى افضل
انا عاوز جديه منكم فى ده مصدرها اننا لازم نلم الناس حوالينا عشان احنا دلوقتى نواه لشيء كبير قوى حيغير كل اللى احنا فيه ومش عاجبنا كلنا
ولو حصل ده بسرعه فالوقت مناسب للتغيير بالنظر لموضوع الأنتخابات الرئاسيه
وهدفنا من التجمع ده اللى ربنا يبارك فيه هو اننا نعلم الناس هما عاوزين ايه من الرئيس الجديد
لأننا لو فضلنا زى ماأحنا ,,,,,,,,,,,,,,,,
لو جابولنا رئيس وحكومه ليها اجنحه وبتطلع نار من ................................ فمها
مش حيحصل اى تغير الا للأسواء

يمكن حماسى ده حيعمل بعض الغموض عند البعض
وده سببه انى لسه ماقولتش احنا كلنا فاهمين الموضوع غلط ازاى ؟؟؟
ولما نفهم كلنا حنشوف الحلول بمنتهى السهوله من غير اى احد ما يقول للتانى وانطباعكم عن القصه دى حأفهم منه حاجات كتير حتبقى موضوع اللقاء القادم ان شاء الله
مبدئيآ والى ان يشاء الله بلقاء أخر

درب نفسك على تقبل انك غلطان واتنازلت عن كل حقوقك اللى كل اللى شاغلك انها راحت منك ظلم اقتنع بده لأنه حقيقه ساثبتها لك
ممدوح القاصد