يوم في حياة عضو

[yoyo.vet]

موضوع جميل وخفيف وياريت الجميع يشارك فيه

الفكره عجبتني وحبيت اطبقها في منتدانا ..

سنقوم باستضافة عضو..يحكي لنا عن مسار يومه

منذ ان يصحو صباحاً حتى يحل الليل وينام...

متحدثاً بحريه تامة وبأسلوب..عفوي جداً.وكم جميل لو كان به

بعض المــرح والإنطلاق والتحرر من قيود المواضيع الرتيبه

ثم بعد أن ينتهي يقوم هو شخصياً بأختيار عضو آخر

ليحكي لنا عن تفاصيل يومه وكيف يقضيه...

وده بيكون لمده يومين

من اول ما يصحى لحد ما ينام

طبعا كل عضو نختاره ويتكلم عن نفسه بعد ان ينتهي

يختار هو العضو الذي يليه وهكذا....

دلوقتى هختار أسم أول عضو معنا وهو


!!!!


!!!!!


!!!!!

هانسيب الاختيار دلوقتى لحد مانشوف تفاعلكم مع الموضوع وهل هو عاجبكم ولا لأ

[اديم]

موضوع جميل جدا يا يويو
وفكرته روعه
يالا مستنين العضو اللى هيجى يحكلنا ايه يومه
تسلمى يا قمر

[بووتي]

موضوع تحفه

يلا بقي مستنين العضو المقبوض عليه

عشان نعرف ازاي يومه

[AHMED_PC]

فكره تحفه
جميل جدا جدا جدا
و كلنا مستنين العضو بلهفه
فكره ممتازه .....شكرا
تسلمي

[كنانة]

يويووووو

عجبتني جدا الفكرة

وان شاء الله تعجب باقي الاعضاء

تسلم الايادي يا يؤيؤ وفي انتظار العضو

المقبوض عليه على رأي بتبوتة

[yoyo.vet]

اولا:انا بشكركم كلكم علي ردودكم الطيبة وتحمسكم للفكرة
ثانيا:اسمحوا لي اختار اول عضو












اقصد اول عضو











حبيبتنا الامورة















كنانة

[كنانة]

ميرسي يا يؤيؤ

على الاختيار

يوم الجمعة حصل الاتي:

صحيت صليت الفجر وقريت سورة الكهف وقلت اذكار الصباح

وغمضت شوية لحد ما بدأت صلاة الجمعة قمت سمعت الخطبة وكانت بتتكلم عن الاستعداد لرمضان وبعدين صليت

ودخلت المطبخ اطبق بعض التجارب والوصفات اللي باءت بالفشل زي غيرها بس الحمدلله ربنا رازقني بأهل بيرفعو من روحي المعنوية

وبيشجعوني وبياكلو اللي انا بعملو مع اني كنت عملالهم دجاج متقطع بطريقة غريبة جدا بس اهو اللي قدرت اطبقه من اللي بشوفه في

برامج التلفزيون..وبعد كدا اتفرجت على فيلم هندي وبجد كان فيلم هندي يعني من خلاله عرفت ليه بيقولو على المواقف المؤثرة فيلم هندي

طبعا كان ادن العصر صليته وساعة كدا والبيت ازدحم بأهل بابا اصل يوم الجمعة قبيلة الوالد كلها بتتجمع عندنا وفضلو لحد الساعة 10

بليل وفي اثناء الزيارة دي طبعا كنت شغاله صبي قهوجي للكبار ودادة للاطفال(ولاد وبنات عمامي)

وبعد ما مشيو نضفت البيت لانه طبعا كان بئى ملعب كورة مش بيت وبعد ما خلصت اتصلت عليا الساعة12 وحده صحبتي من ايام

المدرسة قعدنا نرغي لحد الساعة وحدة وبعدها صليت العشا لاني مكنتش قدرت اصلي وهم موجودين الا المغرب ونمت واتمنيت الزيارة

متتكررش الا بعد شهر وانتهى اليوم على كدا

ودمتم سالمين

[كنانة]

اما السبت يا اخواني ويا اخواتي كان مختلف نوعا ما

بس كالعاده صحيت صليت الفجر وبعدها نمت لحد الضهر وقمت بردو دخلت المطبخ بس تعبت جدا على ما اقنعت ماما انها تسيبني ادخله

بس الحمدلله عملت حاجه سهلة وبحبها وخرجت خليت ماما هي اللي تكمل ودا طبعا لاني الفترة دي عاطلة عن العمل والحمدلله

فبسلي نفسي بالمطبخ احيانا او غالبا..واتغدينا وكالعاده والروتين نضفت واذ فجأة يتصل خالي ويقول انه جي وطبعا انا مكنتش لسه ارتحت

من قبيلة بابا وهبطت عليا قبيلة ماما..وخالي دا مشكلته معايا مشكله وهي انه متجوز فرنسية ..وطبعا التفاهم مع زوجته بيكون صعب لان

مبتفهمش انجليزي والفرنسي بتاعي بعافية شوية يعني الفرنسي بتاعي زي العربي بتاعها فالقعده كلها كانت بالاشارات او بالترجمة اللي

بينزلها خالي بعد اي حديث بينا وبينها..بس متعبتش اوي في الزيارة دي لان الحمدلله خالي دا بس اللي جه هو ومراته والبنتين بناته

قعدت الاعب البنتين وكانت زيارة خفيفة مشيو على طول يعني جم 5 ومشيو 8 كويس والله اصل يا بخت من زار وخفف

ههههههههههههههههه

وبس وبعد كدا اتفرجت على ماتش المنتخب لكرة اليد مع منتخب فرنسا وفزنا الحمدلله وكنت مبسوطة جدا و بعد ما شفت شوية من

الاستوديو التحليلي جيت دخلت عالنت وفتحت ايميلي والمنتدى والحمدلله مكنش عندي حد اون لاين ف دخلت المنتدى من غير ما حد

يقاطعني ويقعد كل شوية يكلمني وبس وبعد شوية هروح اتفرج على برنامج البيت بيتك لان زمان فات منه ساعة وانا بحب اتابع البرنامج دا

كل يوم وبعدها هنام

ودمتم سالمين

[كنانة]

وبما اني حكيت خلاص عن حياتي في يومين


احب اختار بعدي


اختنا

وحبيبتنا

يؤيؤ

[اديم]

بس ما شاء الله يا كنانه يومك ملىء بالزيارات ههههههههههههههههههههههههههههواديكى بتتسسلى ومفيش احلى من لمه العيله
ويالا يا يويو مستنين يومينك الحلوين ان شاء الله

[AHMED_PC]

فينك يا يويو
عيزين نشوف يومك
و الحمد لله اني ولد
موش كدا يا كنانه هههههههه
ربنا معاكو يا بنات والله
تسلمو

[كنانة]

والله يا جوجو لمة العيلة حلوة اوي

بس لما تكون مرة في الشهر وفي المناسبات

مش عمال على بطال

هههههههههههههههههههههه

[كنانة]

هههههههههههههه

لا كدا ونص يا احمد

[tota_tote]

lموضوع رائع جدا ياكوكو
بس ياريت تختارو احمد علشان نشوف يوميه عامل ازاي بدام ما بيقول الحمد لله انه بنات بس لكن انتي ياكوكو لما عملتي الموضوع مش كنتي تقصدي اننا نختار اي عضو ولد او بنت ياريت لو اختارتوا ولد يكون احمد اول واحد علشان نشوف هايعمل ايه:36_1_19[1][1]:

[كييليوباترا]

بجد فكرة الموضوع جامدة جدا وعجبتني اوي اتمنى التفاعل يكون اكتر

واكتر ان شاء الله متابعاكو

[mimostar]

انا اسف علي التخير يا جماعة سوري بجد
النت عندي كا بيهيس
مين الي علية الدور
انا عايز اشوف حاجات بتحصل

[yoyo.vet]

تسلمي ياكنانة علي عرض يومك الجميل
وشكرا علي اختيارك لي
بس انا هحكي اليومين بتوعي اللي هم الثلاثاء والاربعاء لاحقا ان شاء الله

[yoyo.vet]

اليوم الاول:
يوم الثلاثاء
استيقظت حوالي الساعة 7 الصبح وده طبعا بدري جدا بس غصبن عني ومكنتش نمت قبلها غير 3 ساعات
لاني كان عندي تدريب في الكلية الساعة 9 الصبح
المهم فطرت بسرعة وكويت هدومي وجري علي اقرب مواصلات للجامعة
ومواصلاتي بتبقي حوالي ساعة زمن
خرجت من البيت 8 وقابلت صاحبتي في الموقف ركبنا الباص ووصلنا الكلية حوالي 9 وربع
المهم قضيت وقت كئيب في التدريب علشان المعيدين قعدوا يشرحوا واحنا طبيعي في الاجازة بنكون مش طايقين نسمع حاجة جديدة
المهم التدريب خلص الساعة 12 ونصف
وده من حسن حظي كان اخر يوم لي في تدريب هذا العام بعد ان استمر شهرين

بعد التدريب جلست مع اصحابي شوية نتصور صور تذكرية سويا بعد ما خلصنا سنة ثالثة كلية وداخلين سنة رابعة سنة جديدة في حياتنا
وبعدين رحنا اتغدينا بره مع بعض
وبعدين رحت اشتريت بعض مستلزمات لي وطرح "حاجات بنات يعني"
وبعدين ودعت اصحابي حوالي الساعة 3 ونصف عصرا
بعدين روحت البيت العصر
وكنت مش قادرة افتح عيني طبعا
جريت علي عشيقي وهو السرير
ونمت نوم عميق لم استيقظ الا المغرب
بدات استعيد نشاطي بعد ما اخدت دش تمام وكوب شاي مظبوط
قعدت شوية صغيرين علي الكمبيوتر
بعدين عمي زارنا قعدت معاه شوية
وبعدين قعدت مع اسرتي واخواتي شوية
وبعدين قعدت اقرا شوية في كتاب اسمه:"استمتع بحياتك للدكتور محمد العريفي"
وطبعا انا مش بعدي يوم من غير ما انمي موهبة القراءة ولو نصف ساعة
وبعدين نمت حوالي الساعة 1 ونصف علشان اصحي اصلي الفجر طبعا
وبذلك انتهي اليوم الاول

[AHMED_PC]

يلا يا يويو اختاري عضو
ماشي يا تواتا
ليكي يوم هههههه
تسلمي

[kotomoto88]

السلام عليكم ورحمة الله وبركاته

فكرة جيدة يا يويو

وايامكم جميييييييييييييلة

ونسيتى حته يا يويو صغنتوتة كده فى اخر اليوم

سهرتنا المعهوده

اللى قبل النوم

ومنتظرة الباقى

[yoyo.vet]

المفروض اني بحكي يومين
فاليوم الثاني لي هو يوم الخميس

صحيت بدري وفطرت
اكلت الارانب اللي انا بربيها من زمان
ونزلت رتبت حجرتي
وقمت بشغل البيت بمبدا ان
البنت ملهاش غير بتها

وطبخت لاول مرة الاكلة الشعبية في مصر
كشري مصري

اتعلمته وعملته روعة فوق الوصف لدرجة ان كل واحد في البيت مكنش بياكل طبق واحد
علي الاقل بيخلصوا طبقين
ياللا بالهنا والشفا

المهم بعد الاكل قعدت مع اخواتي ع الكمبيوتر نلعب games

وبعدين العصر اذن صليته واكلت الارانب وشربت الشاي

وبعدين جاءت لي واحدة صاحبتي زيارة

وبعد ما مشيت عملت صلة رحم لعمتي للي ساكنة تحتي
ونهنئها بشهر رمضان

بعدين قعدت مع اخواتي شوي
وبعدين نمت


معلش طولت عليكم




ا

[yoyo.vet]

هختار العضو اللي بعدي وهو


























ahmed_pc

[اديم]

يومك جميل يا يو يو
ويالا يا احمد مستنين اليومين بتوعك

[AHMED_PC]

فرحانه يا توتا ماشي
يوم الثلاثاء السابق
كان يوم رهيب رهابه غير طبيعيه
انا كنت خارج مصر في شغل و كان المفروض هاجي بعد العيد الصغير باسبوع
و كنت زعلان جدا طبعا لاني موش هئدي العيد ولا رمضان مع عيلتي زي العاده
بس سبحان الله شغلي اتاجل الي اجل غير مسمي
طبعا فرحت جدا
عشان مطولش عليكم
خت الطياره و جيت مصر
و انا كنت راكن عربيتي في المطار و كان صحبي كنت مي
دلو المفتاح و ساكن اريب من المطار كان بيجي يسخنها
جيت كان المفروض صحبي يستناني لكن لحسن حظه كان عنده حالت وفاه
و ان طبعا فرحان
امت راكب العربيه و طاير موش ماشي بسرعه طاير عشان اروح بدري اابل ما علتي تصحي و خصوصا اختي الصغيره
و كانت الساعه 7 الصبح و كنت علي محور 26 يوليو في نص ساعه والله
و بعدين كان البلد كووووووووووووووووولها نيمه معادا واحد عربيته عطلانه في نص المحور بالظبط
و كان في ضباب فعلا موش شايف ادامي اي حاجه خالص و العيله بتصحي بدري الساعه 8 الصبح
طبعا عملت حدثه كنت مشي بسرعه 140 خبط فعربيه سيات المطلق عليها ( علبه الكبريت )
العربيه اتئلبت بس طلعت بكسر فرجلي و بعض الكدمات يعني كويس
و اغمي عليا صحيت لايت نفسي رجلي متجبسه و في سريري الساعه 8 بليل
و ملحئتش اختي ابل متصحي
عربيتي كلها بئت عمله فعلا زي علبت الكبريت معادا شنطه السفر
بس صحيت لايت 3000 شخص واقف فوق دماغي يعني كل حد اعرفه في حياتي
بس اضيتها فلسرير لحد ماولدي جبلي العكازين
و دلوئتي عادي و اعت اؤل انا كويس والله الحمد لله لحد ما نمت
اؤل يوم ضاع في الحدثه
الي اللقاء مع اليوم التالي

[AHMED_PC]

الزيارات فضلت تتوالي تتوالي
المهم يوم الخميس كان يوم عادي و ئدرت اتحرك و كدا
صحيت 8 الصبح الحمد لله مكنش في زيارات بيته ولا حاجه
صحيت اخت العكازين لائيت العيله متجمعه في غرفه المعيشه
سلمت عليهم و سلمو عليا بحراره لاني مكنتش في مزاجي الكامل اليومين اللي فاتو
فطرت مع العيله و مشربتش الشاي عشان انا موش بطيء ريحه الشاي اصلا
و بعدين العيله راحت علي المعيشه و انا رحت اطي و جبت شنتط السفر عشان اؤزع الهدايا
و طبعا كانت اؤل هديه لاختي الصغيره
و بعدين نزلت اشوف (مارد ) كلبي الرود فيدر اللي مششوفتوش من زمان اؤي
و بعدين اصحابي عدو عليا الساعه 11 كدا عشان يخرجوني لاني كنت مخنوق علي الاخر
بعدين خرجنا قعدنا ف كفيه شويه و رجعت علي الساعه 3 العصر عشان الغداء كانت اختي الكبيره رجعت من الشغل
و والدي كمان
و كلت ما لذ و طاب من الاكل اللي محروم منه بالي شهر و نص بره
و بعد الغداء اللذيذ جدا تفرغت تمام للبيت بيتك
و بعد مده كانت الساعه 7
امي جت التلي ان زميلي في الشغل جم يزوروني
الساعه 8 مشيو استلمتني اللي مئدرش ارفضلها طلب اختي الصغيره
طبعا لعب و قرايه قصص و كدا
كانت الساعه 9:30 و بعدين لايت ابن عمي جالي و هو صديقي الصدوق هوا و صحبي بتاع المطار
و كان ناذل اجازه من الكليه الحربيه
اعت معاه في اؤتي اؤ غرفتي بالفصحي و هاتك يا كلام و ضحك و رغي و فرجته علي منتدانا العظيم و كدا
و فضلنا سهرنين لحد الساعه2:30
و بعدين بات عندي و توتا توتا فرغت الحدوته

انا مليش دعوه اليوم طويل
معلشش يعني

[AHMED_PC]

العضو اللي بعدي ان شاء الله هيكون


جوجو
(اديم)

[اديم]

ينهارى
ده يوم صعب اوى
انا عديت على المحور ده اول امبارح وهو اصلا وحش
وانت سايق عل140
فلازم تعمل حادسه بس ربنا ستر وحمد لله على سلامتك

[اديم]

شكرا ليك احمد
ويومينك مليئين بالمفاجات
هههههههههههههههههههههه

[اديم]

انا بقى هبتدى بامبارح يوم الخميس
طبعا بعد رجوعى من السفر
قمت الصبح رحت فطرت وصليت واكيد همسح الشقه انا وماما اللى لما جينا لقناها مليانه تراب ومسحنا الاوض وسبنا الصاله عشان حد يجى مع ماما يعملها معاها وفعلا مسحنا الشقه لغايه الساعه 6 كده يعنى كنا قربنا على دخول المغرب
وبعد كده عملنا اكل واتغدينا
وبعد كده رحت قعدت شويه على منتدانا الجميل
وقمت لبست انا وماما ونزلنا نشترى شويه حجات للبيت ونقول للست عشان تعمل مع ماما بقيه الشقه كان ده كله على الساعه 8

ورجعنا
رحت اتصلت بالمدرسين بتوعى عشان طبعا الثانويه العامه وهمها الكبير
بس وقعدت على المنتدى تانى
وبعد كده نمت على الساعه 12
وده كان يوم الخميس

[اديم]

وادى النهارده الجمعه وبالنسبالى يوم الخضه
قمت الصبح من النوم على صوت ازاز جامد بيتكسر
اتارى الست اللى امى جابتها عشان تساعدها فى مسيح بقيه الشقه
اتكسر عليها الازاز بتاع السفره
طبعا عورها بس لحقنا الجرح الحمد لله
والازاز اكيد اتنتور فى كل مكن
فقلت استعنا على االشقا بالله ورحت لميت الازاز
وبعد كده صليت الصبح
وقعدت شويه مع مامتى واخويا وفطرت وبعد كده صيت الجمعه ونزلت بعد الجمعه على الدرس
ورجعت من الدرس على الساعه 5 وقعدت اذاكر لغايه 10 وادينى قاعده معاكو على المنتدى اهوه
بس
ادى يومينى

[اديم]

وهختار العضو اللى بعدى























المدير العام
ناصر مهدى

[ناصر مهدى]

انا الان تعبان جدااااا
ولما افطر هشوف يومى هيكون كيف
انتظرونى
هههههههههههه

[mimostar]

كول دة يحصل منغير ما تقولي يا كبير

علي العموم الحمد لله علي كل شي
والحمد لله علي سلامتك

[AHMED_PC]

الله يسلمك
بسيطه مكنتش عايز اقلئك
معلش يا يس
كل سنه و انتا طيب
و رمضان كريم

[tota_tote]

الف الف مليون سلامه يا احمد والحمد لله انها جت على قد كده ابقى خد بالك من السواقه بعد كده وكمان المحور ده بيبقى زحمه مووووووووووت اصل انا ساكنه قريبه منه جدااااااااا وعارفه الشكل العام بتاعه عامل ازاي

[AHMED_PC]

الله يسلمك يا توتا
جت سليمه الحمد لله
تسلمي

[yoyo.vet]

الف سلامة عليك اخ احمد
في التاني السلامة وفي السرعة الندامة

يومك كان حلو بس كان هيبقي اجمل لوكانت امورك طبيعية
مش كده ولا ايه؟

منتظرين اخ ناصر

[AHMED_PC]

شكرا يا يويو علي سؤالك
طبعا كان هيبئا يوم حلو بس لو مكنش فيهم الحدثه
شكرا علي سؤالكم يا جماعه
و يلا يا استاذنا الاستاذ ناصر مستنينك

[sheko]

اية الموضوع الجميل دة اللى كلة حوادث واصابات هههههههه الواحد خايف وهو بيحط مشاركة تقع فوقة ويجبونا فى اخبار الحوادث فقيد الموضع ...........ههههههههههه.لا بجد موضوع جميل جدااااااا.

[AHMED_PC]

هههههههه
مش كله بيحصلو حوادث
نتخفش يا شيكو
المحظوظين فقط امثالي هم اصحاب الحوادث

[كييليوباترا]

اللاااااه احداث ممتعة جدا

والحمد لله على سلامتك

وكله ان شاء الله في ميزان حسناتك يا احمد ما كله تكفير ذنوب

اتمنى الاستاذ ناصر يشرف الموضوع بدخوله

وبجد بجد فكرة الموضووع جااااامده جدا

ولكم مني جميعا كل تقدير

[AHMED_PC]

الله يسلمك كيليوبترا
شكرا لسؤالك
تسلمي
يلا يا استاذ ناصر مستنينك

[سومه الزهار]

السلام عليكم ورحمة الله وبركاته
بجد موضوع جميل يا يويو تسلم ايدك
يالا شد حيلك يا احمد

[AHMED_PC]

شكرا سومه
تسلمي

[سومه الزهار]

علي ايه الشكر وحمدالله علي سلامتك
وربنا يحفظك من شر الطريق

[forgive]

حقيقى روعة جدا
ومشوق وصريح جدا
نايييييييييييييييييييييييييييييييييييييييييس

[forgive]

ويلا عايزين نشوف العضو الى بعده

[yoyo.vet]

منتظرين دخول اخينا الكريم
مدير المنتدي ا/ناصر المهدي

[AHMED_PC]

شكرا يا FORGIVE و شكرا يا سومه تاني لسؤالك
و شكرا لاهتمامكم
FORGIVE ميريسي علي المجمله الظريفه
شكرا ليك
تسلم

[honey bee]

فكرة جميلة يايويو

بس ياترى المدير بتاعنا بيحب الخصوصية ولا ايه :36_1_12[1]:

[ايمي ايدو جاوا]

الله الموضوع جميل اوي يا جماعه

تسلم ايدك وافكارك يا يويو

ووربنا يجعل ايامكم كلها حلوه يا احلى اعضاء

ومفهاش حوادث ها!؟ واخد بالك يا احمد

ويلا منتظرين الاستاذ ناصر

يحكيلنا عن ايامه ولا شكله هيفضل مشوقنا

[ايمي ايدو جاوا]

يا جماعة الاستاذ ناصر بيعتذر لكم جميعا

لانه مشغول جدا في المنتدي وتطويره ومش هيقدر يجاوب

فممكن يا يويو تختاري عضو مكانه عشان الموضوع يستمر

وكان الله في عونه

[yoyo.vet]

يا جماعة الاستاذ ناصر بيعتذر لكم جميعا



لانه مشغول جدا في المنتدي وتطويره ومش هيقدر يجاوب


فممكن يا يويو تختاري عضو مكانه عشان الموضوع يستمر



وكان الله في عونه


احنا بنعذر استاذ ناصر
ونتقبل اعتذاره
ربنا يكون في عونه
لو هختار عضو جديد هيكون انتي يا ايمي ايدو جاوا

[ايمي ايدو جاوا]

ميرسي يا قمر ع اختياري

انا هختار يوم الخميس والجمعه

النهارده صحيت الساعه 11

صليت وفطرت وساعدت ماما شوية

بعدين قعدت اعمل واجبي واستعد لدروسي

الساعه 3 صليت العصر ونزلت درس رياضه وبعده كيميا (ربنا يبعدهم عنكم)

وروحت مع صديقتي الانتيم نرغي طول الطريق

رجعت الساعه 8 الا ربع (يعني اليوم ضايع) اتغديت وقعدت اتفرج ع التي في شوية صغيرين

بعدين روحت اقعد ع النت والمنتدي الكريم بما ان النهارده الويك اند

واديني قاعده لاجل غير مسمى اهوووووووووو

ولما يجي بكره هقولكم هعمل ايه


وكل عام وانتم بخير

سنة هجرية سعيده عليكم يا رب

[yoyo.vet]

كل سنة وانتي طيبة ياقمر علي تلك السنة الجديدة
ويارب تكون سعيدة عليكي انتي وكل الاعضاء
منتظرين يومك التاني

[ايمي ايدو جاوا]

سوري يا جميل ع التاخير

اليوم الثاني وهو يوم الجمعه الماضي

كان عندي امتحانين كيمياء الصبح وانجليزي

تخيلوا الواحد يصحى كده ع امتحانات يوم الاجازه اهئ اهئ اهئ اهئ

صحيت الساعه 9 صليت الصبح وقعدت اراجع ع الكيميا

الساعه 10 ونص نزلت الامتحان والحمد لله كان كويس

رجعت 12 ونص صليت الظهر وقعدت ازاكر انجليش

وصليت العصر واتغديت وواصلت مزاكره

الساعه 4 نزلت ع الامتحان

ورجعت انا وصديقتي الانتيم نتكمل عملنا ايه وكده

بعدين رجعت كملت بقيت اليوم بريك

ما بين التليفزيون مع اهلي والنت اظني من حقي بقى بعد الامتحانات دي

بالليل قرأت ورد ليا من القرأن وسورة الواقعه وبعدين قضيت السهرة انا واخواتي رغي رغي

ونمت ع الساعه 2 تقريبا

يومي التاني انتهى وشكرااااااااااااا ع حسن استماعكم

اختار بعدي

.
.
.
.
.
.
.

العضوه العسولة

هدى 2008

[yoyo.vet]

نورتينا بيومك التاني ياقمر
بس فعلا بدايته مرهقة امتحانين يوم واحد
ربنا يعينك في ثانوية عامة
وتدخلي الكلية اللي انتي عاوزاها
ابعت لهدي رسالة تعرفيها انك اختارتيها ضيفة بعدك

[بنت مصر 2011]

بجد الفكرة ديه روعة

جزاكى الله كل خير

[كييليوباترا]

ربنا يجعلك ايامكو كلها حلوة

بجد يوميات جميلة

وربنا يعين الكل في البلوة اللي احنا فيها دلوقتي بنخلص مذاكرة عشان نذاكر بجد

ربنا يعين

[yoyo.vet]

متظرين دخول ضيفتا وحيبتنا هدي 2008
شكرا علي اعجابكم وتشجيعكم للفكرة

[هدى 2008]

ياااااه دا انا متاخره جدااااااااااااا
اسف على التاخير
هحكيلكو على امبارح 14/7
امبارح صحيت من النوم على الساعه 12 الضهر
ده طبعا علشان نمت متاخره
وبعد كده دخلت المضبخ وجهزت الغدا وبابا وماما جيهم
من الشغل قعدنا نتغدى بعد كده قعدت على الكمبيوتر شويه
وخرجت نزلت حلوان مع صحبتى علشان نشترى شويه حاجات
ورجعت على الساعه عشره بليل فضلت سهرانه للفجر وصليته بعد كده نمت

اليوم التانى هيبقى 15/7 النهارده
عيد ميلادى ان شاء الله بكره ابقى احكيلكو ايه اللى حصل

[ابن النيل000]

15/7 النهارده
عيد ميلادى ان شاء الله بكره ابقى احكيلكو ايه اللى حصل


http://www.beetco.com/vb/showthread.php?10733-بريد-البيت-بيتك00بريدكم&p=161802&viewfull=1#post161802

[mبرعمة الايمانm]

موضوع جميل جدا بصراحه ويارب كل ايامكم تبقى حلوه

[Ahmed.RT]

طب ليه يا جماعه الموضوع ده وقف
متيجوا نكملوا ايه رايكم
لو موافقين يقا يلا بينا نختار عضو

[honey bee]

تم اعادة استمرارية الموضوع

ونبدأ بأول من اقترح هذا Ahmed.RT (http://www.vb.beetco.com/member.php?u=25591)


ونقوله ابدأ على بركة الله

المايك معاك

[Ahmed.RT]

هههههههههههههه
كده بدبسيني
ماشي

[Ahmed.RT]

يوم الجمعه 17/9/2011

صحيت من النوم الساعه 10 الصبح
عشان اجازه طبعا
كالعاده احييت سنه النبي و الاستحمام يوم الجمعه و بعدين الفطار المتين

و بعدين روحت صليت الجمعه

و بعدين جيت قعدت علي النت لحد الساعه 4
علي المنتدي و علي الفيس بوك

و بعدين نزلت اصلح حاجه فعربيه ابويا لحد الساعه 5 العصر
و بعدين لبست و رحت الجيم جيت الساعه 6:30

و بعدين علي الساعه 7 نزلت مع صحابي و لسه جي الساعه 12 من شويه يعني
و اديني قاعد بكتب اليوم و ان شاء الله نص ساعه كدا و انام
بكره بليل بقا ابقي احكلكم الي حصل
باذن الله


( علي فكره انا تم اختياري ابل كده بس عادي بقه هههه )

اشوكم بكره

[stolen kisses]

موضوع جميل
اوي والفكرة اجمل

[honey bee]

موضوع جميل
اوي والفكرة اجمل

والاجمل والاجمل ان تم اختياركى ياقمر
عشان تحكيلنا يوم فى حياة الجميلة stolen kisses
فى انتظارك

[Ahmed.RT]

انا اسف يا جماعه علي تاخري
بس كنت تعبان شويه
يلا يا stolen
مستنينك
و اسف بجد تاني

[stolen kisses]

اوكي يا جماعه انا هبيتدي
وسوري انا اتاخرت لان كان عندي مشكله في النت

[honey bee]

انا اسف يا جماعه علي تاخري
بس كنت تعبان شويه
يلا يا stolen
مستنينك
و اسف بجد تاني

ولا يهمك يااحمد ربنا معاك
والف سلامة

[honey bee]

اوكي يا جماعه انا هبيتدي
وسوري انا اتاخرت لان كان عندي مشكله في النت


اوك
البيت كله مستنيكى
مش تتأخرى علينا ياجميل

[stolen kisses]

يوم الخميس 22/9/2011
قمت من النوم حوالي الساعه 6 ونص الصبح
اتوضيت وصليت الصبح

وقررت ان انا اروح المعهد( المدرسه) ده اول يوم ليا من اول الدراسه
ولبست طقم المعهد ووصلت هناك الساعه 8
وقابلت صحابي
طبعا اليوم الدراسي خلص
وما دخلناش ولا مدرس قال ايه .... عاملين اضراب
وقضينا اليوم هزار ولعب ضحك :36_1_19[1][1]:

وخرجنا الساعه 12ونص
روحت علي البيت صليت الظهر وغيرت هدومي واستريحت شويه من المجهود الفظيع
........... علي اساس ان اليوم يا عيني كان مليان حصص
وابتديت دروس الساعه 2
روحت درس الانجليزي الساعه 2
وخرجنا الساعه 3 روحت درس الاحياء وكانت حصه لذيذة خالص
وبعدين خرجنا علي درس المواد الشرعيه بما ان انا في الازهر
وخرجنا الساعه 5
واخيرا.....................................:36_1_7[1][1]:
رجعت البيت تعبانة اخر حاجه لان الجو كان حر موووووت النهارده
طبعا انا مابنساش نفسي اتغديت واتانتخت
وبعد طوووووووووول تفكير ....... ومناورات مع نفسي قررت ان انا اذاااااااااااكر:bekor:
وذاكرت ساعتين كدة
واديني قاعدة اهو علي النت
بكتب ايه الي حصل النهارده
وانا مبسوطه والله وانا بكتب كدة والفكرة جميله جداااا
وميرسي ليكي honey bee (http://www.vb.beetco.com/member.php?u=16143)
انك انتي اختارتيني في الموضوع بتاعك
انا زادني شرف يا قمر
تحياتي
stolen kisses

[honey bee]

هههههههههههههههه

بجد يومك سكر زيك يااجميل
وحقيقى احنا اللى مستمتعين اكتر منك كمان

بس عاوزة اصحح معلومة صغننة انا مش صاحبة الموضوع اوالفكرة
صاحبتهم yoyo.vet (http://www.vb.beetco.com/member.php?u=3234)
الموضوع عجب غالبية الاعضاء وكان لازم يرجع للحياة تانى

واهه مستنين باقى حلقاتك الشيقة يا stolen kisses (http://www.vb.beetco.com/member.php?u=25498) ومتابعين لحظة بلحظة

[stolen kisses]

اوكي ياقمر
انا معنديش مشكله خالص
تبقي قوليلي علي الحلقه الي انتي عازاني فيها ياقمر \

[stolen kisses]

يا جماعه
هكملكوا اليوم
انا دخلت اتعشيت من شويه وقعهد علي النت ساعه كده ولا حاجه
وبعدين.....................
هدخل انام وقبل ما انام هصلي العشاء
وهقرا اي حاجه ....
واشوفكم بكر وتصبحوااا علي الف خير
وبكرة هقولكوا بقي ايه الي حصل معايا
:36_1_39[1]:

[stolen kisses]

يوم الجمعه 23/9/2011

صحيت من النوم حوالي الساعه 11 كده
طبعا اتوضيت وصليت الصبح
وبعدين قعدت علي النت بالتحديد المنتدي
عملت شوويه حاجات كده ...........
وبعد كدا فطرت لقيت الظهر اذن صليت

ودخلت نضفت الاوطه بتاعتي..... ورتبت الدولاب الي طبعا انا ببهدله في ساعتها

وبعدين قعدت تاني علي النت يجي نص ساعه كده
علي حوالي الساعه 2
اكتسفت يا جماعه ان انا ورايا دروس
كويت اللبس الي هلبسه
ولبست وخرجت حوالي الساعه 3
وابتدا المشواااااااااااااااااااار..............
كان عندي درسين في نفس الميعاد تيجي ازاي دي انا معرفش
فقررت ان اروح درس فيهم
وهو درس المواد الشرعيه
وخرجت من الدرس الساعه 4
وحت علي الدرس الي بعده وهو النحو وكانت حصه رخمه رخامه
وبعدين رجعنا تاني درس المواد الشرعيه
يوم الجمعه بناخدواا حصتين
مش لاقين مواعيد
ورجعت علي البيت لقيت خالي عندنا
قعدت معاه شويه
وغيرت هدومي
وقعدت النت بكتب الي حصل النهارده
هقعد كمان شويه
وهستني بابا لغايه ما يفتح الايميل عشان اكلمه ...........
وبعدين هذاكر وهدخل اكل رز بلبن مع الملايكه
وبكده انا حكيتلكوا
يومبن من حياتتي
والي اللقاء

[honey bee]

stolen kisses (http://www.vb.beetco.com/member.php?u=25498)

حاسة بمعناة ياعينى مع الثانوية العامة ربنا معاكى ومع الجميع يارب

بس كانوا يومين دمهم خفيف وخلصوا بسرعة

المفروض ياقمر تختارى عضو بعدك

مستنينك ياترى ختختارى مين ؟

[stolen kisses]

سوري يا جماعه
انا هختار حبيبه قلبي
واقرب حد ليا في المنتدي اديم الغاليه

[اديم]

سوري يا جماعه
انا هختار حبيبه قلبي
واقرب حد ليا في المنتدي اديم الغاليه
شكرا ليكى يا قمر
انتى اللى حبيبه قلبى

[اديم]

بسم الله الرحمن الرحيم
نتوكل على الله

انا بقى
ولاول مره قمت الساعه9 الصبح النهارده
وصليت الصبح وبعد كده فطرت وقعدت على الكمبيوتر شويه
وبعد كده اشتغلت مع ماما شويه
ومارست هوايتى المفضله الرسم
وبعد كده اتغديت
واتفرجت على التلفزيون
شويه وادينى قاعده دلوقتى على المنتدى بكتبلكم اهو
وبعد شويه ان شاء الله نازله اشترى ادوات الكليه
وبس وهرجع انام

[stolen kisses]

ماشي يا قمر
بكرة بقي عايزاكي تحكيلنا بالتفصيل الممل ايه الي حصل معاكي

[اديم]

ماشى يا جميل

[Ahmed.RT]

مستنينك يا اديم

[اديم]

ازيكم النهارده
عاملين ايه
انا هبتدى احكى يومى اهو
كله يركز
قمت النهارده الساعه 8 الصبح
وبعد كده صليت وفطرت وعلى ما جت الساعه 11 اتفرجت على التلفزيون
وبعد كده نزلت اشترى هديه لمستر الحساب بتاع الابتدائى لان ليه فضل كبير عليا طبعا بعد ربنا
وبعد كده على الساعه 12 نزلت روحت اخدت كورس سواقه وده اول يوم
ورجعت على 2 ريحت من المشوار شويه وبعد
كده عملت الغداء انا وماما واتغدينا
وبعديها عالطول عالطول قعدت على الكمبيوتر
ومن ساعتها وانا اقعد واقوم على الكمبيوتر
لغايه ما انا دلوقتى بكتبلكم وبعد شويه هقوم انام
حتى مليش نفس للعشا هههههههههههههههه
هنام عالطول
يالا تصبحوا على خير

[اديم]

انا هختاااااااااااااااااااااااااااااااار بعدى
ان شاء الله
bosy cat 2010

[stolen kisses]

يومك لذيذ اوي يا اديم وربنا يوفقك في حياتك
ويلا يا بوسي ورينا بقي الي عندك...........
خلينا نستمتع بايامك
مستينك يا قمر

[BOSY CAT 2010]

السلام عليكم ورحمه الله وبركاته
ازيكم ياشباب؟؟ يارب تكونوا جميعا بخير
وميرسى يا جوجو على التدبيسه الحلوه دى
ههههههههههههههه
وتسلمى يا stolen kissesعلى كلامك الجميل
ندخل فى المهم
يومى اللى هو 26/9/2011
ابتدا بأنى صحيت الساعه 12 الظهر (لسه متعودناش على الصحيان بدرررى ربنا يسترههههههههه)
قعدت شويه وبعدين قمت صليت الظهر وقرأت الاذكار
وبعد كده قمت نضفت البيت شويه كده بس مش لوحدى طبعا معايا اختى
وبعد ماخلصت اتفرجت على التليفزيون شويه كده
(برنامج ازياء عجيب وبعد كده توم اند جيرى ههههههههههه حبه عيالى كده)
وكان طبعا العصر اذن قمت صليت وبعدين قمت بئه حضرت الغدا مع مامتى
واتغدينا وبعد ماخلصت قعدت على الجهاز شويه
لغايه بعد المغرب بشويه كده وبعدين قمت صليت وبعد كده لبست ونزلت مع اهلى نعمل شويه شوبينج كده فى
"كارفور" >> من اشهر مولات اسكندريه << واشتريت طبعا شويه حاجات كده للكليه
وبعد الللف والدورررران والززززحمه وتعب الرجل
روحنا اتعيشنا فى نفس المكان وقعدنا شويه بعد العشا
وبعد كده رجعنا البيت كان حوالى الساعـــــ 12:30ـــــــه صليت
وقعدت شويه وبعدين دخلت على المنتدى عشان اكتبلكم يومى اهوه
وبكده اكون خلصت يومى الاول واشوفكم بكره بئه ان شاء الله
ويارب اكون خفيفه على قلوبكم

[اديم]

السلام عليكم ورحمه الله وبركاته
ازيكم ياشباب؟؟ يارب تكونوا جميعا بخير
وميرسى يا جوجو على التدبيسه الحلوه دى
ههههههههههههههه
وتسلمى يا stolen kissesعلى كلامك الجميل
ندخل فى المهم
يومى اللى هو 26/9/2011
ابتدا بأنى صحيت الساعه 12 الظهر (لسه متعودناش على الصحيان بدرررى ربنا يسترههههههههه)
قعدت شويه وبعدين قمت صليت الظهر وقرأت الاذكار
وبعد كده قمت نضفت البيت شويه كده بس مش لوحدى طبعا معايا اختى
وبعد ماخلصت اتفرجت على التليفزيون شويه كده
(برنامج ازياء عجيب وبعد كده توم اند جيرى ههههههههههه حبه عيالى كده)
وكان طبعا العصر اذن قمت صليت وبعدين قمت بئه حضرت الغدا مع مامتى
واتغدينا وبعد ماخلصت قعدت على الجهاز شويه
لغايه بعد المغرب بشويه كده وبعدين قمت صليت وبعد كده لبست ونزلت مع اهلى نعمل شويه شوبينج كده فى
"كارفور" >> من اشهر مولات اسكندريه << واشتريت طبعا شويه حاجات كده للكليه
وبعد الللف والدورررران والززززحمه وتعب الرجل
روحنا اتعيشنا فى نفس المكان وقعدنا شويه بعد العشا
وبعد كده رجعنا البيت كان حوالى الساعـــــ 12:30ـــــــه صليت
وقعدت شويه وبعدين دخلت على المنتدى عشان اكتبلكم يومى اهوه
وبكده اكون خلصت يومى الاول واشوفكم بكره بئه ان شاء الله
ويارب اكون خفيفه على قلوبكم


اهيه اليوم اللى مليان اكشن ده ههههههههههه
اكيد يا قمر خفيفه على قلوبنا
ده انتى منورانا

يالا مستنين اليوم التانى

[BOSY CAT 2010]

السلام عليكم ورحمه الله وبركاته
ازيكم ياشباب
قبل مااحكى كنت عاوزه اشكر صاحبه الموضوع
yoyo vet وربنا يارب يرجعهلنا بالسلامه
وتنور المنتدى من تانى ان شاء الله
وطبعا بشكر اللى جدد الموضوع من تانى ahmed.RT, honey bee
اليوم الثانى27/9/2011
يعنى صحيت فى نفس الميعاد تقريبا فطرت وصليت وقعدت شويه على النت
وبعدين جالى مكالمه تليفونيه من انتمتى
يعنى استغرقت حوالى من ساعه الى ساعه ونص
ههههههههه لك بئه هههههههههه وبعدين قمت نضفت البيت
وبعد كده اتغديت وبعدين خالتوا جت قاعدت معانا شويه
ولسه ماشيه من حبه كده بس وبعد ما مشيت
دخلت على المنتدى عشان احكيلكم يومى النهارده
وتقريبا كده يومى شبه انتهى ههههههههههه
وشكرا على الاستضافه الجميله دى
وجارى التفكير فى الضيف الجديد ان شاء الله

[اديم]

السلام عليكم ورحمه الله وبركاته
ازيكم ياشباب
قبل مااحكى كنت عاوزه اشكر صاحبه الموضوع
yoyo vet وربنا يارب يرجعهلنا بالسلامه
وتنور المنتدى من تانى ان شاء الله
وطبعا بشكر اللى جدد الموضوع من تانى ahmed.RT, honey bee
اليوم الثانى27/9/2011
يعنى صحيت فى نفس الميعاد تقريبا فطرت وصليت وقعدت شويه على النت
وبعدين جالى مكالمه تليفونيه من انتمتى
يعنى استغرقت حوالى من ساعه الى ساعه ونص
ههههههههه لك بئه هههههههههه وبعدين قمت نضفت البيت
وبعد كده اتغديت وبعدين خالتوا جت قاعدت معانا شويه
ولسه ماشيه من حبه كده بس وبعد ما مشيت
دخلت على المنتدى عشان احكيلكم يومى النهارده
وتقريبا كده يومى شبه انتهى ههههههههههه
وشكرا على الاستضافه الجميله دى
وجارى التفكير فى الضيف الجديد ان شاء الله



هههههههههههههههههه
يومك حلو
وان شاء الله ايامك كلها سعيده
ويالا مستنين الضيف الجديد

[BOSY CAT 2010]

شكرا يااديم كلك زوق ياقمر
وان شاء الله قريبا الضيف الجديد

[روشة مصر]

موضوع جميل وممتع جدا تسلم الايايدي

[moon.]

يا ريت متملوش منى ان طولت فى حكاية يومى

البداية ..
صحيت من النوم ....

نمت تاني .

[زهرة التيوليب]

لا اله الا الله

[نا ريمان]

جزاكم الله كل خير

[نرمين القطب]

موضوع اكثر من رائع

[نرمين القطب]

موضوع اكثر من رائع ،

[نرمين القطب]

موضوع اكثر من رائع ..

[نرمين القطب]

موضوع اكثر من رائع ...

[نرمين القطب]

موضوع اكثر من رائع ،.،.

[!!Ahmed!!]

شكرا لكم 3

[حياة العرب]

اللهم صل وسلم وبارك على سيدنا محمد

[taliajexx740]

ممتاز جدااااااااااااااااااااااااااااااااااااا

[ebrahim]

جيدجيد

[magda fathy]

حياااااااااااااااااااااااااااااااااااااااااااااااااااااكم الله