عودة كرسي الاعتراف

يبدو ان الاخت اسراء لم تدخل من فتره ممكن انتى يا اختى يويو تختارى الضيف الجيد

معلش يا جماعة انا اسفة على التاخير الامتحانات قربت
بختار مملكة الحب
مستنياكى يا قمر

منتظرين اختنا مملكة الحب
منتظرين بطاقتك الشخصية

اولا احب اشكركم على اختياركم ليا وبما انى على كرسى الاعتراف

ابدا بالبطاقه الشخصيه

الاسم :شروق

تاريخ الميلاد\26\5\1994

السن : 15
الحالة الاجتماعية : انسة
الاقامة : مصر ام الدنيا
الوظيفة : طالبة
فصيلة الدم : لا اعرف
الجنسية : مصرية والحمد لله

يالا انا دلوقتى جاهزه على الاجابه على اسسئلتكم

كل دى اسئله يا شيكوماشى

1- ما هو هدفك في هذه الحياة ؟؟
ارضاء الله ثم احقق طموحاتى فى الحياه
2- ماهو أكثر موقف مؤثر مررتى به ؟؟
غدر الاصدقاء
3- ما هو الموقف المحرج الذي مررتى في بحياتك ؟؟
لالالالالالالالالالالا سر
4- من هي القدوة التي تتخذينها في هذه الحياة ؟؟
رسولى
5_عضو من الاعضاء الي تتمنين تتعرفي عليها أكثر ؟؟؟ و ليه؟؟
...........................
6_هل تحبين أن تكونِ مبدعه ؟؟؟ وليه ؟
لا مش فارقه معايا اصلا
\7_باقة ورد لمن تهديها ...؟؟
لحد عزيز عليا
8- شخص لاترفض له طلبا ..؟؟
اختى
9- من هو توأم روحك ...؟؟
ممكن تكون هى ونفس الاجابه
10_حمامة زاجل استقرت على نافذتك تحمل رسالة من مجهول فممن تتمنى ان تكون...؟؟
من حبيبى
11- من هو العضو اللي يستحق انه تقول عنه محبوب بين الاعضاء ؟
انت طبعا(شيكو)
12-مين بنظرك بيعمل بجهد بالمنتدى؟
هونى وحور

مشكور على الاسئله المحرجه

مملكة الحب
انا بشكرك يااسراء على اختيارك الجميل
وهاسأل القمر ده سؤال واحد بس ومش هافترى زى ناس

ايه هى المقولة اللى بتؤمنى بيها فى حياتك ؟؟؟

ميرسى ياقمر ربنا يخليكى بالنسبه لسؤالك هو فى مقولات كتيره بؤمن بيها بي عامه اللى فى بالى دلوقتى

قمه التحدى ان تبتسم وفى عينك الف دمعه

1\ماهي أحلامك وطموحاتك ؟

2-ماهو اول حب فى حياتك وياترى هو حبك فعلا بالدرجه اللى انتى حبتيه بيها؟

3-لو لاقدر الله وجدتى اعتراض من اهلك ومن اهله ياترى هيكون ايه رد فعلك وتصرفك وتفتكرى هو كمان هيكون ايه رد فعله وتصرفه؟

-4-ماذا تفعل في وقت الفراغ ؟

5-هل أنت رومانسي ؟ وما هو معنى الرومانسية بمفهومك ؟

6-هل تستفيد من أخطاء الأخرين ؟

7-انزعجت من سلوك أحد أصدقائك أو زملائك ماذا تفعل ؟

8-ماهو أصعب موقف محرج مر عليك ؟بالتفصيل!

9-ماهي نقاط الضعف لديك ؟

10-بتعملى ايه او فين بتروحى او بتتمنى ايه لما تبقى فى الحالات دى
متضايق

مبسوط

مصدع

تحس بالملل

طاير من الفرحه

معصب

هااادئ

رايق

مشتاق

حزين

11-اوصفلنا حبيبك؟

12-لما بتيجى تناديله بتقوليله ايه؟

13-ايه اكتر حاجه بتحبيها فيه واكتر حاجه بتكرهيها؟

كفايا لغايه كده عشان تقومى تزاكرى
ومتقعديش كتير انتى امتحاناتك خلاااااااااص
وربنا يوفقك يارب
شوفتى بقى انا رحمتك ازاى
قولت بلاش اسئلك ياما عشان انتى بتصعبى عليا والله
ههههههههههههه

1\ماهي أحلامك وطموحاتك ؟ان ربنا يوفقنى انا واللى بحبه وادخل الكليه اللى بتمناها بعد كده

2-ماهو اول حب فى حياتك وياترى هو حبك فعلا بالدرجه اللى انتى حبتيه بيها؟
اول حب فى حياتى السنه دى الثانويه اجمل مرحله فى حياتى باقى السؤال اكيييييييد اكتر منى كمان

3-لو لاقدر الله وجدتى اعتراض من اهلك ومن اهله ياترى هيكون ايه رد فعلك وتصرفك وتفتكرى هو كمان هيكون ايه رد فعله وتصرفه؟
باذن الله مش هيكون فى اعتراض خاااااالص ولو لقدر الله هيتكون الصلاه قبل اى حاجه

-4-ماذا تفعل في وقت الفراغ ؟
بفكر فيه

5-هل أنت رومانسي ؟ وما هو معنى الرومانسية بمفهومك ؟
ممكن مع انى بعشق الرومانسيه لالالالالالالالا بلاش احراج

6-هل تستفيد من أخطاء الأخرين ؟

اكيد طبعا بستفيد وبتعلم وبحاول اغير للاحسن

7-انزعجت من سلوك أحد أصدقائك أو زملائك ماذا تفعل ؟
الاول لازم اواجههم مهما كانت ايه المصائب اللى عملوها ولو مقدرتش بيكون اول واحد حكياله وهو الوحيد اللى بيخففف عنى

8-ماهو أصعب موقف محرج مر عليك ؟بالتفصيل!
لما لمحلى بحبه كفايا كده مفيش تفاصيل

9-ماهي نقاط الضعف لديك ؟
لما .................. كفايا كده

10-بتعملى ايه او فين بتروحى او بتتمنى ايه لما تبقى فى الحالات دى
متضايق = بدعى ربنا يخفف همى واكيد لازم اصلى وبكلمه احكيله

مبسوط= بكلم معاه ولازم افرحه معايا

مصدع= بناااااااااام واتكلم معاه الاول

تحس بالملل =طبعا لازم اكلمه

طاير من الفرحه =اكلمه عشان افرحه معايا وطبعا لازم افرح كل اللى بيحونى بجد

معصب=بتخانق مع اختى لالالالا مش فى كل الاوقات

هااادئ=بكون رومانسيه جدااااااااااااا

رايق =بحب اهزر واضحك معاه

مشتاق= اكييييييييييد بكلمه

حزين=هو من غير حاجه بلاقيه جمبى

11-اوصفلنا حبيبك؟
ضرورى يعنى هو ملك من البراءه والجمال وكانه مش من عالمنا من عالم تانى اتخلق فيه لوحده ده غير طبعا انه متدين وبيحبنى ويعرف ربنا وبيعاملنى بما يرضى الله


12-لما بتيجى تناديله بتقوليله ايه؟ بحب اندهله باسمه او بكلمه (ياجميل)
13-ايه اكتر حاجه بتحبيها فيه واكتر حاجه بتكرهيها؟ طبعا بحب كل حاجه فيه اما اكتر حاجه بكرها فيه لسه مفيش مظهرتش حاجه وان شاء الله مش هتظهر حاجه وحشه

كفايا لغايه كده عشان تقومى تزاكرى
ومتقعديش كتير انتى امتحاناتك خلاااااااااص
وربنا يوفقك يارب
شوفتى بقى انا رحمتك ازاى
قولت بلاش اسئلك ياما عشان انتى بتصعبى عليا والله
ههههههههههههه

بجد انا مش عارفه اقؤلك ايه انا معرفش جبت الجراءه دى كلها منين اسئلتك مفيهاش اى حاجه محرجه خالص روحى يا شيخه وتعالى بسرعه

السلام عليكم

ممكن كام سؤال للقمر كده ع الماشى


اية اكتر حاجة ممكن تزعلك من شخص معين؟؟

نفسك تعتذر لمين انت غلط فية؟

هل تعالجى مشاكلك ذاتياً أم تستعينى بصديق ؟

ماذا استفدت من عالم النت ؟

هل تستطيعى الإبتعاد عن النت فترة طويلة ؟

أين تقضي أوقات الفراغ ؟

حلم شخصي تتمنى تحقيقة ؟

مارأيك في أعضاء المنتدى ؟


ماهي اجمل اللحظات في حياتك .. ؟

اغرب شيى صادفتيه في الحياة .. ؟

صـفى لنـآ نفسـك كشخصية في سطريـن .. ؟




.. تحياتى القلبيه لك .

اعتقد ان الاسبوع انتهي
في انتظار اختيارك مملكة الحب للضيف الجديد

ضيفى سيكون عاشق القمر

السلام عليكم ورحمة الله وبركاتة
اولا احب اشكرك يامملكه الحب على اختيارى
ابدا بالتعريف والبطاقة

الاسم :عاشق القمر

السن :20


برج السرطان

المهنة : طالب جامعى

الحالة الاجتماعية : اعزب بس فية كلام كدة.

فصيلة الدم : الله أعلم
الجنسية : (for ever)

نورت الكرسي اخي الكريم

اليك بعض الاسئلة الخفيفة

كيف تعرفت علي المنتدي؟

لماذا اخترت الاشراف علي قسم الشعر والقصائد؟

الي اي مدي تريد التغيير في المنتدي؟

ماهي امنيتك في الحياة؟

حكمة تسير بها في حياتك؟

نورت الكرسي اخي الكريم
الكرسى منور بصحابة وشكرا جدااااااا ليكى اختى الكريمة على الموضوع الاكثر من هايل وكمان موضوع جميل جدااااااااااااااااااااااااااااااااااااااااااا والدليل كثرة مشاركاتة.
اليك بعض الاسئلة الخفيفة
حضرتك تتفضلى تسالى براحتك.وياريت مش تحرمينا من اسئلتك ديما.
كيف تعرفت علي المنتدي؟
عن طريق جوجل.
لماذا اخترت الاشراف علي قسم الشعر والقصائد؟
انا لما طلبت ابقى مشرف كان نفسى اكون فى احد من البيتين النقاش الهادف وان لم يمكن يبقى بيت الشعر والقصائد.
ثانيا انا بحب الشعر جداااااااااااااااااااااا جدااااااااااااااااااااا لان لو احنا خدنا بالنا ممكن بمجرد سطور الواحد يعبر عن نفسة او عن مشكلة ولما يقولها فى السطور دية يرتاح وكمان ممكن نعرف تاريخ امم من السطور دية وممكن نعرض مشاكل وممكن نعرض حلول يعنى الشعر دة هو دعامة اساسية فى حياتنا بنعيش ونتمتع بيها وكمان بيريحنى اوى الشعر خصوصا لما بسمع لناس انا بحبها اوى وبتاثر بيهم وبكتب حاجات كتير بتريحنى يعنى بصراعة هو نعمة من ربنا لينا بس احنا نستغلها صح.
الي اي مدي تريد التغيير في المنتدي؟
اتمنى انى اكون احد الافراد اللى يطوروا لكن مش نغير لان المنتدى جميل لكنة يريد تطوير ونفسى الاستاذ ناصر والاخ شريف وبقيت الاخوة الكرام المديرين والمراقبين والمشرفين والاعضاء انهم يطورا من المنتدى وكل واحد يبدع فى مواضيعة وبرجو من الاستاذ ناصر ان يحاول يركب استيلات للمنتدى وكمان بطلب من كل واحد عندة فكرة او حتى اى اقتراح حتى لو شافة فى منتدى تانى يقولوا ونطور بية اكيد احنا كلنا نفسنا ان بيتنا دة يكون اجمل بيت فى الدنيا ونفسى من كل واحد بعيد عننا يرجع لينا وبندعى للى فى الامتحنات ربنا يجيبهم بالسلامة وبجد بقولهم وحشتونا وبجد نفسى يكون بيتنا دة اجمل بيت فى الدنيا.-+
ماهي امنيتك في الحياة؟
غير الامانى الدينية اللى بحب اختص بيها لنفسى علشان تكون بينى وبين ربى.
نفسى اكون ناجح واحقق زاتى فى بلدى مش فى هجرة ولة حتى فى سفر وانشاء الله انا حاطط لنفسى امل كبير انى اكون حاجة كويسة انشاء الله سواء بشهدتى او حتى من غيرها لاننا عرفين معدش فى شغل بالشهادات لكن انشاء الله انا بسلك كذا طريق انشاء الله هوصل فى واحد بيهم للنهاية اللى بعوزها انشاء الله.

حكمة تسير بها في حياتك؟
يعنى هما كذا حكمة بس اهمهم
لو اردت التغير فابدا بنفسك.
وان دعوت المظلوم لا يوجدبينها وبين الله حجاب.

شكرا ليكى جدااااااااااااا اختى الكريم يويو ومستنى اسئلتك ويارب تكونى بخير انتى وباقى اعضئنا الكرام.

السلام عليكم ورحمه الله وبركاته
ازيكم ياجماعة عاملين اية وانا اسف ليكم جدا
لانى مش قلتلكم على اسمى لكن انا
شيكو اللى كنت ديما معاكم فى كل حاجة فى المنتدى
ونظرا لسؤ فهم منى فى موقف معين قررت انى ابعد
ولكن مقدرتش اسيبك وامشى فاضطريت ادخل
باسم جديد وجزاة الله خيرا اخى الكريم
ناصر مهدى عينى مشرف فى بيتنا الجميل
انا بقول الكلام دة دلوقتى بعد معرفت الناس وجهة نظرى
والحمدلله ان ربنا اتم علية نعمتة برضاة عنى
وبحمدة انة مظنش سؤ الناس بية والحمدلله.
انا معاكم ديما ياجماعة فى بيتنا وانشاء الله مش هسيبكم ابدا
ولة هغير اسمى باذن الله تانى طبعا انا كنت معاكم من قبل
على كرسى الاعتراف واتسالت وجاوبت لكن انا تحت
امر اى عضو فى اى سؤال بجد الحمدلله انى معاكم فى بيتنا الكبير.
شكراااااااااااااااااااااااااا

اولا احب ارحب واشكر شيكو او عاشق مش هتفرق كتير عامه حمدا لله على السلامه ونورت المنتدى وان شاء الله ماتسبهوش تانى

اما سؤالى ليك انت بتحلم بايه

اولا بشكرك يامملكه الحب على كلامك الجميل وانشاءالله مش هسيبكم تانى.
بالنسبة لسؤالك:
انا يستى احلامى كتيييييييييييير لكن بقالى فترة بحلم احلام مش كويسة يارب احفظنا منها ويحفظكم منها يارب.
لكن اجمل حلم انا لسة محلمتوش لكن ناوى انشاءالله احققة قبل محلمة والحلم دة هو:
انى احقق امنية اغلى الناس علية واثبتلة اد اية انا بحبة وانشاء الله ربنا هيساعدنى انى احققلة حلمه دة ولو حتى الحلم دة هياخد عمرى كلة لكن انشاء الله احققة.
شكرا ليكى ولمروك الجميل مملكه الحب

يظهر كده مفيش غيرى اللى هيسالك يالا بقى هزعجك باسئلتى

اعتذار تريد ان تقدمه لمن؟


ماذا ستكتب لنا لتعبر عن حياتك التي عشتها الى الان في كلمات قليله ؟

اذا اردت ان تبكي الان , فعلى من تبكي؟

من ستختار ليمسح دموعك ؟


من يسكن قلبك؟

هل تعتقد ان حظك سيئ؟


هل هزمك حزنك في يوما من الايام؟

((مستحيل انساك)) لمن تقولها ؟


(( انت كل شيء بحياتي )) لمن تقولها ؟

متى اخر مره بكيت؟

اي الدول تتمنى ان تزورها ؟



هل انت راضي عن نفسك ؟



اغمض عينيك دقيقه لو سمحت, ماذا خطر على بالك وانت مغمض العينين ؟



ايهما اهم شهادتك الجامعيه أم الزواج ممن تحب ؟

هل من الممكن ان تتحول الصداقه الى حب ؟



هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟



من هو اكثر شخص تفكر فيه؟



هل تكره شخص بشده في حياتك ؟





ماالذي يلفت انتباهك بسرعه في الشخص لكي تعجب به ؟

اذا احببت شخصا في الوقت الخطأ وفي المكان الخطأ فماذا تفعل ؟؟



عاده تفعلها دائما تتمنى ان تتركها ؟

ماهو اجمل اسم لولد واجمل اسم لبنت من وجهة نظرك؟

</B></I>

يظهر كده مفيش غيرى اللى هيسالك يالا بقى هزعجك باسئلتى

اولا حضرتك تتفضلى تسالى براحتك احنا فى بيتنا نكلم براحتنا.

اعتذار تريد ان تقدمه لمن؟
لاختى

ماذا ستكتب لنا لتعبر عن حياتك التي عشتها الى الان في كلمات قليله ؟
طفولة جميلة.مرحلة حزينة وصعبة جدااا(الاعدادى).مشاكل وهبل ودلع وفشل ونجاح(ثانوى).رجولة واعتماد على النفس والتحمل والعطف والحب والاحساس بالاخر وشيل الهم والامل وحاجت كتيييير(الجامعة)
اذا اردت ان تبكي الان , فعلى من تبكي؟
على والدى الله يرحمة لانى ماسعتوش زى مهو ماسعدنى.كفاية كدة
من ستختار ليمسح دموعك ؟
اغلى انسان علية والدتى

من يسكن قلبك؟
طبعا فى حاجات اساسية سواء فى الدين او العائلة.
لكن انا هكلم عن حاجة تانية انا مفتاح قلبى الكلمة الطيبة اللى يكلمنى كلمة طيبة يدخل قلبى على طول وطبعا فى حد مش ساكن فى قلبى دة هو يعنى واخدلة شقى تمليك مش اجار كمان.
ههههههههههههههههههههههه
هل تعتقد ان حظك سيئ؟
اولا مش بعترف بحاجة اسمها حظ سئ احنا كلنا حظنا جميل جدااااا حتى لو ظرفنا واحشة لسبب واحد دة اختبار ديما من ربنا سواء العيشة الجميلة السهلة المرتاحة اللى فيها متع الدنيا فدى اختبار من ربنا بيشوفنا هل هنقدر نعمتة دية ونشكرة علية ونساعد بيها المحتاج ونحاول ننميها فى طاعتة وفى رضاة ولة..........
وبردك العيشة الفقيرة الصعبة القحتة فدى بردك اختبار من الله عز وجل هل هنقدر نستحمل وندعى ربنا ونشكر قليلة ولة هنقنط على نعمتة ..........؟
طبعا فى كلتا الحاتين نعمة ورضا من ربنا لينا والحمدلله.

هل هزمك حزنك في يوما من الايام؟
والله عمال افكر وافكر فى السؤال دة مش لاقى لية اجابة بس كل اللى انا فاكرة ان طول مالحزن شاغلنى ومالكنى بشتغل اكتر وبتعب اكتر فبنساة بسرعة مش عارف والله ااقول اية لانى مفكرتش قبل كدة فى حاجة زى كدة.
((مستحيل انساك)) لمن تقولها ؟
ياااااااااااااااااااااة لناس كتيييير اوى لكن طبعا غير عيلتى وولدى ووالدتى وكدة يعنى بقولها للى واخد شقة تمليك فى قلبى فوووووووق.

(( انت كل شيء بحياتي )) لمن تقولها ؟
عمتا ياجماعة انا بكلم برة الدين خالص لان العلاقة الدينية بالنسبالى هى بينى وبين ربى مبحبش كل شوية ااقول فى كل سؤال انا بحب دينى وكدة لان احب ان علاقتى بربى تنمى بيى وبينة لكن هنا انا بقول افراد اشخاص فى حياتى يارب تكون الفكرة وصلتكم لانى بكتبلك دلوقتى وانا بنام خلاص والساعة دخلة على 2وعندى شغل الصبح بدرى ومش شايف انا بكتب اية.
على العموم ااقولها لاغلى ناس علية هما امى واخواتى وفى نفس الدرجة لاجمل انسانة انا عرفتها اللى هتبقى خطبتى وزوجتى باذن الله.
متى اخر مره بكيت؟
عمتا انا بيجيلى فترة كدة بكون نفسى اعيط بس مش بقدر بحاول انزل دموعى ومش بقدر فبتعب لكن بعيط ديما او فى اكتر الاوقات لما باجى انام وافتكر والدى لانى مش حزنت علية لما مات اد محزنت علية الفترة اللى فاتت دية.
وانا اخر مرة بكيت فيها انهردة وانا بصلى المغرب وكنت بردك بدعى لوالدى وادعولوا كلكم ان ربنا يرحمه ودخله الجنة باذن الله.
اي الدول تتمنى ان تزورها ؟
انا نفسى ازورالسعودية بجد بتمنى من ربنا انى ازرها واطوف بالكعبة انا وانتم يارب كلنا اميييييين.
ونفسى ازور فلسطين ونفسى ازور ايطاليا بس انشاء الله هزرور ايطاليا لان شهر العسل هقضية هناك بعد عمرا طويل انشاء الله هههههههههههههههه ونفسى ازور الصين واليابان جدا جدا جدا.


هل انت راضي عن نفسك ؟

لا

اغمض عينيك دقيقه لو سمحت, ماذا خطر على بالك وانت مغمض العينين ؟
خطر فى بالى انى لازم انام علشان هصحى بكرة بدرى لان وراية شغل.
هههههههههههههههههههههههههههههههههههههههه
لا بجد خطر فى بالى انى مزعل ناس لازم اصلحها وخطر فى بالى ان فى ناس نفسى اطمن عليها وخطر فى بالى انا سعيد دلوقتى ولة لا وخطر فى بالى انا لية كدة؟من غير محد يسئلنى يعنى اية.


ايهما اهم شهادتك الجامعيه أم الزواج ممن تحب ؟
طبع الاتنين مهمين جدا لكن الاهم انى اتجوز اللى بحبة لية بقة لان الشهادة دية شئ اكيد مش هشتغل بية فى ظل النظام اللى عيشين بية دلوقتى لانى هبقى راجل خريج ونهايتى على قهوة علشان كدة انا بشتغل وبكافح وحتى رفضت ادرسى خصوصية لانها ممكن تكون حرام او مكروهة والله اعلم فبعد عنها واخترت طريقى على طول وهو الشغل فى اى حاجة ربنا يسهلى فيها طريقى والحمدلله.
لكن بقة الزواج الواحد ازاى يسعد زوجتة وهو مبيحبهاش وحتى لو هعمل اللى يسعدها كلة هوهيكون مش سعيد يبقى سعدتها على حساب سعدتة او سعدتهم هما الاتنين هتبقى منعدمة تماما وينكد عليها عيشتها المهم الاختيار الصح ويكون انسان او انسانة ربنا يكرمهم ويطيعوا ربنا ويرضوة بحبهم.
هل من الممكن ان تتحول الصداقه الى حب ؟
اكيد بس بيكون من الاول باين انها هتتحول او فى فالبداية علمات ببين وتوضح العلاقة دية هى ممكن تتخفى ورا الصداقة لكن لما بنشيل التراب او الساتر اللى عليها بنعرف انها حب مش صداقة وعلى فكرة الحب ممكن يرجع وينزل يبقة يصداقة لما يبقى اصلا الحب دة مش حب مجرد اعجاب او فكرة جميلة بتنتهى مع انتهاء الاعجاب وخصوصا لما يكون فى فترة بعد بين الاتنين بيعرفوا دة حب ولة اعجاب ولما بيبان انة اعجاب ممكن فى الفترة دية يبقوا اصدقاء ومن المستحيل انهم يكونوا احباب تانى لان الصداقة بتولد مبينهم حب اكبر هو حب الاخوة.


هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟

اتمنى انى اكون مدمرتش حياة حد ابدا سواء اكانت دية او دية او دية لان ربنا فى الوقت مش هيرضى علية وانا بعتزر لاى حد ممكن اكون سببتلة مشكلة او حاجة واتمنى انة يسمحنى وربنا انشاء الله بيكرمنى لانى عمرى مظلمت حد والحمد لله.

من هو اكثر شخص تفكر فيه؟

اى شخص بيكون قريب منى جدا وفجاة يبعد سواء اكان سفر او حتى مرض او حتى موت بعد الشر عليكم او حتى تاصير منى او حتى جيش لان ابن خالتى فى الجيش وهو بيوحشنى جداااااااا لما بيروح.
وبتمنى من كل حد بفكر فية كتييييير جداااااااااا يفكر فية ولو حتى ثانية كل يوم.

هل تكره شخص بشده في حياتك ؟

طبعا بكرة كل واحد بيعزب اخوية كل واحد يبلطج على اخوية كل واحد يعاكس اختى كل يواحد يسرقنى ويسرقك يعنى بصراحة انا بكرة اللى مفروض كلنا نكرهم اللى مفروض ميعشوش وسطينا مش فى بلدنا على الارض عموما لكن ربنا سبحانة وتعالى شيلهم عزابهم يوم الدين.
لكن احنا مفروض اننا نكرهم بس مش نكرة بعض وطبعا اكتر حد نكره مين اكيداليهودى وكمان لازم نعلم وكمان لازم نعلم والدنا ازاى يكرهوهم بجد انا من كترى كرهى ليهم بقولهم
اللهم دمر عدو قتل الاطفال



ماالذي يلفت انتباهك بسرعه في الشخص لكي تعجب به ؟
احب الشخص الطيب والحنين بس مش يوصل لدرجة السذاجة دة بيبقى حبوا فى قلبى زايد جدااااا.
واكتر حاجة تلفت انتباهى فى شخص انة بيكلم كلام اصدقة مش يحور علية ويهجص ويدخلنى فى حوارات واكتر حاجة بحبها فى الاشخاص القريب منى الحنية اللى بيبقى حنين علية ويسمعنى زى مبسمعة بيبقى لية معزه خاصة فى قلبى
اذا احببت شخصا في الوقت الخطأ وفي المكان الخطأ فماذا تفعل ؟؟
اكيد بقولة قدر الله ماشاء فعل.
والحمدلله انى عرفت ان حبنا دة اساسة غلط والحمدلله ان ربنا عرفنا غلطنا علشان منكملش فية وايد هقولة سامحنى


عاده تفعلها دائما تتمنى ان تتركها ؟
بجد والله نفسى ابطل اسمع اللى حوالية فى مشاكلهم لانى لما بسمع حد بسمعة بجد بيشيلى همة بيشكية بجد وبيبفضفض لية كل اللى فقلبة بس للاسف انا بتعب جداااااااا بعد مبيكلم معايا وممكن منمش وافكر فى مشكلتة وهو يرتاح لما يكلمنى بس مش بقدر ابطل لانى بحب اشيل هم الناس اللى بيحبونى وبحبهم ومش بقدر مسمعش لانى كدة هحزنة اكتر فبحاول اشيل شوية من علية على الاقل ممكن امشى الحزين دة بابتسامة يروح بيها او بضحكة يقدر ينام بعدها.بجد الحمدلله .
ماهو اجمل اسم لولد واجمل اسم لبنت من وجهة نظرك؟
اسامى كتير وبلاش ااقول اسم معين علشان مزعلش حد.
لكن انا ممكن ااقول انا بحب يوسف لانى بحب سيدنا يوسف علية السلام اوى.وبحب مريم علشان ام رسولنا الكريم عيسى علية السلام وهى من خير نساء الارض لان الله عز وجل ضرب للمؤمنين مثل بيها هى وامراءة فرعون(اسيا).لكن بقى الاسمى بتاعتنا بلاش

</B></I>

شكرا ليكى جدااااااااا مملكه الحب ومستنى اسالتك ديما.

صراحة انا مش عارفة اقول ايه
بس يا اخي عاشق القمر او شيكو فكلا الشخصيتن واحدة
اعتقد ان من قوانين الموضوع ان العضو يجلس مرة واحدة عي كرسي الاعتراف
طبعاده مش تقليل من شخصية حد
ولكن كي نتيح فرصة لاختيار باقي الاعضاء
فارجو من سيادتك اختيار ضيف جديد

اولا انا اسف وبعتزر ليكم كلكم ومعلش اختى الكريمة
ثايا انا هختار اخوية الكريم:
كامل