ياريت تفيدوني

[بووتي]

السلام عليكم ورحمة الله وبركاته



ياجماع انا عندي مشكله بسيطه
انا عندي اللاب توب بتاعي اول ما جبته كان صاروخ
بس بعد كده بقى تقيل جدا
انا عرفت انه من كتر ما يتفصل وهو شغال
وانا ممكن يكون الوندوز خرب
بس مش عارفه انا اعمل ايه خالص
مع العلم ان النظام بتاعي فيستا
اعمل ايه ؟؟؟؟؟؟؟

[بووتي]

الظاهر ما فيش حد حابب يساعدني

[TheSpeeD]

الحل بسيط جيدا

Format ur partshion C

and stuep new windose

يعنى فرمتى ال سى وسطبى ويندوز جديد

وياريت نكون نسخه خفيفه

ممكن wesmoise النسخه دى جميله وخفيفه

هو ده الحل الوحيد

لو مش هتقدرى تعملى الكلام ده ممكن تروحى الى اى مركز صيانه

اتمنى ان تقومى بعمل هذا وان شاء كل حاجه هتبقى تمام

شكرا

[Mostafa Megahed]

طريقتك يا غالى دى مختصره بس جامده

والنسخة ويسميس ده ممتازة بس ممكن نخلى طريقتك أخر حل

ونشوف كده مع بعض شوية حلول

أختى الكريمة

ادخل على قائمة Start

ودوسي على كلمة Run

اكتبي فيها recent

هيتفح ليكي فولدر (امسحي كل اللى فيه ومش تخافي)

وبرده ادخلي على Run تاني

واكتبى المرة دى prefetch

برده هيتفح ليكي فولدر (امسحي كل اللى فيه برده ومش تخافي)

وبرده ادخلي على Run تاني

واكتبى المرة دى بقا temp

برده هيتفح ليكي فولدر (امسحي كل اللى فيه برده ومش تخافي)

وممكن دلوقتى تنضفى الـ c من مخلفات الانترنت ، عن طريق الأتى

دوسي كليك يمين على الايقونه بتاعت الـ internet explorer

واختاري properties

زي اللى فى الصورة كده

http://www.beetco.com/uploader/uploads/images/beetco-f7d03efb55.gif (http://www.beetco.com/vb/)

هيظهرلك اللى فى الصور دي

http://www.beetco.com/uploader/uploads/images/beetco-624139de36.gif (http://www.beetco.com/vb/)

رقم 1 : ده عشان خاطر تمسحي الكوكيز اللى نازل من على النت للجهاز
رقم 2 : ده عشان خاطر تمسحي الملفات اللى نازلة من على النت للجهاز

---------------

الطريقة اللى جاية بقا صعبة شوية

عاوز شوية تركيز بس

طبعاً الطبيعي ان أى جهاز بيتفتح يا بوتى بيتفتح معاه فى البداية شوية برامج

احنا بقا هنلغي البرامج دى

يعنى بمعني أصح مش هنخلى البرامج دى تتفتح مع الجهاز أول ما يتفتح

لأ ، احنا لما نبقا عاوزنها تشتغل ، نبقا نفتحها احنا بايدينا يعنى

هتفتحي برده Run

وهتكتبى فيها msconfig

وتختاري أخر واحد فوق على اليمين خالص ... اسمها Start up

زي اللى فى الصورة دى

http://www.beetco.com/uploader/uploads/images/beetco-ce2af0e8ec.gif (http://www.beetco.com/vb/)

ادامك دلوقتى قايمة بأسماء البرامج اللى بتتفتح مع الجهاز اوتوماتيك

طبعا طبعا طبعا مينفعش انك تشيلي العلامات كلها من المربعاااات (على اساس انك مش عاوز اى برنامج يتفتح مع الجهاز - عشان يبقا سريع)

لا لا لا فى برامج مهمة لازم كده كده تتفتح مع الويندوز فى البداية

طيب امال انتى هتشيلى ايه ؟؟؟؟

هتشيلى العلامات من ادام البرامج اللى انتى عارفها وبس ...

زي مثلا real player لو كان عندك

أو Winamp وهكذا (اللى انتى عارفاه بس)

وكده خلاص

ولو فى حاجه تانية نسيتها هبقا اقولك عليها

--------------------

وشوفى الجهاز بقا أسرع ولا لأ ؟؟؟

ولو كل ده منفعش والجهاز لسه بطئ ...

اعملى اللى قالك على THE SPEED وربنا معاكي يا غالية

تحياتي

[بووتي]

شكرا لكم كلكم
بجد انا محتاجه ده
بس يا مصطفى انا عملت اول طريقه
وكانت نفعاني جدا
ومشيت معايا حلو
والجهاز بقى احسن
بس المشكله انه اتشال حاجات انا كنت منزلاها
واطريت اني انزلها تاني
انا ممكن اعملها تاني بس ازاي اتفادى اللي حصل معايا المره اللي فاتت؟
والطريقه التانيه
انا خوفت شوه اني اعملها انا عايزه اسالك

هي ممكن تشيل حاجات ضروريه عندي؟
او انها تشيل حاجات من حته معينه؟
او انها تشيل الحاجات المكرره عندي؟

والطريقه الثالثه عملتها
وميرسي جدا ليك يا مصطفى ولي THE SPEED
على مساعدتكم ليا
ولكم خير الجزاء

[Mostafa Megahed]

أختى الكريمة

لا شكر على واجب ، احنا هنا لخدمتك ولمساعدتك

وبالنسبه للملفات اللى تم حذفها

اليكي أختى بعض الملاحظات بخصوص استخدامك للحاسب الآلي

انتى عندك الهارد ديسك مقسم لمجموعة من الـبارتيشانات يعنى : C و D و E و F

دايما ناخد بالنا ان الـ c ده خاص بالنظام system (أو بالويندوز)

وفى أكثر من طريقة عشان نحافظ على النظام ، ونخليه سريع وله عمر أطول معنا

احنا دلوقتى هنهتم بالطرق اللى انا قلتلك عليها وهحطها فى اطار واحد هنسميه "تخفيف العبئ من على النظام"

الملفات اللى احنا بنحذفها عن طريق الطرق اللى ذكرتها دى "الطبيعي" انها ليس لها قيمة

طيب لو قولنا زي ما حصل معاكي ان فى ملفات انتى كنتى عاوزاها اتحذفت عن طريق تلك الطرق ....

يبقا كده الخطأ بدأ من البداية "لما انتى نزلتى الملفات المهمة دي في المكان اللى بتنزل فيه الملفات المؤقته

طيب والحل ؟؟؟؟

اننا نعود نفسنا اننا لما ننزل فايل من على النت ما ندوسش Save لأأ ندوس Save As ونحدد المكان اللى هنزل فيه الملف ودايماً نبعــــــــــــــد عن الـ C والـ Desktop سطح المكتب والــ My D0cuments لأنها تابعه للـ C

لو اتبعنا الاسلوب ده

الويندوز هيبقا سريع ان شاء الله باستخدام الطرق اللى ذكرتها وفى نفس الوقت هنكون محافظين على ملفاتنا المهمة طالما تم حفظها فى مكان أخر بعيد عن الـ C

وطبعاً فى شوية حاجات تانية عشان جهازك يكون سريع

زي انك ممكن تشيلى البرامج اللى مش بتستخدميها من على النظام عن طريق انك تدخلى على Start

وتدخلى على Control Panel

وتدخلى على add or remove programs

وتشوفى البرنامج اللى انت مش بتستخدميه وتعمليله remove

---------------------------

وبرده استخدام برنامج حماية يكون خفيف وقوي وعمل تحديثUpdate مستمر له

---------------------------

ولو فى حاجة تانية

انا بالخدمة أختى ....