المساعد الشخصي الرقمي

مشاهدة النسخة كاملة : طنش تعيش تاكل قراقيش وادخل وشوف ..‍‍‍...!!!



Ali Younis
2006/12/20, 2:27 PM
أحسن حاجه تعملها في حياتك انك تعيشها وانت مطنش كل حاجه بتحصلك وتضايقك.
وعلى راي الفيلسوف الشهير اللى مش فاكره اسمه ايه ( طنش تعيش تاكل قراقيش ) حاول تطنش هيفيدك ويريح اعصابك.


ولكي تستطيع ان تكون مطنش يجب ان تتبع هذه الخطوات..


1. تسبيل العينين مصحوبه بنظره بلهاء
2. فتح الفم 15 سم على الاقل
3. ابتسامه بلهاء
4. دلدله الكتفين مع بهدله في المظهر
5. علامات التخلف العقلي



وبذلك ستنضم لمنظمة ( طناشكو العالمية ) كما انك ستكون من مؤسسي اكبر مؤسسة (المُطنّشين العرب - طناش أحمد طناش وشركاه ) وسيقام مهرجان (الطناش للجميع ) والذي سيضم نخبه من كبار المطنشين.... من حكام العرب وحبايبهم


وكلما أصبحت مطنش أكتر كلما شعرت براحة من الاستفزازات التي تنزل عليك مصحوبة بحرق الأعصاب..



ومن امثله ذلك.. لما تصحى من نومك ممكن تكون اختك او اخوك او والدتك او والدك متعصبين من حاجة فبمجرد انهم يشوفوا وشك ينزل عليك وابل من الشتايم وانت مش عارف ايه السبب اصلاً.....كل اللي عليك انك تطنش.


مثال تاني... تسمع في نشرة الأخبار عن مقتل 60 مواطن في تصادم قطر أو مقتل 100 واصابة 50 في صراع بين دولتين فتشعر بحزن شديد.... لكن كل اللي عليك عمله هو انك تطنش.


أما الطريف في الموضوع لما تروح تعرف نتيجة الإمتحان فتلاقيك شايل مواد كتير ظلم رغم انك واثق من حلك وده ممكن يكون بسبب إن الدكتور وهو بيصحح ورقتك دق جرس الباب ولاقاها حماته الملاك المصون فوق راسه فيقول ان الورقه دي وشها وحش عليه ويسقطك .... كل برده اللي عليك انك تطنش




وفي النهايه هتلاقي راسك بقت في حجم قرع العسل مع زيادة مستمرة في الحجم وذلك لأن ..


( العقل السليم فى حجم الراس الكبير )

انتشر الطناش بشكل ملحوظ قوي فى عالمنا العربي
هنا السؤال
امتي يكون الطناش هو الحل الوحيد قدامك؟؟

Ali Younis
2007/11/25, 10:11 PM
هوا مفيش حد بيرض ولا ايه

ناصر مهدى
2007/11/26, 7:29 PM
لا
كله مطنشششششششششششش
هههههههههههههههههههه

فروتى
2007/12/1, 10:02 AM
وانا تانى مطنش

ههههههههههههههههههههههه

Ali Younis
2007/12/19, 9:15 PM
ههههههههههههههههههههههههه

ماشى ماشى

شكرا لرضدكم