ثورة الغضب المصرية 27/5/2011

[kamel]

http://up.arab-x.com/Apr11/2vx11215.jpg




الثورة ستبدأ من جديد
__________________
بعد ما حدث يوم 8 ابريل ، وبعد تجاهل المجلس العسكرى لطلبات الشعب المصري ، وتجاهله لدماء الشهداء الطاهرة ، وزيادة عدد الاعتقالات فى الفترة الاخيرة ، والمحاكمات العسكرية للمدنيين ، وخطف الناشطين السياسيين من الشوارع ...
كان يجب ان تقوم ثورة اخرى من اجل انقاذ ثورتنا ، لا للمجلس العسكرى ونعم لمجلس رئاسى مدنى ، مطلب لن نرجع عنه ، موعدنا يوم الجمعة27 مايو ، من يحب هذه البلد ويخاف عليها يخرج معنا فى ثورتنا ، من اجل مصر


قسم الثوار :::
________
اقسم بالله العظيم ان اصون تراب هذا الوطن الشريف وادافع عنه واطهره من كل خائن وعميل بكل ما آتانى الله من قوة حتى ارى نور الحق يعلو فوق كل باطل ....
والله على ما اقول شهيد
_________________________________________________________________
من يقسم معى من الاحرار

انقاذ ثورة 25 يناير

- مجلس رئاسى مدنى ثورى لتنفيذ طلبات الثورة كاملة _ سيتم تحديد اسماء اعضاء المجلس فى القريب العاجل _
2- تطهير الشرطة من قيادات الفساد واعادة الامن والامان لمصر
3- تطهير القضاء والنيابات العامة ، لتطبيق العدل ويكون لنا ضامن لتحقيق مطالبنا
4- تطهير المحليات والمحافظين ، للتخلص من باقى فساد النظام السابق
5- تطهير الاعلام تطهير حقيقى ، فلا تقدم ولا حريات فى بلد اعلامه مسيطر عليه فاسدون
6- الإفراج عن جميع المعتقلين السياسيين من يوم 25 يناير وما قبلها والافراج عن ضباطنا الاحرار _ ضباط 9 ابريل _
7- محاكمة كل المفسدين وعلى رأسهم المخلوع محمد حسنى مبارك
8- استرجاع كل اموال الشعب المنهوبة ، وفى حالة عدم استرجاعها ستتحول المحاكمات الى محاكمات ثورية استثنائية لا رحمة فيها .

[honey bee]

الثأر الحق هو الذى يثور ليهدم الفساد ثم يهدأ ليبنى الامجاد

رحمك الله برحمته الواسعة شيخنا مجدد الاسلام





http://www.youtube.com/watch?v=BsXOaLfB9pQ

[أم محمد]

طبعا لازم ثورة تانية علشان يهدمو مصر -- علشان يخلصو على مصر -- لأن اللي وصلت له الثورة مش هوه الهدف -- الهدف هو تحطيم مصر -- و مصر لسه مااتحطمتش
-- الهدف الحقيقي هدم الإسلام في مصر --
و الإسلام في مصر لسه مااتهدمش

ماكانش الهدف التخلص من النظام و لا إسقاط النظام --

ربنا يستر عليكي يا بلدي

لو الهدف الحقيقي تغيير و نهضة يبقى هنصبر للانتخابات و نختار اللي احنا عايزينه -- و مدته 4 سنوات و بس و لازم هيشتغل فيهم صح لأنه مستحيل هيحط نفسه في نفس الموقف اللي اتحط فيه غيره

لو عايزين مصلحة مصر -- هتصبرو -- دي الحكاية أسابيع

لكن انتم عايزين حاجة تانية

[أم محمد]

اتقو الله في مصر

اتقو الله في مصر

اتقو الله في مصر

اتقو الله في مصر

أمريكا لم تحقق أهدافها من مصر

و لم تجعل منها ليبيا و لا سودان إلى الآن

و لذلك لا بد من عملائها التحريض على الفوضى في مصر

[أم محمد]

كلنا بنحب مصر -- دا أكيد -- كلنا بنخاف عليها -- دا أكيد -

و علشان كده لازم نفكر كويس في مصير كل خطوة بنخطيها و خاصة هذه الأيام -- هتودي مصر لفين

الطبيعي ان البلد لازم تستقر علشان تبدأ تتبني من جديد -- دي وجهة نظري --
يا ريت أسمع وجهات نظر الآخرين في نفس النافذة مش على الفيس
-- ويا ريت نكبر جميعا على الصغائر --
و ننظر في اتجاه واحد فقط : مصر و ليس الأشخاص
يمكن وجهات النظر تقربنا
لازم نحافظ على جيشنا و نحميه -- زي ما حافظ على الثورة و حماها لغاية دلوقتي
احنا في مرحلة خطيرة و المفروض نحافظ على أمن و استقرار بلدنا

اللهم احفظ مصرنا من كل سوء يا رب

و اهدينا جميعا لما تحب و ترضى --

و على فكره لما باقول المحرضين لا أقصد كاتب الموضوع لأنه ينقل ما يسمع

لو هناك آراء أخرى يا ريت نسمعها -- هنا

[kamel]

شكرا يا جماعه على ردودكم

هونى بى

طبعا مقدرش اتكلم عن الشعراوى و كلامة الرائع
و طبعا كلامة صح مليون ف المية ؟
بس ده لما نهدم الفساد نبقى نبنى الاجاد زى ما قال شيخنا الرائع رحمة الله عليه
الفساد لم يهدم بعد ما زال امامنا الكثير

و طبعا من حققكو كلكو تعترضو على كلامى و تقولو جيشنا يا جيشنا يا حامى ثورتنا
بس انا مكانى ف الشارع .... لان لما يتقبض على اتنين عشان كانو بيهتفو ضد المشير
يبقى هنا فى حاجه غلط...... لما يبقى فى تجاهل لمطالبنا
لما يبقى فى نسيان للملف الامنى ......... لما يبقى بيفض الاعتصامات بالقوة
و يسيب الناس تقتحم الاقسام و تهرب المساجين و هو واقف على جمب بيتفرج عليهم
يبقى هنا فى حاجه غلط

انا ف الشارع ..... و اللى عايز ينزل معايا ينزل
و اللى مش موافق على ان احنا لسه مخلصناش ثورتنا و مهدمناش الفساد
يفضل قاعد مش حقول انه مش بيفهم او انه ضد الثورة
الحاجه المهمه هى انه على الاقل يبقى عارف
ان نزولنا الشارع عشان مصر و عشان حقنا
و عشان احنا بنحب مصر بجد
حتى لو اختلف معايا مش من حقق تشكك ف وطنيتى
و لما يبقى عندك قوة خارقه تقدر تدخل بيها جوايا و تعرف نيتى ابقى
اتقلم و قول السبب الحقيقى لنزولهم هو خراب مصر


http://www.youtube.com/watch?v=z8L2_QD3FR4&feature=share

[honey bee]

يعنى ممكن افهم من رأيك والكلام عامة ان حقنا مش هايرجع الا بشرعية ميدان التحرير فقط لا غير !
كل ما مش يعجبنا حاجة ننزل نعتصم ونوقف الدنيا لحد ما تتنفذ مطالبنا
طيب ممكن تفهمنى حاجة
هى شرعية ميدان التحرير ورأيهم اللى بيفرضوا علينا دا ياترى هو رأى الشعب كله (بالعافية )
مين من الشعب وكلهم يكلموا بأسمه ؟!!
ولا هى دى ديمقراطية وشرعية ميدان التحرير احنا الأوصياء عليكم واللى مش عاجبه يبقى خاين للميدان

بس بصراحة ليا سؤال هو الاهم
هو ميدان التحرير مش هو اللى شال الفريق احمد شفيق من كرسيه وقال انه فاسد وحط بداله شرف ؟
ليه انهاردة بيشكك فيه ومش طايقه وبيقولوا انه مش نزيه وفاسد وحاجات كتير وعاوزين يشيلوه
ولا الميدان فاكر ان تعين وشيل رئيس للحكومة لعبة سوليتير على الكمبيوتر ممكن اعمل تراجع عن قرارى فى ثانية واللعبة مستمرة ع طول

ليه الجيش كان هو حبيب الكل وبيتشال ع الاكتاف وبنتصور جمبه زمان وانهاردة وحش ومش نافع ونغير قياداته
وصلت لحد اننا نتدخل فى تعين وشيل رؤوساء المؤسسة الوحيدة اللى فاضلة عشان تحمى البلد دى
هو الميدان بيفكر دلوقتى ازاى ؟؟؟
عاوزين الفساد يتمحى فى ثانية
طيب كان اولى مننا ان ربنا يبنى الكون فى لمحة بصر
طيب ليه ربنا بنى الكون فى ستة ايام فهمهانى دى ؟؟!!!

معاك ان فيه علامات استفهام كتييييير حوالين الجيش ومن زمان ويمكن لو تفتكر اكلمت فى الموضوع دا قبل ما حد يتكلم فيه
وراجع موضوع من تريد رئيسا لمصر لصديقك احمد شتا
بس حاليا ماينفعش مشاعر الحرية اللى اخدتها دفعة واحدة تلغى عقلى وتخلينى اجرى واقول انا حر بس بدون اى هدف
ولو مشينا بدون هدف ولا تعقل تأكد انه الضياع فعلا لهذه البلد
رحم الله الشعرواى الذى كنت اتمنى ان اراه هذه الايام حين قال قبل ان تولد الثورة بسنوات طوال
(الثائر الحق هو الذى يثور ليهدم الفساد ثم يهدأ ليبنى الامجاد)
كلمات ليس لها وصف سوى بانها اغلى من الدرر لمن يعقلها جيدا

يبقى لازم نفهم ان الجيش هو اخر مؤسسة فى البلد لسة محتفظة بقوتها ولله الحمد وربنا يسترها
ونقدر نقول انه الجيش بالنسبة لينا حاليا عامل زى قصة السلحفاة والعقرب فى وسط المية مع احترامى للجميع
العقرب حب يعدى للبر التانى ركب فوق ظهر السلحفاة وفكر انه يقرصها
تفتكر لما يقرصها مين اللى هايغرق فيهم ؟

اكيد الاتنين ... لازم نركز ونتعقل كل امورنا شوية
وماننساش اقتصادنا اللى بينهار بل بيدمر من قلة الانتاج حاليا
لو فضل العجز فى الميزانية بيتزايد وماشى بنفس الرتم ابشرك بأن ميدان التحرير لن يملأه بعد ذلك ثوار
بل جوعى ومعدمى الدخل او ربنا يستر من تصور اخر ابشع وابشع ...

فلسطين
تفتكر ان فيه مصرى مايتمناش يحرر ارض بيعتبرها ارض مقدساته مجتمعة؟
تفتكر ماحدش فينا بيحلم باليوم دا ؟
لكن انفذ حلمى ازاى
اروح الميدان ااقول انا رايح وبعدين جمعة نفير وزئير وزحف وبعديييييييييين؟
رايح بدون تدريب دون سلاح لا يحكمك قائد محنك يفهم جيدا ما يفعله ومدرب بل عاصر بعد الحروب بالفعل
شىء عجيب واطفالى وساذج اللى بيحصل دا
هانروح عزل نحرر فلسطين
طيب اسمعوا الاية دى
{وَأَعِدُّواْ لَهُم مَّا اسْتَطَعْتُم مِّن قُوَّةٍ وَمِن رِّبَاطِ الْخَيْلِ تُرْهِبُونَ بِهِ عَدْوَّ اللّهِ وَعَدُوَّكُمْ وَآخَرِينَ مِن دُونِهِمْ لاَ تَعْلَمُونَهُمُ اللّهُ يَعْلَمُهُمْ وَمَا تُنفِقُواْ مِن شَيْءٍ فِي سَبِيلِ اللّهِ يُوَفَّ إِلَيْكُمْ وَأَنتُمْ لاَ تُظْلَمُونَ}

دينك بمنتهى الحكمة يرشدك ويوجهك للطريق المستقيم فاخضع له ودع للعقل اماكن كثيرة ليتفكر جيدا
رغم ان النصر من عند الله لا نقاش فيها ولكنه يقول لنا رب العزة خدوا بالاسباب لتستحقوا مكافأتى لكم الا وهى النصر
اعقلهـــــــــــــــــــــــــــــــــــــــــــا وتوكل على الله

عفانا الله واياكم من غياب البصيرة وانار قلوبنا بنور الحق من عنده
ووقى مصرنا شر الفتن وما يحاك لها
ولا جعلنا يد تبطش بها قاصدة خير بل يجعلنا لها خير يجنى خيرا

[Mostafa Megahed]

بعيداً عن فكرة الموضوع ، اللى انا طبعاً مؤيد ليها لأن انا فعلاً محستش بالتغيير انا هرد على أم محمد بكلمتين وهرد honey bee على بأكثر من كلمة عشان كلامها شامل كل الإنتقادات اللى بتقابل الثورة

أم محمد ، الكلام مبدأياً مش شخصي خااالص
الكلام على فئة معينة من الشعب
فئة كانت قاعدة فى بيوتها خايفة أيام الثورة
فئة من الأمهات كانت بتعيط وبتقول إرجعوا البيوت بقا وسيبوا التحرير
فئة كان كل هدفها الإستقرار وخلاص وهما مش فاهمين حاجه
فئة كانت مصدقة الإشتغالة اللى النظام القديم كان بيقول عليها
واللى حضرتك لغاية دلوقتى مصدقاها واللى هى دول عملاء أجانب ن ده مخطط عشان البلد تقع فى إيديهم

أم محمد ، انا إسمي مصطفى مجاهد
مدير البيت بيتك من سنة 2006
عمري ما دخلت أحزاب ولا دخلت إنتخبت بني أدم واحد ولا كان ليا نشاط سياسي حقيقي
أم محمد ، انا نازل التحرير ، يا ترى أنا كده عميل
يا تري كده انا من ضمن المحرضون
يا تري حضرتك مؤمنة بالديموقراطية اللى ثورها ماكنتش بتنادي بيها لوحدها (لأن كان فى طلبات تانية)؟

لو حضرتك مأمنة بيها وكنتى بتدعمي الثورة ، يبقا المفروض إن حضرتك والفئة اللى بتنتمي منها ، تسمعي كلام كامل وتتناقشي معاه وتحاولي تقنعيه أو تقتنعي بالكلام اللى بيتقال لكن مش تهاجمي وتقولي

اتقو الله في مصر

اتقو الله في مصر

اتقو الله في مصر

اتقو الله في مصر

ده كده أول دليل على إننا لسه ما إتغيرناش وانا مش حاسس إن حضرتك إتغيرتي عشان كده انا نازل التحرير

طيب دي كانت نقطة ، النقطة التانية بقا ، حضرتك ضد الثورة أصلاً


طبعا لازم ثورة تانية علشان يهدمو مصر -- علشان يخلصو على مصر -- لأن اللي وصلت له الثورة مش هوه الهدف -- الهدف هو تحطيم مصر -- و مصر لسه مااتحطمتش

الثورة يا أم محمد كانت عشان الغلابه اللى كانت بتموت فى المستشفيات وفى الشوارع من الجوع والبرد ، عشان الناس اللى كانت مرمية فى السجون ظلم ، واللى كان بيسرق منهم مكنش لاقي ياكل عشان كده مد إيديه ، والتعليم الفاشل ، وعدم الإهتمام بالعلماء والأجيال الجديدة والأكل المسرطن والمياه الملوثة ، ومشاكل الإسكان وحوادث العبارات ، وإنتهاك حقوق الإنسان ، وظلم الشرطة ، والكوسة والمحسوبية واللى واللى ........... حاجات كتيرة لو فضلت أتكلم عنها مش هخلص كلااااام

وبالنسبة بــ


طبعا لازم ثورة تانية علشان يهدمو مصر -- علشان يخلصو على مصر -- لأن اللي وصلت له الثورة مش هوه الهدف -- الهدف هو تحطيم مصر -- و مصر لسه مااتحطمتش
-- الهدف الحقيقي هدم الإسلام في مصر --
و الإسلام في مصر لسه مااتهدمش

ماكانش الهدف التخلص من النظام و لا إسقاط النظام --

إسلام إيه بس يا أم محمد ، دي الناس كانت بتنزل تصلي الجمعه بالملايين فى التحرير ، هو فى حد هينزل فى ثورة عشان يهدم الإسلام ويصلي الجمعه ورا الشيخ محمد جبريل ، والنبي قولوا كلام بقا مظبوط مع إحترامي

الناس فى التحرير كانت بتموت يا ام محمد وهي بتتشاهد وبتقول لا إله الا الله محمد رسول الله ، ويتقال فى الأخر نازلين يهدموا الإسلام ، بالذمة ده مش إفترااااا !!!!! مع إحترامي مرة تانية يا أم محمد

أما بقا بالنسبة لــ

ربنا يستر عليكي يا بلدي

لو الهدف الحقيقي تغيير و نهضة يبقى هنصبر للانتخابات و نختار اللي احنا عايزينه -- و مدته 4 سنوات و بس و لازم هيشتغل فيهم صح لأنه مستحيل هيحط نفسه في نفس الموقف اللي اتحط فيه غيره

لو عايزين مصلحة مصر -- هتصبرو -- دي الحكاية أسابيع

لكن انتم عايزين حاجة تانية

ربنا سبحانه وتعالى عالم بالشعب المصري وعارف هو عانى قد إيه وتعب قد إيه طوال 30 سنة ذل وفقر وإهانة ، وبقدرته سبحانه وتعالى رفع عنه الإحباط وخلاه يتحرك وبقدرته سبحانه وتعالى ، أسقط رأس الأفعى مبارك وبقدرته إن شاء الله هيستر على البلد كلها

وبالنسبة بقا لـ

لكن انتم عايزين حاجة تانية

أيوة يا أم محمد ، أنا عايز حاجه تانية ، لأ حاجات تانية
انا عايز الكلاب اللى قتلت إخواتي الشهداء يتحاسبوا وبشدة مش يتحاسبوا على الكسب غير المشروع والقضايا بتاعتهم تتأجل بالشهور وإحنا دلوقي فى الشهر الرابع بعد الثورة ، انا عايز فيهم حكم بالإعدام
وعايز أعرف أنا إتسرق مني كام بالظبط
وعايز أعرف مين فيهم اللى سرقني بالظبط
وعايز أعرف مين المسئول الأول عن الأكل المسرطن والمياه الملوثة
وعايز حكم بالإعدام عليه
وعايز أعرف مين اللى كان ورا سياسة التعليم الفاشل
وعايز فلوووووووووووووووووسي اللى إتسرقت
وعايز كل كلب مرمي جوه السجن دلوقتي من النظام القديم يتعامل على أنه مسجون ليس أكثر مش على إنه باشا وساعة رياضة خاصة بيه وغرف مكيفة
وعايز أعرف التباطئ ده لمصلحة مين
وعايز أعرف مين اللى ورا أحداث إمبابه وماتقوليش الأمريكان أبوس إيديكي مش طالبه بقا البعبع اللى الناس كلها بتتكلم عليه ، لو أمريكا كانت عاوزة تدخل البلد ، كانت دخلت من زمان ، إرحمونا بقا .....
يا ريت تسمعي وتفهمي وتدي فرصة لغيرك يعبر وبعد كده تتناقشي مش تهاجمي ، فاهماني يا أم محمد ، وانا مش بهاجمك عشان ما تقوليش بتقول كلام ومش بتنفذه ، انا بس متابع ردودك فى كل مكان فى المنتدى وحاسس بوجودك ، لكن مش حاسس إنك بتفكري فى مصلحة البلد ، إنتي بتفكري فى فكرة الإستقرار وبس حتى لو ده على حساب ولادك والجيل اللى جاي ، لازم نفهم كلنا ، إن كل ده ضد الثورة ده لو حضرتك معاها أصلاً .....

[Mostafa Megahed]

يعنى ممكن افهم من رأيك والكلام عامة ان حقنا مش هايرجع الا بشرعية ميدان التحرير فقط لا غير !
كل ما مش يعجبنا حاجة ننزل نعتصم ونوقف الدنيا لحد ما تتنفذ مطالبنا


الكلام ده لكامل ، لكن بما إني مؤيد لكلامه فأنا كمان هرد

صاحب الحق ، يعني إيه صاحب حق ؟؟؟؟؟
يعني حضرتك كنتي صاحبه حق فى مكان شغلك ، تظاهرتي وإعتصمتي لحد ما حقوقك رجعت......
رجعت منين ؟؟؟ من منطلق شرعية القانون ؟؟؟

طب ما القانون كان موجود قبل كده ، حقك ما رجعش ليه ؟؟؟

عشان حضرتك وزملائك مكنتوش معتصمين ، لكن لما التحرير اللى شرعيته دلوقتي مش عاجبانا هو اللى حركنا
عرفنا الطريقة إزاي ، وقلدتوا بتوع ميدان التحرير
اللى إحنا مش بنوقف الدنيا فيها لأنه بيبقا يوم جمعه (أجازة)

لما إعتصمتي وتظاهرتوا ، حقوقكم رجعت ، عشان أنتم أصحاب حق





طيب ممكن تفهمنى حاجة
هى شرعية ميدان التحرير ورأيهم اللى بيفرضوا علينا دا ياترى هو رأى الشعب كله (بالعافية )
مين من الشعب وكلهم يكلموا بأسمه ؟!!
ولا هى دى ديمقراطية وشرعية ميدان التحرير احنا الأوصياء عليكم واللى مش عاجبه يبقى خاين للميدان


مفيش حاجه بالعافية ، لكن كام سؤال كده !!!!
هما مش بتوع التحرير دول ، هما اللى أسقطوا النظام اللى مكنش عاجبكم ؟
هما مش بتوع التحرير دول هما اللى قالوا الكلام اللى الناس كانت قاعدة فى بيوتها خايفه تنزل عشان تقوله ؟؟؟؟
هما مش بتوع التحرير دول اللى قلبوا البلد عاليها واطيها عشان حقوق الناس ترجعلها ؟؟؟
هما بتوع التحرير دول ، طلبوا حاجه غلط من ساعه ما الثورة بدأت ؟؟؟
هو فى حد من بتوع التحرير قال على حد من الناس اللى بتهاجمهم انهم عملاء وخاينين للبلد ، ولا الناس اللى منهم أم محمد هما اللى قالوا المرحضون وأمريكا والإسلام وخلافه .......



بس بصراحة ليا سؤال هو الاهم
هو ميدان التحرير مش هو اللى شال الفريق احمد شفيق من كرسيه وقال انه فاسد وحط بداله شرف ؟
ليه انهاردة بيشكك فيه ومش طايقه وبيقولوا انه مش نزيه وفاسد وحاجات كتير وعاوزين يشيلوه
ولا الميدان فاكر ان تعين وشيل رئيس للحكومة لعبة سوليتير على الكمبيوتر ممكن اعمل تراجع عن قرارى فى ثانية واللعبة مستمرة ع طول


لا أنا أقولك ، لما يجي عمر سليمان بتعيين من رئيس الجمهورية كنائب ليه وبتووووع التحرير فى ميدان التحرير ترفعله الجزم فى وشه لما قالهم "عودوا الى بيوتكم" ، اترفضت عشان من ريحة الحبايب ونسخة منه
ولما شفيق بقا رئيس الوزراء ، وإتقدم فيه 24 بلاغ من الموظفين بتوعه فى المطار كانوا متعطلين لحد ما إتشال من كرسيه
يبقا لازم تعرفي انها فى عهده القصير بردوا كانت كوسة وكمان الراجل كان بيدي قرارات بالتجديدات عن طريق الأمر المباشر لشركات أصدقائه يعني الراجل أصلاً عنده مشاكله ، لكن الدكتور عصام شرف ، للأسف شاغل نفسه بالمباحثات الخارجية اللى أنا متأكد انها مهمة جدا جدا جدا وحل مشكلة مياه نهر النيل ، فى نفس التوقيت اللى ثورتنا بتتسرق منا ، الراجل هيعمل إيه ولا إيه ، لكن فى البداية والنهاية انا مش مع انه يتشال ، وبصراحة انا مسمعتش الكلام اللى انتى قولتيه (مش نزيه وفاسد) غير منك ، انا مسمعتهاش من حد تاني .....



ليه الجيش كان هو حبيب الكل وبيتشال ع الاكتاف وبنتصور جمبه زمان وانهاردة وحش ومش نافع ونغير قياداته
وصلت لحد اننا نتدخل فى تعين وشيل رؤوساء المؤسسة الوحيدة اللى فاضلة عشان تحمى البلد دى
هو الميدان بيفكر دلوقتى ازاى ؟؟؟
عاوزين الفساد يتمحى فى ثانية
طيب كان اولى مننا ان ربنا يبنى الكون فى لمحة بصر
طيب ليه ربنا بنى الكون فى ستة ايام فهمهانى دى ؟؟!!!


بصي ، اللعبة بسيطة ومش محتاجه كل اللى انتى بتقوليه ده ، لو انا وغيري حاسيين فعلاً ان فى خطوات بناءه نحو محو الفساد ، هنستني لحد 100 سنة ، لكن الأسف القضايا بتتأجل ، والناس بتتحاسب على الكسب الغير مشروع وحق الشهداء بيضيع وسوزان مبارك بيفرجوا عنها وبيدرسوا فكرة العفو عن مبارك والشهداء دمها هيضيع ....

وبالنسبة للمؤسسة الوحيدة ، أحب أقولك إننا عاصريين على نفسنا لمونة ومستحملين الرؤساء بتوعها لحد ما الحكم يبقا مدني ونخلص منهم ، انا وانتى وكل الناس عارفين كويس اوي إنهم هما كمان فاسدين لكن مستحملين



بس حاليا ماينفعش مشاعر الحرية اللى اخدتها دفعة واحدة تلغى عقلى وتخلينى اجرى واقول انا حر بس بدون اى هدف
ولو مشينا بدون هدف ولا تعقل تأكد انه الضياع فعلا لهذه البلد
رحم الله الشعرواى الذى كنت اتمنى ان اراه هذه الايام حين قال قبل ان تولد الثورة بسنوات طوال
(الثائر الحق هو الذى يثور ليهدم الفساد ثم يهدأ ليبنى الامجاد)
كلمات ليس لها وصف سوى بانها اغلى من الدرر لمن يعقلها جيدا


معاكي فى كل الكلام ده ، لكن ما تنسيش ان الفساد لسه ما اتهدمش عشان نبني الأمجاد ، والتعقل اننا نشوف ايه بيضيع منا ونلحقه قبل ما فعلاً كلنا هنندم على البلد



يبقى لازم نفهم ان الجيش هو اخر مؤسسة فى البلد لسة محتفظة بقوتها ولله الحمد وربنا يسترها
ونقدر نقول انه الجيش بالنسبة لينا حاليا عامل زى قصة السلحفاة والعقرب فى وسط المية مع احترامى للجميع
العقرب حب يعدى للبر التانى ركب فوق ظهر السلحفاة وفكر انه يقرصها
تفتكر لما يقرصها مين اللى هايغرق فيهم ؟

اكيد الاتنين ... لازم نركز ونتعقل كل امورنا شوية
وماننساش اقتصادنا اللى بينهار بل بيدمر من قلة الانتاج حاليا
لو فضل العجز فى الميزانية بيتزايد وماشى بنفس الرتم ابشرك بأن ميدان التحرير لن يملأه بعد ذلك ثوار
بل جوعى ومعدمى الدخل او ربنا يستر من تصور اخر ابشع وابشع ...


محدش قرب ناحية الجيش ، احنا نازلين نستعجل الأمور ، زي ما كنا بنضغط فى الاول وبنلاقي .....

اما عن باقي كلامك عن فلسطين انا مؤيد ليه ، لازم نستعد الأول قبل ما نتحرك ......

وتحياتي للجميع

[honey bee]

اولا هارد على نقطة حقوقنا وازاى رجعت وتقصد عمر افندى ورجوعه للدولة
على فكرة احنا مش بنقلد حد ولو على حسب كلامك ان اللى بيعمل حاجة وحد تانى بيعمل زيه يبقى تقليد
على كدا بقى ميدان التحرير ا قلد عمر افندى هههههههه
لأننا بنعمل مظاهرات من سنة 2007

طيب بالنسبة لأحمد شفيق واسمحلى انتقضك فى جزئية ماينفعش تيجى من مدير البيت بيتك ابدا
24 بلاغ وغيره اه حصل بس انت سمعت الطرف الاخر ورده على نقطة نقطة من البلاغات دى كان ايه؟
سمعته وهو بيقول فى برنامج ع الهوا علنى اللى عنده ورق ضدى يقدمه
عارف يعنى ايه شركة مصر للطيران الخسرانة تدخل تحالف ستار العالمى اللى فيه دول من اوربا وامريكا ؟
يعنى ايه شركة خسرانة تبقى بتقدم دخل للبلد؟؟؟
يعنى شوية ناس مش بتحبه والله اعلم مصلحتهم ايه من ورا الكلام دا
و ان يكون ليك اعداء يااستاذ مصطفى فى حياتك ولو حتى كنت انسان بسيط بعيد عن اى ضوء دا شىء عادى
ومش لازم الواحد يصدق كل اللى بيتقال



ودا بقى عشان اثبتلك ان الكلام اللى قولته انا اللى مخترعاه :
اولا شرف يجرم الاعتصامات وفعل لم يفعله مبارك نفسه
http://www.almasry-alyoum.com/article2.aspx?ArticleID=291998&IssueID=2090

حاجة تانية حزب شباب مصر يطالب بمحاكمة عصام شرف بتهمة إخفاء المعلومات
http://www.elfagr.org/DailyPortal_NewsDetails.aspx?nwsId=6139&secid=1

اين عصام شرف ؟ و لماذا يسكت على البلطجة العلنى امام ماسبيرو
http://www.nilemotors.net/Nile/219718-a.html

الدكتور عصام شرف وهل هو رجل هذة المرحلة؟
http://eygpt.forumegypt.net/t1812-topic


محمد صبحي: عصام شرف أخطأ.. ومصر خسرت أحمد شفيق!!
http://www.newsdbd.com/2011/04/blog-post_3983.html#axzz1MeiqSSXR


ونقول كفاية عليك قوى الحبة دول من المقالات عشان تتأكد انه كلامى انا !!


بالنسبة لباقى كلامك
اننا مش حاسين بالتغير
على فكرة دا احساس طبيعى لأن فساد تلاتين سنة مش هايتحل فى كام شهر
اما الافراج عن الارملة السوداء وجوزها واولادها دا بقا يتسأل عليه رئيس الحكومة الموقرة اللى طلع بشرعية ميدان التحرير
بعد ما طلع شفيق وحش وساكت ع الفاسدين

اما بالنسبة لجزئية (ان ماحدش قرب ناحية الجيش )
اسمحلى ااقول انك مش متابع اوى ياسيادة المدير ...
وهاديك صفحة تقرا بعد عناوينها بس
وهى لسة معمولة جديد عشان تتأكد ان فيه ازمة ثقة فعلا بين الجيش وميدان التحرير
http://www.facebook.com/pages/%D8%A7%D9%84%D8%B4%D8%B9%D8%A8-%D9%8A%D8%B1%D9%8A%D8%AF-%D8%A7%D9%84%D8%AC%D9%8A%D8%B4-%D9%8A%D9%86%D9%81%D8%B0/180527498657440

ودا فيديو على اليوتيوب اسمعه
http://www.youtube.com/watch?v=yKL1jgx--zw&feature=player_embedded


المجلس العسكري يقود الثورة المضادة
http://www.e-socialists.net/node/6587


انا مش بأيد للكلام دا
وقولت رأى قبل كدا
لكن انت قولت انا ماسمعتش حاجة زى دى وحبيت اسمعك
وفيه كمان فى الميدان طالبوا بتغير قادة الجيش نفسهم محاولة منهم لقسم الجيش نفسه وربنا يستر

وعاوزة ااقولك حاجة اخيرة
شعب مصر مش مقسوم نصين عشان تقول انتم واحنا
احنا فى مركب واحد استاذى
ولو غرق مافيش طرف هاينجو لوحده احنا واحد سواء اتفقنا او ابينا
وربنا يسترها ويحفظنا ومصر من كل شر ياااااارب

معلومة ع الماشى اللى كتبت الكلام دا وضد المظاهرات حاليا
واقتصاد بلادها بينهار وكل يوم خسارتنا 700 مليون جنيه

هى نفسها اللى نزلت التحرير يوم 1 فبراير ليلة موقعة الجمل وهى مؤمنة بقضية وطنها لحد ما اتحقق جزء منه واللى كان اكبر من مجرد التنحى
واللى كان ممكن ماتكنش موجودة دلوقتى تكتب الكلام دا

استاذ مصطفى وياكامل اللى ربنا معاه فى امتحاناته يارب
عاوزة ااقولكم كلنا مكتوبين فى خانة الجنسية
مصرييييييييييين فقط
وكلا يحب وطنه بطريقته وضميره وقناعاته

[Mostafa Megahed]

فيديو النقيب شريف ده قديم

قبل ما تنزل فرق الجيش ويحصل ضرب نار فى التحرير بالليل

وبالنسبة لعمر أفندي ، بما انه من 2007 مفيش خطوات سريعه حصلت فيه الا بالضغط بعد الثورة

لكن لازم نعترف ان الثورة المضادة نجحت تقسم ثورتنا لثورات صغيرة فى كل أنحاء مصر أغلبها طلبات فئوية والناس نسيت روح التحرير ، يا أختى الهدف مكنش تنحي مبارك فقط ، الهدف كان بدأ بطلب التغيير وطموحاتنا كبرت لغاية ما وصلت لأبعد الحدود وأحمد شفيق اللى عايز يقوله يقوله ، وهو ليه ما رادش على الكلام ده:
http://www.masrawy.com/ketabat/ArticlesDetails.aspx?AID=89858

http://www.akhbarak.net/article/2353101
أقل شئ من الحاجات دي: من أين لك هذا ..........
وبالنسبة للشركة الخسرانة اللى دخلت العالمية

وعموماً ده وضعه دلوقتى
http://www.youm7.com/News.asp?NewsID=403098

يا أختى البلد فيها أكتر من كده لكن مسروقه
البلد بتتسرق بقالها 7000 سنة من أيام كهنة الفراعنة ولسه فيها
إيه المشكلة لما أسرق وفى نفس الوقت الشركة كسبانه !!! ده لو كانت فعلاً كسبانه ...
ايه المشكلة لما يكون عندي مصالح شخصية على حساب شغلى وعلى حساب العاملين فيه

لكن عموماً إحنا مش هنقف نتكلم وندافع ونجيب روابط ونسيب البلد خربانه ، وموضوع إحنا مش حاسسين بتغيير عشان بقالنا 30 سنة والدنيا مش هتتحل فى شهر ، انا قولتلك فى مشاركتي اللى فاتت إحنا عاوزين نحس ان فى خطوات ناحية التغيير ، مش عاوزين نحس ان التغيير مش بيجي غير لما الشعب بيضغط ، انا وانتى لما بنغط --- التغيير بييجي ، يا تري ايه السبب اللى يخلي الضغظ = التغيير !!!! عشان لسه فى فساد ، عشان لسه فى مصالح من تحت الطرابيزة ، عشان لسه فى تواطئ ومجاملات ومحسوبية وشوفي بنفسك بعد الضغط وبعد ما صفحة الثورة المصرية الثانية وصلت فى 5 أيام لــ 27 الف مشارك ، رجعوا زكريا عزمي الحبس تاني
http://www.dostor.org/crime/11/may/19/42658

شوفي الجملة دي !!!!

وقام فريق المحققين خلال التحقيقات بمواجهة زكريا عزمي بتقارير تكميلية للجهات الرقابية والتي افادت بوجود ممتلكات جديدة له لم يسبق مواجهته بها.

الكلام ده فى جريدة الدستور ، عشان خاطر ربنا قاعدين 3 شهور مش واخدين بالكم ان فى ممتلكات تانية دلوقتي ، وإفتكرتوها لما الشعب بدأ يغضب تاني ، دي حاجه مستفزة فعلاً ........

أما عن البلد بتنهار وبتخسر كل يوم ملايين ، بصي للنقطة من ناحية تانية بعد إذنك وهي ان اللى بيحصل من تباطئ وتواطئ ومحسوبية هو اللى بيأخر الحقوق عن إنها ترجع للناس والمجرمين يتعاقبوا ، وده اللى هيخلينا نثور تاني ، مش ثورتنا التانية هي اللى هتخسرنا ، إحنا قاعدين فى بيوتنا وكل يوم بنخسر ، وبنسمع ان المصانع قفلت والكلام ده مش حقيقي وبالنسبة للكارثة الإقتصادية اللى خايفيين منها شوفي الخبير ده وهو بيتكلم وانتي هتعرفي ان الناس بتبالغ ولكن مش معني كده ان مفيش خطر ، لكن فى بردوا مبالغة عشان الناس تتهد وتقعد فى بيوتها ...


http://www.youtube.com/watch?v=k3b6ud7RXK0

أيوة طبعاً كلنا مصريين

[honey bee]

اولا مش معنى كلامى انى ضد ثورة شاركت فعلا فيها مش بكلم وانا فى البيت وخلاص
الثورة قدرت فعلا تحرك مياه راكدة من سنين
بس بقولك اننا ماكناش ساكتين اصلا هى دى كل الحكاية اننا كنا بنتكلم ولوحدنا من زمان والثورة علت صوتنا فقط
لكن حقنا مش ساكتين عنه

اما احمد شفيق فأنا لو اترشح رئيس للجمهورية هاكون انا اول المرشحين ليه
وماينفعش تقول( يقول اللى يقوله )
لو مش عارف الشخصية المحترمة دى ياريت تسأل عن شركة مصر للطيران
اللى كان واخدها مديونة ودلوقتى وصلت ازاى لتحالف عالمى وبقيت شركة بتدر ربح للبلد ؟

لازم كلنا نتعلم كلمة الشافعى رحمة الله
رأى صواب يحتمل الخطأ ورأي غيري خطأ يحتمل الصواب

واحمد شفيق والاتهامات المقدمة ضده
لو عاوز تسمع رد وبالدلائل كمان ممكن تتابع ردودى فى موضوع قديم اسمه (من تريد رئيسا لوزراء مصر)

بس هنا بالتفصيل هاتلاقى ردود لكل الاتهامات المتفبركة ليه
وياريت نعترف لو ظلمنا حد برأى من غير ادلة
http://dvd4arab.maktoob.com/showthread.php?t=2882534

وبالنسبة للتحقيقات الجارية قولت قبل كدا رأى من زمان مش اليومين دول من شهر3 فى المجلس الاعلى للقوات المسلحة
وعارفة ان فيه ملايين من علامات الاستفهام على اللى بيحصل حاليا وفى التحقيقات
وازاى عميل لأمريكا زى بطرس غالى قدر يخرج ونسيوا يفتكروا يحققوا معاه الا بعد ما هرب وبيدوروا عليه
سبحان الله السهو مع واحد دمر اقتصاد البلد وبيع اهله لهدومهم
ما علينا ...

ام بالنسبة لأن الاقتصاد بتاع مصر كويس وزى الفل ودى مجرد اشاعات
متهيألى اللى يصدق الكلام دا ممكن نقول عليه مثلا .....طيب زيادة عن اللزوم
يااستاذى مافيش ثورة فى الكون الا وليها خسائر بتمتد لفترة من الزمن تقصر وتزيد على حسب من يديرها
واللى يقول غير كدا متهيألى مايعرفش الف ب اقتصاد

كل اللى محتاجاه مصر حاليا فعلا لو بنحبها
ضمير حى ومصلحة للجماعة تعلى على مصلحة الفرد
وتأكد بلا شك اننا كنا نستحق مبارك تماما
لأننا الظلم كان مستشرى فينا زى الطاعون وربنا مش هايولى علينا الا اللى منا (كما تكونو يولى عليكم)
دا عدله اللى مش ممكن يتغير

صوتنا بيأثر؟ دا اكيد الصوت العالى بيوصل
بس ياترى صوتنا يعلى وانتاجنا فى النازل هانلاقى ساعتها بلد اصلا نعمل فيها مظاهرات ؟؟؟
سمير رضوان وزير المالية طلب مساعدة من صندوق النقد الدولى لسد العجز فى الميزانية اتنين مليار
يبقى نعقلها جيدااااااااا ثم نتوكل على الله لا نتواكل
وبلاش المشاعر تمشينا بلا قائد لها الا وهو العقل

ودا رأى الجيش فى العفو عن مبارك

http://news.maktoob.com/article/6261586?utm_source=Daily-Newsletter&utm_medium=Major-Featured&utm_campaign=Newsletter

وموضوع ان فيه مصانع اتقفلت مش اشاعة ولا حاجة
http://www.youm7.com/News.asp?NewsID=417083&SecID=24&IssueID=168

وهى دى نتيجة استمرار المظاهرات بالارقام مش مجرد كلام مرسل
http://www.youm7.com/News.asp?NewsID=417082&SecID=24&IssueID=168

[kamel]

السلام عليكم و رحمة الله و بركاته

بسم الله الرحمن الرحيم

شكرا هونى بى شكرا مصطفى

بس بعيدا عن موضوع احمد شفيق
يعنى انا شايف ان مفيش لزمة ليه ف الوقت الحالى

بس انا عايز ارد على شويه حجات كده

ف الاول يا هونى مطالبنا مش موجود فيها اقالة شرف

و دى مطالبا اللى اعلناها من فترة

و اول مطلب مهم جدااااااااااااااااااااااا

‎1- الابقاء على وزارة د/ عصام شرف مع تطهيرها من الوزراء المحسوبين على النظام السابق و تعيين من يتوافر فيه النزاهة و الكفاءة و المعارضة للنظام السابق.

2- رفع حالة الطوارئ فورا و الافراج الفورى عن كل المعتقليين المدنيين و العسكريين بالسجون المدنية والحربية الرسمية و السرية قبل الثورة و بعدها و الغاء المحاكمات العسكرية للمدنيين و تشكيل لجان عن طريق نوادى القضاء و القضاء العسكرى تقوم باعلان اسماء كافة السجناء فى مصر و التهم و الاحكام الصادرة ضدهم و فتح باب تقدم السجناء بالتظلمات لهذة اللجان و اجراء مراجعة و بحث لحالتهم.

3- محاكمة قتلة شهداء الثورة محاكمات فورية و الاقتصاص لحقهم و تقليد اسماء الشهداء اعلى الاوسمة فى الجمهورية و تخصيص المقابل المادى للاوسمة لاسر الشهداء و تقدير التعويضات المادية و المعنوية التى تؤدى لهم و التى تتناسب مع التضحيات التى قدموها لمصر.

4- محاكمة مبارك و اسرته و أركان حكمه محاكمة فورية و بحضور المدعى ( الشعب ) و ذلك بإذاعة المحاكمات على القنوات التلفزيونية و ذلك بتهم إفساد الحياة السياسية و الاجتماعية فى مصر الى جانب المحاكمة الجنائية.

5- اتخاذ الاجراءات اللازمة الفورية لاسترجاع ثروات مصر المنهوبه و مصادرتها داخل و خارج البلاد سواء المعلوم عنها او الغير معلوم.

6- إعادة هيكلة وزارة الداخلية فورا و حل جهازى الامن الوطنى ( جهاز امن الدولة سابقا ) و تحويل اختصاصاته للمخابرات العامة و الامن المركزى و التحفظ على رجالهما و سرعة اصدار القوانين التي تساعد على حفظ الأمن و تحفظ كرامة المواطن و حرياته الأساسية مع السيطرة على الحالة الامنية المتدهوره بمنتهى الحزم.

7- إطلاق حرية إنشاء الأحزاب و الجمعيات و النقابات و إصدار الصحف و المجلات و وسائل التعبير و القنوات التلفزيونية و الإذاعية بدون قيود مع المحاسبة الفورية على الخروج عن الأخلاق و إثارة الفتنة الطائفية و التطهير الفورى للاعلام و اعادة هيكلة المؤسسات الاعلامية المصرية.

8- إقالة النائب العام و تعيين نائب عام مشهود له بالنزاهة و المعارضه للنظام السابق و تشكيل لجان ثوريه نيابية من القانونيين الشرفاء فى كل المحافظات لملاحقة المفسدين و اجراء التحقيقات و فتح الباب للتقدم بكل ما يثبت حالات فساد من ادلة و شهادات.

9- تطهير القضاء بشكل كامل و تنظيم انتخابات داخلية لاختيار رؤساء المحاكم .

10- إحالة كل قيادات الحزب الوطنى الديموقراطى الى المحاسبة بتهمة إفساد الحياة السياسية و نهب مقدراته و تخريب الأقتصاد على ان يحظرعلى اعضاءه ممارسة الحياة السياسية فى مصر لمدة 5 سنوات على الاقل و يسمح للعضو بعد إنقضاء مدة الحظر بالمشاركة فقط فى حالة تقدمه باقرارات الذمة المالية و التدقيق فى اصول ممتلكاته و استرجاع حقوق الشعب منها.

11- حل المجالس المحلية و إحالة اختصاصتهم للجهات المعنية و تعيين المحافظين الجدد بالانتخاب.

12- وقف تصدير الغاز لاسرائيل بشكل رسمى و نهائى مع مطالبة إسرائيل برد فروق الاسعار رسميا و محاكمة المتورطين فى هذة الصفقة المشينة محاكمة فورية.

13- تشكيل لجان ثورية في جميع الادارات الحكومية و القطاع العام و الاعلام الحكومي و الوزارات و الهيئات و المؤسسات و الجامعات و البنوك يتم تشكيل هذة اللجان عن طريق الإنتخاب المباشر داخل تلك المؤسسات تحت اشراف مباشر من القضاء و تقوم هذة اللجان بتعيين القيادات الجديدة للمرحلة الإنتقالية على أساس الإلتزام بالشروط الفنية و الإدارية الواجب توافرها من حيث الكفاءة و الخبرة و تقوم اللجان الثورية بتعيين مندوبين من خريجي كليات الحقوق لتلقى جميع الشكاوى فى الادارات الحكومية و القطاع العام و تسجيلها و التحقيق فيها.

14- انتخاب فورى لشيخ الازهر بواسطة جميع خريجي الكليات الاسلامية التابعة لجامعة الازهر بعد وضع شروط الترشيح الفقهية و المؤهلات و النزاهة و الشخصية القيادية بواسطة هيئة كبار العلماء و إعطاء الحق للترشح لكل من توافرات فيه هذة الشروط ليكون الازهر مؤسسة دينية مستقلة قائمة بذاتها.

15- تطهير وزارة الخارجية و المؤسسة الدبلوماسية المصرية بشكل كامل.

16- يتم تشكيل لجنة منتخبه مكون من 3 اعضاء من القضاة و عضوين من اساتذة القانون بالجامعات و عضو من اساتذة الدستور و عضوين من نقابة المحاميين وعضو من اساتذة العلوم السياسية و تقوم اللجنة بوضع قانون الانتخاب و الذى تجرى على اساسه كل الانتخابات السابق ذكرها و يتم الاستفتاء علي مواده من قبل الشعب.

17- إنتخاب اللجنة التأسيسية للدستور بحيث تضم قضاة وعالم أزهر و رجل من رجال الكنيسة و عضو من اساتذة كل من المجالات الاتية: الاقتصاد و الاعلام و الادارة و العلوم الاجتماعية و المحاميين والهندسة و الطب و الدبلوماسيين و من قيادات الجيش و الشرطة و عضوين من الشباب الجامعى شاب و فتاه و يتم انتخابهم كلا فى مجاله و يجب ان يشتمل اللجنة على هذة المجالات نظرا لشمولية الدستور و لضمان اشتراك كافة اطياف المجتمع فى وضع الدستور وبعد وضع اللجنة التأسيسية لمواد الدستور يتم اجراء استفتاء للشعب علي مسودة الدستور كل مادة على حدة و ينظم الاستفتاء القانون الانتخابى الجديد و يتم تقديم الطعون و الفصل فيها


و بالنسبة لموضوع الاقتصاد
ده حاجه بسيطة كتبتها احد اصدقائى
و ده مجال دراسته

http://www.vb.beetco.com/showthread.php?t=23038


البورصة تواصل ارتفاعها بسبب مشتريات العرب
http://www.youm7.com/News.asp?NewsID=418185&SecID=297


و طبعا يا هونى انتى ليكى و جهة نظر تحترم
و نفس الموضوع لمصطفى مجاهد

و مظنش ان فى اى وجهة نظر تانية تحترم ف الموضوع ده لغاية دلوقتى

[روشة مصر]

على فكره بقى احنا المفوض نصبر شويه مش نقعد نخرب في البلد
نخرب اللي يصبرنا تلاتين سنه مايصبرناش سنتين تلاته
والله العظيم البلد بتخرب
مش متطلبتنا تتعمل مره واحده
ومش ساااااااااااااااااااااااااااااااااااااااااااااااكتين
لفجأه الكل عاوز حقه وموقفين مصالح الناس
انا بصراحه شايفه ان الثوره
كانت كسبانه لكن دلوقتي بنبوظ اللي عملناه
سلمت على طرح الموضوع الجميل
http://akhawat.islamway.com/forum/uploads/post-20628-1165701980.gif

[kamel]

بحب اتكلم بالفديوهات
يعنى بيقولو ممكن يعبر عن مليون كلمة


http://www.youtube.com/watch?v=kp_m_Qaci08


http://www.youtube.com/watch?v=AsXLOcUewVw&feature=player_embedded

[حياة العرب]

اللهم صل وسلم وبارك على سيدنا محمد