عبدالناصر النادي
2011/2/10, 6:40 AM
الواد عبدالله
===
الواد عبدالله ..
كان بيقول أنا أحسن
واحد يكتب شعر
وكان بيقول أنا لما أجوز
هاخد أحلي بت
وكان بيقول أنا لما هموت
هتبكي عليا كل الناس
لاني عمري ماكنت في يوم خوان
ولا واد .. وسواس
الواد عبدالله كان عيجان
كان يلبس أحلي القمصان
كان شايل حلم في ايد
والتانيه شايل أغصان
كان يوم شغال
ويومين عطلان
كان بيقول أنا لما أتوظف
هبقي أحسن انسان
وهكون في الزفه أحلي العرسان
وهلبس مرتي أجمل فستان
كان شايل حلم لامه
ولخواته شايل أحلام
الواد عبدالله كان حلم بيمشي
وفي يوم صحيت سألت عليه
قالولي .. مات
كان ماشي في مصر
دهسوا القطر .. ومات
=======
شعر/ عبدالناصر النادي
===
الواد عبدالله ..
كان بيقول أنا أحسن
واحد يكتب شعر
وكان بيقول أنا لما أجوز
هاخد أحلي بت
وكان بيقول أنا لما هموت
هتبكي عليا كل الناس
لاني عمري ماكنت في يوم خوان
ولا واد .. وسواس
الواد عبدالله كان عيجان
كان يلبس أحلي القمصان
كان شايل حلم في ايد
والتانيه شايل أغصان
كان يوم شغال
ويومين عطلان
كان بيقول أنا لما أتوظف
هبقي أحسن انسان
وهكون في الزفه أحلي العرسان
وهلبس مرتي أجمل فستان
كان شايل حلم لامه
ولخواته شايل أحلام
الواد عبدالله كان حلم بيمشي
وفي يوم صحيت سألت عليه
قالولي .. مات
كان ماشي في مصر
دهسوا القطر .. ومات
=======
شعر/ عبدالناصر النادي