yoyo.vet
2007/9/3, 3:13 PM
ليه الناس بقيت بتحب الموت و تتمناه
ليه بقت الناس حاسة ان حل مشاكلهم انهم يموتوا او ناس تانية تموت
ليه بقينا حاسين ان سعادتنا متوقفة على موت فلان
ليه بقيت دي نظرتنا للحياة
اليهود زمان ادعوا ان ليهم الدار الاخرة فرد عليهم الله بقوله ((فتمنوا الموت إن كنتم صادقين ))
ثم أخبر سبحانه أنهم لا يتمنونه أبداً بما قدمت أيديهم من الأوزار والذنوب الحائلة بينهم وبين ما قالوه ، فقال ((ولن يتمنوه أبداً بما قدمت أيديهم(..
فالموت مصيبة كما سماه الله تعالى ((فَأَصَابَتْكُم مُّصِيبَةُ الْمَوْتِ.))
لكن بقينا ليه بندور عليه بمنكاش
ليه بقت كل حاجة في حياتنا ممكن تموتنا
و الغريب ان مبقيناش خايفين من الموت و بنتمناه رغم كراهة تمني الموت
هل احنا مستعدين للموت دة
ليه الموت بقا سهل كدة ، حتى على سبيل الاماني بقا موجود
ليه جالي الايميل دة مثلا اللي اسمه اختارلك موته حلوة و رغم انه مكتوب بطريقة كوميدية الا انه يحمل في طياته الالم الساخر او رقص الطير المذبوح
عاوز تموت شهيد ؟
ياتعدي شارع فيصل ....... ياتسوق على الدائري بالليل
عاوز تموت م الجوع ؟
ياتتجوز بنت حلوة غاويه نيو لوك .ياتسافر تعمل شوبينج في لبنان
عاوز تموت م الحسره ؟
ياتتفرج على جلسات مجلس الشعب ....يا تتناقش مع ابنك في القيم والأخلاق
عاوز تموت م الغيظ ؟
ياتتفرج على افلام اليومين دول......... ياتتفرج ع قنوات الفيديو كليب
عاوز تموت م الزهق ؟
ياتدخل على النت من التليفون .... ياتستنى دورك في عيادة الدكتور الكبير من غير واسطة
عاوز تموت من الهبل ؟
ياتسمع الأغاني الشبابية .......... ياتسمع برنامج شبابيك في دريم
عاوز تموت مخنوق ؟
ياتروح تجدد رخصة العربية ......... ياتتفرج على الفضائية المصرية
عاوز تموت مفروووس ؟
ياتتفرج على اعلانات التليفزيون . ياتتفرج على ستار اكاديمي
عاوز تموت مرعوووووب ؟
ياتسأل على سعر الشالية في مارينا ....... ياتروح تحلل المياة الى بنشربها
عاوز تموت مشهور ؟
ياتغني وصوتك وحش ............ ياتعمل نفسك سفاح المعادي
عاوز تموت مليونير ؟
يا تدي دروس لثانوية عامة ............. ياتنتج فيلم لهيفاء وهبي
عاوز تموت ورا الشمس ؟
ياترشح نفسك في انتخابات الرئاسة ............ ياتشتم في الحزب الوطني
عاوز تموت متنكد ؟
ياتتفرج على قناة الجزيرة ....... ياتحاول تفهم إيه إلى بيحصل في العراق
عاوز تموت م الحزن ؟
ياتفكر في أفضل وسيلة للإستفادة من مرتبك... ياتقنع ولادك بالمذاكرة والتفوق
عاوز تموت ف حالك ؟
بطل تعترض على البالي بالك
بصراحة الكلام دة مظبوط و الغريب بقا اننا بنضحك عليه رغم انه الهم اللي يضحك
ليه وصلنا للمرحة دي ؟؟ ليه الموت بقا بيضحكنا
ليه ناس كتير بتتمنى الموت في لحظات الضعف و المشاكل و النوائب ظناً منهم أن الموت هو الحل لسلسلة العذابات اللي عايشنها
رغم اننا منعرفش هو الموت دة حيودينا فين و محدش مات و رجع يحكلنا ماذا بعد الموت؟
منعرفش غير مرحلة اولية مما بعد الموت حفرة – ظلمة – منكر و نكير - اسئلة – اجابات - جنة ان شاء الله او نار نستعيذ بالله منها
سبحان الله اللي بعد كدة مفاجأة محدش عارف نوعها حتى لو احسنا الظن بعملنا
طبيعي الموت حتمي جاي جاي
كما قال الله تعالى ((( كل نفس ذائقة الموت و إنما توفون أجوركم يوم القيامة ) آل عمران : 185 )
مش بناقش حتمية الموت فهي امر بديهي لا شك فيه
لكن عايزة اعرف ليه احلامنا كلها بقيت مبنية على اموات و قبور ناس تانية
ليه الموظف دة عايز المدير بتاعو يموت عشان يترقا و يبقا هو المدير
ليه الراجل دة عايز اخوه يموت عشان يورثه
ليه الست دي عايزة جوزها يموت عشان مش عايزة تطلق لان المجتمع بيشفق على الارملة اكتر
ليه بقينا كارهين الدنيا ؟؟ مين السبب ؟؟ اكيد ناس و الا يمكن ظروف ؟؟؟ طب لو الناس دي ماتت مشاكلنا حتتحل؟؟؟
ليه هو عايزالشخص دة يموت و الشخص دة بردو عايز الاولاني يموت
و الله لو استجاب الله لنا جميعا لموتنا جميعا ايضا
منقول للأفادة
ليه بقت الناس حاسة ان حل مشاكلهم انهم يموتوا او ناس تانية تموت
ليه بقينا حاسين ان سعادتنا متوقفة على موت فلان
ليه بقيت دي نظرتنا للحياة
اليهود زمان ادعوا ان ليهم الدار الاخرة فرد عليهم الله بقوله ((فتمنوا الموت إن كنتم صادقين ))
ثم أخبر سبحانه أنهم لا يتمنونه أبداً بما قدمت أيديهم من الأوزار والذنوب الحائلة بينهم وبين ما قالوه ، فقال ((ولن يتمنوه أبداً بما قدمت أيديهم(..
فالموت مصيبة كما سماه الله تعالى ((فَأَصَابَتْكُم مُّصِيبَةُ الْمَوْتِ.))
لكن بقينا ليه بندور عليه بمنكاش
ليه بقت كل حاجة في حياتنا ممكن تموتنا
و الغريب ان مبقيناش خايفين من الموت و بنتمناه رغم كراهة تمني الموت
هل احنا مستعدين للموت دة
ليه الموت بقا سهل كدة ، حتى على سبيل الاماني بقا موجود
ليه جالي الايميل دة مثلا اللي اسمه اختارلك موته حلوة و رغم انه مكتوب بطريقة كوميدية الا انه يحمل في طياته الالم الساخر او رقص الطير المذبوح
عاوز تموت شهيد ؟
ياتعدي شارع فيصل ....... ياتسوق على الدائري بالليل
عاوز تموت م الجوع ؟
ياتتجوز بنت حلوة غاويه نيو لوك .ياتسافر تعمل شوبينج في لبنان
عاوز تموت م الحسره ؟
ياتتفرج على جلسات مجلس الشعب ....يا تتناقش مع ابنك في القيم والأخلاق
عاوز تموت م الغيظ ؟
ياتتفرج على افلام اليومين دول......... ياتتفرج ع قنوات الفيديو كليب
عاوز تموت م الزهق ؟
ياتدخل على النت من التليفون .... ياتستنى دورك في عيادة الدكتور الكبير من غير واسطة
عاوز تموت من الهبل ؟
ياتسمع الأغاني الشبابية .......... ياتسمع برنامج شبابيك في دريم
عاوز تموت مخنوق ؟
ياتروح تجدد رخصة العربية ......... ياتتفرج على الفضائية المصرية
عاوز تموت مفروووس ؟
ياتتفرج على اعلانات التليفزيون . ياتتفرج على ستار اكاديمي
عاوز تموت مرعوووووب ؟
ياتسأل على سعر الشالية في مارينا ....... ياتروح تحلل المياة الى بنشربها
عاوز تموت مشهور ؟
ياتغني وصوتك وحش ............ ياتعمل نفسك سفاح المعادي
عاوز تموت مليونير ؟
يا تدي دروس لثانوية عامة ............. ياتنتج فيلم لهيفاء وهبي
عاوز تموت ورا الشمس ؟
ياترشح نفسك في انتخابات الرئاسة ............ ياتشتم في الحزب الوطني
عاوز تموت متنكد ؟
ياتتفرج على قناة الجزيرة ....... ياتحاول تفهم إيه إلى بيحصل في العراق
عاوز تموت م الحزن ؟
ياتفكر في أفضل وسيلة للإستفادة من مرتبك... ياتقنع ولادك بالمذاكرة والتفوق
عاوز تموت ف حالك ؟
بطل تعترض على البالي بالك
بصراحة الكلام دة مظبوط و الغريب بقا اننا بنضحك عليه رغم انه الهم اللي يضحك
ليه وصلنا للمرحة دي ؟؟ ليه الموت بقا بيضحكنا
ليه ناس كتير بتتمنى الموت في لحظات الضعف و المشاكل و النوائب ظناً منهم أن الموت هو الحل لسلسلة العذابات اللي عايشنها
رغم اننا منعرفش هو الموت دة حيودينا فين و محدش مات و رجع يحكلنا ماذا بعد الموت؟
منعرفش غير مرحلة اولية مما بعد الموت حفرة – ظلمة – منكر و نكير - اسئلة – اجابات - جنة ان شاء الله او نار نستعيذ بالله منها
سبحان الله اللي بعد كدة مفاجأة محدش عارف نوعها حتى لو احسنا الظن بعملنا
طبيعي الموت حتمي جاي جاي
كما قال الله تعالى ((( كل نفس ذائقة الموت و إنما توفون أجوركم يوم القيامة ) آل عمران : 185 )
مش بناقش حتمية الموت فهي امر بديهي لا شك فيه
لكن عايزة اعرف ليه احلامنا كلها بقيت مبنية على اموات و قبور ناس تانية
ليه الموظف دة عايز المدير بتاعو يموت عشان يترقا و يبقا هو المدير
ليه الراجل دة عايز اخوه يموت عشان يورثه
ليه الست دي عايزة جوزها يموت عشان مش عايزة تطلق لان المجتمع بيشفق على الارملة اكتر
ليه بقينا كارهين الدنيا ؟؟ مين السبب ؟؟ اكيد ناس و الا يمكن ظروف ؟؟؟ طب لو الناس دي ماتت مشاكلنا حتتحل؟؟؟
ليه هو عايزالشخص دة يموت و الشخص دة بردو عايز الاولاني يموت
و الله لو استجاب الله لنا جميعا لموتنا جميعا ايضا
منقول للأفادة