ممكن سؤال بس او اتنين

[على العطار]

كام مرة قريت مواضيع وما كانتش حلوة وجاملت فيها اصحابها وقولت اللة حلوة تسلم ايدك اية الجمال دة كام مرة كان نفسك تقول ردك بصراحة بس خوفت يتقال عليك قليل الذوق او خوفت ترد انك ما عجبكش الموضوع وخوفت تتكلم بصراحة يقولو عليك مش بتفهم كام مرة مشيت مع الماشيين وزى ما قالو اللة حلوة قولت زيهم وخلاص كم مرة ما كنتش مصدق ردك وانت بتكتبة كم مرة كتبت مواضييع مش من وحى خياللك وكنت مقتبسها ولا كتبتش عليها منقول كم مرة كدبت فيها علينا وعلى نفسك
ارجو الرد بس من غير مجاملة ومن غير كدب ورزقى على اللة :)

[nona mne]

اخى الكريم اهنئك على موضوعك هوا فعلا جامد وانا اول واحده اجاوب عليك

اولا انا لما اقراء موضوع ومش عاجبنى مبردش عليه اصلا

ولما اقراء موضوع ويعجبنى اكتب وارد بكلام انا حاساه من وحى الموضوع والكلام نفسه

ولاكن اللى اكتبه ويكون موضوع منقول مثلا ومش بكتب انه منقول دا يبقى غش

وانا اساسا مش طبعتى انى اغش او اكدب والا ابقى فاشله فى حياتى باكملها

لاكن انى اكدب على الناس وعلى نفسى ممكن يكون ساعات علشان عاوزه اتخلص

من متاعب الحياه ممكن اتقمص شخصيه من خيالى مثلا والله الكلام طالع من قلبى وبكل صدق

ياعلى وبشكرك على الموضوع الهايل دا

[رهين]

انا بقي بحب النقد

يعني لازم اقول ايه الحلو وايه الوحش عشان الي ادامي يستفيد

واوقات لازم اجامل يعني عضو جديد لازم اجامله ولما اعرفه كويس ويكون في بنا ود اقوله دوت حلو ودوت وحش

شكرا علي الموضوع

رهين

[على العطار]

شكرا ليكى نونا على الرد الجميل وربنا يوفقك وما تبقيش حد تانى غيرك لانك كدة احلى من انك تكونى حد تانى وبا النسبة ليك اخى العزيز رهين يا سيدى عضو جديد عضو قديم لازم لو حاجة ما عجبتكش تقول لانننا هنا لازم نوضح لبعض الامور ومشكور على المرو ر اخى العزيز

[شاعر الحب]

انا هنا لية وضع خاص مستنى رأى الناس
بس انا الموضوع دة مش عاجبنى لان ى حاسس انو بيهزء ناس كتير
وبعدين طريقة طرح الموضوع مش صح
لازم كنت تختار كلام احسن من كدة
وانصحك بلاش تتعصب وانت بتكتب مواضيع او وانت بترد او حتى وانت بتقرى ردود الاعضاء على مواضيعك


وياريت لو تحسن طريقه كلامك مع الاعضاء لانهم مثقفين زيك وبمك اكتر كمان
فياريت متكلمهم على انهم بينقلو كل كلمة بيكتبوها





مراقب منتدى الشعر والقصايد حاليا
مراقب المنتديات الادبية والترفيهية سابقا





شاعر الحب

[على العطار]

شوف يا اخ شاعر الحب انا يمكن بدوس شوية وانا برد على بعض المواضيع الى بشوف انها مش من وحى خيال صاحبها وصاحبها دة فاكر نفسة شيخ غفر الشعراء لان كل الى بيردو علية ما بيكونوش قرو القصيدة دى قبل كدة وانت اكيد عارف انا بتكلم على مين وبا النسبة انك ليك وضع خاص دى مش مسببالى اى مشكلة هيا يمكن مسبباللك انت مشكلة لانك لازم تكون موجود علطول ويمكن علشان كدة ما بقيتش قادر تكتب من وحى خياللك كتير وبقيت بتعتمد على غيرك انا عارف ان كلامى دة هيزعل منى واحد انا بحترمة جدا وكنت وعدتة انى هحاول اكون هادى شوية فى الرد بس هعمللك اية يا شاعر الحب انا كنت مطر ارد عليك وبعدين ربنا يوفقك وتلاقى الشاعر وتلاقى الحب اللى انت مسمى نفسك بيهم وبعدين انا واثق ان فى ناس كتير فى المنتدى بتفهم عنى وبتكتب احسن منى ودة طبيعى وعادى لانى عمرى ما كنت شاعر للحب انا مجرد واحد من اللى بيحاولو يلاقو صيغة حلوة لكلامهم وبس وربنا يوفق الجميع بس انت برضو ما رديتش على كل اسئلتى فى موضوعى ياريت تقولى ردك على الاسئلة سلام يا نجم ويا ربيت تسامحنى يا بحار بس كان لازم ارد

[شاعر الحب]

هيا يمكن مسبباللك انت مشكلة لانك لازم تكون موجود علطول ويمكن علشان كدة ما بقيتش قادر تكتب من وحى خياللك كتير وبقيت بتعتمد على غيرك

لو انت شايف كدة يبقى لازم تعمل نضارة او ممكن تلبس لنسز هههههههههههه
شكلك هيبقى اكيد احسن من كدة



انا عارف ان كلامى دة هيزعل منى

اكيد هيزعل كل الناس مش البحار بس
لان كل الناس وبما فيهم البحار بيعزونى

لاكن معرفش اللى فى قلبهم من نحيتك بس باين فى ردودهم رأيهم فيك
هههههههههههههههه




ربنا يوفقك وتلاقى الشاعر وتلاقى الحب اللى انت مسمى نفسك بيهم

الشاعر موجود بس الحب مفقود
عندك عروسة لية
هههه
بقولك اية احسنلك تنسحب من قسم النثر والخواطر
وتشتغل خاطبة واوعدك انى اول واحد هتجوز بس لو العروسة حلوة مش زى مواضيعك
هههههههههه



ويا ربيت تسامحنى يا بحار بس كان لازم ارد

وانا كمان

[على العطار]

قشطة اوى يا شاعر الحب المفقود بس الغريبة انك بتحب تضحك على كلامك قبل ما غيرك يضحك وكانك بتشاور على مكان النكتة علشان الناس تضحك فكرتنى بواحد بيقول نكت كان دايما يعمل زيك كدة تن ترا لالم تن تن ويضحك وبا النسبة لراى الاعضاء هما صحابك طبعا دة اكيد وبيحبوك صح باين من ردودهم لانهم حتى مش بيغيرو كلامهم كلة حلو اللة جميل وبس كان المفروض يقيموك ويقومو كلامك بس هقوللك اية بيحبوك لو شوفت مسلسل محمد صبحى لما الواد ابنة كان عاوز يعمل فيها عبد الحليم قد اية صحابة كانو بيشجعوة مع انهم كانو متاكدين انة صوتة وحش بس اهو يعملو اية كان لازم يعملو كدة خلوة صدق نفسة انة شاعر قصدى مطرب وسلاموز وحتة وسلملى على الحب المقود وما تزعلشى هدورللك على عروسة لو انت مش عارف تظبط نفسك سلام يا شاعر ويا حب ويا مفقود

[ناصر مهدى]

السلام عليكم يا اخوانى الكرام
ونا اسف على قطع الحرب دى
نحن فى الاول والاخر اخوات فى الله
والكلمه الطيبه صدقه
طبعااااااااا كلاكم عرفين كده
ولازم يكون فى احترام بنكوم
وكمان حضرتكم خرجتم عن اصل الموضوع
وبعد اذنك سوفه يتم فرترت الردود حتى تتناسب مع اصل الموضوع
اشكركم يارجاااااااالة

[القناص]

أخى شاعر الحب لو كنت بتقدم النصيحة وهى أنك بتقول لعلى العطار أنوا يحسن ألفاظوا وما شابه ذلك كان من الافضل أنك تنصحوا على الخاص لأن النصيحة ليها أصول أخى وهى أنها مش بتتقال فى أى وقت أو فى أى مكان أنا أسف أخى ولكن هذه وجهه نظرى
( الاختلاف فى الراى لا يفسد للود قضية )
وربنا يوفقنا على دفع المنتدى للامام
بهدوؤ اكثر ومشكورين

[براءة المحسيري]

مرحبا
المجاملة اشي حلو كتييييييييييييييير
هشان هيك انا بجامل كل الناس
بس يعني غصبن عني
تحياتي

[على العطار]

براءه المحسيرى واضح من اسمك انك جميله وحبوبه وكمان ردك الحلو بيقول كده انا حبيت اشكرك شكر خاص لانك اللى خليتينى ارجع ادخل المنتدى تانى لانه الردود بتوصلنى على الايميل ولما قريت ردك طبعا اخدت جوله فى المنتدى ولسه زى ما هو ما اتغيرش حاجه غير الاستايل وبس والالوان لكن الردود هى هى ما اتغيرتش شكرا ليكى يا مجامله غصب عنك

[yoyo.vet]

شكرا علي موضوعك ياعلي

وفعلا احنا بنحب النقد ومفروض نتقبله
كلنا في بيت واحد
بس لازم النقد يكون في حدود اللياقة والزوق