هو احنا مع مين؟؟؟؟

[مملكه الحب]

سؤال يطاردنى ويطارد كل الناس احنا مع مين ؟؟؟
الجيش ولا الشرطه ولا الشعب مع بعضه
ولا مع حركه 6 ابريل وغيره ؟؟
الجيش يحذر الشعب من الانقسام طيب احنا معاك على اساس عملت ايه للبلد او الشعب عشان
نختارك ممكن تكون مهمامك الاصليه وهى حمايه البلد من الخارج وده اهم عمل يخص الجيش ؟
ولكن لالان الوضع مختلف دلوقتى مسئول عن بره وجوده
تقدم تحذيرات للشعب ولحركه 6 ابريل ولكن اين انت منهم وعدت الشعب ولكن الشعب نسى انت وعدته بايه
بتحذر الشعب من ايه من الاعلام اللى عامل ليل ونهار يعرض لنا مواقف ومظا هرات شويه عباسيه وشويه تحرير وشويه روكسى وش شى صح وشى متفبرك قولى بقى الناس تسمع لمين
جزء يجيب ناس مراسلين له ويقول الجيش بيضرب المتظاهرين وشويه الشرطه وشويه بلطجيه الشرطه وشويه بلطجيه مدفوع لها .
الرحمه بنا وباعصبانا الحقيقه فين ؟؟؟
وسكوتك ده معناه ايه الشعب المصرى وريث الفراعنه لن يسكت ابدا عن حقه وحق الشباب الى راح شهيد بابشع الطرق والاخر بدل ما نكرم الشهداء دول ابسط حاجه ان يرفع اسمه على اى شارع او منشاه يطلع قرار ببقاء اسم اللى قاتلهم كما هو وهما خلاص بلسلامه مين المسئول عن كده ؟؟
الدستور القديم اضاف له راس الحربه قانون الطوارى وده معندوش رحمه القانون ده لو حد ايامه كان عمل ربع ما فعله بنا ومازال يفعل كان استنى عليه كل هذه المده يتعالج فى مستشفى شرم الشيخ ؟؟
اذا اصبح الجيش اللى بحمينا بيحميه هو كمان وخايف عليه من المحاكمه لا وكمان بيستفز الشعب وبيفكر يكرمه بعد موته هو عاسيز يوصل رساله للشعب يستعطفه يخفوا عنه عشان يموت موته شريفه
هى الجنازه العسكريه هى الموته الشريفه له وكل اللى عمله فى البلد ده ايه حد يفهمنا ؟
طلب صريح ومباشر للمجلس العسكرى حتى الشعب يثق فيه ولا يسمع لاحد محاكمه مبارك بس ايه مش تيجى تحكمه زى ما سبت كل جرائم العادلى وغيره ومسكت لنا فى اللواح المعدنيه نحاكم بحاجه مهمه مش تيجى تقوله ثروتك وفلوس البنوك وعقارتك من اين لك هذا كل ده لا يهم احد الشعب على استعداد يترك له كل ما سرقه من البلد لكن لن يترك له ما سرقه منا من زهرات عمرنا يتحاكم على قتل الثوار والجرائم الاخرى الخاصه بامن البلاد ..
هو كل اللى عمله ده لا يعتبر من الجرائم والخيانه الكبرى حتى يحاكم .
يا قوم افيدونا احنا مين ؟؟؟؟