؛انتظر ياقلب واصبر والزمان الله حسيبه.,.,.,

[عسوله]

استفزّتنــــــي مواقف زادت الخفّـــــاق ريبــه
............ولّعت في وردة أحلامــــي وبأوراقـــــي لهيب
.
.
حطّمتني لين صار الجـــرح أقـــوى من طبيبه
............لعنبو جد الجروح اللّي عجــــز عنهـــا الطبيب
.
.
أمست الدنيـــــــا بعيني مرحله جــــداً عصيبه
............يا تكــــــون أو لاتكــــون ويا تصيب ويا تخيب
.
.
بين رميات الظنــون وطعنة الظلـــــم الرهيبه
............تسكت الأصوات ما به غيـــر صوتــك ياالنحيب
.
.
لو تحس بغربتك في ديرتــــــك ما هي مصيبه
............المصيبــه لو تحس انّك وسط روحـــــك غريب
.
.
قلت آآه وصرخة الآهــات بأعماقــــي صعيبه
............ما دريت انـــــــه عذابي صار لي حظ ونصيب
.
.
ما دريت ان القصيــــــــده أجمل وأوفى حبيبه
............والقلم لا صار يكتب مرهف احساســي حبيب
.
.
انتظر يا قلب وأصـبر والزمـــــان الله حسيبه
...........يمكن ارماح البعيد أرحم من أحضـان القريب!!