المساعد الشخصي الرقمي

مشاهدة النسخة كاملة : ماهي أصعب كلمة ممكن تقولها لأي شخص؟


yoyo.vet
2007/9/13, 3:23 PM
مـــــــــاهــي اصعب كلمـه ممكن أن تقــولـهـــا لأي إنســـــــــــان
مــــــــــاهــي اصـعـب كـلـمه ..

الخـيــــارات عـــــــــــــدة

ولك أن تختار وتشوف الأصعب بالنسبة لك..

أنـــا آســـــــــــف

أحـبـــــــــــــك

أكـــــــــرهــــــك

لا أســتـطــيـــــع

ســـــــــــــامحـنـي

الــــــــــــــــوداع
ولمـــــــــاذا صعـبـه بالنسـبـه لــك..؟؟
nona mne
2007/9/14, 12:47 AM
اولا احب اشكرك على موضوعك

ثانيا هما كلمتين

1- اكرهك : لانى عمرى ماكرهت حد لان الانسان مننا مش بيتكره اللى بيتكره فعله وعمله فقط

2- الوداع : لانه اصعب شئ فى الوجود ومش بحب اودع حد
mimostar
2007/9/14, 10:52 AM
هااااااااااااااااااي
انا جية

الموضوع دة جامد موت والله
حلو كتير كتير
انا بشكريك علية يا انسة كتموتو

اولا انا صعب علي جدا اني اقول انا متاسف لاني شبة مش بقولها لحد غير لولدي او والدتي غير كدة صعب اقولها حتي لو انا غلطان وانا عارف اني غلطان استحالة اقولها ممكن علشان محسش اني ضعيف او اي حاجة ممكن تقوليها

ثانيا كلمة بحبك لان الكلمة دية انا شايف انها زي حاجة رسمية او ايصال امانة صعب جدا انها تكون غير كدة او استحالة اني اخون الامانة علشان كدة مش لاي حد بقولها
yoyo.vet
2007/9/14, 12:29 PM
شكرا لكم ياجماعة علي ردودكم علي موضوعي

ولكني أتفق مع نونة بعض الشيء
كلمة أكرهك هي أصعب كلمة في الوجود

تخيل انك بتجرح مشاعر انسان لي قلب بيحس زيك بالضبط وقلتله الكلمة دي
ممكن تدمر فيها حياته ومستقبله
كلمة معناها كبير جدا لمن يعيها

وكلمة الوداع أيضا صعبة جدا وخصوصا لو فراق صديق ,حبيب,قريب
والوداع ليس سهلا

آسف كلمة تدل علي الاعتذار ومن وجهة نظري ليس في الأعتذار عيبا

وشكرا لكم مرة تانية
وانتظر باقي ردود الاعضاء
فروتى
2007/9/15, 11:14 PM
طبعا ومن غير تفكير كلمة( الوداع) قد ايه هى قاسيه لو هى بتتقال للمرة الاخيرة يعنى مش ح تشوفه تانى

شكرا لك على هذا الموضوع وبانتظار جديدك
Mostafa Megahed
2007/9/15, 11:52 PM
أكـــــــــرهــــــك

لأنى بصراحة مش بحب الكره
والحمد لله عمرى ما كرهت حد
ممكن أزعل شوية من أى حد لكن أكرهه !!!! لاًَ .....

شكرا يويو على موضوعك ...
yoyo.vet
2007/9/21, 12:57 PM
شكرا لكم علي الردود والاهتمام
اميرة الاحزان
2007/9/21, 10:10 PM
اصعب كلمه هى الوداع: لان انا بصراحه بخاف منه جدا ومش بحب اودع حد

وشكرا ليكى يايويو على الموضوع
dede
2007/9/21, 10:48 PM
اصعب كلمه ممكن اقولها كلمه اكرهك
لانى اللى هقولها له اكيد له مشاعر زيى
ولانى مش هستحمل حد يقولها ليا


وكلمه انا اسفه بقولها كتير بس مش بقصدها بمعناها

لانى بحس انى ضعيفه اوى
عودة السفاح
2007/9/21, 10:58 PM
أنـــا آســـــــــــف
دايما بحاول افكر فى كل حاجه قبل ما اعملها علشان ما اتاسفش .. ولو وقعت فى غلط مش بقولها للاسف وده بيوقعنى فى مشاكل كتير
أحـبـــــــــــــك
اكيد دى اصعب من انى اقول لحد بكرهك لانى يوم ما اقول بكرهك دى لانسان اتخنقت منه مش ها اخاف على احساسه وانا بقوله بكرهك اما كلمه احبك فهى اصعب لانك مش بتلاقى الى يستاهل الكلمه دى وبعد ما بتقولها بتندم عليها علشان كده صعب جدا انى اقولها
ســـــــــــــامحـنـي
برضه صعبه عليا
kotomoto88
2007/9/29, 9:37 AM
أكـــــــــرهــــــك
لانها كلمة صعبة وجارحة
وبعدين انا بحب كل الناس ازاى هقول الكلمة دى
وكمان كلمة الوداع
لانها صعبة جدا وبصراحة ملهاش لزمة الواحد يقولها
ومبحبش اقول اى حاجى عارفة انها هتزعل اللى ادامى
mona
2007/10/6, 5:08 AM
السلام عليكم ورحمة الله وبركاته
اصعب كلمه هى ....الوداع..........
لانى من قوته مش بنقدر ان احنا نقوله
عمادسعداوى
2007/10/17, 2:04 AM
بسم الله الرحمن الرحيم
من وجهة نظرى ان كلمة احبك هى اصعب كلمه
لانها بتحمل معانى كبيره جدا ولو مكانتش صادقه
انتم بقى عارفين مايترتب بعد ذلك
diabian.sakr
2007/10/17, 7:06 AM
أكـــــــــرهــــــك

صعب ان الواحد يقولها لحد
yoyo.vet
2007/10/18, 8:01 PM
احترم وجهات نظركم
واشكركم علي ردودكم