أين تذهب حين تبكي؟

[yoyo.vet]

اين تذهب حين تبكي؟؟؟

من منا لم يتشاجر مع اخوته؟
من منا لم يبكي لموقف ما؟
ومن منا لم يهرب جريا عندما يحدث امر كهذا؟؟
ولكن الى اين تذهب؟؟؟
طبعا معظمنا فعل ذلك.ولكن؟؟
هل فكرت لماذا تذهب الى هناك وليس الى
حضن امك او اخوك الكبير او اختك الكبيره مثلا؟؟


ماذا تفعل هناك؟
تخرج خارج المنزل؟؟
ام تختبئ في زاويه في خلف المنزل او في المطبخ او المخزن؟؟

الى اين تذهب ؟؟
ومتى تعود؟؟
اهو شعورك حينها؟؟
وهل ضحكت يوماعلى نفسك عما تفعله؟؟؟
وهل الآن انت تفعل هذا الامر؟؟
ام تركته؟؟

[nona mne]

اشكرك يايويو على الموضوع
ولكن للضروره احكام
هقولك حاجه انا واحده من الناس لما ابكى مش بحب
اى شخص يشاهدنى ولو كان الشخص امى او اختى
لان دموعى عزيزه عليه جدااا ومش بحب انى اى شخص يفتكر ان دموعى دى ضعف

[mimostar]

هااااااااااااااااي
انا جيت اولا
شكرا علي الموضوع الجامد دة
صراحة انا مرتين الي ابكيت فيهم
مرة ساعت وفاة خالي ودية كانت اودام مصر كولها
ومرة تاني هي السنة دية لان انا كونت في اخر سنة دراسة في المعهد الي انا بدرس فية
وجبت مادتين وبكيت جدا بس كونت مع اتنين اصحابي هما قريبين لي جدا
مع اني مش بحب ان اي حد اي حد يشوف دموعي لان انا في الموقف دة بكون اضعف انسان في العالم

بس كدة انا مش فاكر اني ابكيت مرة ثالثة


وشكرا علي الموضوع الجميل دة يا جمميل

[yoyo.vet]

شكرا لكم علي الرد

بس لي كلمة مين قال اللي الدموع ضعف؟؟؟؟؟؟؟؟
بالعكس الدموع ده إحساس كبير جدا
وعمرها ماتكون علامة من علامات الضعف
بالدليل أن الرسول محمد صلي الله عليه وسلم بكي عند فقد ولده إبراهيم
وقال إن العين لتبكي والقلب ليحزن ولا نقول إلا مايرضي ربنا
وقدوتنا ومصطفنا لم يكن بالضعيف

ثانيا اثبتت الدموع أنها علاج للضغط النفسي والعصبي
وتخرج مع كل دمعة جزء من الحزن والألم
فتخفف من الحزن قليلا

فأنا أبكي واحترم كل من يبكي

وبالنسبة لي أحب أن أبكي بمفردي حتي أرتاح نفسيا بمفردي أيضا

وشكرا لكم ياجماعة علي الردود

[nona mne]

بالعكس الدموع ده إحساس كبير جدا

انا اللى قولت كده يايويو

بس انا فعلا بحس ساعات انها ضعف منى

وان مش قد المسؤليه فى امر ما

فوقتها بقول كده

لكن الرسول لما بكى كان لسبب وفاه صح

فبتختلف الدموع مابين الوقت والتانى اوموضوع واخر

وشكرا مره اخرى

[Nooona]

شكرا جدا يا يويو على موضوعك الجميل دااااا

وانا لما ببكى مش بحب حد يشفنى خالص

لان دموعى اغلى عندى من اى حاجه

وانا مع نونه فى كلامها

ان محدش يفتكر ان دموعى دى ضعف

[mona]

بادخل اوتى واقفلها عليه .....
و كمان وانا ساجده اعد ابكى لربنا اشكيله واقله ان انت لوحدك الى هترحنى وتفرج عنى ..........
اصل ربنا يا جماعه كريييييييييييييييييييييم قوى

ربنا يفرج همنا جميعا..........

[yoyo.vet]

شكرا لكم علي الردود

وبدعي معاكم

اللهم فرج كروبنا وازح همومنا واهدي نفوسنا واهدنا لما فيه الخير لك

[dede]

انا غيركم كلكم
لانى اما ببكى ببكى ادام اخويا ولو مش موجود فى نفس المكان بتصل بيه واعيطله

وعمرى ما حسيت انى ضعيفه اما ببكى قدامه

وشكرا على الموضوع يا يويو

[عودة السفاح]

البكاء من شيم النساء
لذلك حينما يبكى الرجل أعلم انه وقع فى ظلم كبير او مشكله كبيره جدآ حتى انه عجز عن حلها الا بالبكاء
ومن الأحاديث التى تؤكد ان بكاء الرجل هو شيىء عظيم
وقال النبي صلى الله عليه وسلم ((لا يلج النار رجل بكى من خشية الله حتى يعود اللبن في الضرع)) . ‌ [رواه الترمذي ( 1633 )]

وقالَ رسُولُ اللَّه صَلّى اللهُ عَلَيْهِ وسَلَّم ((سَبْعَةٌ يُظِلُّهُمُ اللَّهُ في ظِلِّهِ يَوْمَ لا ظِلَّ إلا ظلُّهُ : إِمامٌ عادِلٌ ، وشابٌّ نَشَأَ في عِبَادَةِ اللَّه تَعالى ، وَرَجُلٌ قَلْبُهُ مُعَلَّق بالمَسَاجِدِ ، وَرَجُلانِ تَحَابَّا في اللَّه ، اجتَمَعا عَلَيهِ وتَفَرَّقَا عَلَيهِ ، وَرَجَلٌ دَعَتْهُ امْرَأَةٌ ذَاتُ مَنْصِبٍ وَجَمالٍ ، فَقَالَ : إِنّي أَخافُ اللَّه ، ورَجُلٌ تَصَدَّقَ بِصَدَقَةَ فأَخْفاها حتَّى لاَ تَعْلَمَ شِمالهُ ما تُنْفِقُ يَمِينهُ ، ورَجُلٌ ذَكَرَ اللَّه خالِياً فَفَاضَتْ عَيْنَاهُ )).[رواه البخاري ( 629 ) ومسلم ( 1031 )]

وهى دلاله على ان بكاء الرجل دائما ما يكون صادق لذلك ضرب بها المثل ولم يضرب المثل بالمرأه التى تبكى لان من طبيعتها البكاء اذا واجهتها اقل المشاكل
لذلك انا الحمد لله مش بحاول ابكى من شيىء حتى لو واجهتنى اصعب الأمور
حتى انه حين توفى والدى رحمه الله لم ابكى ولا حتى نزلت دموعى
وده مش لأنى ماكنتش بحبه لا والله انا كنت بحب جدا جدا وربنا وحده الى يعلم بكده
لكن البكاء مش ها يرده ولا حتى ها يرجعه

[kotomoto88]

الى اين تذهب ؟؟
هروح اعد فى اوضتى لوحدى
ومتى تعود؟؟
لما احس انى عبيطة ومكنش له لازمة اللى حصل ده
اهو شعورك حينها؟؟
ان الدنيا مش مستهلة دموعى هههههههههههه
وهل ضحكت يوماعلى نفسك عما تفعله؟؟؟
هههههههه كتييييييييييييييييييييييير
وهل الآن انت تفعل هذا الامر؟؟
لازم الواحد بيبكى واحيانا على اتفه الاشياء
ام تركته؟؟
لالالالالالالالالالالالالا

شكرا على الاسئلى اللطيفة يا يويو

[yoyo.vet]

شكرا علي الاجابات اللطيفة المرحة دي ياكوتوموتو
بس هل فعلا انتي بتعملي كده
والحياة عندك مرحة علي طول

[kotomoto88]

طبعا بعمل كده
وانتى شاهدة ههههههههههه
وبعدين ليه مش ابقى مرحة
ده ايليا ابو ماضى قال:
هشت لك الدنيا فما لك واجما*** وتبسمت فعلام لا تتبسم

[احمدميدو]

اقفل الغرفه بتاعى وابكى لوحدى لانىماحبش حد يشوفنى ضعيف

[yoyo.vet]

احنا قلنا الكتير البكاء ليس ضعف

واهم حاجة انك تنفس علي الهموم اللي جواك

وشكرا علي ردك

[احمدميدو]

لماا ابكى اخرج من لبيت
لانى ملحبش د يشوف دموعى ويقول انى ضعيف

[بووتي]

موضوعك حلو
انا لما بحب ابكي بعمل زي نونه
ما بحب احد يشوف دموعي خااااااااااااالص
خصوصا لو كنت زعلانه او مدايقه
من حاجه بحاول اهدي نفسي لو كان ده قدام
اخواتي لا ن بحس الدموع ضعف
وانا لازم اكون قويه قدامهم
عشان انا الكبيره
بس بحب ابكي لوحدي عشان ما حدش يقولي خلاص
ويهديني لغاية ما هدى لوحدي

[رهين]

ربنا يسمحيك يا يويو حرام عليكي هو كل المواضيع بتعتيك دراما كلها

مره حزن مره موت مره عياط ايه هو انتي عزله نفسيك عن الفرحه ولا ايه ؟

ماشي انا هتكلم بس بعد كدا لو لقيت موضوع من النوع دي هدخله برضو وامري لله

اولا انا لما ببكي مش بحب حد يشوف دموعي غير ناس معينه ولسه ما عرفتحمش لحد دلوقتي

انما المكان بفضل ماكان ميكنش فيه حد الاوضه بتعتي مثلا في شارع فاضي في اماكن خاصه يعني كدا

بس

[yoyo.vet]

ربنا يسمحيك يا يويو حرام عليكي هو كل المواضيع بتعتيك دراما كلها
مره حزن مره موت مره عياط ايه هو انتي عزله نفسيك عن الفرحه ولا ايه ؟
ماشي انا هتكلم بس بعد كدا لو لقيت موضوع من النوع دي هدخله برضو وامري لله
اولا انا لما ببكي مش بحب حد يشوف دموعي غير ناس معينه ولسه ما عرفتحمش لحد دلوقتي
انما المكان بفضل ماكان ميكنش فيه حد الاوضه بتعتي مثلا في شارع فاضي في اماكن خاصه يعني كدا
بس

هههههههههههههههه
ربنا يسامحني فعلا يارهين بس بغرض الدعاء صح
مره حزن مره موت مره عياط
ماهو ده واقع الحياة ولا لأ
لا انا مش عازلة نفسي عن الفرح ابدا
بالعكس فانا مرحة جدا بس لازم العيش الواقع
وبالنسبة لدخول المواضيع فدي حرية شخصية لك وبعدين هتخبل علينا برايك ليه
دا احنا هنا اخوات في بيت واحد في البيت بيتك زمحدش هيبخل علي اخوه بحاجة

وشكرا لابداء وجهة نظرك في الموضوع ده
وعيط براحتك"الدموع راحـــــــــــــــــــــــــة"

[tota_tote]

السلام عليكم ورحمة الله وبركاته
انا عن نفسي بحب اعيط في حجرتي لواحدي ومش معايا حد او اعيط قدام جوزي ويطبط عليا ساعتها بحس ان زعلي راح ومرتاحه قوي ولما ببقى مخنوقه بجري على حجرتي او على جوزي لان ده الشخص الوحيد اللي مش بتكسف اعيط قدامه

السلام ختام
تــحـــيــــــــــاتــــي
اســـــــــــــــراء

[yoyo.vet]

اقتباس:
المشاركة الأصلية كتبت بواسطة tota_tote http://www.beetco.com/vb/molto4des/buttons/viewpost.gif (http://www.beetco.com/vb/showthread.php?p=119805#post119805)
السلام عليكم ورحمة الله وبركاته
انا عن نفسي بحب اعيط في حجرتي لواحدي ومش معايا حد او اعيط قدام جوزي ويطبط عليا ساعتها بحس ان زعلي راح ومرتاحه قوي ولما ببقى مخنوقه بجري على حجرتي او على جوزي لان ده الشخص الوحيد اللي مش بتكسف اعيط قدامه

السلام ختام
تــحـــيــــــــــاتــــي
اســـــــــــــــراء



تسلمي اختي الحبيبة علي ردك الطيب
دمتي لي بكل محبة

[نور الاسلام]

انا بصراحة بخش التواليت وعيط براحتى عشان اضمن انه مفيش حد شيفنى حتى اختى وانا اسفة على الكلمة بس بقول الحقيقة

[روشة مصر]

بشكرك يايويو على الموضوع لما بعيط او بكون حزينه على طول بروح لغرفتي وعلى سريري وعييييييييط بس
وايضا اذا كنت حزينه
بجد موضوع راااائع سلمت يداكي اختي

http://www.mooode.com/data/media/188/20-1.gif (http://www.mooode.com/)