دعوة لمناقشة قصيدة لأحمد فؤاد نجم

[Mostafa Megahed]

عشان انت مصري

قصيدة لأحمد فؤاد نجم

> > > > عشان انت مصرى لازم تعانى>
وتفقد كرامتك بكل المعانى>
وتحرق فى دمك سنين مش ثوانى>
واوعى تصدق كلام الاغانى>
بتاع الحضاره وكانى ومانى>
ده كله هجايص مايدخل ودانى
> > > >
عشان انت مصرى العذاب بيناديك>
بتبدا فى يومك حاجات بترازيك>
فى نومك فى قومك تعكنن عليك>
تضايقك ولسه العماص فى عينيك>
مافيش ميه تشطف صابونه فى ايديك>
وجسمك ملزق وريحتك عاديك>
فتلبس وتنزل وفيك اللى فيك>
> > >
ورايح لشغلك حتحتاج مواصله>
ادى المترو واقف وكهربته فاصله>
وفى الميكروباص خناقه وحاصله>
اوتوبيس فرامله عايزالها وصله>
وتوك توك ده تايه ومحتاج لبوصله>
> بتوصل لشغلك بدم اتحرق>
فى زحمه وكتمه وحر وعرق>
رئيسك سايبلك كومه ورق>
ده غير دمغه ضايعه وملف اتسرق>
وفى كام مواطن عامللك قلق>
بيشكى تقول له روح اندعق>
وعركه وهوجه وشاى اندلق>
ومخك خلاص من الصداع اتفلق>
هترجع لبيتك ده لو كان فى بيت>
هتوصل هتندم ياريتك ماجيت>
مراتك بتصرخ خلاص استويت>
عيالك بتطلب وهات كيت وكيت>
تزعق تهاتى ياناس اتهريت>
ولاحد سامعك مهما هاتيت>
> > >
عشان انت مصرى وده للاسف>
فلازم تاسى تعيش تتقرف>
وكل الاساسى فى حياتك ترف>
فتنسى الكرامه وتنسى الشرف>
وتسرق وتنصب او تنحرف>
ودمعك بيجرى وجرحك نزف>
مش انت اللى مصرى؟؟؟ جتك القرف>

منقول

[nona mne]

عشان انت مصرى وده للاسف>
فلازم تاسى تعيش تتقرف>
وكل الاساسى فى حياتك ترف>
فتنسى الكرامه وتنسى الشرف>
وتسرق وتنصب او تنحرف>

شكراً أخي الكريم مصطفى مجاهد

اعتقد ان الكرامه والشرف اهم حاجه فى حياتنا فلو

اتنازلنا عنهم يبقى انتهينا

[yoyo.vet]

المسألة اللي ناقشها الشعر دي مسألة حقيقية
ضاع مننا كل حاجة
ضاعت الكرامة والقوة والعقل
ضاعت الديمقراطية وحرية النفس
ضاعت الاخلاق والقيم والمباديء
ضاع كل شيء جميل
فبالله عليكم ماذا بقي؟؟
وماذا نفعل؟؟

شكرا علي الموضوع يامصطفي

[the ever]

انا موافقه ان دى مشاكل موجوده
لكن الامانه و الشرف و الكرامه برده موجوده.
لكن الى تكك القرف لانك مصرى فبقول انى مصريه و لى شرف انى مصريه.
لى الشرف انى بشرب من نيلها و بتأمل جمالها و بعيش على ارضها
و بمشى فى حواريها ومن لا يحب مصر فلا يجب ان يعيش على ارضها و يترك سمائها
و ميكلش من اكلها و يسبها.
و يوفر لاهلها مكان و مياه و طعام و مواصلات و شقق.
ومش هتموت من غيره و هتفضل مصر القاهره الابيه.
فأنا مصريه و لى الشرف بذلك.
و لما يسيب مصر و يمشى برده هيرجع لها و ساعتها هيعرف قيمتها.
فهر مصر. بأهلها و شهدائها و انصارها.

[مدحت الشريف]

][`~*¤!||!¤*~`][اللة اكبر عليك يا عم فواد نجم فعلا هو دة الموجد فى الدنيا اللة يسلم لسانك][`~*¤!||!¤*~`][

[mona]

السلام عليكم
كل الى الكلام ده موجود بس مش ممكن انسان يتعرض لكل الحجات دى فى يوم واحد والا .... يبقى ربنا غضبان عليه قوى
ممكن الواحد ينزل الصبح مش لاقى موصلات.. , وبعدين ممكن _فى يوم تانى _الميه تقطع وكمان ممكن المدير بتاعك يغلس عليك شويه ف الشغل او المستر بتاع الدرس يديقك .........لكن................
مش ممكن ده كله يحصل ف يوم واحد او بصوره دايمه والا تكون انت بنى ادم
فقرىىىىىىىىىىىى
بس القصيده دى حلوه خالص
عم و احمد ده راجل دماغه عاليه قوى.....

[عاشقة الحبيب]

بصراحه انا بحب الشعر اللى كلامه راقى يعنى يكون باللغه العربيه كفايه علينا قوى الكلام الشبابى اللى ظهر اليومين دول اما بالنسبه لموضوع القصيده صحيح مصر فيها سلبيات كتير لكن ده بسبب نظام اداره الحكومه لموارد البلد مع ان خير مصر كتير من السياحه وقناه السويس00الخ يعنى ده سوء اداره لكن انا بحب مصر وعمرى ما اتمنيت اعيش غير فيها والشعب المصرى اطيب شعب فى الدنيا كفايه انك لو احتجت اى شىء وخبط على باب بيت ما تعرفهوش انا متأكده ان اصحاب البيت ما يتأخروش ابدا عن مساعدتك

[مدحت الشريف]

السلام عليكم ورحمة الله وبركاتهالسلام عليكم ورحمة الله وبركاته
يا عم فواد اللة عليك طول عمرك كلامك فى العضل ويخش المخ