المساعد الشخصي الرقمي

مشاهدة النسخة كاملة : يابخت اللي بيقبضوها



النمـــر
2007/1/1, 2:10 PM
إحنا بنتكلم ب20 مليون جنيه كل يوم

http://www.9q9q.org/index.php?image=M2cKkJEDaefBKk

بيتكلم في الموبيل .. وأكيد الجاموسة
اللي وراه سمعاه !

اللي قبلنا قالوا 'اسمع كلامك أصدقك.. اشوف أمورك أستعجب'!
المثل ده كأنه 'متفصل لينا مخصوص.. علي مقاسنا بالظبط'!
ممكن واحد يسأل: طب ليه حكاية التفصيل والمقاس دي.. واحنا ما صدقنا نسينا الترزيه اياهم؟!
وللاجابة تقول: اطمئن ياسيدي.. الحكاية بعيدة عنهم من الاساس.. الحكاية اننا اصبحنا شعراء في هجاء الفقر.. خبراء لا تقف امامنا حدود في ابراز مخاطر الدخل المحدود..
ورغم دا كله نتكلم في المحمول بعشرين مليون جنيه كل يوم!


بذمتكم مش غريبة؟!

في عام 1996 عرفت بلادنا المحمول لأول مرة.. وقتهاكان استخدامه في حدود الاثرياء وطبقة رجال الاعمال والتجار.. ثم اتسعت دائرة استخدامه بعد ذلك لتشمل اصحاب المهن الذين تحتاج طبيعة اعمالهم التعامل مع هذه الوسيلة المتميزة في الاتصال..وكانت اسعار الخدمة عالية باعتبار ان المستفيدين منها قادرون علي الدفع!


وراك.. وراك!


لكن بعد كده الصورة اختلفت.. فمقدم الخدمة يهمه البيع والانتشار.. والمستهلك بيتعامل علي طريقة 'مفيش حد احسن من حد'..وكان ده هو الوتر اللي عزفت عليه عملية الترويج.. اغراءات تحملها الاعلانات تجري وراء المستهلك في كل مكان.. في البيت من خلال شاشة التليفزيون.. في الشارع وعلي الطريق.. في الراديو.. واستمرت الاغراءات تلاحق عيون وآذان الناس لدرجة اقتناعهم بان المحمول هو عنوان الوجاهة.. والعظمة.. والأبهة!


'وايه كمان'؟


* بدأ الناس يتكلموا براحتهم ونسوا أولويات معيشتهم.. اشتعلت المنافسة بينهم.. الشاطر اللي يشتري احدث جهاز..
والأشطر اللي يدفع اكتر مقابل خدمة فيها روشنة ودلع!..
و'أبومين اللي يتباهي بانه يبدفع 5 آلاف جنيه شهريا قيمة فواتير المحاميل الخاصة بيه.. وبالمدام.. والاولاد الثلاثة'!
* يعني استخدام المحمول اصبح 'عمال علي بطال.. والارقام تشهد علي كده.. ففي بداية التشغيل كان عدد المتعاملين معاه نص مليون مشترك.. دلوقتي العجلة بتتحرك بسرعة.. والبلية بتلعب لدرجة ان العدد وصل الي 11 مليون مشترك!


فلوسهم كتيرة!!


في استنكار يسأل المهندس محمود متولي مديرعام المنطقة الثالثة شرق بالشركة المصرية للاتصالات: الناس حصل ليها ايه؟.. فلوسها كتيرة واللا إيه؟!.. واضح ان الناس سايبين اولادهم هاتك يارغي في المحمول 'عمال علي بطال'.. لكن يبدو ان الاولاد معذورين.. لانهم شايفين اهاليهم قدوة في الاسراف والبذخ!
ويضيف: الغريب ان ده بيحصل رغم توفر التليفون الارضي في كل مكان.. في البيت.. والشارع.. وعلي طريق السفر.. مش كده وبس.. تعريفته ارخص وفيه كل امكانيات وخواص التكنولوجيا المتقدمة!


منظرة


لما تصل فاتورة المحمول الي 20 مليون جنيه في اليوم فمن الطبيعي ان يقول د.احمد المجدوب مستشار المركزالقومي للبحوث الاجتماعية والجنائية اننا شعب مريض بالفشخرة والمظهرية.. وده راجع الي ان التغيير الاجتماعي المصاحب للتحولات الاقتصادية جعل المادة هي المهيمنة فتراجعت امامها كل القيم والمثل العليا.. يعني فلان عايزيظهر ويقول للناس 'انا اهه' يقوم يمسك المحمول علشان يتمنظر.. و'كل منظرة واحنا طيبين'

Ali Younis
2007/1/1, 3:31 PM
مشكووووووووووووووووووور

اخى الغالى على موضوعك

pepocdma
2007/1/2, 8:36 PM
ألف شكر يا باشا على الموضوع الجميل

ناصر مهدى
2007/1/2, 11:32 PM
هو ده الشعب المصرى وياريت بيكون بفيده
؟؟؟؟؟؟؟؟