المساعد الشخصي الرقمي

مشاهدة النسخة كاملة : لغز محير من يعرفه يستحق ان يصبح كونان المنتدي


Cheetos
2011/9/27, 9:47 PM
لغز محير من يعرفه يستحق ان يصبح كونان المنتدي

اذهب الي اخر صفحه علشان تعرف اخر لغز من الالغاز المحيره التي نعرضها معا

يرجي قراءه الموضوع للاخر (اخر صفحه) لمعرفه احدث لغز


تبدا الالغاز



اللغز الاول:

الموضوع ببساطه وهو انه رجال الشرطه لقو امراه كانت قد اتصلت بهم قالت انا لما رجعت من السوق وجدت باب الحمام مغلق بالداخل بالمفتاح وعندما طرقت علي الباب لا احد يرد فعندما كسرو الباب وجدوا زوج الامراه مقتول بسكين من الخلف بسكينه ووجدوا المفتاح بتاع الباب في جيبه ومع العلم انه الحمام لا يوجد به اي نوافذ واللغز هو كيف قتل الرجل وكيف خرج القاتل مع العلم لايوجد اثار كسر علي الباب ؟


بصوا فكروا كده مع نفسكوا وشوفوا ايه هو الحل وابقوا عرفونى بيه
مع العلم ان باب الحمام ليه مفتاح واحد
والمشكله الاكبر ان مافيش بصمات
stolen kisses
2011/9/28, 11:14 PM
لا يا شيتوس دة صعب
اوي انا فكرت كتير
يمكن هو الي قتل نفسه
بس بجد صعبه
اديم
2011/9/28, 11:32 PM
بص هو اللى انا هقوله غريب شويه
ممكن يكون
دخل يصلح حاجه فى الحمام بالسكينه وقفل الباب وراه وحط المفتاح فى جيبه عادى يعنى مش مركز
راحت وقعت السكينه فى الارض فالراجل اتزحلق على ظهره ورشات فى ظهره السكينه
بس كده هههههههههههههه
قولى بقى عشان شكلى بدات اخرف
السوسنة السمراء
2011/9/29, 1:07 PM
انا رح احكيلكو الحل
لا تتعبوا
الحل ان هاي الست طلعت بتحلم
وما في لا جريمة قتل ولا شي
هههههههههههههههه
ناصر مهدى
2011/9/29, 9:24 PM
ههههههههههههههههههههههه
Cheetos
2011/9/29, 9:33 PM
لا يا شيتوس دة صعب
اوي انا فكرت كتير
يمكن هو الي قتل نفسه
بس بجد صعبه

طيب ازاى و السكينة فى ظهره .. مش حيوصل
Cheetos
2011/9/29, 9:34 PM
بص هو اللى انا هقوله غريب شويه
ممكن يكون
دخل يصلح حاجه فى الحمام بالسكينه وقفل الباب وراه وحط المفتاح فى جيبه عادى يعنى مش مركز
راحت وقعت السكينه فى الارض فالراجل اتزحلق على ظهره ورشات فى ظهره السكينه
بس كده هههههههههههههه
قولى بقى عشان شكلى بدات اخرف

انتى قربتى .. بس ازاى و السكينة وقععت على الارض و ازاى رشقت فى ظهره ؟
Cheetos
2011/9/29, 9:36 PM
شكرااا ناصر .. شكراااا سوسنى هلى المشاركة
stolen kisses
2011/9/29, 9:47 PM
طلب هو ايه الحل يا شيتوس
انت هتفضل محيرنا كده ولا ايه
اديم
2011/9/29, 9:47 PM
انتى قربتى .. بس ازاى و السكينة وقععت على الارض و ازاى رشقت فى ظهره ؟
عادى اتزحلق فى شويه مايه كانوا موجودين فى الحمام مثلا
قاتزحلق فهو وهو بيقع وقعت السكينه وهو بيقع ودخلت فى ظهرى
Cheetos
2011/9/30, 8:36 AM
طب لو قولنا ان احنا عايزين تكون مراته الي قتلته ااقدر ااقولكم فعلا ممكن بشوية عقل وخيال شيطاني نخلي مراته هيا الي قتلته بس السؤال ازاي المفتاح في جيبه والباب مقفول ؟؟؟؟ وعشان نجاوب علي السؤالين دول عايزين بعض الادوات زي
(خيط صيد _ ابرة خياطه )
الخدعه عايزه تخيل هنمسك طرف الخيط وهنحطه في الابره عادي كاننا هنخيط بيه حاجه هتقوم مراته ماسكه الابره وممره الخيط من جوه جيبه وتعديه تاني بره الجيب بس من داخل البنطلون ارجو انك تركزوا وخلوا خيالكوا واسع بحيث الخيط يكون ماشي جوه جيبه
هتطلع بالخيط بره الحمام وهيبقي طول الخيط من الابره لحد جيب الراجل = الطول من جيب الراجل للطرف التاني
بعد مطلعت بره الحمام دلوقتي معاها الطرفين هتدخل الخيط بشكل دائري علي فتحه المفتاح يعني مش هيكون مربوط ملفوف بس وده هيبقي الطرف التاني من الخيط
يبقي ركز اول طرف هوه الخيط والتاني هوه المفتاح
هتطلع بره وهتقفل بالمفتاح الباب وتبدا تشد طرف الخيط الاول متنسوش الخيط ليه مركز بيمر فيه وهوه جيب الراجل فلما تشد الخيط هيمش المفتاح من بره لحد جيب الراجل وهيدخل جواه وبمجرد انها شدت الخيط بقوه اجمد هيمر الخيط من المفتاح ويطلع من جيبه ويطلع من تحت باب الحمام
وكده تبقي قتلته والباب مقفول والمفتاح جوه
__________________
Cheetos
2011/9/30, 8:38 AM
اللغز الجديد

وجد رجل في الصحراء ميت, وجهه للأرض و على ظهره شنطة
عظام صدره مكسرة
وبالتحليل تبين انه مات موت مفاجئ منذ شهرين

لم يعبر منطقة الصحراء الموجود فيها الرجل اي احد منذ ثلاث اشهر

كيف مات الرجل؟
__________________
Cheetos
2011/9/30, 2:47 PM
الناس نامت ولا ايه ؟
kamel
2011/9/30, 6:37 PM
راحو يدرسو المكان اللى كان فيه الراجل

انا عايز اسأل سؤال بارد شوية
هم عرفو ازاى ان مفيش حد عبر الصحراء منذ 3 اشهر
Cheetos
2011/10/1, 8:40 AM
لا بجد !
طيب انتا عرفت ازاى ان مفيش حد عبر طرقة بيتكو ؟
fayrouz
2011/10/2, 2:51 AM
هههههههههههههههههههههههههههههههههههه
اللغز الاول ده خيالى جداااا فعلا
وبعدين انت ماقولتش ليه من الاول ان كان فى ادوات
:36_1_6[1][1]:
ماعلينا
اللغز تانى سهل وبسيط انت ليه محتار
حد رماه من طيارة
عشان كده عظم صدرة متكسر هاها
:36_1_11[1][1]:
Cheetos
2011/10/2, 8:07 AM
أنتى وصلتى لنص الحل يا فوزة ..
بس اكيد فى حاجة غلط .. يعنى ايه حد رماه من الطيارة ؟؟ بيلعبوا مع بعض مساكة الملك مثلا !!
و كمان افرضى ان الطيارة كانت قريبة من الارض ! يبقى مفيش حاجة حتحصل !
فكرى تانى :]
kamel
2011/10/2, 6:56 PM
انت مالك و مال بيتنا
ولا عشان ابن خالتى يعنى

عموما يا سيدى
الحل انه كان بيحشش ف افتكر نفسة عصفورة
و صدق نفسة اوى طار
و هو طاير فاق ف وقع ف الصحراء بس
متكبروش الموضوع يعنى
Cheetos
2011/10/3, 1:55 PM
انا غلطان انى كتبت الموضوع دا .. ارتحت يا روح خالتى ؟