البرادعى وانجلينا جولى .....وفعلااا اخلاق رئيس

[honey bee]

يذبحون ويقتلون الاطفال بل ويبدوا الشعب السورى الان .. فلسطين تقطر دما وشهدائها كل يوم و العصابات الصهيونية مستمرة بحفرياتها تحت الاقصى الذى بات مهددا بالانهيار فى اى وقت بلادنا التى لم تفق حتى الان من صرخات القصاص ودماء من نحسبهم من الشهداء مستمرة وحالة الفوضى والانفلات الامنى ويتوقف المشهد بعيدا عن مخيلة البرادعاوى ليسافر ويرأس مهرجان للسينما ويقبل انجلينا جولى ويسلم جائزة لها عن فيلم يحكى عن امرأة مسلمة تتزوج جندى صربى (غير مسلم ) حقا ...... انه احساسه المرهف بوطنه حقا...... انها اخلاقه حقا...... انه دينه الذى اراد ان يصدره لنا تحية لمن نصحك بالتنحى بعدما ايقن عدم صلاحيتك واشمئزاز خاص لكل من يبيع دينه ليصبح هو .....بلا ثمن

[kamel]

و هذا هو ما قدمته أنجلينا جولى للإنسانية غير عابئة
بدين أو لون أو جنس من تُساعده و من تقف بجانبه


مليون دولار لمنظمة أطباء بلا حدود.
مليون دولار لمنظمة الطفل العالمي.
مليون دولار لمنظمة غلوبال إيدز أليانس.
مليون دولار لمنكوبي دارفور.
5 ملايين دولار لأطفال كمبوديا.
100 ألف دولار لمؤسسة دانيال بيرل.

كما أن فيلم ( أنجيلينا جولي ) "في أرض الدماء و العسل"
يفضح انتهاكات الصرب ضد مسلمى البوسنة

[kamel]

أهم ما قاله د.محمد البرادعي في مهرجان "السنيما من أجل السلام" ببرلين

نحن نعيش في عالم شابه الظلم و انعدام الأمن حيث3 مليارات شخص يعيشون في فقر، وأكثر من 20 ألف رأس نووي معلقة فوق رؤوسنا، وما زال الملايين يموتون في الكفاح من أجل الحرية والكرامة الإنسانية.



في العالم العربي نرى مذبحة في سوريا، ومن قبل في ليبيا.. ولكن شعلة الحرية والكرامة انطلقت وتنتشر.

لقد تم كسر ثقافة الخوف و ليس هناك عودة إلى الوراء.

اليوم هو سوريا والصومال، وأمس البوسنة والعراق ودارفور.. لقد فشلنا، والاستمرار في سحب أيادينا أصبح أمر غير محتمل.

إن مشكلة العالم ليست في نقص الموارد والخيارات، وإنما هو الفكر المنحرف''،و علينا أن نفهم أننا أسرة بشرية واحدة، بغض النظر عن لون لنا أو عرق أو دين، الحصول على الاحترام المتساوي لقدسية الحياة البشرية حق لكل إنسان في أي مكان بالعالم.

يجب أن نلزم أنفسنا بأن نكون وكلاء للتغيير والقنوات من أجل السلام لكي نخلق عالم يقوم على أساس الحرية والمساواة والتسامح والعدالة
مع ملاحظة إن البرادعي مواليد 1946 و انجلينا جولي مواليد 1975 يعني نص عمر البرادعي يعني البرادعي 66 سنة و هي 37

الله يرحمه عم جلال عامر صدق لما سأل سؤاله الشهير و قال

سؤال: لماذا يتحدث هؤلاء عن حيض المرأة أكثر مما يتحدث أطباء النسا؟ ولماذا عن ملابس المرأة أكثر مما يتحدث مصممو الأزياء؟ الإجابة عند علماء النفس.

[honey bee]

لا حول ولا قوة الا بالله هى ستنا انجلينا جولى طلعت من ملائكة الارض ولا ايه !!! ما علينا نتكلم بالمنطق افضل هى ستنا انجلينا اللى اخدت بالى منه انها يااما بتساعد منظمات دولية كلنا فاهمين مين بيتحكم فيها يااما منظمات تانية لا شوفتها بتساعد اطفال فلسطين ولا العراق ولا البوسنة تشاد نيجيريا اللى من ايام كدا اتولع فى المسلمين هناك ومنهم اطفال على فكرة .. ولا حتى اطفال سوريا اللى تقريبا مش محتاجين بردوا مساعدة من حد هو بشار بيقوم بالغرض وبيرحمهم من الدنيا بدرى بدرى وبيدبحهم بالشبيحة وغيرهم كتيرررررر فين هى من اخلاقها الملائكية مع المسلمين اللى شغال ضدهم حروب ابادة حاليا ؟؟؟ بس ااقولك سيبك من كل اللى قولته دا لأنى واثقة فى منطق لا ينبغى النطق بعده (ولن ترضى عنك اليهود ولا النصارى حتى تتبع ملتهم ) اه نسيت ااقولك للمرة التانية ان الفيلم البطلة فيه امرأة مسلمة من البوسنة بتتجوز جندى صربى غير مسلم ؟!! ياترى ستنا انجلينا الملاك الطاهر لما تضرب بعرض الحائط اسس الدين الاسلامى دا عادى بالنسبة ليك ! لما تهدم جزء من عقيدتك عاااادى يعنى !!! بص انا عن نفسى مسلمة ومطالبة انى لو لقيت ابليس بيحطلى السم فى العسل انى ماجيش جنبه وكمان افضحه عشان المسلم اللى جنبى مايتخدعش واتحمل انا ذنبه ووزره وكفاية انى يوم القيامة وانا بين ايد ربنا هاتسأل هو لما لقيت حد نكرة بيهدم جزء من عقيدتى ياترى قولتله ااقف مكانك ورسمت خط احمر ولا قولتلوا برااااافو كماااان

[honey bee]

ياااااااااااه هو البرادعى بيكلم عن السلام ! وفين على ارض راعية دولة السلام الاولى فى العالم ماما امريكا راعية اسرائيل !!! ما علينا من غير دخول فى تفاصيل كتير تثبت ان حضرة مهندس السلام فى العالم هو اللى سهل احتلال العراق وعينه اتعمت عن اسرائيل فى نفس اللحظة اصلها ما عندهاش نووى ياعينى دى اشاااعات حتى هى كمان بتطلعها على نفسها الاشاعات المغرضة دى ... طيب بالنسبة لأن الشرع عندك قال ان انجلينا بما ان عندها نص عمر البرادعى وهى اد بنته وعادى يعنى ان يمنحها قبلة ابوية ... هنا بقى عاوزة ااكد عليك انك لو لقيت راجل غريب عمره اد عمر اختك مرتين وبيمنحها قبلة ابوية بردوا ايااااك تنطق وقتها احسن يقولوا عليك رجعى متخلف ياعينى خلى بالك بس من الناس الوحشة دى وطبعا الوضع دا بردوا ارضاه على مراتك فى المستقبل انت عارف اد ايه مصطلح الرجعية ووحش موووووووووت ان الواحد يتوصف بيه . والحديث دا اهداء منى ليك : عن معقل بن يسار أن رسول الله صل الله عليه وسلم قال: "لأن يطعن في رأس أحدكم بمخيط من حديد خير له من أن يمس امرأة لا تحل له" رواه الطبراني والبيهقي ... ...... وبالنسبة لعمو جلال اللى ربنا يعطيه ما يستحق وهو بين اياديه حاليا هاقولك انا ليه بقى بيتكلموا اكتر من اطباء النساء ومصممو الازياء وطبعا قصدك علماء الدين للى مش واخد باله ........ لأن العلماء لما بيتكلموا عن الحاجات دى يبقى جابوها من الشرع والدين من القران والسنة ..........يعنى ايه الكلام دا ؟ يعنى معناه ان المرأة عندهم مكانتها بقت عالية اوووى ومش شىء مهمش عادى لأن الدين بص ليها انها الاساس لنشىء اسرة مسلمة صح وبالتالى مجتمع صح مش مشوه بمفاهيم توااااافقية بهلونية لأنهم لو حافظوا على نسائهم ولو بذكر أدق التفاصيل لأن ليها اهمية الدين اعطاها ليها بأقدس مهمة واعطاها كل ما يحفظها من شر محيط ولو عاوز تفهم كلامى ببساطة هاسألك انت لو حد ليه اهتمام بحياتك وغالى عندك هاتتكلم عنه اد ايه ولو حد مهمش مالوش لزمة عندك هاتكلم عنه اد ايه ؟! ....... ولو جاوبت على نفسك يبقى كدا الدكتور النفسانى او علماء النفس كان محتاجه اللى مش بيفهم الحكمة وووبس .