المساعد الشخصي الرقمي

مشاهدة النسخة كاملة : واحنا بنقلب صور.. لو مسلم او مسلمه خش.. اليهودى ..؟



Mostafa Megahed
2007/2/4, 3:19 AM
واحنا بنقلب الصور لاقينا ده

اقراها واقريها بالله عليكى وعليك اقراها
http://up.as7abna.com/uploads/3ba256209d.jpg (http://up.as7abna.com/)
http://up.as7abna.com/uploads/26ddec9812.jpg (http://up.as7abna.com/)
http://up.as7abna.com/uploads/952a378570.jpg (http://up.as7abna.com/)
http://up.as7abna.com/uploads/5279012310.jpg (http://up.as7abna.com/)
http://up.as7abna.com/uploads/6e19d4c27c.jpg (http://up.as7abna.com/)
http://up.as7abna.com/uploads/d951622a1d.jpg (http://up.as7abna.com/)




حسيتوا ولا لسه


ولا من كتر الصور


ولا من كتر اللى ماتوا


ولا من كتر الاغاني والموضات


والتفاهه والكور


معدش يفرق عندنا


ان كنا شوفنا او مشوفناش


كأن كل الدم دوت


حبر احمر فى الصور


كأن كاميرا مصورتش


وراها واحد قلبة موجوع وانفجر


عمال يصور طول حياته


واحنا بنقلب صور

http://up.as7abna.com/uploads/846ae1b169.jpg (http://up.as7abna.com/)
http://up.as7abna.com/uploads/583a0fb684.jpg (http://up.as7abna.com/)
http://up.as7abna.com/uploads/ccf0130038.jpg (http://up.as7abna.com/)



ودي صورة البنت اللى كانت زي نسمة القمر


حقيقة هيا مش خيال


وليها ام وليها اب زيك


بس ليلها مش موسيقى بتتسمع ساعة السهر


ليلها المدافع والقنابل والأنين اللى بيعزف


مع النحيب صوت القهر


قلبي انفطر


وانتو ياعلم محتاسين


مين المغني اللى هياخد اللقب


مين المغني اللى هيتسمى الملكـ


آآآآآآآه ياملكـ


سايبنا ليه ولحد امتى


شبابنا بقلوب من حجر


ما يحلهاش غير الاغانى والسمر


خلاص معدش حد حاسس بالصور


يبقى من كتر الصور


ولا من كتر السمر


وان قلت بيعدى الكلام


وميبقاليش غير الكلام


واعيش بقلب بيتحرق


والشعب بيكمل سفر


كأنة راضي بسكاته


ده لأنه عايش فى الفقر


طيب ما الغني معدش بيحس الصور


وهى مش اصلا مش صور


ده اب والله اتحرق


ومعدش لاقى الارض تحتة بتسنده

http://up.as7abna.com/uploads/db124ce972.jpg (http://up.as7abna.com/)
ده ابن مات


الفرق بس انه مش ابنكـ

http://up.as7abna.com/uploads/88812fc3ef.jpg (http://up.as7abna.com/)

ودى ام برده لكن مش امكـ


ولسة عايشة زيكـ
http://up.as7abna.com/uploads/7b9641d09a.jpg (http://up.as7abna.com/)



شايفها وقفه فى الصور


وفى الحقيقة


هي برده ورا الصور


ولسة برده بتتحرق


ولسة رافعة الايد بتدعي على اللى سارق فرحة الناس كلها


ومعيش الشعب فى قلق


وبتدعي برده على اللى خان


وعلى اللى سابهم


وعلينا يمكن بس صوتها


مش بيطلع فى الصور


وهى اصلا مش صور

http://up.as7abna.com/uploads/982dd8c756.jpg (http://up.as7abna.com/)

http://up.as7abna.com/uploads/c9ec9977a4.jpg (http://up.as7abna.com/)

http://up.as7abna.com/uploads/e08cac996b.jpg (http://up.as7abna.com/)

http://up.as7abna.com/uploads/a0765bf798.jpg (http://up.as7abna.com/)



قلبي انفطر


والشعب لسه بيختلف


بين الحجاب والمسخره


معدش حد بيعترف


غير بالشطارة والقماره


وناس تحب الفهلوه


وناس تموت فى المنظره


يا شعب جبتونا لوره


شايفين صور متزينة


لعربية حلوه وبنت حلوه وفيلا حلوه


تحركـ القلب فى شره


معدش حد بيفتكر أخرة حياته فى مقبره


عايشنها لحظة


وهى ايه مبقتش طالبه عكننه


انا شاب عايش حياتي


ما تقولش موت ومقبره


كانة سحر ومش حقيقه


بس حقة مدام محسش بالصور


ده شاب بارد


مش فى قلبة ذرة ايمان بربنا


ودى بنت برده فاكرة برده


زي ناس بتقول بنعرف ربنا


واللى عارف ربنا لازم يحس باي حاجه فى الزمن ده


مش كل حس بيبقى حب وصوت موسيقى


وطير بيضحكـ فى الشجر


مين اللى قال انى بحب


مدام بحبي بحب نفسي


ما دام بحس بكل حاجه فى عين حبيبي


بس مش حسه الصور


فوقى بقى


وفوق بقى ياللى انت قاعد


وكل يوم بيعدى عندكـ


مليون ايميل مليان صور
ومليان دم

http://up.as7abna.com/uploads/d327e63809.jpg (http://up.as7abna.com/)



امتى هتحس الحقيقه


وامتى تؤمن بالقدر


العيشة مش وردى وامانى


وامنيات فى دمنا


ولا اتخلقنا عشان نعيش فى الدنيا نلهى نفسنا


ونقول بنسعد نفسنا


احنا اتخلقنا عشان نعاهد ربنا


على عهد يحفظ دمنا


جوه الصور


بره الصور


احنا اتخلقنا نُختبر


والدنيا اكبر مختبر


مين اللى عاوز كل حاجه فى دنيته


بس بعديها في صقر


ومين هيسعى فى دنيته


بصوت سلاح او صوت قلم


او اي صوت


ويحس ايه معنى الألم


ويوجعه لون الصور


انا اتوجعت بكلمتى


ونفسي اعمل اى حاجه


وناس كتير زيي حاسه بذنبها


وسعات تكلم نفسها


احنا اتخلقنا عشان نعيش


اشمعنا دول ما بيعشوش

احنا اتخلقنا عشان نغني


اشمعنى دول ملهمش وقت للغنا
http://up.as7abna.com/uploads/63a50319c2.jpg (http://up.as7abna.com/)

وده كلام نااس كتير
احنا اتخلقنا عشان نشجع
نشجع مين علشان مابقاش منافق علشان تامر
علشان الانديه
علشان نمثل على بعض
http://up.as7abna.com/uploads/0c5776ac09.jpg (http://up.as7abna.com/)



عشان فى عز الفجر ننزل للفريق نستقبله


والفجر يمكن كان بيدن


بس فجر ايه اللى هننزل


من بيوتنا بالآلف نستقبله


احنا اتخلقنا عشان نعيش ونجيب فلوس ونشتغل


نختار عروسة حلوه لينا ونجيب عيال وننشغل


ونعيش لحد ما يكبروا ويتجوزوا


وهكذا


ولحد ما يعدي العمر


ونشوف نتيجه عمرنا فى كشف مقياس العمل


وياترى ناجح زي عادتي فى دنيتي


ولا اتلهيت فى المختبر


...


...


يمكن غلط كل اللى كاتبه


يمكن بضيع وقتى فيه


ومش هيعمل اي حاجه اما اكتبه


يمكن يعدي علينا واحنا نقلبه


ويبقى لون زي الصور


اما اللى شاف مقدرش ينظر للصور


هيقرى كل اللى اتكتب من غير زهق


هيحس قلبي اللى اتحرق


هيقولى رأيه فى الكلام ده ايه


وتعدي زي كلام كتير


عاش ومات جوه الورق


لو الى كاتبه مش هيحس بوجع


مش هيقدر يتنفض


ويعدى جدران الورق


ويغير الدنيا اللى باظت


ويهز دمعة كل واحد


ياخد قراره انه يغير فكرته


ويعيش لحاجه لأخرته


وينسي لحظة دنيته


يعيش يجاهد اي حاجه


اي ذنب معدش قادر يبعده


ما هو اي واحد يرمي نفسه لأي نظرة


واي شهوه


واي غنوه


واي واحد رامي نفسة فى نار سجاره بانجو


واي واحد نفسه يبعد ذنب عنه


بس حاسس قد ايه الضعف ماسكه


يبقى مش قادر يجاهد


وجهادنا فى زمانا انهجر
http://up.as7abna.com/uploads/d4804b74f0.jpg (http://up.as7abna.com/)

http://up.as7abna.com/uploads/1c573283e3.jpg (http://up.as7abna.com/)
ده ارجل منك

http://up.as7abna.com/uploads/6b8841d54c.jpg (http://up.as7abna.com/)
دى احسن منك



كانة مكتوب ع اللى عايش


وسط البنادق والمدافع


ما هو برده مكتوب ع القلوب وسط الذنوب


اللى اتملت على العيون وعلى المسامع مننا


يا نعيش نجاهد نفسنا


يا نعيش نغني لبعضنا


ونعيش ننعنش قلبنا


انا مش غلط طول ما الصور دي


وراها ناس بتتقتل


وناس هنا من اي حاجه بتتسطل




اشمعنى بقعد زي دول وابكي برده زييهم
http://up.as7abna.com/uploads/44d07eeb6e.jpg (http://up.as7abna.com/)

وكانى شايف دمهم


اشمعنى انا


وناس كتير عايشة الحياة مستمتعه


والصوره بتعدي فى ثواني


زي صوره لأي لوحه فى سكته


يا قسوته


ده الدنيا هتعدي في ثواني


زي كل شخص عدى الصورة ديه


ومش هيبقى الا اللى عمله


والى حسه وحسته


حسيتوا طيب ولا لسه


ولا من كتر الصور


ولا من كتر اللى ماتوا


ولا من كتر الاغاني والموضات


والتفاهه والكور


معدش يفرق عندنا


ان كنا شوفنا أو مشوفناش


وكأن كل الدم ده


حبر أحمر فى الصور


كأن كاميرا مصورتش


وراها واحد قلبة موجوع وانفجر


عمال يصور طول حياته


واحنا بنقلب صور


حسيتو ولا لسه يا
بشـــــــــــــــــر



على ما اعتقد


-------------------

لى الشرف أن أنقل هذا الموضوع هنا فى المنتدى

من كاتبه أخى وابن خالى ومن منتدى حبيب

hema kill

شكرا لكم ويا رب يعجبكم ...

ناصر مهدى
2007/2/4, 2:32 PM
؟؟؟؟؟؟؟؟؟؟؟؟؟؟
لا نملك شى ؟؟؟؟؟؟؟؟؟؟؟
الا حسبنا الله ونعم الوكيل

pepocdma
2007/2/6, 9:51 AM
الموضوع جميل جدااا وشكرا على النقل الرائع

kitkat
2007/2/6, 1:28 PM
آلسٌِِّلآمً عًٍليَكَمً وٍرٌٍحٍّمًة آللهٍَ وٍبٌَِرٌٍكَآتُِِّْهٍَ

لا نملك غير قول حسبنا الله ونعم الوكيل

والدعاء لهم والمساعدة بأى صورة من الصور سءاء بالتبرع باامال او الدم او اى شىء

وللاسف لا نملك الحرية للذهاب الى هناك والمشاركة فى الدفاع على الاسلام الذى ينتهك يوم بعد يوم او حتى الاستشهاد فى سبيل الله..

لقد عزة الشهادة ووهونت القلوب

كيت كاااااااات

Salman Design
2007/2/7, 1:06 PM
والله بــجــد أنا حسيت الموضــوع بس مفيش حاجه يقــدر الواحــد يعملها غير إنى هو يقول

حسبى الله ونعم الوكيل
حسبى الله ونعم الوكيل
حسبى الله ونعم الوكيل

وفوق بقى ياللى انت قاعد


وكل يوم بيعدى عندكـ


مليون ايميل مليان صور

ومليان دم

الهيثم
2007/2/12, 1:43 AM
- حسبي الله ونعم الوكيل

ان الله لا يضيع اجر من احسن عملا

اميره الجمال
2007/2/12, 12:33 PM
حسبى الله ونعمه الوكيل
حسبى الله ونعمه الوكيل
حسبى الله ونعمه الوكيل

وعزة جلاله الله انا لو بقيدى حاجه اعملها

لكنت اعملها ومن غير تفكير

مافيش فى ايدى غير الدهاء ليهم

kitkat
2007/2/14, 4:40 PM
لا حول ولا قوة الا بالله العلى العظيم

ارجوا من جميع اخوتى الاعضاء الكرام الدعاااااااااااااء لهم

أتمنى أن يأتى يوم يملك الانسان حق اختياره ويكون خشيته من الله من أولاوياته

رهين
2007/2/26, 12:35 PM
لا حول ولا قوه الا بالله

بجد موضوع جامد اوي

مرسي علي الموضوع

وربنا علي الظالم والمفتري

رهين

diabian.sakr
2007/3/5, 1:59 PM
لا حول ولا قوة الا بالله
تم فك التـثبيـت بواستطــــى
وشكرا على الموضوع المحزن
يارب كون فى عون الغلابــــــا دوال
لاحول ولا قوه الا بالله
حسبى الله ونعم الوكيل

Mostafa Megahed
2007/3/6, 7:34 PM
الف شكر لكم جميعا اخوتى على مروركم الكريم

أدامكم الله لى وللجميع باذن الله

عاشقة الحبيب
2008/2/14, 3:08 PM
انا مش قادره اوصفلك الاحساس اللى انا حسيتوا لما قرأت كلامك ولانه من قلبك وصل قلبى على طول وبحلف بالله ان فيه ناس زيك من الشباب مش عارفين يعيشوا حياتهم بسبب المشاكل اللى بتحصل للمسلمين فى كل مكان بس احنا لازم نبقى ايجابيين يعنى نبدأ بنفسنا اولا نلتزم فى الصلاه وكل العبادات ونترك الحب والفن والكوره لان كل واحد مننا مقصر فى عباده يكون له يد فى تأخر الامم الاسلاميه وانا مبسوطه جدا انى قرأت الموضوع ده النهارده يمكن دى احسن حاجه حصلتلى فى يومى لانى كنت فاكره ان الناس اللى زيك خلصوا من زمان وبأرسلك مع مصطفىباقه ورد مكلله بالياسمن ولو سمحت يامصطفى اكتبلى اسم المنتدى بالكامل علشان عايزه اقرأبقيه مواضيع ابن خالك

Mostafa Megahed
2008/2/17, 10:52 PM
أختى عاشقة الحبيب

جزاكي الله كل خير على ردك الرائع

وعلى احساسك بقلوب مسلمين الله وما يعانون ويمرون به

واما عن اسم الموقع ، فالأخ هيما كيل هو كاتب الموضوع

وهو مشارك معنا هنا فى البيت بيتك

وان شاء الله تجدى موضوعات له قريباً فى البيت بيتك

تحياتى أختى وشكرا على ردك الرائع

Sherif Eldaly
2008/2/17, 11:42 PM
لا حول ولا قوه الا بالله و حسبى الله ونعمه الوكيل

شكرا اخى مصطفى جزاك الله خير

Mostafa Megahed
2008/2/18, 2:19 PM
شكرا أخى الفاضل على ردك الطيب

جزاك الله كل خير ..