لماذا نعم للتعديلات الدستورية

[أم محمد]

لماذا اصوت بنعم للتعديلات الدستوريه
1- اعادة الاشراف القضائى الكامل على الانتخابات وغلق الباب امام التزوير{مادة77}
2-تخفيف شروط الترشيح لرئاسة الجمهوريه وتحديد مدة الرئاسه{ 4سنوات}{ماده77..مادة 76}
3-الغاء قاعدة المجلس سيد قراره واحترام احكام القضاء {مادة 93}
4- الغاء قاعدة المجلس سيد قراره واحترام احكام القضاء {مادة 93}
5-الزام المجالس المنتخبه بعمل دستور جديد فى اول انعقاد لها {مادة 148}
5- الزام المجالس المنتخبه بعمل دستور جديد فى اول انعقاد لها {مادة 189 مكرر }
6- التمهيد لانتخاب الرئيس الجديد من خلال مجالس منتخبه غير مزورة.
7- الانتخاب ببطاقة الرقم القومى.
اخى المواطن
{تعديل فى اليد ..... خير من دستور فى الغد}
خاصة وان هذا التعديل ينص على عمل دستور جديد خلال اشهر قليله بعد الاستفتاء,
يتم عمله من خلال لجنة تأسيسية يختارها مجلس منتخب غير مزور
اما اللجنة التأسيسية الاّن
فمن سيختارها لكى ترضى الجميع؟!
كما ان عدم الموافقه على التعديلات يؤخر تسليم زمام الدوله لحكم مدنى وهذا التأخير مع وجود ذيول الثورة المضادة التى مازالت تعبث فى الظلام ,يجعلنا نغامر بالدخول فى نفق مظلم لايعلم مداه الا الله
اخى المواطن كن ايجابيا ولا تنسى ان صوتك امانه
وشارك ابناء مصر فى صنع المستقبل لمصرنا الحبيبه بالتصويت
بنعم
خاصة ان صوتك لن يزور
موعدنا السبت القادم 19-3-2011
والله الموفق


</B></I>
__________________

ارفع رأسك فنبيّك محمّد

[Cheetos]

انا كنت مع التعديلات
بس بعد مفكرت فيها لائييت ان احنا كدة بنزود الفوضى ب 5 انتخابات اخرى .. و منغير شرطة !!

[ناصر مهدى]

اصوت بنعم للتعديلات الدستوريه

[Cheetos]

احنا كدة بنزود الفوضى ب 5 انتخابات اخرى
و دا طبعااا حيبقى ف مصلحة الحزب الوطنى و الاخوان .. عشان هما المعاهم فلوس يضمنوا بيها صوتهم ..
و بكدة يبقى سبنا انتصاراتنا للمعمالوش حاجة ف الثورة دى !! !!

[أم محمد]

احنا كدة بنزود الفوضى ب 5 انتخابات اخرى
و دا طبعااا حيبقى ف مصلحة الحزب الوطنى و الاخوان .. عشان هما المعاهم فلوس يضمنوا بيها صوتهم ..
و بكدة يبقى سبنا انتصاراتنا للمعمالوش حاجة ف الثورة دى !! !!


الكلام ده يا أخي مش مظبوط
لأن الدستور الجديد
هيكون في وجود رئيس جديد
و هتكون مصر في وضع مستقر بحيث المجلس الأعلى يكون على حدود البلاد بيحميها
و هتكون الشرطة مستقرة في مكانها

و التعديلات الحالية بتلزم الرئيس الجديد بدستور جديد في خلال 6 شهور

اللي هيقول لا هوه اللي هيعرض البلد لفوضى ملهاش حل
لأن مصر هتكون في فراغ سياسي فترة أطول
و فتن طائفية لن تمر على مصر بسلام

[أم محمد]

نعم للتعديلات الدستورية

[Cheetos]

انا بعترض .. عشان بدل منعدل الدستور مرتين نعدلوا مرة واحدة اختصارا للوقت

[أم محمد]

يا أخي دا دستور دولة
اللي هيقول لا هيضطر المجلس الاعلى لعمل دستور جديد و البلد في حالة فراغ سياسي
طبعا الدستور وهوه بيتعمل
البلد هتهيج فتن طائفية
و مش هتكون مستقرة

اللي عاوز مصر تقع بجد يقول لا للتعديلات

اللي عاوز يبدأ يبني مصر
و ينجح الثورة بجد يقول نعم للتعديلات
لأن التعديلات بتتيح انتخاب نزيه للرئيس
و بتلزم الرئيس بعمل دستور جديد في خلال 6 شهور باتسفتاء جموع الشعب

يبقى نعمله واحنا مستقرين و جيشما بيحي حدودنا
و لا نعمله واحنا في فوضى ؟

و ما تفكرش ان اسرائيل دلوقتي بتلعب
اسرائيل بتتفرج علينا كويس اوي

واحنا مصر مصر دي مش اي بلد

دي مطمع للكل

و علشان نحمي مصر بجد

يبقى نعم قوية للتعديلات الدستورية

[ناصر مهدى]

و ما تفكرش ان اسرائيل دلوقتي بتلعب
اسرائيل بتتفرج علينا كويس اوي

واحنا مصر مصر دي مش اي بلد

دي مطمع للكل

و علشان نحمي مصر بجد

يبقى نعم قوية للتعديلات الدستورية
نعم نعم نعم

[أم محمد]

نعم نعم نعم

إن شاء الله
يا رب 80 مليون نعم
و الرئيس الجديد يعمل دستور جديد

[kamel]

السلام عليكم و رحمة الله و بركاته

شكرا ام محمد على الموضوع المهم جداااااا
و حمد لله على السلامه
و نورتى بيتك

طبعا مع كل احترامى لرأيك و رأى ناصر

بس انا شايف
ان

الثورة لم تنتهي الجيش بيلتف علي المطالب و فيه تضليل اعلامي حول باقي مواد الدستور و هيا :
لو قلت نعم:هتقر أن مدة الرئاسة هي 4 سنوات (م77معدل) وفي نفس الوقت هي 6 سنوات(م190)
لو قلت نعم:هتقر بحق الرئيس ف تعيين وعزل أي موظف مدني،عسكري،سياسي دون أدنى مساءلة م143
لو قلت نعم:هتقر بشرعية رئاسة رئيس الجمهورية للهيئات القضائية م173
لو قلت نعم: هتقر... بشرعية محاكم أمن الدولة وما يجري فيها م171

هل توافق على استنساخ مبارك جديد؟؟

الرئيس هو رئيس الدوله فى الماده 73
و رئيس اللجنه التنفيذيه فى الماده 137
و رئيس المجلس الاعلى للهيئات الفضائيه فى الماده 137
و قائد القوات المسلحه فى الماده 150
و رئيس هيئة الشرطه فى الماده 184
و رئيس مجلس الدفاع الوطنى 182
و مجلس الوزراء لو حضر اجتماعاته 142
و له السلطه فى حل مجلس الشعب ف الماده 136
و الشورى فى الماده 204

حسب التعديلات المطروحه سيقوم البرلمان المنتخب بأختيار اعضاء اللجنه التأسيسيه لصياغة دستور جديد !!
و من المعلوم للجميع ان الوقت المتاح قبل الانتخابات البرلمانيه لا يسمح بظهور قوى جديده على ساحة العمل السياسى
مما يمهد الطريق لاصحاب النفوذ و المال من فلول الحزب الوطنى الذين يملكون قدرات تنظيميه
تمكنهم من العوده الى صدارة المشهد مره اخرى و السيطره على البرلمان الجديد
و ابلغ دليل هو موافقة الحزب الوطنى على التعديلات

فهل المطلوب ان يقوم هؤلاء..بتحديد مستقبل مـــصـــر

قد نأتى بمجلس شعب يعبر عن أقصى أرادة للشعب إذ أننا مضطرين أن ننتخب نصفه من العمال و الفلاحين فحتى مع أقصى مراحل الوعى السياسي أنت مجبر أن تنتخب شخصاً قد تكون واثقاً من عدم صلاحيته للمكان و لكنك مضطر لأنتخابه حتى لا يصبح صوتك باطلاً بمعنى أصح نسبة كبيرة منينا هينتخب مرشح و ياخد قصاده واحد هوا مش مقتنع بيه يبقى أخدت نصف أرادتى بس و عملت مجلس تشريعى أعرج أنبثقت منة جمعية تأسيسية عرجاء و أنتظر منها تأسيس دستور سليم معافى .... كيف ذلك و فاقد الشىء لا يعطيه
عذراً لم تقم الثورة حتى نحصل على أنصاف أرادتنا


و لو حتقولوالجيش ممكن يمسك البلد و تبقي عسكرية زي 52
حقول
ثورة 52 كان الجيش الي عاملها
لاكن دي ثورة شعب و الجيش هيفكر الف مرة قبل ما يعمل كدة
و لو حتقولو الاستقرارحقول ما لو قلت نعم
هتعمل 6 انتخابات
لاكن لا 2 انتخابات بس
عشان لو قلت نعم
هيتعمل انتخابات مجلس شعب و شوري و رئاسة
و لما يتعمل دستور
هيتشالو و يتعملو من جديد

و لقد اعلنت غالبيه القوى الوطنيه و رموز مصر الشرفاء
من كتاب و مثقفين و سياسين رفضهم لترقيع الدستور
و اعلنو دعمهم للثوره فى مطالبها بأقامة دستور جديد
و اسقاط دستور العهد البائد

و على كل هذا علينا ان نستمر ف نضالنا و النظام السلمى المشروع و المشاركه فى الاستفتاء

و اعلنها صريحه

لا للتعديلات الدستوريه....من اجل دماء شهدائنا
لا للتعديلات الدستوريه ....من اجل مستقبل مصر

[أم محمد]

و لو كانت النتائج تحويل مصر إلى دولة علمانية ؟

كيف ستكون مصر حينها ؟

[kamel]

الماده الثانيه من الدستور لن يتم المساس بها بأى حال من الاحوال

و لكن ما هى فائدة ان نكون دوله اسلاميه فى دستور ثمنه اقل من ثمن الورق الذى كتبت عليه

يا ام محمد احنا دوله اسلاميه على الورق بس

و احب اطمنك ان الماده الثانيه من الدستور لن تمس بأى طريقه

و انا مقدر خوفك على مصر
و على شرف مصر بالاسلام

[أم محمد]

لا أضمن عدم المساس بالمادة الثانية

و لا أضمن تحويل مصر إلى مسارح للفتن الطائفية

و لا أضمن أن تظل تظل مصر اسلامية

مصر طول عمرها مساجد و الآذان في كل مكان

يا ترى بكره هتكون إيه

و الله إنها حملة ظاهرها القضاء على الفساد
و الحمد لله قضينا على معظمه
و في طريقنا لقطع ذيوله معا ً بإرادتنا و بوجدود رئيس و بوجود مرحلة استقرار آمنة
و لكن باطنها
أن تتحول مصر إلى علمانية بمن يقولون للدستور بالترقيع



أنا لا أضمن من الرئيس القادم
و في نفس الوقت الرئيس القادم في التعيلات مطلوب منه دستور جديد بموافقة الشعب

و لا أضمن اللجنة التأسيسية التي ستعقد لعمل دستور جديد في ظل هذه الفتن الطائفية التي نعيشها
يبقى ليه افرط في عقدي اللي في ايدي
علشان عقد ظروفه غامضة

نعم حتى لو قلتها وحدي
و من أجل الشهداء
لن أساهم و لو بقدر واحد في المليون لأهديهم مصر علمانية فلا أظنهم ماتو من أجل مصر علمانية
و إلا كيف يستحقون لقب الشهادة ؟؟؟؟؟؟؟؟؟؟؟

حتى لو قلتها وحدي
فلن أتحمل علمانية أحفادي أمام الله

[kamel]

انك تظنين انك بقولك نعم تحمين مصر من ان تكون علمانيه
و رغم ذلك انتى تعرضين مصر لذلك
و لكم بطريق غير مباشر
هل مصر اسلاميه
بأن رئيسها مسلم

و هى من الاساس لا تحكم بالدستور الاسلامى و هو القرأن
شوفى كتاب دين ف اى سن من السنين
قوليلى شايفه ايه
شايفه دروس تقول للاطفال و الشباب جاهدو فى سبيل الله
شيفه حاجه تقول للاطفال ثور على الظلم شايفه حاجه تقولهم
الساكت عن الحق شيطان اخرس

هو حاكمنا كان نسلم من الاساسا
و اصلا ليس حسنى مبارك او غيره من المصرين كان يحكمنا
كلنا نعرف من كان الحاكم الحقيقى لمصر

و اذا كان الدستور سوف يغير مع الرئيس الجديد

ما ادراك
انه لن يجعلها علمانيه ؟؟؟
؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟

[أم محمد]

رأيك أخي و تحمله

و رأيي و أتحمله

جزاك الله خيرا

رأيك لا و لك أسبابك

و رأيي نعم و لي أسباب

[محب الله]

السلام عليكم ورحمه الله وبركاته
حوار جميل وجرئ جدا
استمتعت بيكم والله جدااااااااااااااا
وانا شايف قدامى رمزين لحب مصر والاتنين بيحترموا بعض على الرغم
من الاختلاف فى الرأى
نحن نسمع نعم من ذلك وهذا يقول لا
لكن انا هقول حاجه بسيطه جدا
هو كان فى ظروف اسوء من ظروف الثورة
علشان مصر تتحول لاعدئها بيتهيئلى مكنش فى فوضى اكتر من اللى احنا فيها
يعنى الجيش فى الشارع ومفيش شرطه
ومفيش امن دوله ومفيش حكومه ومفيش رئيس
ومفيش مجلس شعب وشورى ومفيش ومفيش
قدروا فعلا يسيطروا على دمغنا كويس اننا فى وش المدفع وهنتاخد
ونسونا حققونا دلوقتى بيقولى
لو قولت لا هيخشوا علينا من الباب ويخدونا
ولو قلت نعم
يمكن تتصلح وزى مقولتى اختى الكريمه ام محمد
اننا نضمن عصفور فى اليد والبلد والعلمانيه
لكن اظن ان الواحد لما بيموت
روحوا بطتلع مره واحده
ولما واحد يتولد بيبث فيه روح واحده
وده معناه يتعديل وتغير شامل فى الدستور فى خلال
ست شهور زى مقالوا اول مره ايام الثورة لو تفتكروا
ومنهم اللى قال مين مش معاه دستور محضروا؟
ودول اكبر المفكرين فى المجال ده
بيتهيئلى على كلمهم اللى سمعناه قبل ميخشوا المجلس علشان يعملوا الدستور
يخلينى ااقول لااااااااااااااااااااااااااااااااااااااااااااااااا
وبصوت عالى
لانهم قالوا كلنا معانا دساتير تصلح افضل بكثير للشعب من هذا الدستور
ودلوقتى نرقع الدستور بحجه احنا مستهدفين
واحنا واحنا
محنا فعلا مستهدفين
مستهدفين فى عقولنا اللى غيبوها عن الواقع اللى خلونا نخاف ونمشى جمب الحيط
لكن خلاص الشعب فاق وماشى فى نص الطريق
ايد فى ايد ةوكتف فى كتف
ولو عملوا فتنه فى اسكندريه علشان يقولوا دى النتيجه
فعندكم بقيت مصر بصوا فيها ارجوكو
انا هنا بقول لا لترقيع الدستور وانا بقلب جامد
لانى لو مت هموت مره واحده
ولو الدستور اتعدل هيتعدل مره واحده
والله الموفق
والسلام عليكم ورحمه الله وبركاته

[أم محمد]

نعم = استقرار -- بداء البناء -- - فترة انتقالية قصيرة -- رئيس جديد ننتخبه بأنفسنا يضع دستور جديد بموافقتنا على كل مواده -- الجيش يبدأ يرجع شغله الأساسي و هو حماية الحدود المصرية
او عى تفتكر إن اسرائيل و أمريكا بيتفرجو من غير ما يخططو


لا = فترة انتقالية طويلة -- لجنة تأسيسية لصياغة دستور جديد لا أضمنها -- الجيش موزع داخل و خارج البلاد و مثقل بالمسؤوليات الكثيرة التي تشغله عن وظيفته الأساسية و هي حماية حدود الوطن

و أخيرا
الله المستعان
صناديق الاقتراع موجودة
و ان شاء الله نتقبل النتائج أيا كانت

و نبدأ في حماية مصر معا

ذوو الرأي المؤيد و ذوو الرأي المعارض

اللهم اعبر بمصرنا عبورا آمنا مطمئنا

و اجعلها يا رب منارة للعلم و الإيمان
على مدى الدهر يا رب العالمين

رايي نعم
و رأيك لا

و نحن مصريان نحب مصرنا
أحب مصر و افديها بكل ما أملك
و أضع مصر فوق جبيني و في قلبي و أحميها من كل غادر

فأنا مصرية
أغار عليك يا أغلى وطن

نعم للتعديلات
نعم لرئيس جديد بدون أي صلاحيات فسيبدأ في عمل الدستور الجديد الذي سيكون بموافقتنا على كل بنوده
و مدة رئاسته لن تتعدى أربع سنوات
ليتكون بعدها رئيس آخر جديد يبدع من أجل مصر
و يبدع في إعلاء شأنها

نعم للتعديلات

نعم لمصر جديدة سعيدة بإذن الله

[أم محمد]

لو كل الدنيا قالت لا

هاقول لوحدي نعم

رايي و مقتنعه به

اقابل به ربي و يعرف ربي لماذا أقولها

و رأيك برضه انت و الملايين انتو أحرار فيه

http://news.maktoob.com/article/6117342


و في الآخر دي مصر

ربنا يستر عليكي يا مصر

[ناصر مهدى]

http://www.youtube.com/watch?v=aQodd_I5LQs

[أم محمد]

http://news.maktoob.com/article/6117342/page/2 (http://news.maktoob.com/article/6117342/page/2)








و عشان كل الناس دي
يبقى نعم قوية بإذن الله

[honey bee]

http://www.islammemo.cc/hadath-el-saa/Entefadat-Masr/2011/03/18/119384.html


كلهم هؤلاء قالوا (نعم)

[أم محمد]

http://www.islammemo.cc/hadath-el-saa/Entefadat-Masr/2011/03/18/119384.html


كلهم هؤلاء قالوا (نعم)



يا أختي حاولي تبعتي الفيديو ده
لأكبر عدد من الناس الفيديو اللي بعتته لك الصبح

لازم كل المسلمين يعرفو الحقيقة

[ناصر مهدى]

على فكره انا لسه جى الان من الاستفتاء
وبصراحة مشفتش حد قال لا
بل كله بيقول نعم
ومفيش اى نوع من انواع الضغط على الناس فى الاستفتاء

[أم محمد]

http://www.facebook.com/profile.php?id=548026993

[أم محمد]

الكنيسة قالو لا

http://news.maktoob.com/article/6117342/page/2

[honey bee]

اهه الفيديو
واسفة جدا ع التأخير ام محمد


http://www.youtube.com/watch?v=TD59HLpuhVg

[أم محمد]

الحمد لله

اللهم انصر دينك

و أعز الإسلام و المسلمين

في كل بقاع الأرض

[Cheetos]

طب و فيها ايه ان السلفيين يقولو نعم و الكنيسة تقول لا
كلنا مصريين زطن واحد ارض واحدة

انا مسلم قلت لا .. و واحد صحبى مسيحى قال نعم ( و العكس )
لا يجوز تشويه صورة نعم او لا !! دا كله فى مصلحة الوطن

و كمان انا حطيت موضوع فيه فديوهات تزوير يعنى لازم كلنا تقف مع بعض عشان نعدى من المرحلة دى بقا !! ولا ايه

[أم محمد]

طب و فيها ايه ان السلفيين يقولو نعم و الكنيسة تقول لا
كلنا مصريين زطن واحد ارض واحدة

انا مسلم قلت لا .. و واحد صحبى مسيحى قال نعم ( و العكس )
لا يجوز تشويه صورة نعم او لا !! دا كله فى مصلحة الوطن

و كمان انا حطيت موضوع فيه فديوهات تزوير يعنى لازم كلنا تقف مع بعض عشان نعدى من المرحلة دى بقا !! ولا ايه


صدقت يا أخي و الله
و جزيت خير الجزاء
بارك الله فيك
و أكثر من أمثالك

معلهش داكان امبارح بس ومن حق كل واحد ان يدافع عن مبدأه و قيمه بالحجج القوية

و إن شاء الله

نبدأ نبني مصر

[Cheetos]

يااااه اخيراااااا
يارب مصر تبقى احسن الدول و شعبها احسن الشعوب
و جزاك الله خير الجزاء يا ام محمد

[أم محمد]

يااااه اخيراااااا
يارب مصر تبقى احسن الدول و شعبها احسن الشعوب
و جزاك الله خير الجزاء يا ام محمد


و جزيت ياأخي خير الجزاء
و مصر بالمخلصين أمثالكم

اللي ساعة الجد
و لما يعرفو ان فيه حد عايز يسرق أمان مصر
عايز يسرق شباب مصر


أحلام مصر

يوقفوه عند حده و يقولو له

نعم لحب مصر

و لا لالا لكل من يريد المساس
بشرف مصر و بحضارة مصر
و لالالا للي عايز يشوه ثورة مصر