انا اسفه يا مصر

[مملكه الحب]

انا اسفة يا مصر

انا اسفة يا بلدى

كانت ثورة واصبحت شوربة

انا اسفة يا مصر ع الانقسام

انا ااسفة يا مصر انا مش هنحاز للتحرير ضد اروكسى ولا العكس

ولا للعلمانين ضد الاخوان ولا العكس

انا اسفة يا مصر انا مش ضد 6 ابريل

انا اسفة يا مصر انا مش ضد الجيش

انا اسفة يا مصر ميادينك بقت للفرجة ببلاش

وانا واقفة يا بلدى عاجزة حتى عن البكاء

انا اسفة يا مصر على كل حاول يقسمك وساعدته بدون قصد

انا اسفة يا مصر يا حبيتى

بس انا مطمنة وااثقة انك هتعدى محنتك

بنحبك يا مصر وهو فيه حد مابيحبش مصر

انا اسفة يا مصر

[mبرعمة الايمانm]

موضوع رائع جدا جدا
تسلمي في انتظار جديدك

[Mostafa Megahed]

تسلم إيديكي يا غالية

لكن انا معترض على تلك الجملة :

كانت ثورة واصبحت شوربة

فى البداية ، يعني إيه شوربه وبتتعمل إزاي دى ؟؟؟

لو قلنا اننا هنعمل شوربه خضروات

تبقا دي المقادير:
لتر من مرق الدجاج ويتبل بالفلفل الابيض والهيل او الحبهان المطحون
والمستكه
ملعقه متوسطه زبده
جزر
بصل ابيض
فطر طازج
كوسا مق طعه مكعبات
بازيلا
بطاطس مقطعه مكعبات
ودي الطريقه:
نغسل الخضروات جيدا وتقطع مكعبات وتقلب الخضروات فى الزبده
وتترك على نار هادئه فى الزبده لمدة 5 د ونضع عليها مرق الدجاج المتبل
وتترك على نار متوسطه حتى تنضج وتقدم ساخنه
واذا اردتوا هه الشوربه تكون اسيويه نضع بيضه نيئه عند التقديم

أما عن الثورة
اللى للأسف هناك من يراها أنها شوربة أو أنها قد دمرت مصر أو أفسدتها .....

البلد دي قعدت أكثر من 30 سنة فى دمار ، بيئة مش نظيفة ، كوسه ووسايط ومحسوبيات ، وإفترا وظلم على عباد الله ، وفقراء مش لاقيه تاكل ، ومرتبات بالملايين لشوية ناس قاعدة على مكاتب ما تعملش حاجه غير انها تنزل قرارات تخرب البلد أكتر من هى خربانة
ولو قعدت أتكلم كتير عن اللى كان بيحصل وعن الشباب اللى حالها بقا يصعب على الكافر

يبقا مش هخلص كلام

لكن اللى اقدر أقوله وبإختصار ويا رب تفهميني كويس

أن للثورة أعداء يزرعون السلبية فى الشعب عشان فى الأخر يقول إحنا كنا أحسن من كده قبل الثورة

عشان تظهر الثورة على أنها ثورة فاشلة

وساعتها ترجع ريما لعادتها القديمة

لو فى حد لازم نعاتب عليه ، يبقا مش الثوار ولا الثورة

اللى لازم نعاتب عليهم

هم كل من قام بتقديم الوعود للشعب المصري بأنهم يساندون الثورة وأنهم سوف يعلون على تحقيق مطالبها ، ولكن للأسف أخلفوا

تخيلي معي ، لو كانت مطالب الثورة قد تم تحقيقها بالكامل

هتكون فين مصر بعد 5 أشهر من تحقيق المطالب ؟؟؟؟؟

اللى قسمونا ، لإخوان وسلفيين وروكسي وتحرير

هما شوية الكلاب اللى عايزين يجهدوا الثورة

الثورة دي شرف لكل مصري ، أنه وقف قدام الظلم وقال لأ

ووقف قدام الرصاص ومااات عشان كلمة الحق تطلع

مينفعش النهاردة عشان شوية كلاب بتحاول إجهاااد الثورة

نقول ، ثورة بقت شوربه

تحياتي ....

[مملكه الحب]

برعمه الايمان
تسلمى يا قمر على مرورك نورتى الموضوع

[مملكه الحب]

اخى الكريم مصطفى مجاهد
يشرفنى مرورك الكريم
مشكووور على التوضيح
واسفه فعلا على عباره كانت ثوره وبقت شوربه
معاك فى كل اللى قلتله بس زى ما قلت
انا مش ضد حد ولا مع حد
اهم حاجه مصلحه البلد دى
معاك ان المجلس العسكرى خلف بوعده فى تحقيق مطالب الشعب
لكن ماينفعش اعتصامات على طول مظاهرات عشان نحقق المطالب
احنا عايزين نحافظ على البلد دى مش نضيعها مننا
ومظنش باللى احنا شيفنه كل ده وممكن نصلح حاجه
كل اللى اقدر اقؤله ان اللى موجود حاليا مقدرش اسميه الا فتنه
بدات بفتنه طائفيه ودلوقتى فتنه بين الجيش والشعب
والنتجه ان الجيش هيضرب الشعب ده اذا فعلا مبداش الضرب
وفتنه بين الشعب نفسه والدليل متظاهرين التحرير ومتظاهرين روكسى
الاتنين بيشككوا فى مصدقيه ومطالب بعض
وكل دووول كانوا تحت شعار ثوره 25 يناير
احنا بنضيع كل اللى قدرنا نعمله فى الثوره
وحق الشهداء وحقنا احنا وحق مصر علينا ضد كل واحد بدا يخرب وينهب فيها
انا لا مع ولا ضد (الشعب&المجلس العسكرى)
اهم حاجه فى كل \ه مصلحه البلد
عايزين نعرف مين المستفيد من الفتنه اللى حصلت دى
انا معاك ان المطالب دى لاااااااااااااازم تتنفذ
لكن مش كل حاجه مظاهرات اعتصامات
ازاى عايزين كل حاجه فى وقت قصير جدا
ومعاك ان المجلس العسكرى بطيئ جداااااااااااا فى قراراته
بس البلد بقيت شبه غابه كلها صراعات بين الشعب نفسه
المجلس العسكرى والشعب
البلد مدمره سياسا واقتصاديا وفى جميع النواحى
يعنى لو حصل لقدر الله طبعا اى عدو ممكن يحتلها
بلد من غير رئيس مدمره اقتصاديا وده اهم حاجه واخطر حاجه
يكلها صراعات يعنى اى عدو يقدر يحتلها بسهوله
بس عشان (مصر) ربنا قادر انه يحيمها
وعلى فكره مش بالاعتصامات ولا المظاهرات دى
هنقدر نحقق حاجه
او على الاقل نحاااافظ على مصر
يارب يكون ردى انا كمان وصلك وفهمت قصدى من (انا اسفه يا مصر)

[Cheetos]

موضوع جمييل جداااا بجد ..
انا اسف يا مصر

تقبلى مرورى و فى انتظار مزيد من تقدمك

[مملكه الحب]

cheetos
شكرا لمرورك الجميل نورت الموضوع