بعد غياب طويل

[على العطار]

يا اخى روحت وجيت ومع انى بقالى فتره طويله خارج اسوار المنتدى ورجعت لقيت نفس الكلام ما اتغيرش هو هو (جميل يا شاعر _ادامك الله لنا _احساسك العالى_الله عليك )كل الكلام اللى لا يودى ولا يجيب ده وكانه الناس اللى بتكتب هنا (فاروق جويده _احمد شوقى _بيرم اللتونسى _وغيرهم )يا اما اللى بيرد بيرد با اى كلام وخلاص من باب المجامله وده واضح واكيد واكيد برضو بينتظر انه يتردله الجميل فى اى موضوع يكتبه وبرضوا يتقاله نفس الكلام يا اما اللى بيرد شايف انه الكلام ما يستاهلشى التفكير والنقد ومش هتفرق لو قال كلمه حلوه وخايف يقول كلمه وحشه يقولوا عليه مش بيفهم فى فن الشعر والنثر يا اما اللى بيرد بيمشى مع الردود المكتوبه وبدال لقاها كلها من فئه جميل وحلو ومشكور وعسل وكده اهو يمشى معاهم ومع انه مستحيل طبعا يلاقى اى رد مخالف لكده وحتى اللى بيشوف قصايد مستحيل تخرج من اى بنى ادم من اللى بيكتب فى المنتدى لانها بتكون قصايد معروفه وكتير بتكون اتغنيت من اى مطرب برضوا محدش بيقول ولا اللى بيكتبها بيكتب تحتها منقول او منحوت ولا بيدى الفضل للى كتبها فى الاصل
وبرضوا مش لازم تكون قصايد معروفه ممكن تكون قصايد وشعر لاى حد مش معروف وبرضوا محدش بيحس بكده وبيمشى مع نفس النغمه مشكور يا جميل يا مبدع يا متالق
يا جماعه انتوا كده بتخنوا مخ البنى ادم اللى بيكت اى كلام وخلاص واى عك وبيقول عليه شعر وفعلا بيفتكر نفسه مبدع وده مش مظبوط للاسف اللى شايف اى شىء غلط يقول والرد ده مش معمول للشكر وبس ده معمول للنقد والتحاور والمناقشه
وعلشان ما تقولوش ابتدى بنفسك لو دورتوا فى القديم شويه هتلاقوا ردود مهببه منى زعلت ناس كتير منى وفى كتير منها تم مسحه بفعل فاعل ويا ما وصلت للاداره شكاوى من حضرتى وردودى بس
ده اللى المفروض يحصل منى ومن اى حد بيحاول يغير ومشعاوز يمشى ويقول ويعمل زى الناس وخلاص والله الموفق واللى مش عاجبه موضوعى يرد ويقول ومش هزعل ده اساسا لو تم نشره

[Sherif Eldaly]

السلام عليكم ورحمة الله وبركاته

لا يا اخى على العطار الموضوع منشور بالفعل وان كان موضوع مهم سوف يبقى وان كان غير لائق سوف يحزف ومش كل الناس زى ما انت بتقول كل واحد له وجه نظر ولا ايه بس عايز اقولك حاجه واحده اللى على راسه بطحه ................. طبعا انت فهمت المعنى

والسلام عليكم ورحمة الله وبركاته

[على العطار]

عندك حق يا عم شريف انه فعلا اللى على راسه بطحه بس المشكله انه بعد ما بيحسس على البطحه بيعمل نفسه ما حسش بحاجه وبيعيش الدور برضو وكانه لم يحدث اى شىء ولا كانه عمل حاجه شكرا على المشاركه بتاعتك نورتنى وربنا ما يجعلها اخر المشاركات ولا الردود