هل نعم ام لا للتعديلات الدستوريه [الأرشيف]

مشاهدة النسخة كاملة : هل نعم ام لا للتعديلات الدستوريه

ناصر مهدى

2011/3/17, 9:12 PM

هل نعم ام لا للتعديلات الدستوريه
ولماذا ؟؟؟

http://www.youtube.com/watch?v=aQodd_I5LQs

ناصر مهدى

2011/3/17, 9:29 PM

http://www.lagna.idsc.gov.eg/images/banar3.jpg

لو عازين تعرفة مكان التصويت
من هناااااااااا (http://www.lagna.idsc.gov.eg/srch_gov.aspx)

أم محمد

2011/3/17, 9:32 PM

نعم = استقرار -- بداء البناء -- - فترة انتقالية قصيرة --
رئيس جديد ننتخبه بأنفسنا يضع دستور جديد بموافقتنا
على كل مواده -- الجيش يبدأ يرجع شغله الأساسي و هو حماية الحدود المصرية --
او عى تفتكر إن اسرائيل و أمريكا بيتفرجو من غير ما يخططو

المادة التانية في ايدي

لا =فترة انتقالية طويلة -يا عالم هتودي مصر على فين و هيظهر فيها كل الطامعين -
لجنة تأسيسية لصياغة دستور جديد لا أضمنها --
الجيش موزع داخل و خارج البلاد و مثقل بالمسؤوليات الكثيرة التي تشغله عن وظيفته الأساسية و هي حماية حدود الوطن -
المادة التانية ضيعتها و يا عالم هترجع لي و لا لا

-- مش مخاوف و لا فزاعة -- بس دي الحقيقة

يا ريت نشغل مخنا علشان منخسرش دنيا و دين و نسلم مصرنا و مصيرنا بإيدنا للعمانيين

و أخيرا الأهم مصلحة مصر

اللهم ولي أمورنا خيارنا

ناصر مهدى

2011/3/17, 10:07 PM

انا قرأت تعليقتكم كلها من فضلكم اسمعونى وركزوا فى كل كلمة
انا واحد زيى زيكم والله انا معيد علوم سياسية فى كلية سياسة واقتصاد
امريكا دخلت ليبيا وهتبقى العراق 2 وليبا اصلا قبائل ومنقسمة يعنى حرب
اهلية ده غير المقاومة ضد الاحتلال الامريكى وده هيخلى فى لاجئيين ملهمش عدد ييجوا على مصر ده غير الـ 2 مليون مصرى اللى هيرجعوا مصر ودى الكارثة الاولى
- السودان بعد اما انقسمت دلوقتى فيها بوادر حرب اهلية حاجة ده هيخلى لاجئيين سودانيين ملهمش عدد ييجوا على مصر وطبعا وجود اللاجئيين فى اى دوله بيأثر بالسلب على موارد الدولة ومعدل الإستهلاك ودى الكارثة التانية
-بعد توقيع بوروندى على الإتفاقية الإطارية لحوض النيل إبتدت اثيوبيا تبنى فى السد فعلا بمساعدات اسرائيلية واوروبية والحل الوحيد غيره من حكم انه يتوجه ضربة عسكرية مباشرة للسد وطبعا لما احنا هنضرب اثيوبيا اسرائيل واوروبا مش هيسكتوا وهيزودوا اثيوبيا بالاسلحة عشان ترد علينا ده غير المصيبة اللى محدش واخد باله منها ان لما تحصل حرب اهلية فى السودان جنوب السودان اصلا موالى لاسرائيل وامريكا يعنى هيكون فى قوات امريكية فى الجنوب اللى فيها الممر المائى للنيل يعنى هيتحكموا فى حجم مياه النيل اللى جايلنا ودى الكارثة الثالثة
-فى لاجئيين فلسطينين بيدخلوا مصر وحدودنا مع اسرائيل فى خطر عشان حجم القوات قل واسرائيل ابتدت تستفز الجيش بالمناورات اللى بتعملها على الحدود ووجود سفن حربية فى مضيق تيران ردا على سماح الجيش المصرى بعبور سفن حربية ايرانية وسيناء الجيش تقريبا اصبح شبه مهمش فيها وطبعا صفقات السلاح ملهاش حصر هناك ودى الكارثة الرابعة
ويبقى الجيش وحده هو المسئول طبعا عن مواجهة ال 4 كوارث دووول طب الجيش هيواجه ازاى الكوارث دى واصلا هو متورط فى استقرار البلد وبيواجه الفوضى اللى بتحصل فى مصر
يا مصريين مصر بتضيع والسبب الناس اللى فى التحرير اللى لسه معتصمين لحد دلوقتى واللى بسببهم فى معتصمين فى مصطفى محمود
يا جماعة انا اتكلمت مع دووول ودووول الناس بتوع التحرير بقى فى فوضى وجهل فى التعبير عن المطالب انا شفت يافطات يسقط المشير والنائب العام ودى مصيبة ولما اتكلمت معاهم قالولى احنا عايزيين المعتقلين يخرجوا والمسجونين اللى هربوا يرجعوا
واعدام العادلى ومحاكمة الضباط اللى قتلوا الشهداء وحل امن الدولة ورجوع الشرطة فى الشارع تانى وكل ده فى 15 يوم وحل امن الدولة اللى مطلعه الاخوان ده رفع سقف المطالب بس مش مطلب اصلا لان الاخوان عارفه اهمية امن الدولة فى حماية مصر وهى عايزه تعيد هيكلة امن الدولة وتضمن الحرية لنفسها وده مش هييجى غير انى ارفع سقف مطالبى وده حاجة معروفة فى المفاوضات ومش عيب ده من حقهم والاخوان دلوقتى ضد الاعتصام وده انا عرفته من واحد مسئول فى مكتب الارشاد
يبقى مين اللى مستغل جهل الناس اللى فى التحرير واللى بسببهم بقى فى اعتصام فى مصطفى محمود والناس هناك للاسف لما بعتولى عشان افهمهم ايه المخطط على مصر الناس الحمد لله استجابت لكلامى بس للاسف اللى عامل الاستيدج طلع وقال احنا هنا عشان مش عايزيين اعتصام فى التحرير وتكريم احمد شفيق ومبارك وان الناس اللى فى التحرير مش مننا وعايزين يخربوا البلد والناس اللى فى التحرير بيقولوا عليهم عملاء ومدفوعلهم وحزب وطنى وهما دووول الخونة بتوع الثورة المضادة
وهو ده اللى عايزينه الصهاينه انهم يوقعوا بين طوائف الشعب وتقوم حرب اهلية طب ازاى تقوم حرب اهلية من غير متكون دامية وليها اسبابها المقنعة وهى الفتنة الطائفية ومن هنا ابتدى المخطط يتنفذ صح وحصل حريق كنيسة الشهيدين ومحدش يصدق اللى بيحصل انهم اتصالحوا عشان الثأر ثأر وخصوصا ان مفيش شرطة ولا امن واللى يموت مالوش ديه وهى دى شرارة الحرب الاهلية اللى هتورط الجيش فى الشعب ومن هنا هتلاقى امريكا بعتتلك قواتها بإسم حفظ السلام ونبقى انتهينا
يا جماعة انا اقسملكم بالله مش بقول الكلام ده من فراغ ولا بخوف الناس زى ما اتهمونى فى التحرير انا واحد عادى جدا اسمى رامى على عاشور حاصل على ماجستير علوم سياسية ودبلوم نظم سياسية افريقية ودبلوم مفاوضات دولية وشهادة من الأمم المتحدة لشثون اللاجئين غير انى اتكلمت مع ناس فى مراكز حساسة جدا وسجلت الكلام ده كله مع برنامج مصر انهارده وصحفية فى اليوم السابع
يا جماعة الناس بتسحب فلوسها من البنوك عشان خايفة يعنى اقتصدنا بيقع غير البورصه اللى انهارت والناس بتبنى على الاراضى الزراعية يعنى انتاجنا هيقف والبلطجة بقت فى الشارع بالسلاح يعنى مفيش امن والجيش رافع حالة الطوارئ العسكرية
بقى دلوقتى فى يافطات بتقول يسقط المشير وباقى الشعب يقول الجيش ماله سلبى ليه كده
يا جماعة انزلوا بنفسكم حاولوا تكلموا الناس بس بهدوء وتكونوا مجموعة وشوفوا بنفسكم رد فعل الناس ايه
بلاش تمشوا ورا الكلام اللى بيستفزكم ويكرهكم فى الشرطة بلاش تمشوا ورا اللى بيستغل عددكم عنده فى صفحته بلاش تندفعوا فى تصرفاتكم
يا جماعة مصر والله العظيم فى خطر
وحسبى الله ونعم الوكيل فى كل واحد بيشعلل الدنيا وعايز يخربها وطمعان فى منصبمنقول للعلم
يعنى نعم للتعديل

kamel

2011/3/18, 5:36 PM

يا ترى ((( الاخوان))) عاوزينا نقول (( نعم )) لييييييه ؟؟؟؟؟؟
أول حاجه لازم نعرفها مين اللى عاوز يقول نعم ومين اللى عاوز يقول لأ .
نقدر نقول ان اللى بيقولوا لأ هما : (حزب الوفد ، الكرامه ، الغد ، التجمع حركة كفايه ، شباب 6 ابريل ، ائتلاف شباب ثورة 25 يناير ،محمد البرادعي ،عمرو موسى ،رئيس نادي القضاه الاسبق المستشار زكريا عبد العزيز ، عمرو حمزاوي ، عمرو خالد ،وطبعا اشخاص معروفين كتير لا حصر لهم زي عمرو واكد و معز مسعود واحمد حلمي و...يعني نقدر نقول المعارضه كلها اللى كانت ضد مبارك وحكمه ونظامه ،بس لو تلاحظم احنا ماذكرناش حاجه مهمه جدا ومننكرش انها كانت من اشد المعارضين للنظام السابق وهي جماعة الاخوان المسلمين ودي الحقيقه ان جماعة الاخوان اعلنت انها بتقول نعم وتحث افرادها على انهم يقولم نعم . طيب ومين تاني هيقول نعم معاهم طبعا مفيش باقي غير الحزب الوطني وبرده الحزب الوطني أعلن رسميا انه هيقول نعم ، طيب مش غريبه ان الاخوان والحزب الوطني يجتمعم مع بعض مع اننا عارفين مدى العداوه بينهم على مدار 30 سنه من النظام الاسبق . حاجه تانيه مهمه الاخوان غير انهم اعلنم انهم هيقولم نعم بيدعم الشعب انه يقول نعم ؟؟؟؟ وبيعملم مؤتمرات واعلانات وبيقعدم مع الناس يقنعوهم انهم يقولم نعم وطبعا مصاريف جامده اوي بتتصرف على جعل الشعب انه يقول نعم ؟؟؟؟؟ لييييه
طيب هل ممكن يكون فيه سبب لكده ، اكيد طبعا السبب واضح جدا ان لما هتكون نتيجه الاستفتاء بنعم يبقى تاني مرحله هندخلها علطول انتخابات مجلس الشعب ، يعني تاني يوم نلاقي كل شوارع مصر مليانه مرشحين اخوان وحزب وطني نازلين يرشحم نفسهم ، طيب ولو اتقال لا طبعا هيتعمل دستور مؤقت وهتأسس جمعيه تأسيسيه لعمل الدستور وطبعا كل يوم هيعدي هتتكون احزاب وهيعرف المرشحين المستقلين ينزلم يقولم للشعب احنا اهو والشعب يعرفهم لكن سرعة انتخابات مجلس الشعب بتخلي الكوره في ملعب الاخوان بس، لان هما بقالهم 30 سنه بيلعبم اللعبه دي ولهم مرشحين وناخبين جاهزين انهرده مش بكره ودي أساس الموضوووع ، ولكن اي يوم تاخير هينزل مرشحين جداد على الساحه وطبعا حقي كمواطن مصري لا انتمي للاخوان ولا الوطني اني اسمع واشوف برامج مرشحين كتير جداد عشان صوتي غالى عليا ولازم اكون راضي وانا اضع صوتي.
طيب تيجي نعرف هما بيقولم ايه عشان يقنعونا بان احنا نقول نعم :
يقولك الاستقرار والبلد تمشي . طيب تعالم نفتكر لما مبارك قال خطابه بتاع أنا هكمل فترتي السته اشهر وبعدها اسلم امانه مصر ، بعد الخطاب ده الشعب انقسم لمؤيد للاستقرار ومعارض لمبارك، وهما الاخوان كانم معارضين طبعا وكان المؤيد يقولهم عشان استقرار البلد يقولم لا لازم يمشى وطبعا احنا كلنا كنا مع بعض انه يغووور ، طيب سؤاال بقى ليه ساعتها مفكرتش في استقرار البلد ؟؟؟؟؟؟؟؟
وبعدين استقرار البلد هيقف في خلال شهرين يتعمل فيهم الدستور ، للعلم بقى كليه حقوق جامعه القاهره قالت ان عندهم دستور جديد من الألف للياء جااهز وهيرضي كل مطالب الشعب ، و أجمع الفقهاء الدستوريين زي رئيس نادي القضاه الأسبق المستشار زكريا عبد العزيز وكلهم ان بناء دستور جديد نهائي و دائم لن يأخذ أقل من شهرين ، يبقى ازاي نسمح بتعيين مجلس شعب ورئيس على دستور مرقع وفيه صلاحيات غير محدوده وايه اللى يخلي الرئيس بعد مايتعين انه يلغي صلاحياته ،ولو حتى قدرنا نجبره على كده مش هيلغيها كلها وعلى قدر استطاعته هيترك لنفسه صلاحيات يبقى الصح ان احنا نضع دستور والرئيس يأتي عليه مش العكس، بجد من بعد مبارك لما حكم مصر في اول حكمه كان الشعب بيقول عليه كويس ، خلاص لم نعد نأمن لمبارك ااخر.
نقطه أخرى بيقنعوا الناس بيها الماده التانيه ويقولم ان لو اتغير الدستور الماده التانيه هتتغير.
اولا انا كمواطن مصري مسلم والحمدلله اول ما اسمع شخص يتحدث عن تغييرها استغرب لان في قناعتى مستحيل ده هيحصل ، طيب خلينا معاهم للاخر ، الاول البابا نفسه اعلن ان الماده التانيه استحاله هندعو لتغييرها ، ومجموعه من الكنائس في مصر قالت نفس الكلام ، طبعا الكلام ده ما يقنعهمش ، اقولهم بقى انتم بتضحكوا على الشعب؟؟ ليييه؟؟؟؟ لان هوا الشعب المصري ده غالبيته العظمى اييييه؟؟؟؟؟؟؟ مسلم ولا مسيحي ، هل يعقل ان مصر اللى هتصوت على دستورها انها تقبل بتعديل الماده التانيه لاااا يعقل انتم كده بتستخفم بينا نحن الشعب ،وفي مدى حبنا لديننا اللى هوا فوق كل شئ ، وفي انكم الوحيدين اللى خايفين عليه واحنا عديمي الخوف عليه .

كتبها شاب بيقول لا

kamel

2011/3/18, 6:05 PM

http://www.youtube.com/watch?v=IB_7MH9C9Kc&feature=player_embedded#at=301

honey bee

2011/3/19, 2:01 AM

كامل انا مقتنعة تماما با لأ هى الصح من جميع النواحى دستوريا واستقرار حقيقى مش مجرد صورى
وبزيد على رأيك لأ عشان انا من حقى اصوت على مادة مادة مش كلها حزمة واحدة يااوافق ياارفض كله على بعضه
دى مش طريقة صح ابداااااا

وبرد عليك فى نقطة تانية
بتقول ان الكنائس بترفض تعديل او تغير مادة 2
وانا بقولك لأ
الكنائس والنصارى كلهم اجتمعوا على كلمة لأ لهدف واحد فقط فى قلوبهم المريضة
وهو الغاء مادة اتنين لما يتغير الدستور
وثانيا انت بتقول معقول حد مسلم يرفض مادة اتنين انا بقولك اه فيه كتيييير بيقولوا كدا علانية
بيقولوا عاوزين دولة مدنية او بمعنى اصح علمانية يفصل فيها الدين عن الدولة

انا كلى بيقول لألألأ للتعديلات اللى سايبة حوالى 30 قانون بيخلوا الرئيس القادم فرعون فعلا
ليه السلطة المطلقة ولو شاطرين اأقلبوا الحكم تانى والبلد تضيع اكتر

عارفة ان لأ جراحة صعبة بس هانرتاح من الورم الخبيث تماما
ونعم لا ارى فيها اى ميزة
ولكن اريد ضمانة قوية تؤكد عدم المساس بمادة اتنين فقط

أم محمد

2011/3/19, 2:09 AM

أم محمد

2011/3/19, 2:18 AM

ممكن ايميلك الخاص هابعت لك عليه حاجة مش عارفه احملها هنا يا اختي قبل ما تروحي