المعاكسة بقت واجب قومى ..............

[حمادة القلب الطيب]

المعاكسة واجب قومي وحق اتجاه اي موزة نازلة الشارع وتاعبة نفسها ومتشيكه وحاطة ميكب ونازلة تقول للأرض اتهدي ما عليكي ادي ... عايزين ايه من الشباب يعني ... مش لازم يشجعوا المنتج المحلي... وكمان لما البنت دي تتعاكس والشباب يقرفها في الشارع اكيد هاتتربى وهاتتعلم الادب وتنزل الشارع بعد كده محترمة .... ماهو لو محترمة والله ما كانش حد قرب ناحيتها .

بس في مشكلة ...

البنت اللي لبسها كويس ولابسة اسدال كمان او خمار بتتعاكس ليه.؟؟؟.... ايه اللي بتتعاكس ليه ... اكيد ماشية تتمايع وتضحك في الشارع وحاطة ميكب اد كده ....لازم نربيها بردو وتنزل الشارع محترمه ... ساكتة ولا تنطق من اساسه ... مش بقولكم واجب قومي ... بنربي بنات مصر ...

طب واللي ماشية لابسه محترم ولا حاطة ميكب ولا غيره وماشية في حالها لا بتضحك ولا بتتمايع ماشية في حالها ... ...لأه بقى ما هي نازلة الشارع وحدها وقاصدة تتعاكس ايه اللي منزلها الشارع وحدها وهي عارفة الشوارع بقت عاملة ازاي ... ماهي لو محترمة بجد كانت نزلت مع باباها ولا اخوها ولا خطيبها حتى ... دي عايزة تعمل محترمة وتضحك عالشباب وتجيب عريس ... وبردو لازم نبينها على حقيقتها وتتعاكس علشان محدش يفتكرها محترمة ...

طب واللي نازلة مع اخوها ولا خطيبها ولا حتى جوزها (مش نازلة وحدها اهو) ويطلع لها واحد من ورا خطيبها ولا اخوها بيبصبص ليها كده من ورا ضهر الراجل الغلبان وعمال يشاور ويعمل حركات ويقرفها ... ... يا سلاااااااااااام ومين قاللك ان ده خطيبها ولا اخوها .. تلاقيها الواد اللي ماشية معاه ماهو لو كان خطيبها كان قعد يشوفها في بيتهم .. وانا بعاكسها علشان اعرفهم قيمتهم هما الاتنين علشان يتربوا ويبطلوا صرمحة في الشوارع ... مش بقولك واجب قومي علشان البلد والله....


طب واللي واقفه في البلكونه الغلبانه بتنشر ولا بتجيب حاجة بالسبت بيطلع لها ميت واحد من الشارع راصدينها واللي يعاكس واللي يشاور.. الله ما هي قاصداها اهي وطالعة البلكونة علشان الناس تشوفها وتتعاكس .. هي اللي عاوزة تتعاكس من الاساس .. وانا لما بعاكسها بوريها قيمتها اصلا ... هي ايه اللي طلعها البلكونة من الاساس .. تنشر .. هههه دي تلاكيك يا عمنا ... دي عاوزة تتعاكس ... ماهى لو محترمة والله ما كنت هاقرب ناحيتها ...

طب واللي قاعدة في بيتها يا ناس .. ويطلعلها من الشباك اللي عمال يبص ويبحلق فيها ويعاكسها ... شوفت اديك قلت بنفسك ياعم ... هيا اللي فاتحة الشباك علشان الراجل ده يشوفها ويعاكسها ... وتلاقيها كانت بتتمخطر قدامه رايحة جاية ومتشيكه علشان يشوفها ويعاكسها .. هي لو محترمة تفضل في بيتها وتقفل الشبابيك والبلكونات والبيبان كلها وتقعد تحت السرير كمان علشان تبقى بنت محترمة بصحيح ومحدش يشوفها خااااااالص وتدفن نفسها بالمرة...
على فكرة انا بوضح لكم ان اللى بيعاكس بيحلل تصرفاته على انه صح وبيقنع نفسه بكدة بس هى غلط مية فى المية واتمنى منكم كثير الردود


طيب اشمعنى الشباب بيتمسكوا بالواجب ده اووووووووووووى ؟

ماهو فى حاجات تانيه كويسه ليه بنعتبرها حمل قومى تقيل علينا ؟؟؟؟؟

ممكن حد يفهمنى والنبى اصلى مش عارف حدودى وواجباتى فين ولو فى حد يقنعنى

يمكن اقدر اقوم بالواجب القومى واعاكس

ياريت تشاركونى







تقبلو تحياتى


حمادة القلب الطيب

[kotomoto88]

يابنى ربنا يهدى شباب اليومين دول
والبنات كمان والله
ليه الواحد مش بيحط على طول فى دماغه ان ربنا شايفه على طووووووووووووووول
وربنا يهدى

[حمادة القلب الطيب]

ياب يهدى امـــين

و شكرا ليكى يا عسل على الرد الجميل دا مشاركتك منورا موضوعى المتواضع

شكرا ليكى

[yoyo.vet]

طب الواحدة المؤدبة المحترمة بتتعاكس ليه
ماتمشيش في الشارع خالص
وماتتعلمش
وماتعملش حاجة خوفا من المعاكسة
بقولها كلمة لكل البنات اللي خايفة علي نفسها وعلي سمعتها ودينها
احترمي نفسك واعقدي الاتفاق مع الله علي طاعة ومراعته
والزمي قوله تعالي:
"من يتق الله يجعل له مخرجا"
وشكرا علي الموضوع

[حمادة القلب الطيب]

صح بس برضو الواحدة المحترمة مش من المعقول انها متنزلش ابدادا حاجة عمرى ما اظنها

صح و على العمووم مستنى من باقى الاعضاء الرئ

شكرا يا عسل على الرد

[Mostafa Megahed]

هههههههههههه

واللهى الموضوع ده جعلنى أبتسم كثيراً من اسلوبة وكلماته

فعلاً المعاكسة بقيت واجب وطنى

بس انا بيتهيألى بلاش نعقد الأمور .... ولا انت شايف ايه ؟؟؟

[diabian.sakr]

هوا العيب من البنت

بس برضو مش كل الشباب بتعاكس

الواحد لما بينزل الشارع ويشوف البنات عامله فى نفسها ايه

لازم غصب عنو يعاكسها

وبعدين البنت بتحب انها تتعاكس

وألى عندو اعتراض يقول ..

الحمد لله مش بعاكس هههههههه عندى اخوات بقا .

[Mostafa Megahed]

لا واللهى

انا عن نفسى ساعات كتير بشوف بنات فى الشارع

بتبقى ماشية فى الشارع محترمة

وبلاقى شاب رخم يطلعلها ويعاكسها

ساعتهاااااا أتقمص دور ابن البلد وأعمل فيها شجيع السيما

وأروح اتخانق معاه

لكن

فى


حاله

واحدة

بس

محبش

ألعب دور ابن البلد

لو الشاب اللى عاكسها ده

جسمه جااااااااااااامد

وبيلعب حديد مثلاً

ساعتها

ممكن أعمل فيها عبده العبيط ولا كأنى شوفت حاجه

ههههههههههههههههههههههه

[nona mne]

البنت اللي لبسها كويس ولابسة اسدال كمان او خمار بتتعاكس ليه.؟؟؟.... ايه اللي بتتعاكس ليه ... اكيد ماشية تتمايع وتضحك في الشارع وحاطة ميكب اد كده ....لازم نربيها بردو وتنزل الشارع محترمه ... ساكتة ولا تنطق من اساسه ... مش بقولكم واجب قومي ... بنربي بنات مصر ...


اعجبتنى كثيرا هذه الكلمات فعلا الشباب بيربى بنات مصر

المهم والله مش كل البنات عامله فى نفسها حاجات ملهاش لازمه

يعنى مثلا البنت اللى لابسه اسدال او نقاب دى مينفعش انها تتعاكس

بس الاغلابيه العظمى بيتعاكسو يعنى مثلا انا كنت ماشيه انا وواحده صاحبتى

منتقبه ولقيت واحد بيقولها( نفسى اشيل النقاب ده علشان اشوف الجمال اللى مستخبى تحت)

بالرغم انها لابسه اسود فى اسود

شكرا يا حماده على موضوعك الجامد ده

[اميرة الاحزان]

السلام عليكم ورحمة الله وبركاته

اولا شكرا ليك يا حماده على الموضوع الجميل ده

بس انت بقى عاوزنا نعمل ايه

نقعد فى زنزانه ونريح نفسنا وخلاص

ولا ايه رأيك لو عندك حل قول

بس على فكره فى بنات كتييييييييييييييير بيلبسوا لبس محترم وكل حاجه وبيتعاكسوا برضوا

لكن الغلط برضوا عند الشباب مش البنات

وشكرا ليك على الموضوع الجامد ده

تحياتى وفى انتظار جديدك

[yoyo.vet]

طبعا الغلط في الشباب وليس البنات
ومين قال يا أحمد صقر ان البنات بتحب تتعاكس
ممكن تقول بعضهن وليس كلهن
وربنا يحفظنا ويحفظ باقي البنات من كل مايضايقهن

[kotomoto88]

لا واللهى
انا عن نفسى ساعات كتير بشوف بنات فى الشارع
بتبقى ماشية فى الشارع محترمة
وبلاقى شاب رخم يطلعلها ويعاكسها
ساعتهاااااا أتقمص دور ابن البلد وأعمل فيها شجيع السيما
وأروح اتخانق معاه
لكن
فى
حاله
واحدة
بس
محبش
ألعب دور ابن البلد
لو الشاب اللى عاكسها ده
جسمه جااااااااااااامد
وبيلعب حديد مثلاً
ساعتها
ممكن أعمل فيها عبده العبيط ولا كأنى شوفت حاجه
ههههههههههههههههههههههه

ههههههههههههههههه
بقى كده
دى اخرتها وعامل فيها واد ولا كلمة
ماشى ماشى

[kotomoto88]

هوا العيب من البنت
بس برضو مش كل الشباب بتعاكس
الواحد لما بينزل الشارع ويشوف البنات عامله فى نفسها ايه
لازم غصب عنو يعاكسها
وبعدين البنت بتحب انها تتعاكس
وألى عندو اعتراض يقول ..
الحمد لله مش بعاكس هههههههه عندى اخوات بقا .

اما عندى اعتراض
مين قال اللى البنت بتحب تتعاكس
اكييييييييييد الشباب علشان يبرروا موقفهم مش اكتر
وانتوا ليه بتفترضوا سوء النية
وحتى لو البنات عاوزة كده ليه الشباب ينفذ علشان هو اللى عاوز كده
دى حاجة عجيبة والله

[حمادة القلب الطيب]

اية يا جدعان انتو بتتخانقو ولة اية


شكرا على الردود


بس عندى كام كلمة كدا



اولا / لو الولد لقى بنت لبسها مش مظبوط و مشيها مش مظبوط و بتدحك فى الشارع

و ممكن تبص للولد و تتدحك يبقى انى دلوقتى اللى غلطان


و حقيقى و مكدبش ان فى بنات ممكن تكون لبسين سدال خمار نقاب و بيتعكسو


صح بس برضو طالما البنت مش بتتدحك فى الشارع بصوت عالى زى عهعهعهعهعهع


هههههههههه

فاهمين كدا


يعنى و تبص فى الارض او تبص فى الطريق اللى هيا ماشية فى

و بس


و شكرا اوى على الردود الجامدة دى و مستنى الرد من باقى الاعضاء


شكرا

[mimostar]

والله دلوقتي البنت لو لبسة اية
بردة هتتعاكس
خلاص بقت زي حاجة اساسية ان البنات لازم تتعاكس
مع اني في بنات محترمة كتير جدا بس بتتعاكس
وفي بنات ببقي والله شيفها اودامي انا عايز اقلع الجزمة واجري وراها
في وفي

بس زي ما انت كاتب بقت واجب وطني
ويا عيني لو لما البنات بتخرج في العيد
بتبقي مصائب العيد الجي يا جماعة
مفيش بنت تخرج من بتها علشان انتو عارفين
اية الي بيحصل كول عيد

[yoyo.vet]

ماعرفش يا ميموستار ايه اللي بيحصل كل عيد ممكن توضح
مع العلم بأني بنت وبحب أخرج لصلاة العيد وبتبقي أيام جميلة جدا

[حمادة القلب الطيب]

بنسبلك ايام جميلة عشان بتخروجى و بتتفسحى و كدا يعنى بنسبالة للاولاد البيئة بيعكسو و ممكن حاجات تتسرق

و كدا يعنى و شكرا اوى على المشاركات الجامدة دى

[Mostafa Megahed]

ههههههههههههه

معلش يا كوتوموتو

كان لازم اقول اللى بيحصل معايا

هههههههههههههههههههههههههههههه

[Nooona]

هههههههههههههههه

الموضوع بتاعك دا جامد اووى يا حماده

بس انت عاوز نعمل ايه يعنى فى نفسنا نموت نفسنا يعنى ولا نحبس نفسنا علشان خاطركم

وبعدين من ناحيه اللبس وكدا افرض فى بنت يعنى محجبه ومحترمه بس دلوعه شويه فى لبسها

يبقى كدا مش محترمه ومش كويسه يعنى ولا ايه

وكمان فى بنات كتير اوى تلااقيهم لابسين اسدال او محجبين واللى يشوفهم اكنهم شايفين ملاك قدامهم

بس بتلااقى تصرفاتهم مش كووويسه

واصلاااا المشكله فى الشباب لو كل واحد فكر قبل مايعاكس بنت انه ممكن يتكرر فى اخته مش هيعمل

حاجه لكن تعالى شوف بقا اللى بيعاكس دا لما يشوف واحد بيعاكس اخته اكيد من غير تفاهم بيروح

يتشاكل معاه ويعمل مشكله معاه علشان عاكس اخته طيب هو ليه مفكرش انه لما يعاكس واحده

دا هيتكرر مع اخته او حد من قريبه ........... عبط بقا

واصلااااااااااااااااااااااا اغلبيه الشباب مش سايبين البنات فى حالها خالص

سواء محترمه وماشيه فى حالها او مش محترمه هما بيركبهم 100000عفريت لما بيشوفوا بنت

هههههههههههههه ولو معكسوهاش بتبقى عيبه فى حقهم لا ازاااااااااى لازم يقرفوا البنت فى عشتها

واجب وطنى بقا هههههههههههههه

شكرا يا حماااده على الموضوع

[حمادة القلب الطيب]

ماشى بس برضو لو البنت مظبوطة عمرها ما تتعكس ابدا ولة اية و العفو


و الحمد لله ان الموضوع عجبكم و يارب مواضيعى تعجبكم

[Nooona]

طيب يا حماده ماهو فى بنات بتبقى ماشيه فى حالها وبتتعاكس برده

[حمادة القلب الطيب]

لالالالالا معتقدش لا الولاد لما بيلقو البنت مش مظبوطة بيعكسوها و ممكن يرخمو على البنات

و كدا

و شكرا لردك يا عسل

[مايا المصري]

بصراحه الموضوع معجبنيش خالص
ومحبتش اكمله
اسفه
ده رأيي
من المفروض ان الفرد لو هيصلح الغلط يبدء بنفسه اولا
ولا ايه

[dede]

مشكور على الموضوع

ولا تعليق

بعد الكلام ده كله مفيش كلام يتقال

[ايمي ايدو جاوا]

بجد يا حماده الواحد شكله مش هينزل الشارع تاني
لان الولاد مش سابين بنت في حالها مهما كانت مؤدبه
وهما بيعاكسوا لوافتكروا ان ربهم مراقبهم هيتكسفوا علي دمهم
وكمان مبقاش تنفع معاهم انت مش عندك اخوات بنات
والله المفروض البنات والولاد يبكوا من اللي بيحصل
فين ده من زمن الرسول(صلي الله عليه وسلم)
وكمان كل واحد وتربته
لو الولدمؤدب ومشيت امامه بنات اشكال والوان هيستحرم يعاكس

معلش طولت شويه وارجو ان تكون الكلمات دي كافيه يا حماده

[حمادة القلب الطيب]

ميرسى على الردود دى تسلمولى

و مستنى الرد من باقى الاعضاء

و الله انتى احرجتينى


بس برضو لما يلقى البنت ماشية فى حالها و مظبوطة مظونشان ولد يعكسها صح ولة اية


و لو البنت ماشية مش مظبوط ممكن يعكسها



شكرا على ردك تانى

[infofst]

السلام عليكم و رحمة الله
غريب أمر هذا الذي يعاكس بحجة أنّه 'يربي' فعلا نعم 'التربية' ونشكره على تصرفه 'النبيل' الذي أراد من خلاله إعادة 'الفضيلة' للمجتمع! غير أنّ هذه 'الغيرة' على المبادئ والقيم قد أنسته أنّ شيئا مهما: أنّ النهي عن المنكر يجب ألا يترتب عليه ما هو أنكر منه وإلا صار في ذاته منكرا
نبدأ باستعراض النموذج الأوّل:"نازلة الشارع وتاعبة نفسها ومتشيكه وحاطة ميكب ونازلة تقول للأرض اتهدي ما عليكي ادي"
الذي سيحصل من معاكستها هو أنها تجد من يلبي رغبتها فتستمر على هذا الدرب بل وستبحث عن وسائل لتطوير النشاط ليحوم حولها شباب أكثر وهذا وجه اعتراضي على الأخ diabian.sakr
النموذج الثاني:"البنت اللي لبسها كويس ولابسة اسدال كمان او خمار ولكن تتمايع وتضحك في الشارع وحاطة ميكب اد كده "
من المؤكد أنها إذا كانت تريد من الشباب المعاكسة سيكون حالها حال السابقة وإن لم تكن تريد ذلك فهي إما ستلقي بكلام الشباب عرض الحائط وتمرّ و هذا هو الغالب، وإما ستغضب وستقول بينها وبين نفسها 'مستورة ولا مش مستورة برضو بتعاكس، خليني اتمتع بحياتي أحسن' --> ستخلع ما عليها

النموذج الثالث:"اللي ماشية لابسه محترم ولا حاطة ميكب ولا غيره وماشية في حالها لا بتضحك ولا بتتمايع ماشية في حالها ... ...لأه بقى ما هي نازلة الشارع وحدها وقاصدة تتعاكس ايه اللي منزلها الشارع وحدها وهي عارفة الشوارع بقت عاملة ازاي ...ماهي لو محترمة بجد كانت نزلت مع باباها ولا اخوها ولا خطيبها حتى ... دي عايزة تعمل محترمة وتضحك عالشباب وتجيب عريس ."
أقول: ما أدراك أنت أنها ليست في المنزل وحدها واحتاجت للخروج والخروج لضرورة مباح
أما قول "دي عايزة تعمل محترمة وتضحك عالشباب وتجيب عريس" فأقول هذا رجم بالغيب وسوء ظنّ! قال تعالىفي سورة النجم الآية 23:"إِنْ يَتَّبِعُونَ إِلَّا الظَّنَّ وَمَا تَهْوَى الْأَنْفُسُ وَلَقَدْ جَاءَهُمْ مِنْ رَبِّهِمْ الْهُدَى" وسيتكفل بالرد عليك النبيّ (ص):روى ابن أبي داود في سننه بسند صححه الشيخ الألباني:"عن أبي ظبيان ثنا أسامة بن زيد قال : بعثنا رسول الله صلى الله عليه وسلم سرية إلى الحرقات فنذروا بنا فهربوا فأدركنا رجلا فلما غشيناه قال لا إله إلا الله فضربناه حتى قتلناه فذكرته للنبي صلى الله عليه وسلم فقال من لك بلا إله إلا الله يوم القيامة فقلت يا رسول الله إنما قالها مخافة السلاح قال أفلا شققت عن قلبه حتى تعلم من أجل ذلك قالها أم لا من لك بلا إله إلا الله يوم القيامة فما زال يقولها حتى وددت أني لم أسلم إلا يومئذ" هذا الكافر تشهّد فقط في موقف صعب و احتمال أنه قالها هربا من الموت قوي جدا ومع ذلك كان حكم التعامل معه كحكم التعامل مع المسلم فكيف ببنت تجاهر بالعفّة في المظهر في زمن ضاعت فيه العفة؟ ثم إن كانت كما قلت تريد أن تجلب عريسا: هل تلام إن كانت تريد عفة نفسها خصوصا وأنها إن كانت غير ذلك فهي ستنكشف أيام الخطوبة وإن كانت عفيفة كان 'أجر' المعاكس أكبر لأنه ظنّ السوء بمن هو ليس من أهله

النوذج الرابع:"طب واللي نازلة مع اخوها ولا خطيبها ولا حتى جوزها" وكان تبرير المعكسة:"ومين قاللك ان ده خطيبها ولا اخوها .. تلاقيها الواد اللي ماشية معاه ماهو لو كان خطيبها كان قعد يشوفها في بيتهم "
أولا: إن كانت هذه البنت التي مع رجل سافرة، أهنأ المعاكس بأنه ارتكب احدى المحرّمات بالنظر لهذا الصنف من النساء(على أني أنا نفسي أزدريه)، وارتكاب المحرمات سبب لشقاء البلد لا لخدمتها: قال تعالى في سورة الأعراف الآية 96:"وَلَوْ أَنَّ أَهْلَ الْقُرَى آمَنُوا وَاتَّقَوْا لَفَتَحْنَا عَلَيْهِمْ بَرَكَاتٍ مِنْ السَّمَاءِ وَالْأَرْضِ" فهنيئا له المعاكسة لخدمة البلد، أما إذا كانت مستورة فقولك :"ومين قاللك ان ده خطيبها ولا اخوها" أقول: يجب أن تتأكد من انتفاء هذا الأمر قبل أن تعاكس، فاذهب واسأله أولا حتى لا تظلم أحدا، إن كنت تستطيع! وإلا فألجم فمك واسكت.
والأعجب من هذا:"وانا بعاكسها علشان اعرفهم قيمتهم هما الاتنين علشان" أفلا يعرف هو قيمته هو الأول؟
النموذج الخامس:"اللي واقفه في البلكونه الغلبانه بتنشر ولا بتجيب حاجة بالسب" كان تبرير المعاكسة:"ما هي قاصداها اهي وطالعة البلكونة علشان الناس تشوفها وتتعاكس"
أقول: فالمطلوب من البنت حسب رأي هذا الذي 'يناضل في سبيل بلده'، أن تعطل عمل البيت في سبيل أن يرضى عنها و الواجب عليها أن تترك 'البلكونة' وسخة ولا تنظفها لأنها إن حاولت فعل ذلك أصبحت "عاوزة تتعاكس" وهذا من سوء تربيتها لأن المربين الأفاضل أمثال هذا الذي يخدم بلده قد قلوا مع الأسف! ولعله حقق لها هذا المعاكس رغبتها فتكون النتيجة أنّه قام بواجبه الوطني: شجع هذه الفتاة على فعل ما لا يريدها أن تفعله!
النموذج السادس:"اللي قاعدة في بيتها وفاتحة الشباك"
هنا لنا مع المعاكس وقفة قد تطول:أولا واضح أنه من واجب هذه المرأة حسب المعاكس أنّها يجب أن تغلق الشباك وفات المريض أن عدم فتح النوافذ ودخول الشمس إلى المنزل يورث النداوة فيها، وبالتالي الأمراض،
لكن دعنا من هذه، ولننظر ما حكم هذا 'القمر' الذي طلع من الشباك ليعاكس: روى البخاري ومسلم في صحيحيهما عن سهل بن سعد (رض) قال:"اطَّلَعَ رَجُلٌ مِنْ جُحْرٍ فِى حُجَرِ النَّبِىِّ - صلى الله عليه وسلم - وَمَعَ النَّبِىِّ - صلى الله عليه وسلم - مِدْرًى يَحُكُّ بِهِ رَأْسَهُ فَقَالَ « لَوْ أَعْلَمُ أَنَّكَ تَنْظُرُ لَطَعَنْتُ بِهِ فِى عَيْنِكَ ، إِنَّمَا جُعِلَ الاِسْتِئْذَانُ مِنْ أَجْلِ الْبَصَرِ » " فمرحى له من خادم للبلد!
ختاما أقول إني لا أقول هذا دفاعا عن البنات فالكثيرات للأسف لا يستحققن حتى النظر إليهنّ ( على أني لا أنكر وجود الفاضلات )، إنما كتبت هذا حتى أبين عوار ما يستند إليه عبّاد الشهوات - هداني الله و إياهم - ليبرروا أفعالهم القبيحة ويلبسونها لباس الوطنية، وحب البلد. مشكور الأخت yoyo.vet على كلمتها للبنات، وأضيف كلمة لهن و للجميع قول النبيّ (ص) لحبر الأمة عبد الله بن العباس(رض) في سنن الترمذي ومسند أحمد:« احْفَظِ اللَّهَ يَحْفَظْكَ احْفَظِ اللَّهَ تَجِدْهُ تُجَاهَكَ إِذَا سَأَلْتَ فَاسْأَلِ اللَّهَ وَإِذَا اسْتَعَنْتَ فَاسْتَعِنْ بِاللَّهِ وَاعْلَمْ أَنَّ الأُمَّةَ لَوِ اجْتَمَعَتْ عَلَى أَنْ يَنْفَعُوكَ بِشَىْءٍ لَمْ يَنْفَعُوكَ إِلاَّ بِشَىْءٍ قَدْ كَتَبَهُ اللَّهُ لَكَ وَلَوِ اجْتَمَعُوا عَلَى أَنْ يَضُرُّوكَ بِشَىْءٍ لَمْ يَضُرُّوكَ إِلاَّ بِشَىْءٍ قَدْ كَتَبَهُ اللَّهُ عَلَيْكَ رُفِعَتِ الأَقْلاَمُ وَجَفَّتِ الصُّحُفُ ».
أما قول الأخ مصطفى مجاهد:"لو الشاب اللى عاكسها ده جسمه جااااااااااااامد وبيلعب حديد مثلاً ساعتها ممكن أعمل فيها عبده العبيط ولا كأنى شوفت حاجه" أقول لك أخي إن كنت تفعلها لله فأقدم لأنك في مقام نهي عن المنكر فإن كان يعتز عليك بقوته فأنت أعز منه بايمانك و ما انتصر النبي(ص) بقوة ولكن بالثقة في الله، قال تعالى في سورة المنافقين الآية 9:"وَلِلَّهِ الْعِزَّةُ وَلِرَسُولِهِ وَلِلْمُؤْمِنِينَ" وفي سورة محمد الآية 7:"يَاأَيُّهَا الَّذِينَ آمَنُوا إِنْ تَنصُرُوا اللَّهَ يَنصُرْكُمْ وَيُثَبِّتْ أَقْدَامَكُمْ" فمن الذي سيقف أمامك إن كان الله معك؟ على أن تلتزم قول الله عز و جل في سورة النحل الآية 125:"ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُمْ بِالَّتِي هِيَ أَحْسَنُ".
أسّأل الله الهداية للجميع

[infofst]

لا تنسوا إخوتي أن أهل الباطل هم من الذين قال الله تعالى عنهم في سورة الكهف الآية 54:"وَكَانَ الْإِنسَانُ أَكْثَرَ شَيْءٍ جَدَلًا" وهذا ديدنهم على مرّ العصور وقد رأيتم فساد حججهم 'الدامغة' ومن الواضح فعلا أن منطلقهم في فلسفتهم هو الشهوات لا أكثر، وقولهم هذا مصداق الأية 27 من سورة النساء:"وَاللَّهُ يُرِيدُ أَنْ يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَنْ تَمِيلُوا مَيْلًا عَظِيمًا" ،و قد حذرنا من اتباع هذا الصنف من الناس فقال في سورة الكهف الآية 28:"وَلَا تُطِعْ مَنْ أَغْفَلْنَا قَلْبَهُ عَنْ ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا" وبين لنا مرادهم فقال في سورة النساء الآية ، و هددهم تعالى في سورة مريم الآية 59:"فَخَلَفَ مِنْ بَعْدِهِمْ خَلْفٌ أَضَاعُوا الصَّلَاةَ وَاتَّبَعُوا الشَّهَوَاتِ فَسَوْفَ يَلْقَوْنَ غَيًّا" ثم فتح لهم باب التوبة في الآية التي تليها فقال:"إِلَّا مَنْ تَابَ وَآمَنَ وَعَمِلَ صَالِحًا فَأُوْلَئِكَ يَدْخُلُونَ الْجَنَّةَ وَلَا يُظْلَمُونَ شَيْئًا"
أسال الله أن يتوب علينا وعلى المؤمنين والمؤمنات والمسلمين والمسلمات آمين

[Mostafa Megahed]

نبدأ باستعراض النموذج الأوّل:"نازلة الشارع وتاعبة نفسها ومتشيكه وحاطة ميكب ونازلة تقول للأرض اتهدي ما عليكي ادي"
الذي سيحصل من معاكستها هو أنها تجد من يلبي رغبتها فتستمر على هذا الدرب بل وستبحث عن وسائل لتطوير النشاط ليحوم حولها شباب أكثر
أعجبنى تصويرك هذا للنموذج الاول
فدائما نجده فى حياتنا اليومية
وهو أقرب توضيح لما نراه

------------

أما قول الأخ مصطفى مجاهد:"لو الشاب اللى عاكسها ده جسمه جااااااااااااامد وبيلعب حديد مثلاً ساعتها ممكن أعمل فيها عبده العبيط ولا كأنى شوفت حاجه" أقول لك أخي إن كنت تفعلها لله فأقدم لأنك في مقام نهي عن المنكر فإن كان يعتز عليك بقوته فأنت أعز منه بايمانك و ما انتصر النبي(ص) بقوة ولكن بالثقة في الله، قال تعالى في سورة المنافقين الآية 9:"وَلِلَّهِ الْعِزَّةُ وَلِرَسُولِهِ وَلِلْمُؤْمِنِينَ" وفي سورة محمد الآية 7:"يَاأَيُّهَا الَّذِينَ آمَنُوا إِنْ تَنصُرُوا اللَّهَ يَنصُرْكُمْ وَيُثَبِّتْ أَقْدَامَكُمْ" فمن الذي سيقف أمامك إن كان الله معك؟ على أن تلتزم قول الله عز و جل في سورة النحل الآية 125:"ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُمْ بِالَّتِي هِيَ أَحْسَنُ".


شكرا على النصيحة يا غالى
لكن يا أخى كان هذا على سبيل المزاح

ومنور المنتدى بردودك ، الاستعانة بالأحاديث النبوية والآيات القرأنية أفضل رد على أى موضوع ..

[حمادة القلب الطيب]

شكرا اوى على الردود الجامدة دى تسلمولى

دايما احب ان ارى ردودكم منورانى


و مستنى الرد من باقى الاعضاء

[the ever]

انا معاك ان البنت الى مش لابسه كويس نازله على شان تتعاكس
لكن المحترمه لو نازله لواحدها ممكن تكون راحه شغل مثلا و ساعتها مينفعش تأخد اخوها او بباها
اكيد هما كمان بيشتغلوا.
والى ماشيه مع خطيبها اكيد بيبان عليهم من طريقه مشيهم دى كمان تتعاكس لى.
المفروض ان كل واحد يعرف فين حدوده اذا كان بنت او ولد.
انا وحدة بصراحه ساعات بشوف بنات لابسين بس مش لابسين ........ ساعتها بقول ربنا يكون فى عون الشباب و الله.
و بالذات ان الجواز بقى حاجه صعبه الوقتى.
§¤°~®~°¤§و ربنا يصبركم و يهدينا جميعا§¤°~®~°¤§

[حمادة القلب الطيب]

فين الردود يا احلى اعضاء فى الدنيا

انا مستنى الردود من باقى اعضاء المنتدى

[shemody]

كلنا عارفين ان مبقاش فيه فرق بين اللى لابسه محترم او مش محترم او حاطه ميك اب ولا مش حاطه دا طبعا بالنسبه للشباب اللى عندهم داء المعاكسه دا حتى الستات الكبار بقوا يتعاكسوا والله الواحد مش عارف يضحك ولا يبكى .....
المهم بيقولوا انهم بيربوا البنات وبيدايقوهم علشان يحترموا نفسهم انا بس حابه اقولهم ربوا نفسكم الاول يعنى فين غض البصر اللى ربنا امرنا بيه رجال ونساء انت لو حد محترم ليه تبص على اللى لابسه واللى مش ... بص لنفسك وشوف عيوبك مانت بقيت مش محترم وقللت من قيمتك وبتعمل حاجات لا تليق بالمسلمين.

:36_1_39[1]: شكرا ليك يا حماده وعلى اسلوبك الجميل فى طرح الموضوع...:36_1_39[1]:

[اديم]

ده واجب وطنى زى الزفت
بلاش تادى الواجب الوطنى ده
عندك واجبات كتير نفذ براحتك الا دى
ومفيش غير اننا ندعى ان ربنا يهدى الشباب والبنات
شكرا على الموضوع اخى

[roro2008]

السلام عليكم ورحمة الله وبركاته

ورد في بعض الآثار أنَّ الله عز وجل أرسل ملك الموت ليقبض روح امرأة من الناس

فلما أتاها ملك الموت ليقبض روحها وجدها وحيدة مع رضيعاً لها ترضعه وهما في صحراء قاحلة ليس حولهما أحد ،

عندما رأى ملك الموت مشهدها ومعها رضيعها وليس حولهما أحد وهو قد أتى لقبض روحها ، هنا لم يتمالك نفسه

فدمعت عيناه من ذلك المشهد رحمة بذلك الرضيع ، غير أنه مأمور للمضي لما أرسل له ، فقبض روح الأم ومضى ، كما

أمره ربه: (لا يعصون الله ما أمرهم ويفعلون ما يؤمرون)


بعد هذا الموقف - لملك الموت - بسنوات طويلة أرسله الله ليقبض روح رجل من الناس

فلما أتى ملك الموت إلى الرجل المأمور بقبض روحه وجده شيخاً طاعناً في السن

متوكئاً على عصاه عند حداد ويطلب من الحداد أن يصنع له قاعدة من الحديد يضعها

في أسفل العصى حتى لاتحته الأرض ويوصي الحداد بأن تكون قوية لتبقى عصاه سنين طويله .

عند ذلك لم يتمالك ملك الموت نفسه ضاحكاً ومتعجباً من شدة تمسك وحرص هذا الشيخ وطول أمله بالعيش بعد هذا العمر المديد ،ولم يعلم بأنه لم يتبقى من عمره إلاَّ لحظات .

فأوحى الله إلى ملك الموت قائلاً: فبعزتي وجلالي إنَّ الذي أبكاك هو الذي أضحكك

سبحانك ربي ما أحكمك

سبحانك ربي ما أعدلك

سبحانك ربي ما أرحمك

نعم ذلك الرضيع الذي بكى ملك الموت عندما قبض روح أمه

هو ذلك الشيخ الذي ضحك ملك الموت من شدة حرصه وطول أمله

وقفه :

فالنعلم يااخواني أن كل انسان مكتوب رزقه على الله متى يعيش وكيف يعيش

ولا ننسى بان ملك الموت قادم لكل واحد منا وذلك بإذن من الله
من اختكم بالله رواء

[كييليوباترا]

انا مش عارفة اقول ايه وسط كل الكلام اللي بيتقال دا

مش مهم بتتعاكس ولا لا المهم تكون البنت دي جواها احترام لنفسها ولدينها واخلاقها ومبادئها

ودا اللي هيتطبق على شكلها الخارجي فهتلاقيها دايما محترمه في لبسها ومشيتها وكلامها وتصرفاتها

وفي الحاله دي بتفرض احترامها على غيرها ماشي زي ما قلتو بتتعاكس بس ساعتها مش هيكون

الغلط منها ماهيا عملت اللي عليها الغلط ع اللي يبيعاكسها واللي بيحس بنقص لما يلاقيها قدامه

ومبيعاكسهاش لانه بيعمل كده عشان برمج نفسه انه لازم يعمل كده فاحنا عندنا دلوقتي قاعدة في حياتنا

نعيش بديننا وباحترامنا ونعيش في الدنيا ونعمل بقول ربنا (واذا خاطبهم الجاهلون قالو سلاما )

ادام عملت اللي عليا مليش دعوى بغيري اللي انا شيفاه انسان مريض في ذاته وضعيف في شخصيته

الدينيه واللي قصده في النهاية يضيع وقت وعلى فكرة بجد مش كل البنات بتحب تتعاكس الا اللي

معندهاش ثقة في نفسها ومستنيه من اي حد انه يديها الثقة منغير حتى متفكر هوا مين

واتمنى ان حكاية المعاكسات دي تنتهي ونقدر نتغلب عليها بسرعة

طرح رائع جدا اتمنى لك مزيدا من التميز

[كنانة]

اولا تسلم الايادي على الموضوع

ثانيا انا رأيي ان الغلط مشترك والمسؤولية بردو مشتركة

يعني البنت لازم تكون محتشمة وغير كدا تبقى غلطانة

اما الشاب لو صادف وحده مش محتشمة لازم يغض بصره ولو مغضش

يبقى غلطان ..لان كما تدين تدان بكرة ييجي اللي يعاكس مراته او بنته او اخته

او امه..وفي الحاله دي هيعمل فيها بطل ويروح يتخانق وناسي ان ربنا كبير

يمهل ولا يهمل ان الجزاء من جنس العمل..وبعدين في ناس غير مسلمين دينهم

مش بيؤمرهم بالحشمة.. فبالتالي مش معقول نحجبهم غصب عنهم عشان شوية شباب

معندهمش اخلاق ولا ضمير ولا بيراعو ربنا..

وفي الاخر احب اقول بلاش الشباب اللي بيعاكسو يرمو غلطهم على البنات لان

ربنا خلق الدنيا كدا فيها الملتزمة وغير الملتزمة والمسلمة وغير المسلمة

كل واحد عليه بنفسه وبس وملوش دعوة بغيره هو ماله اذا كانت محتشمة ولا لأ هو ابوها وهيربيها

ما يروح ينشغل بنفسه واهله وبس...بعدين ياريت المعاكسة هي اللي بقت واجب قومي وبس

لا دي قله الشهامة والمروءة وقلة النخوة والرجولة هي اللي بقت واجب قومي

[سومه الزهار]

السلام عليكم ورحمه الله وبركاته
بجد الموضوع متطلب المناقشه
بس الي ملحظاه في معظم كلامك بتقول البنت مش مظبوطه هي ساعه هههههههه
بس والله من وجهه نظري ان فيه بنت من طريقه لبسها بتقول للولد مفيش مانع تعاكسني
وانا بقول من طريقه لبسها وليه مش بتجيب الوم علي الولد لما بيعاكس بنت لبسه محترم ومتقوليش بتضحك وتمشي تعمل معرفش ايه المحترم بيبداء الاول من جواه من صميم نفسه وازاي هتبقي لبسه محترم وتبقي عاوزه واحد يعاكسها مع احترامي ليك طيب متلبس البس الي يخليه فعلا يعكسها
وانا بوجه رساله لكل ولد وبقوله كما تدين تدان وكما تكيل تكال وبنفس المكيال
واعتذر لو كلامي مش مقبول

[esraa14]

السلام عليكم ورحمة الله وبركاته
بص بقى يا استاذ حمادة انته بتقول ان عمر البنت اللى ماشية محترمة وفى حالها هتتعاكس لا بتتعاكس بتبقى محترمة وماشية فى حالها ومبتدحكش وبرده بيعكسوها والله بحس ان الولاد دول عندهم sorry يعنى هبل ومش كلهم قبل ما تضربونى اى بنت معدية من قدامهم بيعاكسوها


وبعدين انا عايزة اسال الولاد سؤال نفسى اعرف هما بيفرقوا البنت المحترمة المؤدبة فعلا من المش مؤدبة او اللى عاملة نفسها مؤدبة

لان والله فى بنات كتير مظلومين فى الحتة دى

والسلام عليكم ورحمة الله وبركاته

[حمادة القلب الطيب]

ِكرا لكل الردود الجميلة دى و انا هرد على السؤال بتاع الولاد حضرتك

انا اولا و الله مش بعرف اعاكس تممام و مش بحب جو المعاكسة دا خااااالص يعنى

لما اكون ماشى معا حد من اصحابى و يعاكس بتخانق معاه بصى دلوقتى انا شايف

الولاد اللى بيعكسو دول شايفهم مش متربيين او مش محترمين دلوقتتى لما يكون واحد مش محترم

يبقى يعرف يفرق بين البنت المحترمة و البنت اللى مش محترمة اكيد مش هيعرف يفرق بينهم

و شكرا على الردود الجميلة العطرة دى و مستنى باقى الردود من باقى الاعضاء الجميلة