آصال
2012/8/14, 10:35 AM
أتمني أن يكون الجميع بخير .
أردت منكم أن تعطوني رأيكم بشأن هذا الأمر ،بارك الله فيكم جميعا.ومعلش متزهقوش من كتر التفاصيل.
*************
صديقتي تعرفت علي شخص من خلال أختهاكانت تحادثه كتابيا في الماسنجر ،المهم أختها أصغر منها في السن تعلق بها الشاب وعرض عليها الزواج بعد أن رآها لكنه كذب عليها وزور في سنه يعني سنه 38 وقالها ان سنه 28 من خلال حديث الأخت معاه اكتشفت انه كذاب واعترف ان سنه 38 طبعا رفضت تتجوز منه عشان كذاب والفرق بينهم في السن كبير البنت 23 سنة ،قالها خلاص شوفيلي عروسة قالت ماشي أختي قريبة من سنك سنها 35 إيه رأيك ؟هيا كانت حاكيله عن صفاتها قبل كدا علي سبيل التعارف بعيلتها.
الي كان مضايقه انها اتعدت التلاتين فسألها ليه متجوزتش لغاية دلوقت؟
ردت عليه حصلت مشاكل كتير في مواضيع خطوباتها وهيا اتعقدت من كتر المشاكل ،طلب منها انه يشوفها.
طبعا البنت فرحت وحكت الموضوع لأختها أختها كانت مترددة وخايفة وقبل ما تتخذ قرار اتصلت أختها الصغيرة بالشاب وحددت ميعاد وفاجأت أختها_طبعا خافت في نفس الوقت قبلت وفعلا شافوا بعض في نادي وعزمهم في مطعم فخم.
ملحوظة:الشخص مطلق ومأنجبش أطفال فترة زواجه 4 سنوات بيقولها ان زوجته مأنجبتش عشان دلوعة وخايفة علي رشاقتها وانها كانت بتتكلم مع زمايلها في الشغل بالتليفون كتير وهو بيغير عليها جدا لغاية ما قرر يطلقها.
طبعا الله أعلم بالحقيقة.
المهم أبدي اعجابه بأختها كتير خصوصا انو مكنش ليها أي علاقات بشباب وهادية وعلي قدر من الجمال والثقافة ،كان من خلال جلسته معاها مبينلها انه وقور وهادي ومثالي وهيا بتحب الصفات دي. مع انها مش متقبلة شكله.
أختها وافقت بعد ما كلمها ثلاث مرات ،وعرض عليهاالزواج وانه عايز يكلم والدتها وياخد رقم والدتها.
الأخت الصغيرة متأخرتش علطول قالت لوالدتها ان فيه زميل صاحبتها بيدور علي عروسة مناسبة لسنه ورشحت أختها ليه،الأم وافقت مبدئيا انه ييجي،يحدد معاد وييجي.
وتستمر المكالمات والغزل وهو بيراوغ في المعاد وكل متحصله أزمة يقول انا من ساعة ما عرفت أختك والمشاكل بتتراكم عليا_قصده انه بيتشائم منها_
بعد كدا اتصل بأختها وقالها ان رجله اتكسرت وهو بيلعب كرة مع زمايله،شكت فيه بس اتأكدت،وقالها انه صلي صلاة استخارة وحس انه مش مرتاح خالص.
طبعا كانت صدمة كبيرة لأختها وهو كلمها وطلب منها انهم يكونوا أصدقاء. انقطعت الأخت عن الكلام معاه فترة طويلة وبعد كدا كلمته وبعدها سافر بره مصر وكان بيكلمها برده فضل وراها لغاية ما عملت إيميل وكلمها ماسنجر ،بدأت عبارات الغزل والحب والإعجاب وانه سافر خارج مصر هروبا من أحزانه انه متجوزهاش بس غصب عنه عشان صلاة الإستخارة_علي حد قوله_
طبعا الكلام في الماسنجر الكتابي استمر شهور يكلمها ووعدها انه هيتجوزها لما ينزل مصر وهيا رفضت تكلمه صوت ،اكتشفوا انه بيكلم بنات كتيييير بعدد شعر راسه صوت وكتابة ومش كلام عادي كلام في الجنس بعد مادخلت أختها بإميل ميعرفوش وكلمته اكتشفت انه بيتكلم كتير في الجنس وحتي لما كلمته برقم غريب وغيرت صوتها كان متجاوب معاها وعايز يتعرف عليها المعلوما ت دي عرفتها الأخت الكبيرة وقفلت تليفونها وبطلت تكلمه بس مجروحة ومن أعماقها بتقول يمكن لما يتجوز يرضي رغبته وميكلمش بنات.
******
أنا رأيي انه حتي لو اتجوزها مش هيبطل يكلم بنات في الجنس لانه اتعود علي الأقل 6 ساعات كلام في الشات والماسنجر يوميا كلام في الجنس بعد متابعاتهم ليه.انتو رأيكم إيه عشان مش مقتنعين برأيي.
أنا آسفة عشان طولت عليكم بس ياريت تقولوا آراءكم واستنتاجاتكم علشان صاحبة المشكلة مكتئبة جدا ومشتتة جدا.
أردت منكم أن تعطوني رأيكم بشأن هذا الأمر ،بارك الله فيكم جميعا.ومعلش متزهقوش من كتر التفاصيل.
*************
صديقتي تعرفت علي شخص من خلال أختهاكانت تحادثه كتابيا في الماسنجر ،المهم أختها أصغر منها في السن تعلق بها الشاب وعرض عليها الزواج بعد أن رآها لكنه كذب عليها وزور في سنه يعني سنه 38 وقالها ان سنه 28 من خلال حديث الأخت معاه اكتشفت انه كذاب واعترف ان سنه 38 طبعا رفضت تتجوز منه عشان كذاب والفرق بينهم في السن كبير البنت 23 سنة ،قالها خلاص شوفيلي عروسة قالت ماشي أختي قريبة من سنك سنها 35 إيه رأيك ؟هيا كانت حاكيله عن صفاتها قبل كدا علي سبيل التعارف بعيلتها.
الي كان مضايقه انها اتعدت التلاتين فسألها ليه متجوزتش لغاية دلوقت؟
ردت عليه حصلت مشاكل كتير في مواضيع خطوباتها وهيا اتعقدت من كتر المشاكل ،طلب منها انه يشوفها.
طبعا البنت فرحت وحكت الموضوع لأختها أختها كانت مترددة وخايفة وقبل ما تتخذ قرار اتصلت أختها الصغيرة بالشاب وحددت ميعاد وفاجأت أختها_طبعا خافت في نفس الوقت قبلت وفعلا شافوا بعض في نادي وعزمهم في مطعم فخم.
ملحوظة:الشخص مطلق ومأنجبش أطفال فترة زواجه 4 سنوات بيقولها ان زوجته مأنجبتش عشان دلوعة وخايفة علي رشاقتها وانها كانت بتتكلم مع زمايلها في الشغل بالتليفون كتير وهو بيغير عليها جدا لغاية ما قرر يطلقها.
طبعا الله أعلم بالحقيقة.
المهم أبدي اعجابه بأختها كتير خصوصا انو مكنش ليها أي علاقات بشباب وهادية وعلي قدر من الجمال والثقافة ،كان من خلال جلسته معاها مبينلها انه وقور وهادي ومثالي وهيا بتحب الصفات دي. مع انها مش متقبلة شكله.
أختها وافقت بعد ما كلمها ثلاث مرات ،وعرض عليهاالزواج وانه عايز يكلم والدتها وياخد رقم والدتها.
الأخت الصغيرة متأخرتش علطول قالت لوالدتها ان فيه زميل صاحبتها بيدور علي عروسة مناسبة لسنه ورشحت أختها ليه،الأم وافقت مبدئيا انه ييجي،يحدد معاد وييجي.
وتستمر المكالمات والغزل وهو بيراوغ في المعاد وكل متحصله أزمة يقول انا من ساعة ما عرفت أختك والمشاكل بتتراكم عليا_قصده انه بيتشائم منها_
بعد كدا اتصل بأختها وقالها ان رجله اتكسرت وهو بيلعب كرة مع زمايله،شكت فيه بس اتأكدت،وقالها انه صلي صلاة استخارة وحس انه مش مرتاح خالص.
طبعا كانت صدمة كبيرة لأختها وهو كلمها وطلب منها انهم يكونوا أصدقاء. انقطعت الأخت عن الكلام معاه فترة طويلة وبعد كدا كلمته وبعدها سافر بره مصر وكان بيكلمها برده فضل وراها لغاية ما عملت إيميل وكلمها ماسنجر ،بدأت عبارات الغزل والحب والإعجاب وانه سافر خارج مصر هروبا من أحزانه انه متجوزهاش بس غصب عنه عشان صلاة الإستخارة_علي حد قوله_
طبعا الكلام في الماسنجر الكتابي استمر شهور يكلمها ووعدها انه هيتجوزها لما ينزل مصر وهيا رفضت تكلمه صوت ،اكتشفوا انه بيكلم بنات كتيييير بعدد شعر راسه صوت وكتابة ومش كلام عادي كلام في الجنس بعد مادخلت أختها بإميل ميعرفوش وكلمته اكتشفت انه بيتكلم كتير في الجنس وحتي لما كلمته برقم غريب وغيرت صوتها كان متجاوب معاها وعايز يتعرف عليها المعلوما ت دي عرفتها الأخت الكبيرة وقفلت تليفونها وبطلت تكلمه بس مجروحة ومن أعماقها بتقول يمكن لما يتجوز يرضي رغبته وميكلمش بنات.
******
أنا رأيي انه حتي لو اتجوزها مش هيبطل يكلم بنات في الجنس لانه اتعود علي الأقل 6 ساعات كلام في الشات والماسنجر يوميا كلام في الجنس بعد متابعاتهم ليه.انتو رأيكم إيه عشان مش مقتنعين برأيي.
أنا آسفة عشان طولت عليكم بس ياريت تقولوا آراءكم واستنتاجاتكم علشان صاحبة المشكلة مكتئبة جدا ومشتتة جدا.